ᖃᒧᑕᐅᔭᐃᑦ ᐊᑦᑕᓇᑦᑕᐃᓕᒪᐅᑎᖏᑦ ᐊᒻᒪ ᐃᖅᑲᐃᑎᑦᑎᔾᔪᑏᑦ

ᖃᒧᑕᐅᔭᐃᑦ ᐊᑦᑕᓇᑦᑕᐃᓕᒪᐅᑎᖏᑦ ᐊᒻᒪ ᐃᖅᑲᐃᑎᑦᑎᔾᔪᑏᑦ

 

 

ᓯᑎᒃᑯᑦ ᐃᖅᑲᐃᑎᑦᑎᒍᒪᓕᕐᒥᔪᑦ ᖃᒧᑕᐅᔭᖅᐸᑦᑐᓂᑦ ᐅᔾᔨᕈᓱᑦᓯᐊᖃᑦᑕᕆᐊᖃᕐᓂᖏᓐᓂᑦ ᐊᒻᒪ ᒪᓕᑉᐸᓪᓗᑎᒃ
ᐊᑦᑕᓇᑦᑕᐃᓕᒪᐅᑎᓂᑦ ᐱᓕᕆᔾᔪᑎᓂᑦ ᐊᐅᓚᑦᑎᓕᕋᐃᒍᑎᒃ ᖃᒧᑕᐅᔭᒥᓂᒃ ᐅᑭᐅᖑᓂᐊᖅᑐᖅ.

ᒪᓕᑦᑐᒋᑦ ᑎᑎᕋᕐᓯᒪᔪᑦ ᓯᑎᒃᑯᑦ ᒪᓕᒐᕋᓛᖁᑎᖓᓐᓂ 557, ᖃᒧᑕᐅᔭᖅᐸᑦᑐᑦ ᐃᓱᒫᓘᔾᔪᒥᖁᔭᐅᕙᑦᑐᑦ ᐊᒻᒪ
ᐊᓯᒥᓂᒃ ᐃᑉᐱᒍᓱᑦᑎᐊᐸᓪᓗᑎᒃ ᐊᒻᒪ ᐱᖁᑎᒋᔭᐅᔪᓂᑦ. ᐊᑐᖅᐸᓪᓗᒋᑦ ᖃᒧᑕᐅᔭᓄᑦ ᐊᖅᑯᑎᐅᑎᑕᐅᔪᑦ
ᑭᓯᐊᓂ ᓇᓗᓇᐃᔭᕐᓯᒪᑦᑎᐊᖅᑐᑦ, ᒪᓕᑦᑐᒋᑦ ᓇᓗᓇᐃᔭᕐᓯᒪᔪᑦ ᐊᑕᔪᒥ ᖃᒧᑕᐅᔭᓐᓄᑦ ᑐᓪᓕᓂᕐᓂᒃ
ᓄᓇᖕᖑᐊᖅ.

ᐊᖁᑉᐸᓪᓗᓯ ᒪᓕᑉᐸᓪᓗᒍ ᓯᓚᐅᑉ ᖃᓄᐃᓐᓂᖓ ᐊᒻᒪ ᐅᖓᓯᒌᑦᑎᐊᐸᓪᓗᓯ ᐊᓯᖏᓐᓂᑦ ᓄᓇᒃᑰᔫᓂᑦ
ᐅᕝᕙᓘᓐᓃᑦ ᐱᓱᑦᑐᓂᑦ. ᐊᖅᑯᑎᐅᑉ ᑕᓪᓕᖅᐱᐊᓂ ᐃᖏᕐᕋᕙᓪᓗᓯ ᑭᓪᓕᖓ ᖃᓂᒋᒋᐊᕐᔫᒥᕙᓪᓗᒍ
ᐊᔪᕐᓇᖏᑐᐊᖅᐸᑦ.

ᓇᓗᓇᐃᓯᒪᓂᖏᑦ ᒪᓕᑦᑐᒋᑦ ᓯᑎᒃᑯᑦ ᐊᑐᕆᐊᒃᑯᑦ ᐃᖏᕐᕋᕙᑦᑐᓄᑦ ᐊᑦᑕᓇᑦᑕᐃᓕᒪᔾᔪᑎ ᒪᓕᒐᕋᓛᖅ 894,
ᖃᒧᑕᐅᔭᐃᑦ ᐃᖏᕐᕋᒋᐊᓖᑦ ᓱᒃᑲᓂᖃᖅᐸᓪᓗᑎᒃ 50 ᑭᓛᒥᑕᓂᑦ ᐃᑲᕐᕋᒃᑯᑦ.

ᑭᓇᑐᐃᓐᓇᖅ ᐊᕐᕌᒍᓕᒃ ᑐᖔᓂ 14 ᐊᐅᓚᑦᑎᒍᓐᓇᖅᑐᑦ ᐱᓲᑎᑲᓪᓚᒻᒥᑦ ᑎᓴᒪᓂᑦ ᐊᑦᓴᓗᐊᓕᓐᓂᑦ ᐅᕝᕙᓘᓐᓃᑦ
ᖃᒧᑕᐅᔭᒥᑦ ᑭᓯᐊᓂ ᐊᐃᑉᐸᖃᕐᓂᕈᓂ ᐃᓐᓇᕐᒥᒃ.

ᐊᐅᓚᑦᑎᓂᐊᕐᓗᓂ ᖃᒧᑕᐅᔭᒥᑦ ᐊᑐᕆᐊᕐᓂ ᐅᕝᕙᓘᓐᓃᑦ ᑭᒃᑯᑐᐃᓐᓇᕐᓄᑦ ᐅᐸᑦᑕᐅᔪᓐᓇᖅᑐᓂ ᐊᕙᑎᓂ,
ᐊᖁᑎᐅᔪᖅ ᐱᓯᒪᑦᑎᒋᐊᓕᒃ ᐊᑐᕈᓐᓇᑎᐊᖅᑕᒥᓂᒃ ᐊᑎᓕᐅᕈᑎᒥᑦ, ᓇᓪᓕᐅᒃᑯᒫᖃᕐᓗᓂ, ᐊᒻᒪ
ᑕᑯᑦᓴᐅᓯᐊᖅᑐᒥᑦ ᖃᒧᑕᐅᔭᖓᓂ ᓚᐃᓴᖃᕐᓗᓂ. ᐊᖁᑎᐅᔪᖅ ᐊᒻᒪ ᐃᑭᒪᑎᑕᖓ ᐊᑐᐃᓐᓇᕆᐊᓖᒃ ᓈᒻᒪᑦᑐᒥᑦ
ᑎᓯᔪᒥᑦ ᓇᓴᕐᒥᑦ ᐋᓐᓂᓗᐊᔾᔭᐃᒃᑯᑎᒥᑦ.

ᒪᓕᖕᖏᑦᑐᑦ ᑖᒃᑯᓂᖓ ᓯᑎᒃᑯᑦ ᒪᓕᒐᕋᓛᖁᑎᖏᓐᓂᑦ ᐊᑭᓖᑎᑕᐅᔪᓐᓇᖅᑐᑦ ᑮᓇᐅᔭᓂᒃ ᐊᒻᒪ ᖃᒧᑕᐅᔭᐃᑦ
ᑎᒍᔭᐅᓗᓂ.

ᐊᖑᓇᓱᒋᐊᖅᑐᑦ ᐊᒻᒪ ᐊᓯᖏᓐᓂᑦ ᐱᖅᑯᓯᑐᖃᒃᑯᑦ ᐊᑐᖅᑐᑦ ᓄᓇᒨᕋᓱᑦᑐᑎᒃ ᐊᒻᒪ ᓯᑯᒧᑦ, ᑕᒪᒃᑯᐊ
ᖃᒧᑕᐅᔭᒃᑯᑦ ᐊᑐᕆᐊᑐᖕᖏᑦᑐᑦ ᑎᓯᔪᒥᑦ ᓇᓴᕐᒥᑦ ᐋᓐᓂᓗᐊᔾᔭᐃᒃᑯᑎᒥᑦ, ᐊᒻᒪ ᐊᑎᓕᐅᕐᓯᒪᒋᐊᑐᖕᖏᑦᑐᖅ
ᐊᒻᒪ ᓇᓪᓕᐅᒃᑯᒫᖃᕆᐊᑐᒐᓂ; ᑭᓯᐊᓂ ᐅᐸᑦᑕᒥᓄᑦ ᓇᐃᓛᒃᑯᑦ ᐃᖏᕐᕋᒋᐊᓖᑦ ᓄᓇᒧᑦ ᐊᒻᒪ
ᐃᖏᕐᕋᕙᖕᖏᓪᓗᑎᒃ ᓄᓇᓕᐅᑉ ᐃᓗᐊᓂ ᐊᑐᕆᐊᕐᓂ.

ᖃᒧᑕᐅᔭᒧᑦ ᓚᐃᓴᐅᑉ ᓈᓴᐅᑎᖃᐅᑎᖓᓂᑦ ᐱᔪᓐᓇᖅᑐᓯ ᓄᓇᓕᐸᐅᔭᐃᑦ ᐃᖃᓗᐃᑦ ᐊᓪᓚᕝᕕᖏᓐᓂᑦ
ᓇᓗᓇᐃᔭᐃᑎᖃᓚᐅᑐᐊᕈᑦᓯ ᐊᑐᖅᑐᒥᑦ ᓇᓪᓕᐅᒃᑯᒫᓕᕆᔾᔪᑎᒥᑦ ᐊᒻᒪ ᐊᑭᓖᓗᓯ $25−ᓂᑦ ᐊᑎᓕᐅᕐᓯᒪᓂᕐᒥᑦ
ᓇᓗᓇᐃᒃᑯᑖᕈᑎᑦᓴᒥᑦ. ᖃᒧᑕᐅᔭᐃᑦ ᓇᓗᓇᐃᕐᓂᐊᕈᕕᐅᒃ, ᓇᓗᓇᐃᔭᐃᑎᒥᑦ ᓇᓪᓕᐅᒃᑯᒫᖅᑖᕐᓯᒪᓂᕐᓂᒃ
ᐱᓯᒪᑦᑎᒋᐊᖃᖅᑐᑎᑦ ᐊᒻᒪ ᓇᖕᒥᓂᖃᐅᑎᒥᑦ (ᓯᕗᓂᐊᒍᑦ ᐊᑎᓕᐅᕐᓯᒪᔭᕐᓂᒃ ᐅᕝᕙᓘᓐᓃᑦ ᓇᓗᓇᐃᒃᑯᑎᒥᑦ
ᓂᐅᕕᐅᑎᒥᓂᕐᓂᒃ ᖃᓄᐃᖏᑦᑐᖅ). ᐃᓘᓐᓇᑎᒃ ᐊᑎᓕᐅᕈᑎᐅᔪᑦ ᐊᒻᒪ ᐊᑭᓕᕆᐊᓖᑦ ᐱᔭᕇᖅᑕᐅᒍᓐᓇᖅᑐᑦ
ᓯᑎᒃᑯᑦ ᐊᓪᓚᕝᕕᖏᓐᓂ, ᐃᓪᓗᒥ #901 ᐅᓪᓗᒃᑯᑦ ᐃᖅᑲᓇᐃᔭᕐᓂᖏᓐᓂ.

ᓯᑎᒃᑯᑦ ᖁᔭᓐᓇᒦᕈᒪᔪᑦ ᖃᒧᑕᐅᔭᖅᐸᑦᑐᓂᑦ ᐃᑲᔪᕐᓱᐃᓂᖏᓐᓂᑦ ᐊᒻᒪ ᑐᑭᓯᐊᑦᓯᐊᕐᓂᖏᓐᓂᑦ ᐱᔭᕆᐊᓕᓐᓂᑦ.

 

ᑐᑭᓯᒋᐊᕈᒪᔪᑦ ᐆᕕᖓ ᖃᐅᔨᒋᐊᖁᔪᑦ:

ᓖᓴ ᒥᓗᓵᕝᔨᕕᒃ
ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᕐᓂᒥᑦ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
L.Milosavljevic@iqaluit.ca
867-979-5607