ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᕙᕐᔪᐊᕐᓇᖅ−19 ᐱᓪᓗᒍ ᓯᑎᒃᑯᓐᓂᑦ ᑐᓴᕋᑦᓴᖅ − ᐃᖅᑲᐃᑎᑦᓯᔾᔪᑎ ᐊᑦᑕᓇᑦᑕᐃᓕᒪᓂᕐᒥᑦ ᐱᓕᕆᔾᔪᑎᐅᔪᓂᑦ ᐱᖕᖑᐊᖅᑐᓕᕆᔨᒃᑯᑦ ᐱᓕᕆᕝᕕᖏᓐᓂ
ᐋᒃᑑᐸ 28, 2020 – ᐃᖃᓗᐃᑦ, ᓄᓇᕗᑦ
ᓯᑎᒃᑯᑦ ᐃᖅᑲᐃᑎᑦᓯᒍᒪᓕᕐᒥᔪᑦ ᓄᓇᓕᕐᒥᐅᑕᓂᑦ ᓄᑖᓂᑦ ᐊᑦᑕᓇᑦᑕᐃᓕᒪᓂᕐᒨᖓᔪᓂᑦ ᐱᓕᕆᔾᔪᑎᓂᑦ ᐊᑐᖅᑕᐅᕙᑦᑐᓂᑦ ᐊᓐᓂᑭᑦᑐᕐᕕᓐᓂ, ᐃᖃᐃᓕᓴᕐᕕᒻᒥ, ᐊᒻᒪ ᐳᐃᔾᔪᕋᕐᕕᒻᒥ. ᐋᓂᐊᖃᑦᑕᐃᓕᒪᓂᕐᒧᑦ ᒪᓕᒐᐃᑦ ᓇᓗᓇᐃᔭᕐᓯᒪᔪᑦ ᑕᕝᕙᓂ ᐊᒻᒪ ᐃᓚᒋᔭᐅᓗᑎᒃ ᑎᑎᕋᕐᓯᒪᔪᓄᑦ ᐃᓗᖏᓐᓂ ᐊᒻᒪ ᐊᕙᑎᖏᓐᓂ ᐱᖕᖑᐊᖅᑐᓕᕆᔨᒃᑯᑦ ᐱᓕᕆᕝᕕᖏᑕ. ᐊᑏ ᐃᑲᔪᓚᐅᕐᓯᐅᒃ ᓯᑎᒃᑯᑦ ᑲᔪᓯᑎᑦᓯᓇᓱᐊᖅᑎᓪᓗᒋᑦ ᐱᓕᕆᐊᑦᓴᓂᑦ ᐊᐅᓚᑕᐅᖏᓐᓇᖁᔨᓪᓗᑎᒃ ᐅᑯᐊ ᐊᑐᖅᑕᐅᓗᑎᒃ ᐃᓘᓐᓇᑎᓐᓄᑦ ᐃᑉᐱᒋᔭᕆᐊᓕᒃ ᓄᕙᕐᔪᐊᕐᓇᖅ ᓯᐊᒻᒪᖁᓇᒍ ᑭᒃᑯᑐᐃᓐᓇᕐᓄᑦ.
ᐅᑭᐅᖅᑕᖅᑐᒥ ᐅᑭᐅᕐᖁᒃ ᐱᖕᖑᐊᕐᕕᐊᓗᒃ ᐊᓐᓂᑭᑦᑐᕐᕕᒃ
ᐃᓯᕐᕕᖏᑦ ᐊᒻᒪ ᐊᓂᕕᖏᑦ
- ᐊᑏ ᐃᑉᐱᒋᑦᑎᐊᐸᓪᓗᒋᑦ ᑎᑎᕋᕐᓯᒪᕙᑦᑐᑦ ᐃᑲᔫᑎᐅᕙᑦᑐᑦ ᐃᖏᕐᕋᓂᖏᓐᓂᑦ ᐃᓵᔪᑦ ᐊᒻᒪ ᐊᓂᐊᔪᑦ ᑭᒃᑯᑐᐃᓐᓇᐃᑦ ᐱᖕᖑᐊᕐᕕᒻᒥᑦ/ᒧᑦ.
- ᑲᑎᖕᖓᔪᑦ ᐊᑐᖅᑐᑦ ᐊᓐᓄᕌᕐᕕᓐᓂᑦ ᐃᑉᐱᒋᑦᑎᐊᖁᔭᐅᔪᑦ ᐊᒻᒪ ᒪᓕᑉᐸᓪᓗᑎᒃ ᓄᑖᓂᑦ ᐊᓂᐊᕙᓪᓕᐊᔪᓄᑦ ᐱᓕᕆᔾᔪᑎᓂᑦ ᐊᓂᐊᔪᑦ ᐃᓵᔪᑦ ᐊᑕᐅᑦᑎᒃᑯᑦ ᐃᖏᕐᕋᑦᑎᐊᖁᓪᓗᒋᑦ.
- ᐅᐊᓴᕐᕖᑦ ᐊᑐᖅᑕᐅᒍᓐᓇᖅᑐᑦ − ᑭᓯᐊᓂ ᐃᑉᐱᒋᑦᑎᐊᕆᐊᓖᑦ ᑎᑎᕋᕐᓯᒪᔪᑦ ᓇᓪᓕᐊᓐᓂᑦ ᐃᓯᕐᕕᒻᒥᑦ/ᐊᓂᕕᒻᒥᑦ ᐊᑐᕆᐊᖃᕐᒪᖔᑦᓯ, ᐊᒻᒪᑦᑕᐅᖅ ᒪᕐᕉᒋᐊᖃᖅᐸᓐᓂᖏᓐᓂᑦ ᐃᓄᐃᑦ ᐅᐊᓴᕐᕕᒦᑦᑐᑦ ᐊᑕᐅᑦᑎᒃᑯᑦ.
ᐊᓐᓂᑭᑦᑐᓛᓕᓐᓂᑦ ᖃᑦᓱᖏᕐᓱᐃᕕᒃ
- ᐊᖏᔪᖅᑳᕆᔭᑦ/ᖃᐅᔨᓴᖅᑎᐅᔪᑦ ᐊᓂᒋᐊᓖᑦ ᐊᓐᓂᑭᑦᑐᓛᓕᓐᓂᑦ ᖃᑦᓱᖏᕐᓱᐃᕕᒻᒥᑦ ᐊᒻᒪ ᐅᐸᓪᓗᑎᒃ ᑕᑯᕋᓐᓈᕕᒻᒧᑦ ᐊᓐᓂᑭᑦᑐᓛᓂᑦ ᖃᑦᓱᖏᕐᓱᐃᒌᑐᐊᕈᑎᒃ ᐊᓐᓂᑭᑦᑐᓛᕐᕕᒻᒨᐸᓪᓕᐊᔪᑦ ᐃᖏᕐᕋᑦᓯᐊᖁᓪᓗᒋᑦ ᐊᑦᑕᓇᔾᔭᐃᕐᓯᒪᓗᑎᒃ.
- ᐊᓐᓂᑭᑦᑐᓛᓕᓐᓂᑦ ᖃᑦᓱᖏᕐᓱᐃᑎᓪᓗᓯ, ᐊᖏᔪᖅᑳᕆᔭᑦ/ᖃᐅᔨᓴᖅᑎᐅᔪᑦ ᑮᓇᑉᐸᑦᓯᒪᒋᐊᓖᑦ.
ᐊᓐᓄᕌᕐᕕᒻᒥ ᐱᓕᕆᔾᔪᑎᐅᔪᑦ
- ᐃᑉᐱᒋᑦᑎᐊᐸᓪᓗᒋᑦ ᓴᓗᒻᒪᕐᓴᐃᔾᔪᑎᐅᔪᑦ ᐱᓕᕆᔾᔪᑏᑦ ᐊᑐᖅᑐᐊᕇᖅᑐᓄᑦ.
- ᐃᑉᐱᒋᑦᑎᐊᐸᓪᓗᒍ ᐅᕕᓂᓐᓂᐊᕆᐊᖃᖕᖏᓐᓂᕐᒥᑦ ᐊᑐᐊᒐᖅ.
- 12−ᒋᐊᓖᑦ ᐊᒥᓲᓛᖏᑦ ᐊᓐᓄᕌᕐᕕᓐᓂ ᐃᓪᓗᕈᓯᕐᓂ 1-4.
- ᐅᐸᑦᓯᒪᔪᑦ ᐅᐸᖁᔭᐅᕙᑦᑐᑦ ᐃᓚᖏᓐᓂᑦ ᐊᑐᕐᓂᐊᖅᑕᖏᑕ ᐊᓐᓄᕌᕐᓯᒪᓯᓐᓇᖁᐅᔭᓗᑎᒃ (ᐃᓘᓐᓇᖏᓐᓂᑦ ᐊᑐᖅᑕᓯ ᐲᔭᕈᓐᓇᖅᑕᕋᓗᐊᓯ ᐊᑐᖅᑐᐊᕇᑐᐊᕈᑦᓯ).
ᐱᖕᖑᐊᖅᑏᑦ ᐃᑦᓯᕙᐅᑕᖏᑦ
- ᐃᓘᓐᓇᑎᒃ ᐊᑐᖅᑐᑦ ᑲᑎᖕᖓᔪᑦ ᒪᓕᖁᔭᐅᔪᑦ 7−ᖑᒋᐊᖃᕐᓂᖏᓐᓂᑦ ᐊᑐᓂ ᐱᖕᖑᐊᖅᑏᑦ ᐃᑦᓯᕙᐅᑕᖏᓂ. ᓇᓗᓇᐃᕐᓯᒪᔪᒥᑦ ‘ᐊᒥᓲᓗᐊᕈᑎᔪᓄᑦ ᐃᑦᓯᕙᐅᑕᖅ’ ᐱᑕᖃᖅᑐᖅ ᖃᓂᒌᓗᐊᖁᔭᐅᒐᑎᒃ ᐱᖕᖑᐊᖅᑐᑦ.
- ᐊᒥᖅᑲᕆᐊᖃᖕᖏᑦᑐᖅ ᐃᒥᒃᑯᕕᓐᓂᑦ.
ᑕᑯᕋᓐᓈᕆᐊᕐᓯᒪᔪᑦ
- ᑮᓇᑉᐸᑦᓯᒪᒋᐊᓖᑦ ᑕᑯᕋᓐᓈᕆᐊᖅᑐᕐᓯᒪᔪᑦ.
- ᐅᖓᓯᒌᔾᔪᒥᖁᔭᐅᔪᑦ ᑮᓇᑉᐸᑦᓯᒪᒐᓗᐊᕈᑎᒃ.
- ᓇᓗᓇᐃᖅᑕᐅᓯᒪᔪᖅ ᑕᑯᕋᓐᓈᕐᕕᑦᓴᖅ ᐃᑦᓯᕚᕐᕕᓐᓃᑦᑐᑦ (ᐃᓯᕐᕕᖓᓂᐅᖕᖏᑦᑐᖅ).
- ᑕᑯᕋᓐᓈᕆᐊᖅᑐᕐᓯᒪᔪᑦ ᓇᑦᓴᕈᒪᒍᑎᒃ ᓇᑦᓴᕈᓐᓇᖅᑐᑦ ᓱᓇᑐᐃᓐᓇᕐᒥᑦ ᕿᐅᓕᕈᑎᒃ ᐊᑐᕐᓂᐊᖅᑕᒥᓂᒃ (ᓲᕐᓗ ᕿᐱᒻᒥᑦ ᐅᕝᕙᓘᓐᓃᑦ ᐊᓐᓄᕌᒃᑲᓐᓂᕐᓗᑎᒃ ᕿᐅᔾᔭᐃᕐᓯᒪᓗᑎᒃ).
- ᐆᓇᖅᑐᒥᑦ ᑳᐱᕐᓂᐊᖅᑕᒥᓂᒃ ᑏᑑᕐᓂᐊᖅᑕᒥᓂᓪᓘᓐᓃᑦ ᐅᕝᕙᓘᓐᓃᑦ ᐊᓯᐊᓂᑦ ᓇᑦᓴᕈᓐᓇᖅᑐᑦ ᑭᓯᐊᓂ ᓴᓂᒃᑯᕕᒻᒧᑦ ᐃᒋᑕᐅᖃᑦᑕᖁᔭᕋᓗᐊᕗᑦ ᐊᑐᐃᓐᓇᐅᔪᓄᑦ.
ᐳᐃᔾᔪᕋᕐᕕᖃᕐᕕᒻᒧᑦ ᒪᓕᑦᓯᒪᔪᑦ
ᐃᖃᐃᓕᓴᕐᕕᒃ
- ᐃᑉᐱᒋᑦᑎᐊᕆᐊᓖᑦ ᓯᕿᖕᖑᔭᑎᒍᑦ ᐋᖅᑭᑦᑕᐅᓯᒪᔪᑦ ᐊᑐᕐᓂᐊᖅᑕᓯᓐᓄᑦ, ᒪᓕᑦᓯᒪᔪᑦ 10 ᒪᓇᑦᓯᓂᑦ ᓯᕗᓂᐊᒍᑦ ᐊᒻᒪ ᑭᖑᓂᐊᒍᑦ 10 ᒪᓇᑦᓯᓂᑦ ᐊᓐᓄᕌᕐᕕᓐᓃᒋᐊᓖᑦ ᐃᓪᓗᒥᑦ ᓴᓗᒻᒪᕐᓴᐃᔩᑦ ᓴᓗᒻᒪᕐᓴᐃᒋᐊᖃᖅᐸᒻᒪᑕ ᐊᑐᖅᑕᐅᓚᐅᖅᑎᓪᓗᒋᑦ.
- ᒪᕐᕉᓐᓂᒃ ᓴᓂᕐᕙᐃᓯᒪᒍᕕᑦ ᖃᓄᐃᓕᐅᕐᕕᑦᓴᓐᓂᑦ, ᒪᓕᑦᓯᒪᔪᑦ ᐊᓂᒋᐊᓖᑦ ᐃᖃᐃᓕᓴᕐᕕᒻᒥᑦ ᐊᒻᒪ ᐅᐸᒃᑲᓐᓂᕐᓗᑎᒃ ᐃᖅᑲᓇᐃᔭᖅᑎᓄᑦ ᐅᖃᕆᐊᖅᑐᕐᓗᑎᒃ.
- ᐊᑏᑦ ᐅᖓᓯᒌᔾᔪᒥᕙᓪᓗᓯ ᐃᓗᐊᓂ ᐃᖃᐃᓕᓴᕐᕕᐅᑉ ᐊᒻᒪ ᐃᓚᖓᓃᑦᑎᓪᓗᓯ ᐊᒻᒪ ᒪᓕᑉᐸᓪᓗᒋᑦ ᓇᑎᕐᒥ ᓇᓗᓇᐃᒃᑯᑎᐅᔪᑦ.
- ᐲᕆᐊᖃᖕᖏᑦᑐᑦ ᐅᕝᕙᓘᓐᓃᑦ ᓅᒋᐊᖃᖕᖏᑦᑐᑦ ᓇᓪᓕᐊᑐᐃᓐᓇᖅ ᐊᕝᕕᐊᕈᑎᐅᔪᑦ ᐃᖃᐃᓕᓴᕐᕕᐅᑉ ᐃᓗᐊᓄᑦ.
- ᓴᓗᒻᒪᓴᖅᐸᓪᓗᒋᑦ ᐃᓘᓐᓇᑎᒃ ᓱᓇᒃᑯᑖ ᓯᕗᓂᐊᒍᑦ ᐊᒻᒪ ᑭᖑᓂᐊᒍᑦ ᐊᑐᖅᑕᐅᒌᑐᐊᕋᐃᑉᐸᑕ.
ᐳᐃᔾᔪᕋᕐᕖᑦ
- ᐃᑉᐱᒋᑦᑎᐊᕆᐊᓖᑦ ᓯᕿᖕᖑᔭᑎᒍᑦ ᐋᖅᑭᑦᑕᐅᓯᒪᔪᑦ ᐊᑐᕐᓂᐊᖅᑕᓯᓐᓄᑦ, ᒪᓕᑦᓯᒪᔪᑦ 10 ᒪᓇᑦᓯᓂᑦ ᓯᕗᓂᐊᒍᑦ ᐊᒻᒪ ᑭᖑᓂᐊᒍᑦ 10 ᒪᓇᑦᓯᓂᑦ ᐊᓐᓄᕌᕐᕕᓐᓃᒋᐊᓖᑦ ᐃᓪᓗᒥᑦ ᓴᓗᒻᒪᕐᓴᐃᔩᑦ ᓴᓗᒻᒪᕐᓴᐃᒋᐊᖃᖅᐸᒻᒪᑕ ᐊᑐᖅᑕᐅᓚᐅᖅᑎᓪᓗᒋᑦ.
- ᒪᓖᓐᓇᕆᐊᓖᑦ ᑐᑭᓕᐊᖅᑐᑦ ᐃᓄᐃᑦ ᐳᐃᔾᔪᕋᕐᕕᖃᕐᕕᒻᒧᑦ.
ᐳᐃᔾᔪᕋᕆᐊᕐᓴᐅᑏᑦ
- ᐃᖅᑲᐃᑎᒍᒪᒻᒥᔭᕗᑦ ᐊᖏᔪᖅᑳᕆᔭᐅᔪᑦ ᐊᒻᒪ ᑕᑯᕋᓐᓈᕆᐊᖅᑐᕐᓯᒪᔪᑦ ᕿᑐᕐᖓᒥᓂᒃ ᑭᖑᕙᖕᖏᓪᓗᑎᒃ ᕿᒪᐃᒋᐊᖅᑐᖃᑦᑕᖁᓪᓗᒋᑦ ᐊᒻᒪ ᐊᐃᑦᓯᐸᓪᓗᑎᒃ ᐱᔭᕇᑐᐊᕋᐃᑉᐸᑕ ᐳᐃᔾᔪᕋᕆᐅᕐᓴᐅᑎᒥᓂᒃ. ᕿᑐᕐᖓᐃᑦ ᐊᕐᕌᒍᖃᕈᓂ ᑐᖔᓂ 8 ᐊᕐᕌᒍᐃᑦ, ᐱᖃᑎᖃᐃᓐᓇᕆᐊᖃᖅᐸᑦᑐᑦ ᐃᓪᓗᒥ ᐊᑕᐅᑦᑎᒃᑯᑦ, ᑭᓪᓕᖃᖅᑎᑕᐅᓗᑎᒃ ᐃᑦᓯᕚᕐᕕᖃᖅᑎᑕᐅᔪᑦ ᓄᐊᖦᐅᐊᔅᑎᐅᓪ ᐃᓪᓗᕈᓯᖓᓂ ᖃᓄᑐᐃᓐᓇᖅ ᐊᑐᖅᑕᐅᔪᓐᓇᖅᑐᒥ. ᑕᑯᕋᓐᓈᕐᕕᐅᔪᖅ ᓱᓕ ᒪᑐᓯᒪᐃᓐᓇᓂᐊᖅᑐᖅ.
- ᐊᖏᔪᖅᑳᕆᔭᑦ ᐊᑐᐃᓐᓇᐅᕙᓐᓂᐊᖅᑐᑦ ᐊᓐᓄᕌᕐᕕᒻᒨᕈᓐᓇᕐᓯᕙᓪᓗᑎᒃ ᕿᑐᕐᖓᖓ ᐃᓕᓐᓂᐊᖅᑎᑕᐅᒌᑐᐊᕋᐃᑉᐸᑦ 10 ᒪᓇᑦᓯ ᐃᓗᐊᓂ ᐊᓐᓄᕌᕆᐊᖃᖅᐸᒻᒪᑕ ᐱᔭᕇᑐᐊᕋᐃᒍᑎᒃ. ᐊᑏ ᐊᖏᕐᕋᕋᐃᒍᑦᓯ ᐅᕕᓂᓐᓂᐊᖅᑎᑉᐸᓪᓗᒋᑦ.
- ᐃᓘᓐᓇᑎᒃ ᐊᓐᓄᕌᕐᕕᐅᔪᑦ ᐃᓪᓗᕈᓰᑦ ᐊᑐᐃᓐᓇᐅᕙᓐᓂᐊᖅᑐᑦ ᑭᒃᑯᑐᐃᓐᓇᕐᓄᑦ ᐱᖕᖑᐊᕐᕕᒻᒦᑦᑐᓄᑦ, ᐃᑉᐱᒋᑦᑎᐊᐸᑦᓯᐅᒃ ᐅᖓᓯᒌᒋᐊᖃᕐᓂᐅᔪᖅ ᐃᓗᐊᓂ ᐊᓐᓄᕌᕐᕕᒻᒥ ᐃᓪᓗᕈᓯᕐᒥ.
ᑐᑭᓯᒋᐊᕈᒪᔪᑦ ᐆᕕᖓ ᖃᐅᔨᒋᐊᖁᔪᑦ:
ᑲᓄᕐ ᒐᑦᑕᕐᑦ
ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓂᑦ ᑭᒃᑯᑐᐃᓐᓇᕐᓂᑦ ᐊᐅᓚᑦᑎᔨ
ᓄᓇᓕᐸᐅᔭᓕᕆᔨᒃᑯᓐᓂ ᐃᖃᓗᓐᓂ
C.Goddard@iqaluit.ca
879-975-8532
