ᓄᓇᓕᓐᓂᒥᐅᑕᐃᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᒃᑰᔫᑦ ᓄᖅᑲᖓᒋᐊᖃᖏᓯᐊᖅᑐᑦ ᐊᑐᕆᐊᓂ
ᓅᕖᐱᕆ 13, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᐃᖅᑲᐃᑎᑦᓯᒍᒪᓕᕆᕗᑦ ᓄᓇᓕᕐᒥᐅᑕᓂᒃ ᒪᓕᑦᑐᒋᑦ ᓄᓇᕗᑦ ᐊᑐᕆᐊᒃᑯᑦ ᐃᖏᕐᕋᕙᑦᑐᑦ ᐊᑦᑕᓇᑦᑕᐃᓕᒪᓂᕐᒧᑦ ᒪᓕᒐᖅ ᐊᒻᒪ ᓄᓇᓕᐸᐅᔭᐃᑦ ᐃᖃᓗᐃᑦ ᒪᓕᒐᕋᓛᖁᑎᖓᑦ 625 (ᐃᖏᕐᕋᔪᓄᑦ, ᓄᖅᑲᖓᔪᓄᑦ, ᐊᒻᒪ ᐱᓱᕝᕕᓐᓄᑦ ᒪᓕᒐᕋᓛᖅ), ᓄᓇᒃᑰᔫᑦ ᓄᖅᑲᖓᒋᐊᖃᖏᓯᐊᖅᑐᑦ ᐊᑐᕆᐊᓂ ᐱᔪᓐᓇᐅᑎᖃᖅᑎᑕᐅᖏᒃᑯᑎᒃ ᑎᑎᕋᕐᓯᒪᔪᒃᑯᑦ ᐃᖏᕐᕋᕙᑦᑐᓄᑦ ᑐᕌᖓᔪᓄᑦ ᑎᑎᖅᑲᓄᑦ. ᓄᓇᒃᑰᔫᑦ ᓄᖅᑲᖓᑎᑕᐅᔪᑦ ᓱᕋᐃᓗᑎᒃ ᐆᕕᖓ ᒪᓕᒐᕐᒥᒃ ᐊᑭᓖᑎᑕᐅᒍᓐᓇᖅᑐᑦ ᑎᑭᒍᓐᓇᖅᑐᓂᒃ ᐃᒪᓐᓇᓄᑦ $75.00, ᐊᒻᒪ ᑲᓕᑕᐅᒍᓐᓇᖅᑐᓂ ᓄᓇᒃᑰᔫᖅ ᓄᓇᒃᑰᔫᖁᑎᓕᒃ ᐊᑭᓖᒋᐊᖃᕋᔭᖅᑐᓂ ᑲᓕᑦᑕᐅᒍᑎᓂᒃ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᒪᑐᐃᖅᑕᐅᑲᓐᓂᕐᓂᐅᓴᓕᖅᑐᖅ ᓂᐊᖁᖕᖒᑎᓂ ᐃᑳᕈᑎ
ᓅᕖᐱᕆ 12, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᖁᕕᐊᒋᑦᑎᐊᖅᑐᒍ ᐅᖃᐅᓯᖃᕈᒪᓕᕐᒥᔪᑦ ᒪᑐᐃᖅᑕᐅᑲᓐᓂᕐᓂᐊᓕᕐᓂᖓᓄᑦ ᓄᑖᖅ ᓴᓇᔭᐅᒋᐊᓚᐅᖅᑐᖅ ᓂᐊᖁᖕᖒᑎᓂ ᐃᑳᕈᑎ, ᐱᒋᐊᕐᓗᓂ ᓅᕖᐱᕆ 13, 2024, ᐅᓪᓗᒃᑯᑦ ᖁᓛᓅᖅᐸᑦ 12-ᒨᖅᐸᑦ. ᐃᑳᕈᑎ ᒪᕐᕉᓐᓂᒃ ᐊᑐᕆᐊᖃᓕᖅᑐᖅ ᐊᒻᒪ ᐱᓱᕝᕕᖃᓕᖅᑐᓂ, ᐱᐅᓯᑎᒋᐊᖅᑕᐅᓗᑎᒃ ᐊᑐᖅᑕᐅᔪᓐᓇᕐᓂᖏᑦ ᐊᒻᒪ ᐊᑦᑕᓇᖅᑐᒦᓐᓂᐊᕈᓐᓃᖅᑐᑎᒃ ᑕᒪᒃᑮᑦ ᓄᓇᒃᑰᔫᖅᐸᓂᐊᖅᑐᑦ ᐊᒻᒪ ᐱᓱᑉᐸᓂᐊᖅᑐᑦ ᐃᑳᕈᑎᒃᑯᑦ.

ᐃᓄᖕᓄᑦ ᑐᓴᕋᑦᓴᖅ

ᐅᐱᒍᓲᑎᖃᕐᓂᖅ ᐃᖅᑲᐅᒪᓇᐅᓕᖅᐸᑦ ᐅᓪᓗᖓᓂᒃ

ᓅᕖᐱᕆ 11, 2024 – ᐃᖃᓗᐃᑦ, ᓄᓇᕗᑦ

ᐅᓪᓗᒥ ᐃᖅᑲᐅᒪᓐᓇᐅᑎᓪᓗᒍ ᐅᓪᓗᖓᓂ, ᓄᓇᓕᐸᐅᔭᒃᑯᑦ ᐃᖃᓗᓐᓂ ᐃᓚᒋᔭᐅᓂᐊᖅᑐᑦ ᓄᓇᓕᓐᓄᑦ ᑲᓇᑕᒥ ᓇᒥᑐᐃᓐᓈᖅᑐᓄᑦ ᓄᖅᑲᑲᐃᓐᓇᓂᒃᑯᑦ ᐅᐱᒋᔪᒪᓪᓗᒋᑦ ᐃᓅᓯᕐᒥᓂᒃ ᐊᑐᐃᓐᓇᕈᐃᕙᓚᐅᖅᑐᑦ ᐊᒻᒪ ᐱᔨᑦᓯᕋᐅᑎᖃᖅᐸᓚᐅᖅᑐᑦ ᐃᓘᓐᓇᑦᓯᐊᑎᓐᓂᒃ ᐱᔨᑦᓯᕋᖅᑎᐅᓗᑎᒃ ᑲᓇᑕᐅᑉ ᐅᓇᓕᖁᑎᖏᓐᓂ. ᐊᑐᖅᑕᐅᓯᒪᔪᓂᒃ ᓄᓇᕐᔪᐊᕐᒥᐅᑕᓄᑦ ᖁᕕᐊᓱᖏᕝᕕᐅᕙᓚᐅᖅᑐᓂ ᒫᓐᓇᒧᑦ ᓴᐃᓕᖓᖁᔨᓂᒃᑯᑦ ᐱᓕᕆᐊᖃᖅᐸᑦᑐᑎᒃ, ᐱᓕᕆᔪᒪᓯᒪᓂᖏᑦ ᐊᒻᒪ ᑲᑉᐱᐊᓱᖏᓯᐊᖅᑐᑎᒃ ᓇᓗᓇᐃᔭᐃᓯᒪᔪᑦ ᐊᑦᑕᓇᖅᑐᓂᒃ ᐅᕙᑦᑎᓐᓄᑦ ᓴᖅᑮᖁᔨᒐᑎᒃ, ᖃᓄᐃᖁᔨᒐᑎᒃ, ᐊᒻᒪ ᐃᓱᒪᕐᓱᖁᓪᓗᒋᑦ ᑭᖑᕚᕇᖑᔪᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐅᐱᒍᓲᑎᖃᕐᓂᖅ ᐃᖅᑲᐅᒪᓗᒋᑦ ᑲᓇᑕᒥ ᓄᓇᖃᖅᑳᕐᓯᒪᔪᓄᑦ ᐅᓇᓕᕐᓄᑦ ᐃᓚᒋᔭᐅᓚᐅᖅᑐᓄᑦ ᐅᓪᓗᖓᓂ
ᓅᕖᐱᕆ 8, 2024 – ᐃᖃᓗᐃᑦ, ᓄᓇᕗᑦ

ᐅᓪᓗᒥ ᑲᓇᑕᒥ ᓄᓇᖃᖅᑳᕐᓯᒪᔪᓄᑦ ᐅᓇᓕᕐᓄᑦ ᐃᓚᒋᔭᐅᓚᐅᖅᑐᓄᑦ ᐅᓪᓘᑎᓪᓗᒍ, ᓄᓇᓕᐸᐅᔭᒃᑯᑦ ᐃᖃᓗᓐᓂ ᐃᖅᑲᐅᒪᕗᑦ ᐊᒻᒪ ᐅᐱᒍᓲᑎᖃᖅᑐᑎᒃ ᓄᓇᖃᖅᑳᕐᓯᒪᔪᓂᒃ ᑭᒃᑯᑐᐃᓐᓇᕐᓂᒃ ᐱᔨᑦᓯᕋᖃᑕᐅᓚᐅᖅᑐᓂᒃ ᐅᓇᑕᖅᑐᖃᖅᑎᓪᓗᒍ ᐊᒻᒪ ᓴᐃᓕᖓᓕᖅᑎᓪᓗᒋᑦ - ᐅᓇᖃᕐᓂᕐᒥ ᐊᕐᕌᒍᒥ 1812 ᐋᕝᒑᓂᔅᑖᓐᒧᑦ - ᐊᒻᒪ ᑕᐃᒃᑯᓂᖓ ᐅᓪᓗᒥᒧᑦ ᐱᔨᑦᓯᕋᖅᑎᐅᔪᓄᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᓕᐸᐅᔭᒃᑯᑦ ᐊᓪᓚᕝᕕᖓᑦ ᒪᑐᓯᒪᓛᖅᑐᖅ - ᐃᖅᑲᐅᒪᓇᐅᓕᖅᐸᑦ ᐅᓪᓗᖓᓂ
ᓅᕖᐱᕆ 7, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᓄᓇᓕᐸᐅᔭᒃᑯᑦ ᐊᓪᓚᕝᕕᖏᑦ ᒪᑐᓯᒪᓛᕐᓂᖏᓐᓄᑦ ᓇᒡᒋᔾᔭᐅᒥ, ᓅᕖᐱᕆ 11, 2024, ᐃᓱᒪᒋᔭᐅᖁᓪᓗᒍ ᐃᖅᑲᐅᒪᓇᐅᑉ ᐅᓪᓗᖓ.

ᖃᐅᔨᒪᖁᔭᐅᕗᓯ ᓇᔪᒐᓕᓐᓂᒃ ᐃᒥᕐᒧᑦ ᐊᒻᒪ ᑭᓈᓗᓕᕆᓂᕐᒧᑦ ᐱᔨᑦᓯᕋᖅᑏᑦ, ᐊᒻᒪᑦᑕᐅᖅ ᓴᓂᑦᑕᖅᑏᑦ, ᐱᐅᓯᕐᒥᓂᒃ ᐊᑐᑐᐃᓐᓇᓛᕐᒪᑕ. ᐃᖃᓗᓐᓂ ᐳᐃᔾᔪᕋᕐᕕᖃᕐᕕᒃ ᒪᑐᐃᖓᑎᑕᐅᓛᖅᑐᖅ ᐅᓪᓗᒃᑯᑦ 12-ᒥᒃ 4-ᒧᓄᑦ ᐅᓐᓄᓴᒧᑦ, ᐊᒻᒪ ᐱᓕᕆᐊᑦᓴᕆᕙᑦᑕᖏᑦ ᐊᑐᖅᑕᐅᕙᑦᑐᑦ ᑕᒪᒃᑮᓐᓂ ᐅᑭᐅᒃᑯᑦ ᐱᖕᖑᐊᕐᕕᐊᓗᒻᒥ ᐊᓐᓂᑭᑦᑐᕐᕕᒃ ᐊᒻᒪ ᐊᕐᓇᐃᑦᑐᖅ ᐊᓐᓂᑭᑦᑐᕐᕕᒃ ᐊᑐᖅᑕᐅᓛᖅᑐᑦ.

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᓄᑖᖖᒍᕆᐊᕐᓗᒍ ᑎᑎᖅᑲᕐᓂᐊᕐᕕᒃᑯᑦ ᑐᕌᕈᑏᑦ ᐃᖃᓗᐃᑦ ᓄᓇᓕᐸᐅᔭᒃᑯᓐᓃᑦᑐᖅ
ᓅᕖᐱᕆ 7, 2024 – ᐃᖃᓗᐃᑦ ᓄᓇᕗᑦ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᐊᓯᔾᔨᕋᑖᓚᐅᕐᒪᑦ ᐊᑐᕐᓂᖕᒐ ᑎᑎᖅᑲᕐᓂᐊᕐᕕᒃᑰᕈᑎᖕᒐᑦ (P.O. Box) ᐃᒡᓗᖕᒐᓄᑦ ᑐᕌᕈᑎᖕᒐᓄᑦ. ᐃᓚᒋᔭᐅᓪᓗᓂ ᐆᒪ ᓄᑖᖖᒍᕆᐊᖅᓯᒪᓂᖕᒐᓄᑦ, ᐱᒻᒪᕆᐅᕗᖅ ᒫᓐᓇ ᑕᒻᒪᖅᓯᒪᖖᒋᑦᑐᓂᒃ ᑐᕌᕈᑎᖃᕆᐊᖃᕐᓂᕐᒥᒃ ᑐᕌᕈᑎᒃᑯᕕᑦᑎᓐᓂᒃ.

ᐱᔭᕇᓚᐅᖖᒋᒃᑯᕕᑦ, ᓄᑖᖖᒍᕆᕐᓗᒍ ᑐᕌᕈᑏᑦ ᑲᓇᑕᒥ ᑎᑎᖅᑲᒃᑯᕕᖕᒧᑦ ᑎᑎᕋᕐᓗᒍ ᐃᒡᓗᕕᑦ ᑐᕌᕈᑎᖕᒐ ᐱᔪᓐᓇᖅᓯᑐᐊᕈᕕᑦ. ᑕᒪᓐᓇ ᐱᑲᐅᑎᒋᔪᓐᓇᖃᑦᑕᕐᓂᐊᕋᕕᑦ ᖃᐅᔨᒃᑲᐃᔾᔪᑎᓂᒃ ᑭᖕᒍᕙᖖᒋᑦᑎᐊᖅᑐᓂᑦ

ᐃᓄᖕᓄᑦ ᑐᓴᕋᑦᓴᖅ

ᑐᓴᕆᐊᕈᑎ ᐱᓪᓗᒍ ᐃᓄᐃᑦ ᓱᕈᓯᕐᓄᑦ ᓯᕗᓪᓕᖅ ᐱᒋᐊᖅᑎᑕᐅᓯᒪᔪᖅ

ᓅᕖᐱᕆ 6, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᖁᕕᐊᒋᓪᓗᒍ ᑐᓴᕆᐊᖅᑎᑦᓯᒍᒪᓕᕆᕗᑦ ᐱᓪᓗᒍ ᐃᓄᐃᑦ ᓱᕈᓯᕐᓄᑦ ᓯᕗᓪᓕᖅ ᐱᒋᐊᖅᑎᑕᐅᓯᒪᔪᖅ. ᓱᓕ ᐱᑎᑕᐅᖏᓐᓇᖅᑐᒍᑦ ᑐᑦᓯᕋᐅᑎᓂᒃ ᖃᐅᑕᒫᖅ ᐊᒻᒪ ᐱᓕᕆᐊᕆᔭᒻᒪᕆᒋᓪᓗᒋᑦ ᓇᓗᓇᐃᔭᐃᕙᑦᑐᑕ ᐊᒻᒪ ᐊᖏᖅᑕᐅᕙᑦᑐᑎᒃ ᑐᐊᕕᐊᕆᓇᓱᑦᑐᒋᑦ. ᑐᑭᓯᒋᐊᖅᑎᑕᐅᓚᐅᖏᒃᑯᕕᑦ ᓱᓕ ᐱᔾᔪᑎᒋᓪᓗᒍ ᑐᑦᓯᕋᐅᑎᓕᐊᕆᓚᐅᖅᑕᐃᑦ, ᐃᕐᖐᓇᖅᑕᐅᑎᒃᑯᑦ ᑎᑎᕋᖁᔪᖅ ᐅᕗᖓ icfi@iqaluit.ca ᐃᑲᔪᖅᑕᐅᓂᐊᕋᕕᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴ
ᐃᓄᐃᑦ ᓱᕈᓰᑦ ᓯᕗᓪᓕᖅᐹᒥ ᐱᒋᐊᖅᑎᑦᓯᔾᔪᑎᒧᑦ ᐅᐸᓗᖓᐃᔭᐃᕕᑦᓴᑦ ᐅᓪᓗᕐᓯᐅᑎᒍᑦ
ᐋᒃᑑᐸ 31, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᒃ ᐃᖃᓗᓐᓂ ᑐᓴᐅᒪᖁᔨᓕᕆᕗᑦ ᐃᓘᓐᓇᖏᓐᓂᒃ ᐊᑎᓕᐅᕐᓯᒪᔪᓂᒃ ᐊᑐᕐᓂᐊᖅᑐᓂᒃ ᐃᓄᓐᓄᒃ ᓱᕈᓯᕐᓄᑦ ᓯᕗᓪᓕᖅᐹᒥ ᐱᒋᐊᖅᑎᑕᐅᓯᒪᔪᒥᒃ ᐅᑕᖅᑭᖃᑦᑕᕆᐊᖃᕐᓂᐊᕐᒪᑕ ᐃᒻᒪᖄ ᑕᓪᓕᒪᓂᒃ (5) ᐅᓪᓗᕐᓂᒃ ᐃᖅᑲᓇᐃᔭᕐᓇᐅᔪᓂᒃ ᓂᐅᕕᕐᕕᓕᐊᓚᐅᖏᓂᕐᒥᓂ ᓂᕈᐊᒐᕆᓯᒪᔭᕐᒥᓄᑦ. ᐊᑐᓂ ᓂᐅᕕᕐᕕᐅᔪᑦ ᐋᖅᑭᑦᓱᐃᕙᓐᓂᐊᖅᑐᑦ ᐊᑎᖃᕐᕕᑦᓴᖏᓐᓂᒃ ᐊᑎᓕᐅᕐᓯᒪᔪᑦ ᐊᑐᕐᓂᐊᖅᑐᑦ ᐊᒻᒪ ᐊᑐᓂ ᓱᕈᓯᕐᓄᑦ ᐊᑎᓕᐅᕐᓯᒪᔪᓄᑦ ᐱᓕᕆᐊᑦᓴᒃᑯᑦ, ᓇᓗᓇᐃᕐᓯᒪᒍᒪᓪᓗᑎᒃ ᐊᑎᖃᕐᕕᐅᔪᑦ ᐊᑐᓂ ᑐᕌᖓᒐᓗᐊᕐᒪᖔᑕ ᐃᓘᓐᓇᖏᓐᓄᑦ ᐊᑎᖃᖃᑕᐅᔪᓄᑦ ᐱᔪᓐᓇᖅᑎᑕᐅᔪᓄᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᕼᐋᓗᐄᓐᖑᓕᖅᐸᑦ ᐊᑦᑕᓇᑦᑕᐃᓕᒪᓂᕐᒥᒃ ᐃᖅᑲᐃᑎᑦᓯᔾᔪᑎ
ᐋᒃᑑᐸ 31, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᐃᖅᑲᐃᑎᑦᓯᒍᒪᓕᕆᕗᑦ ᓄᓇᓕᕐᒥᐅᑕᓂᒃ ᐅᔾᔨᕈᓱᒋᐊᑲᓐᓂᖁᔨᓪᓗᑎᒃ ᐊᑐᕆᐊᒃᑯᑦ ᓇᓕᐊᓐᓄᕋᖅᑎᓪᓗᒋᑦ ᕼᐋᓗᐄᖑᓂᐊᖅᑐᒥ ᐅᓐᓄᒃᑯᑦ, ᑎᓴᒻᒥᕐᒥ, ᐋᒃᑑᐸ 31, 2024.

ᐅᓐᓄᖃᖁᓪᓗᒋᑦ ᐊᑦᑕᓇᔾᔭᐃᕐᓯᒪᑦᓯᐊᖅᑐᒥᒃ ᓱᕈᓰᑦ ᐳᓚᕋᓛᕐᒥᔪᑦ ᐃᖃᓗᓐᓂ ᒪᓕᒐᕋᓛᓕᕆᔨᒃᑯᑦ ᐊᒻᒪ ᐃᖃᓗᓐᓂ ᖃᑦᑎᕆᔨᒃᑯᑦ ᓇᒥᑐᐃᓐᓈᓛᖅᑐᑦ ᑕᐃᑲᓂ ᐅᓐᓅᓕᖅᐸᑦ ᐃᖃᓗᐃᑦ ᐃᓗᐊᓂ. ᐃᑲᔪᕈᓐᓇᓛᖅᑐᑦ ᐃᓚᒌᓂᒃ ᐃᑲᔪᖅᑕᐅᒋᐊᖃᑐᐃᓐᓇᕆᐊᓕᓐᓂᒃ, ᖃᐅᔨᓴᕐᓗᑎᒃ ᐃᓗᐊᓂ ᓄᓇᓕᐅᑉ ᓇᓕᐊᓐᓄᕋᕐᓗᑎᒃ, ᐊᒻᒪ ᓴᖅᑭᔮᕐᓗᑎᒃ ᖃᓄᐃᑦᑐᖃᖁᓇᒍ ᐃᓱᒫᓗᖁᓇᒋᓪᓗ ᐊᓂᐊᕋᓛᖅᑐᑦ.

ᓱᕈᓯᕐᒥᒃ ᖃᓄᐃᑦᑐᖃᓕᕈᓂ ᐳᓚᕋᑦᑐᓂᒃ, ᑕᒪᒃᑯᓄᖓ ᐱᓕᕆᔨᓄᑦ ᐅᐸᒍᓐᓇᑦᓯᐊᓛᖅᑐᑦ ᐃᑲᔪᖅᑕᐅᒋᐊᖃᕈᑎᒃ.