ᐱᖕᖑᐊᖅᑐᓕᕆᓂᖅ

ᐃᖃᓗᓐᓂ ᖃᑦᑎᕆᔨᒃᑯᑦ ᐅᐸᓚᐅᖅᑐᑦ ᐃᓪᓗᒥᑦ ᐃᑭᑦᑐᖃᖅᑎᓪᓗᒍ ᕼᐋᐱ ᕚᓕᒥ

9:56-ᑎᓪᓗᒍ ᐅᓛᓴᒃᑯᑦ ᑏᓰᐱᕆ 7, 2020, ᐃᖃᓗᐃᑦ ᑐᐊᕕᕐᓇᖅᑐᓕᕆᔨᒃᑯᖏᑦ ᐅᖄᓚᕕᐅᓚᐅᖅᑐᑦ ᕼᐋᐱ ᕚᓕᒥ ᐃᖃᓗᓐᓂ ᐃᓪᓗᒥᑦ ᐃᑯᐊᓚᔪᖃᕐᓂᕋᐃᔪᒧᑦ. ᐃᖃᓗᐃᑦ ᖃᑦᑎᕆᔨᖏᑦ 14−ᖑᓚᐅᖅᑐᑦ ᐊᒻᒪ 7−ᖑᓪᓗᑎᒃ ᐊᑭᓕᕐᓱᖅᑕᐅᒐᑎᒃ ᐃᑲᔪᖅᑎᐅᔪᑦ ᐅᐸᓚᐅᖅᑐᑦ.

ᑎᑭᒃᑲᒥᒃ, ᖃᑦᑎᕆᔩᑦ ᑕᑯᓚᐅᖅᑐᑦ ᐃᑯᐊᓚᔪᖅ ᐄᒐᓛᒃᑰᓕᕇᓐᓂᖓᓂᑦ, ᐃᓪᓗᒧᑦ ᐃᓯᓵᓕᓚᐅᖅᑐᑦ ᐊᒻᒪ ᐃᑯᐊᓚᔪᖅ ᐃᓪᓗᕈᓯᕐᒥᒃ ᐃᑭᒋᐊᖕᖓᓚᐅᖅᑐᒥᑦ ᓯᓚᑖᓅᕈᓐᓇᕐᓯᓚᐅᖏᓪᓚᑐᖅᑐᖅ.

ᐊᑕᐅᓯᖅ ᐃᓪᓗᒥ ᓇᔪᓚᐅᖅᑐᖅ ᕿᑭᖅᑕᓂ ᐋᓐᓂᐊᕕᖓᓅᕈᔾᔭᐅᓚᐅᖅᑐᖅ ᖃᐅᔨᓴᖅᑕᐅᖁᔭᐅᓗᓂ ᖃᓄᐃᖏᒃᑲᓗᐊᕐᒪᖔᖅ.

ᐊᓪᓚᕝᕕᖓ ᖃᑦᑎᕆᔨᒻᒪᕆᒃᑯᑦ ᖃᐅᔨᓴᖅᐸᓪᓕᐊᓕᖅᑐᑦ ᖃᓄᖅ ᐃᑭᒋᐊᖕᖓᓚᐅᕐᒪᖔᖅ.

ᖃᒧᑕᐅᔭᐃᑦ ᐊᑦᑕᓇᑦᑕᐃᓕᒪᐅᑎᖏᑦ ᐊᒻᒪ ᐃᖅᑲᐃᑎᑦᑎᔾᔪᑏᑦ

ᓯᑎᒃᑯᑦ ᐃᖅᑲᐃᑎᑦᑎᒍᒪᓕᕐᒥᔪᑦ ᖃᒧᑕᐅᔭᖅᐸᑦᑐᓂᑦ ᐅᔾᔨᕈᓱᑦᓯᐊᖃᑦᑕᕆᐊᖃᕐᓂᖏᓐᓂᑦ ᐊᒻᒪ ᒪᓕᑉᐸᓪᓗᑎᒃ
ᐊᑦᑕᓇᑦᑕᐃᓕᒪᐅᑎᓂᑦ ᐱᓕᕆᔾᔪᑎᓂᑦ ᐊᐅᓚᑦᑎᓕᕋᐃᒍᑎᒃ ᖃᒧᑕᐅᔭᒥᓂᒃ ᐅᑭᐅᖑᓂᐊᖅᑐᖅ.

ᒪᓕᑦᑐᒋᑦ ᑎᑎᕋᕐᓯᒪᔪᑦ ᓯᑎᒃᑯᑦ ᒪᓕᒐᕋᓛᖁᑎᖓᓐᓂ 557, ᖃᒧᑕᐅᔭᖅᐸᑦᑐᑦ ᐃᓱᒫᓘᔾᔪᒥᖁᔭᐅᕙᑦᑐᑦ ᐊᒻᒪ
ᐊᓯᒥᓂᒃ ᐃᑉᐱᒍᓱᑦᑎᐊᐸᓪᓗᑎᒃ ᐊᒻᒪ ᐱᖁᑎᒋᔭᐅᔪᓂᑦ. ᐊᑐᖅᐸᓪᓗᒋᑦ ᖃᒧᑕᐅᔭᓄᑦ ᐊᖅᑯᑎᐅᑎᑕᐅᔪᑦ
ᑭᓯᐊᓂ ᓇᓗᓇᐃᔭᕐᓯᒪᑦᑎᐊᖅᑐᑦ, ᒪᓕᑦᑐᒋᑦ ᓇᓗᓇᐃᔭᕐᓯᒪᔪᑦ ᐊᑕᔪᒥ ᖃᒧᑕᐅᔭᓐᓄᑦ ᑐᓪᓕᓂᕐᓂᒃ
ᓄᓇᖕᖑᐊᖅ.

ᐊᖁᑉᐸᓪᓗᓯ ᒪᓕᑉᐸᓪᓗᒍ ᓯᓚᐅᑉ ᖃᓄᐃᓐᓂᖓ ᐊᒻᒪ ᐅᖓᓯᒌᑦᑎᐊᐸᓪᓗᓯ ᐊᓯᖏᓐᓂᑦ ᓄᓇᒃᑰᔫᓂᑦ
ᐅᕝᕙᓘᓐᓃᑦ ᐱᓱᑦᑐᓂᑦ. ᐊᖅᑯᑎᐅᑉ ᑕᓪᓕᖅᐱᐊᓂ ᐃᖏᕐᕋᕙᓪᓗᓯ ᑭᓪᓕᖓ ᖃᓂᒋᒋᐊᕐᔫᒥᕙᓪᓗᒍ
ᐊᔪᕐᓇᖏᑐᐊᖅᐸᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓇᒻᒥᓂᖃᖅᑎᐅᔪᓄᑦ ᐊᐅᓚᓃᑦ
ᓅᕖᐱᕆ 26, 2020 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᖃᐅᔨᒃᑲᐃᔪᒪᕗᑦ ᓇᒻᒥᓂᖁᑎᒋᔭᐅᔪᓂᑦ ᒪᑐᐃᖕᒐᔪᓂᑦ ᑭᓇᒃᑯᑐᐃᓐᓇᕐᓄᑦ ᒪᑐᓯᒪᐅᖅᑎᓪᓗᒋᑦ.

ᐱᖕᒐᑦᓯᖅ, ᓅᕕᐱᕆ 18, 2020, ᓄᓇᕗᑦ ᒐᕙᒪᒃᑯᖕᒋᑦ ᖃᐅᔨᒃᑲᐃᓚᐅᕐᒪᑕ ᒪᑐᓯᒪᓂᐊᖅᑐᒥᒃ ᐱᓇᓱᐊᕈᓰᓐᓂᒃ ᒪᕐᕉᖕᓂᒃ, ᒪᑐᐃᖕᒐᔭᕆᐊᓖᑐᐊᑦ ᒪᑐᐃᖕᒐᓂᐊᖅᑐᑎᑦ. ᑐᑭᓕᒃ ᓇᒻᒥᓂᕆᔭᐅᔪᐃᑦ ᓲᕐᓗ ᐃᒥᕋᓚᒡᕖᑦ, ᓂᕆᔭᖅᑐᕐᕖᑦ, ᐃᓕᓐᓂᐊᕐᕖᑦ ᐸᐃᕆᕖᓪᓗ ᒪᑐᓯᒪᔪᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᕼᐋᓗᐄᓐᖑᓕᖅᐸᑦ ᐊᑐᕆᐊᒃᑯᑦ ᐃᖏᕐᕋᕙᑦᑐᑦ ᓇᐅᒃᑯᑦ ᐊᓯᔾᔨᖅᑕᐅᓯᒪᓛᖅᑐᑦ
ᐋᒃᑑᐸ 29, 2020 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᐃᑎᑦᑎᒍᒪᓕᕐᒥᔪᑦ ᓄᓇᓕᕐᒥᐅᑕᓂᑦ ᖃᐅᔨᓴᒃᑲᓐᓂᓛᖁᔭᐅᓗᑎᒃ ᐊᑐᕆᐊᒃᑯᑦ ᐃᖏᕐᕋᓕᕈᑎᒃ ᕼᐋᓗᐄᖑᓂᐊᖅᑐᖅ ᐅᓐᓄᒃᑯᑦ ᓈᑦᓯᐅᖑᔭᓛᕐᓂᐊᕐᒥ, ᐋᑦᑑᐸ 31, 2020.

ᓱᕈᓰᑦ ᐊᑦᑕᓇᖅᑐᒦᓛᖁᓇᒋᑦ ᐳᓚᕋᕐᓂᖏᓐᓂ, ᖃᐅᔨᒪᖁᔭᐅᔪᑦ ᐅᑯᐊ ᕼᐋᓗᐄᓐᒥ ᐊᑐᕆᐊᒃᑯᑦ ᐃᖏᕐᕋᕙᑦᑐᑦ ᓇᐅᒃᑯᑦ ᐊᓯᔾᔨᖅᑕᐅᓯᒪᓛᕐᒪᑕ ᐱᒋᐊᕐᓗᑎᒃ 5:30 ᐅᓐᓄᓴᒃᑯᑦ 8:30−ᒧᓄᑦ ᐅᓐᓄᒃᑯᑦ:

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᕙᕐᔪᐊᕐᓇᖅ−19 ᐱᓪᓗᒍ ᓯᑎᒃᑯᓐᓂᑦ ᑐᓴᕋᑦᓴᖅ − ᐃᖅᑲᐃᑎᑦᓯᔾᔪᑎ ᐊᑦᑕᓇᑦᑕᐃᓕᒪᓂᕐᒥᑦ ᐱᓕᕆᔾᔪᑎᐅᔪᓂᑦ ᐱᖕᖑᐊᖅᑐᓕᕆᔨᒃᑯᑦ ᐱᓕᕆᕝᕕᖏᓐᓂ

ᐋᒃᑑᐸ 28, 2020 – ᐃᖃᓗᐃᑦ, ᓄᓇᕗᑦ

ᐊᑭᓕᕐᓱᖅᑕᐅᒐᑎᒃ ᐃᑲᔪᖅᐸᑦᑐᓂᑦ ᖁᔭᒋᔭᐅᖁᔭᐅᔪᓂᑦ ᓇᓗᓇᐃᔭᐃᓂᖅ ᓂᕈᐊᒐᑦᓴᓕᐅᕈᓐᓇᓂᕐᒥᑦ

ᐊᕐᕌᒍᑦᑎᓐᓂ ᐊᑭᓕᕐᓱᖅᑕᐅᒐᑎᒃ ᐃᑲᔪᖅᐸᑦᑐᓂᑦ ᖁᔭᓕᔾᔪᓯᐊᖅᑎᑦᑎᓂᖅ ᐊᑐᖅᑕᐅᓛᖅᑐᑦ ᐱᖓᑦᓯᕐᒥ, ᓅᕖᐱᕆ 18, 2020.

ᖃᐅᔨᒪᒍᕕᑦ ᑭᓇᑐᐃᓐᓇᕐᒥᑦ ᐃᓕᑕᕆᔭᐅᒋᐊᓕᒻᒥᑦ ᐃᑲᔪᖅᐸᓐᓂᖏᓐᓄᑦ ᓄᓇᓕᓐᓂ, ᑐᓴᕈᒪᑐᐃᓐᓇᓯᐊᖅᑐᒍᑦ ᐃᓕᑦᓯᓐᓂᒃ! ᓂᕈᐊᒐᑦᓴᓕᐅᕈᑎᓂᑦ ᐅᕙᖕᖓᑦ ᐱᔪᓐᓇᖅᑐᓯ ᖃᕋᑕᐅᔭᒃᑯᑦ: https://www.iqaluit.ca/sites/default/files/volunteer_awards_nomination_f...

ᐊᑐᕆᐊᖅ ᒪᑐᓯᒪᓂᐊᖅᑐᖅ ᐃᖃᓗᓐᓂ ᐊᓕᕐᒥ

ᓄᓇᓕᕐᒥᐅᑕᐃᑦ ᖃᐅᔨᒪᖁᔭᐅᓕᕐᒥᔪᑦ ᓴᓇᔭᐅᔪᒥᑦ ᐃᖃᓗᓐᓂ ᐊᑦᓯᓂᕐᓴᒥ ᖃᓂᒋᔭᖓᓂ ᐃᓗᕕᖃᕐᕕᑐᖃᐅᑉ ᓂᐱᓴ ᐊᑐᕆᐊᕐᒥ, ᐊᑯᓐᓂᖏᓐᓂ ᐃᓪᓗᐃᑦ #120 ᐊᒻᒪ #121. ᒪᑐᓯᒪᓛᖅᑐᖅ ᓇᒡᒋᔾᔭᐅᒥᑦ, ᓰᑏᐱᕆ 28 ᓇᒡᒋᔾᔭᐅᒧᑦ ᐋᑦᑑᐸ 12 ᑭᓈᓗᓐᓄᑦ ᓱᓪᓗᓕᒃ ᑭᖑᕝᕕᖅᑕᐅᓛᕐᒪᑦ ᐃᓪᓗᓅᖓᔪᖅ 121, 279, ᐊᒻᒪ 281.

ᐊᑐᕆᐊᓂ ᑎᑎᕋᕐᓯᒪᔪᓂᑦ ᐋᖅᑭᑦᓯᓯᒪᓛᖅᑐᑦ ᓄᓇᒃᑰᔫᖅᑐᑦ ᓇᐅᒃᑰᖔᕈᓐᓇᓛᕐᒪᖔᑕ. ᑕᑯᒋᐊᖁᔪᖅ ᓄᓇᖕᖑᐊᖅ ᐊᑕᑎᑕᐅᔪᖅ.

ᑐᑭᓯᒋᐊᒃᑲᓐᓂᕈᒪᒍᔅᓯ ᐃᖅᑲᓇᐃᔭᕐᓇᐅᓕᕐᒥᑎᓪᓗᒍ, ᐊᑏ ᑐᑭᓯᒋᐊᕐᕕᐅᖃᑦᑕᕐᓕ:

ᓲ ᐊᐃᕗᕆ 
ᓄᓇᓕᐸᐅᔭᐃᑦ ᐃᖃᓗᐃᑦ 
S.Avery@iqaluit.ca
 867-979-5630

ᒪᐃᔭ ᑲᑐᔾᔨᖃᑎᖃᖅᐳᖅ ᒥ’ᒃᒪᖅ ᐊᓪᓚᓂᑦ ᐊᒻᒪ ᐊᑭᕋᖅᑐᑐᒻᒪᕆᐅᓗᑎᒃ ᐱᓕᕆᔾᔪᑎᐅᕙᑦᑐᓂᑦ ᖁᕕᐊᓇᖕᖏᑐᕐᔪᐊᓂᑦ ᒥ’ᒃᒪᖅ ᐊᓪᓚᓂᑦ ᐃᖃᓗᒐᓱᑦᑎᓐᓂᑦ

“ᓄᓇᓕᐸᐅᔭᐃᑦ ᐃᖃᓗᐃᑦ ᑲᑐᔾᔨᖃᑎᖃᖅᐳᑦ ᓯᐸᒃᓂ’ᑲᑎᒃ ᓄᓇᖃᖅᑳᕐᓯᒪᔪᓂᑦ, ᒥ’ᒃᒪᖅ ᐊᓪᓚᐃᑦ ᐊᖏᔪᖅᑳᖏᑦ ᓇᓗᓇᐃᕐᓯᓚᐅᖅᑎᓪᓗᒋᑦ ᑐᐊᕕᕐᓇᖅᑐᒥᑦ ᐊᑐᓕᖅᑎᓪᓗᒋᑦ ᐋᓐᓂᑎᖅᑕᐅᓂᕐᒥᑦ, ᐃᓕᕋᓱᐊᑎᑕᐅᓂᕐᒥᑦ, ᐊᒻᒪ ᐱᐅᒋᔭᐅᖏᓂᕐᒥᑦ ᐅᕕᓂᖃᑎᒌᖏᒻᒪᑕ ᒥ’ᒃᒪᖅ ᐊᓪᓚᐃᑦ ᐃᖃᓗᒐᓱᑦᑎᖏᑦ ᓅᕙ ᓯᑰᓴᒥ ᐱᓇᓱᐊᕈᓯᐅᓚᐅᖅᑐᒥ. ᐅᖃᖅᐳᖓ ᐱᐅᒋᖏᒻᒪᕆᑦᑐᒋᑦ ᐱᓕᕆᐊᖑᓚᐅᖅᑐᑦ ᓄᓇᖃᖅᑳᕐᓯᒪᖕᖏᑦᑐᓄᑦ ᐃᖃᓗᒐᓱᑦᑎᓄᑦ ᐊᑐᖅᑕᐅᔪᑦ ᒥ’ᒃᒪᖅ ᐊᓪᓚᐃᑦ ᐃᖃᓗᒐᓱᑦᑎᓂᑦ ᐊᑐᕐᓗᑎᒃ ᐱᔪᓐᓇᐅᑎᒥᓂᒃ ᐃᖃᓗᒍᓐᓇᖁᓪᓗᒋᑦ ᓅᕙ ᓯᑰᓴᒥ.

ᐊᑐᕆᐊᒥᑦ ᒪᑐᓯᓯᒪᓂᖅ - ᐃᓄᒋᐊᕝᕕᖓ

ᓄᓇᓕᕐᒥᐅᑕᐃᑦ ᖃᐅᔨᒪᖁᔭᐅᓕᕐᒥᔪᑦ ᐊᑐᕆᐊᕐᒥᑦ ᒪᑐᓯᓯᒪᑲᐃᓐᓇᓂᐊᕐᒪᑕ ᓯᑎᒃᑯᑦ ᓄᓇᓕᐅᑉ ᕿᑎᐊᓂ ᐅᐃᒍᐃᕙᑦᑐᒥᑦ ᐅᒥᐊᖅ ᐊᑐᕆᐊᕐᒥᑦ ᐊᒻᒪ ᓂᐱᓴ ᐊᑐᕆᐊᕐᒥᑦ, ᐊᑯᓐᓂᖏᓐᓃᑦᑐᖅ ᐃᓪᓗᐃᑦ 166 ᐊᒻᒪ 168.

ᒪᑐᔭᐅᓯᒪᑲᐃᓐᓇᓛᖅᑐᖅ ᑕᓪᓕᒥᕐᒥ, ᓰᑏᐱᕆ 18 ᐱᒋᐊᕐᓗᑎᒃ ᐅᓪᓛᒃᑯᑦ 6−ᒥ ᐅᓐᓄᓴᒧᑦ 3−ᒧᓄᑦ ᐊᑐᕆᐊᕐᒥᑦ ᓴᓇᑲᐃᓐᓇᑎᓪᓗᒋᑦ.

ᓯᑎᒃᑯᑦ ᒪᒥᐊᑦᑑᒐᓗᐊᑦ ᐊᑲᐅᖏᓕᐅᕈᑎᓕᐅᕈᑎᒃ ᐊᒻᒪ ᓇᑯᕐᒦᖅᑐᑎᒃ ᐃᓕᑦᓯᓐᓂᒃ ᑐᑭᓯᓂᕐᓯᓐᓂᒃ ᖃᐅᔨᒪᖁᔨᔾᔪᑎᒥᑦ.

ᑐᑭᓯᒋᐊᒃᑲᓐᓂᕈᒪᒍᔅᓯ ᐃᖅᑲᓇᐃᔭᕐᓇᐅᓕᕐᒥᑎᓪᓗᒍ, ᐊᑏ ᑐᑭᓯᒋᐊᕐᕕᐅᖃᑦᑕᕐᓕ:

ᓲ ᐊᐃᕗᕆ 
ᓄᓇᓕᐸᐅᔭᐃᑦ ᐃᖃᓗᐃᑦ
 S.Avery@iqaluit.ca 
867-979-5630