ᐱᖕᖑᐊᖅᑐᓕᕆᓂᖅ

ᕿᑲᕐᓇᐅᑎᓪᓗᒍ ᐅᓪᓗᕐᓯᐅᑎᖏᑦ ᓄᓇᒃᑰᔫᒃᑯᑦ ᐱᔨᑦᓯᕋᖅᑏᑦ

ᓯᑎᒃᑯᑦ ᖃᐅᔨᒪᖁᔨᔪᑦ ᓄᓇᓕᕐᒥᐅᑕᓂᑦ ᓄᓇᒃᑰᔫᒃᑯᑦ ᐱᔨᑦᓯᕋᖅᑏᑦ ᐱᔨᑦᓯᕋᓛᖏᒻᒪᑕ ᖁᕕᐊᓱᕝᕕᐅᑉ ᐅᓪᓗᖓᓂ ᑕᓪᓕᒥᕐᒥ, ᑏᓰᐱᕆ 25, 2020 ᐊᒻᒪ ᐊᕐᕌᒎᑉ ᓄᑖᑉ ᐅᓪᓗᖓᓂ ᑕᓪᓕᒥᕐᒥ, ᔮᓐᓄᐊᕆ 1, 2020.

ᖃᐅᔨᒪᓛᖁᓯ ᐅᑯᐊ ᐅᓪᓗᕐᓯᐅᑎᒋᓛᖅᑕᖓᓐᓂᑦ ᓄᓇᒃᑰᔫᒃᑯᑦ ᐱᔨᑦᓯᕋᖅᑏᑦ:

ᐃᒥᕐᒧᑦ ᐊᒻᒪ ᑭᓈᓗᓐᓄᑦ ᓄᓇᒃᑰᔫᒃᑯᑦ ᐱᔨᑦᓯᕋᖅᑏᑦ

ᕿᑲᕐᓇᐅᓂᖓᓂ ᐃᑲᕐᕋᖏᑦ ᐱᖕᖑᐊᖅᑐᓕᕆᔨᒃᑯᑦ ᐱᓕᕆᕝᕕᖏᑕ

ᐃᖃᓗᓐᓂ ᐳᐃᔾᔪᕋᕐᕕᖃᕐᕕᒃ ᒪᑐᓯᒪᓛᖅᑐᖅ ᑏᓰᐱᕆ 25, 26, ᐊᒻᒪ ᔮᓐᓄᐊᕆ 1; ᐊᒻᒪ ᕿᑲᕐᓇᒥ ᐃᑲᕐᕋᖏᑦ (12−ᒥᑦ ᐅᓪᓗᒃᑯᑦ 4−ᒧᑦ ᐅᓐᓄᓴᒃᑯᑦ) ᑏᓰᐱᕆ 24−ᒥ ᐊᒻᒪ ᑏᓰᐱᕆ 31. ᑐᑭᓯᒋᐊᒃᑲᓐᓂᕐᕕᑦᓴᖅ ᐅᖄᓚᐅᑎᒃᑯᑦ 979−5611 ᐅᕝᕙᓘᓐᓃᑦ ᐅᕘᓇ aquaticcentre@iqaluit.ca.

ᐊᓐᓂᑭᑦᑐᕐᕖᒃ ᒪᑐᓯᒪᓛᖅᑑᒃ ᑏᓰᐱᕆ 24, 25, 26, 28, ᐊᒻᒪ 31; ᐊᒻᒪ ᕿᑲᕐᓇᒥ ᐃᑲᕐᕋᖏᑦ (9−ᒥᑦ ᐅᓪᓛᒃᑯᑦ 10−ᒧᑦ ᐅᓐᓄᒃᑯᑦ) ᑏᓰᐱᕆ 19−ᒥᑦ ᔮᓐᓄᐊᕆ 2−ᒧᑦ ᐊᑐᖅᑐᐊᕈᒪᓂᐊᖅᑐᑦ (ᑭᒃᑯᑐᐃᓐᓇᐃᑦ ᐅᕝᕙᓘᓐᓃᑦ ᐃᓚᒌᑦ ᐊᓐᓂᑭᑦᑐᓛᕐᕕᖃᖕᖏᑦᑐᑦ). ᐊᓐᓂᑭᑦᑐᓛᕐᕖᑦ ᐅᑎᓛᕐᒥᔪᑦ ᐃᑲᕐᕋᐃᑦ ᐱᐅᓯᖏᓐᓄᑦ ᓈᑦᓯᐅᖑᔭᒥ, ᔮᓐᓄᐊᕆ 3, 2021.

ᐃᒪᕐᒥᒃ ᖃᓛᖅᑎᑦᑎᑲᑕᖁᔭᐅᔪᑦ ᖃᓛᖅᑎᑦᑎᑲᑕᒍᓐᓃᕋᓗᐊᖅᐸᑕ ᖃᓄᐃᑦᑐᓐᓃᖅᑐᖅ - ᐃᓄᒋᐊᕝᕕᖓ

ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᑦ ᐃᒥᕐᒥᒃ ᑎᖅᑎᑎᑦᑎᖁᔨᓂᖅ ᐅᕙᓂ ᐲᖅᑕᐅᒻᒪᑦ: 782,784,786,788,790,792,806,808,810.

ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓪᓗᒃᑯᑦ ᐃᖅᑲᓇᐃᔭᕐᓇᐅᑎᓪᓗᒍ ᐅᕗᖓ:

ᓲ ᐊᐃᕗᕆ

ᓄᓇᓕᐸᐅᔭᐃᑦ ᐃᖃᓗᐃᑦ

S.Avery@iqaluit.ca 

867-979-5630

ᑐᐊᕕᕐᓇᖅᑐᒥᒃ ᐃᒥᓕᕆᓂᒃᑯᑦ (ᓯᑎᒃᑯᑦ ᓱᓪᓗᓕᖏᓐᓂ ᐃᒥᕐᒧᑦ ᐅᕝᕙᓘᓐᓃᑦ ᐳᓪᓚᖃᖅᑑᔮᕈᓐᓃᖅᐸᑦ) ᐃᖅᑲᓇᐃᔭᕐᓇᐅᔪᓐᓃᑎᓪᓗᒍ ᖃᐅᔨᒋᐊᖁᔪᑦ ᐅᑯᐊ: ᓯᑎᒃᑯᑦ ᑐᐊᕕᕐᓇᖅᑐᓕᕆᔨᒃᑯᑦ ᑭᐅᔨᖏᓐᓄᑦ 867-979-5650

ᐃᒪᖃᖕᖏᑲᐃᓐᓇᓂᐊᖅᑐᑦ ᐊᒻᒪ ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔭᐅᓂᐊᖅᑐᑦ ᓄᓇᓕᐅᑉ ᕿᑎᐊᓂᕐᒥᐅᑕᐃᑦ

ᖃᐅᔨᒪᓂᐊᖅᑯᓯ ᐃᒥᖃᖕᖏᑲᐃᓐᓇᓂᐊᕐᒪᑕ ᓄᓇᓕᐅᑉ ᕿᒥᐊᓂᕐᒥᐅᑕᐃᑦ ᓇᒡᒋᔾᔭᐅᓕᖅᑭᕐᒥ, ᑏᓰᐱᕆ 8, 2020 ᐅᓐᓄᓴᓕᒫᖅ ᐱᒋᐊᕐᓗᑎᒃ 1−ᒥᑦ 5−ᒧᓄᑦ ᓴᓇᔭᐅᑲᐃᓐᓇᓂᐊᕐᒪᑦ ᐃᒥᓕᕆᔾᔪᑎᐅᔪᖅ.

ᐃᒪᖃᖕᖏᑲᐃᓐᓇᓂᐊᖅᑐᑦ ᐅᑯᐊ: 782,784,786,788,790,792,806,808,810.

ᓄᓇᓕᐸᐅᔭᐃᑦ ᐃᖃᓗᐃᑦ ᑖᒃᑯᓄᖓᑦᑕᐃᓐᓇᖅ ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔨᓂᐊᖅᑐᑦ.

ᑕᒪᓐᓇ ᐅᔾᔨᕈᓱᒋᐊᖁᔨᔾᔪᑎᐅᔪᖅ ᐊᑐᖅᑕᐅᖁᔭᐅᔪᖅ ᐱᔾᔪᑎᒋᓪᓗᒍ ᓄᖅᑲᖅᑎᑕᐅᑲᐃᓐᓇᕐᓂ ᐃᒥᐅᑉ ᐊᐅᓚᓂᖓ ᓴᓇᔭᐅᓂᖓᓂ ᐃᒥᓕᕆᔾᔪᑎᐅᔪᖅ.

ᐃᖃᓗᓐᓂ ᖃᑦᑎᕆᔨᒃᑯᑦ ᐅᐸᓚᐅᖅᑐᑦ ᐃᓪᓗᒥᑦ ᐃᑭᑦᑐᖃᖅᑎᓪᓗᒍ ᕼᐋᐱ ᕚᓕᒥ

9:56-ᑎᓪᓗᒍ ᐅᓛᓴᒃᑯᑦ ᑏᓰᐱᕆ 7, 2020, ᐃᖃᓗᐃᑦ ᑐᐊᕕᕐᓇᖅᑐᓕᕆᔨᒃᑯᖏᑦ ᐅᖄᓚᕕᐅᓚᐅᖅᑐᑦ ᕼᐋᐱ ᕚᓕᒥ ᐃᖃᓗᓐᓂ ᐃᓪᓗᒥᑦ ᐃᑯᐊᓚᔪᖃᕐᓂᕋᐃᔪᒧᑦ. ᐃᖃᓗᐃᑦ ᖃᑦᑎᕆᔨᖏᑦ 14−ᖑᓚᐅᖅᑐᑦ ᐊᒻᒪ 7−ᖑᓪᓗᑎᒃ ᐊᑭᓕᕐᓱᖅᑕᐅᒐᑎᒃ ᐃᑲᔪᖅᑎᐅᔪᑦ ᐅᐸᓚᐅᖅᑐᑦ.

ᑎᑭᒃᑲᒥᒃ, ᖃᑦᑎᕆᔩᑦ ᑕᑯᓚᐅᖅᑐᑦ ᐃᑯᐊᓚᔪᖅ ᐄᒐᓛᒃᑰᓕᕇᓐᓂᖓᓂᑦ, ᐃᓪᓗᒧᑦ ᐃᓯᓵᓕᓚᐅᖅᑐᑦ ᐊᒻᒪ ᐃᑯᐊᓚᔪᖅ ᐃᓪᓗᕈᓯᕐᒥᒃ ᐃᑭᒋᐊᖕᖓᓚᐅᖅᑐᒥᑦ ᓯᓚᑖᓅᕈᓐᓇᕐᓯᓚᐅᖏᓪᓚᑐᖅᑐᖅ.

ᐊᑕᐅᓯᖅ ᐃᓪᓗᒥ ᓇᔪᓚᐅᖅᑐᖅ ᕿᑭᖅᑕᓂ ᐋᓐᓂᐊᕕᖓᓅᕈᔾᔭᐅᓚᐅᖅᑐᖅ ᖃᐅᔨᓴᖅᑕᐅᖁᔭᐅᓗᓂ ᖃᓄᐃᖏᒃᑲᓗᐊᕐᒪᖔᖅ.

ᐊᓪᓚᕝᕕᖓ ᖃᑦᑎᕆᔨᒻᒪᕆᒃᑯᑦ ᖃᐅᔨᓴᖅᐸᓪᓕᐊᓕᖅᑐᑦ ᖃᓄᖅ ᐃᑭᒋᐊᖕᖓᓚᐅᕐᒪᖔᖅ.

ᖃᒧᑕᐅᔭᐃᑦ ᐊᑦᑕᓇᑦᑕᐃᓕᒪᐅᑎᖏᑦ ᐊᒻᒪ ᐃᖅᑲᐃᑎᑦᑎᔾᔪᑏᑦ

ᓯᑎᒃᑯᑦ ᐃᖅᑲᐃᑎᑦᑎᒍᒪᓕᕐᒥᔪᑦ ᖃᒧᑕᐅᔭᖅᐸᑦᑐᓂᑦ ᐅᔾᔨᕈᓱᑦᓯᐊᖃᑦᑕᕆᐊᖃᕐᓂᖏᓐᓂᑦ ᐊᒻᒪ ᒪᓕᑉᐸᓪᓗᑎᒃ
ᐊᑦᑕᓇᑦᑕᐃᓕᒪᐅᑎᓂᑦ ᐱᓕᕆᔾᔪᑎᓂᑦ ᐊᐅᓚᑦᑎᓕᕋᐃᒍᑎᒃ ᖃᒧᑕᐅᔭᒥᓂᒃ ᐅᑭᐅᖑᓂᐊᖅᑐᖅ.

ᒪᓕᑦᑐᒋᑦ ᑎᑎᕋᕐᓯᒪᔪᑦ ᓯᑎᒃᑯᑦ ᒪᓕᒐᕋᓛᖁᑎᖓᓐᓂ 557, ᖃᒧᑕᐅᔭᖅᐸᑦᑐᑦ ᐃᓱᒫᓘᔾᔪᒥᖁᔭᐅᕙᑦᑐᑦ ᐊᒻᒪ
ᐊᓯᒥᓂᒃ ᐃᑉᐱᒍᓱᑦᑎᐊᐸᓪᓗᑎᒃ ᐊᒻᒪ ᐱᖁᑎᒋᔭᐅᔪᓂᑦ. ᐊᑐᖅᐸᓪᓗᒋᑦ ᖃᒧᑕᐅᔭᓄᑦ ᐊᖅᑯᑎᐅᑎᑕᐅᔪᑦ
ᑭᓯᐊᓂ ᓇᓗᓇᐃᔭᕐᓯᒪᑦᑎᐊᖅᑐᑦ, ᒪᓕᑦᑐᒋᑦ ᓇᓗᓇᐃᔭᕐᓯᒪᔪᑦ ᐊᑕᔪᒥ ᖃᒧᑕᐅᔭᓐᓄᑦ ᑐᓪᓕᓂᕐᓂᒃ
ᓄᓇᖕᖑᐊᖅ.

ᐊᖁᑉᐸᓪᓗᓯ ᒪᓕᑉᐸᓪᓗᒍ ᓯᓚᐅᑉ ᖃᓄᐃᓐᓂᖓ ᐊᒻᒪ ᐅᖓᓯᒌᑦᑎᐊᐸᓪᓗᓯ ᐊᓯᖏᓐᓂᑦ ᓄᓇᒃᑰᔫᓂᑦ
ᐅᕝᕙᓘᓐᓃᑦ ᐱᓱᑦᑐᓂᑦ. ᐊᖅᑯᑎᐅᑉ ᑕᓪᓕᖅᐱᐊᓂ ᐃᖏᕐᕋᕙᓪᓗᓯ ᑭᓪᓕᖓ ᖃᓂᒋᒋᐊᕐᔫᒥᕙᓪᓗᒍ
ᐊᔪᕐᓇᖏᑐᐊᖅᐸᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓇᒻᒥᓂᖃᖅᑎᐅᔪᓄᑦ ᐊᐅᓚᓃᑦ
ᓅᕖᐱᕆ 26, 2020 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᖃᐅᔨᒃᑲᐃᔪᒪᕗᑦ ᓇᒻᒥᓂᖁᑎᒋᔭᐅᔪᓂᑦ ᒪᑐᐃᖕᒐᔪᓂᑦ ᑭᓇᒃᑯᑐᐃᓐᓇᕐᓄᑦ ᒪᑐᓯᒪᐅᖅᑎᓪᓗᒋᑦ.

ᐱᖕᒐᑦᓯᖅ, ᓅᕕᐱᕆ 18, 2020, ᓄᓇᕗᑦ ᒐᕙᒪᒃᑯᖕᒋᑦ ᖃᐅᔨᒃᑲᐃᓚᐅᕐᒪᑕ ᒪᑐᓯᒪᓂᐊᖅᑐᒥᒃ ᐱᓇᓱᐊᕈᓰᓐᓂᒃ ᒪᕐᕉᖕᓂᒃ, ᒪᑐᐃᖕᒐᔭᕆᐊᓖᑐᐊᑦ ᒪᑐᐃᖕᒐᓂᐊᖅᑐᑎᑦ. ᑐᑭᓕᒃ ᓇᒻᒥᓂᕆᔭᐅᔪᐃᑦ ᓲᕐᓗ ᐃᒥᕋᓚᒡᕖᑦ, ᓂᕆᔭᖅᑐᕐᕖᑦ, ᐃᓕᓐᓂᐊᕐᕖᑦ ᐸᐃᕆᕖᓪᓗ ᒪᑐᓯᒪᔪᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᕼᐋᓗᐄᓐᖑᓕᖅᐸᑦ ᐊᑐᕆᐊᒃᑯᑦ ᐃᖏᕐᕋᕙᑦᑐᑦ ᓇᐅᒃᑯᑦ ᐊᓯᔾᔨᖅᑕᐅᓯᒪᓛᖅᑐᑦ
ᐋᒃᑑᐸ 29, 2020 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᐃᑎᑦᑎᒍᒪᓕᕐᒥᔪᑦ ᓄᓇᓕᕐᒥᐅᑕᓂᑦ ᖃᐅᔨᓴᒃᑲᓐᓂᓛᖁᔭᐅᓗᑎᒃ ᐊᑐᕆᐊᒃᑯᑦ ᐃᖏᕐᕋᓕᕈᑎᒃ ᕼᐋᓗᐄᖑᓂᐊᖅᑐᖅ ᐅᓐᓄᒃᑯᑦ ᓈᑦᓯᐅᖑᔭᓛᕐᓂᐊᕐᒥ, ᐋᑦᑑᐸ 31, 2020.

ᓱᕈᓰᑦ ᐊᑦᑕᓇᖅᑐᒦᓛᖁᓇᒋᑦ ᐳᓚᕋᕐᓂᖏᓐᓂ, ᖃᐅᔨᒪᖁᔭᐅᔪᑦ ᐅᑯᐊ ᕼᐋᓗᐄᓐᒥ ᐊᑐᕆᐊᒃᑯᑦ ᐃᖏᕐᕋᕙᑦᑐᑦ ᓇᐅᒃᑯᑦ ᐊᓯᔾᔨᖅᑕᐅᓯᒪᓛᕐᒪᑕ ᐱᒋᐊᕐᓗᑎᒃ 5:30 ᐅᓐᓄᓴᒃᑯᑦ 8:30−ᒧᓄᑦ ᐅᓐᓄᒃᑯᑦ:

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᕙᕐᔪᐊᕐᓇᖅ−19 ᐱᓪᓗᒍ ᓯᑎᒃᑯᓐᓂᑦ ᑐᓴᕋᑦᓴᖅ − ᐃᖅᑲᐃᑎᑦᓯᔾᔪᑎ ᐊᑦᑕᓇᑦᑕᐃᓕᒪᓂᕐᒥᑦ ᐱᓕᕆᔾᔪᑎᐅᔪᓂᑦ ᐱᖕᖑᐊᖅᑐᓕᕆᔨᒃᑯᑦ ᐱᓕᕆᕝᕕᖏᓐᓂ

ᐋᒃᑑᐸ 28, 2020 – ᐃᖃᓗᐃᑦ, ᓄᓇᕗᑦ