ᓄᓇᓕᐸᐅᔭᒃᑯᑦ ᕿᓂᖅᑐᑦ ᐃᓱᒪᒋᔭᐅᔪᓂᑦ ᐱᐅᓯᑎᒋᐊᕈᑎᑦᓴᐅᔪᓂᑦ ᓂᐊᖁᖕᖒᑎᓂ ᐃᓗᕕᖃᕐᕕᒻᒥᑦ

ᓄᓇᓕᐸᐅᔭᒃᑯᑦ ᕿᓂᖅᑐᑦ ᐃᓱᒪᒋᔭᐅᔪᓂᑦ ᐱᐅᓯᑎᒋᐊᕈᑎᑦᓴᐅᔪᓂᑦ ᓂᐊᖁᖕᖒᑎᓂ ᐃᓗᕕᖃᕐᕕᒻᒥᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑐᖕᖓᓱᑦᑎᑦᑎᓕᕆᕗᑦ ᓄᓇᓕᕐᒥᐅᑕᐅᔪᓂᑦ ᐃᓱᒪᒋᔭᖏᓐᓂᑦ ᑐᓴᕐᕕᖃᕈᒪᓪᓗᑎᒃ ᐱᐅᓯᑎᒋᐊᕈᑎᐅᓛᖅᑐᓂᑦ ᓂᐊᖁᖕᖒᑎᓂ ᐃᓗᕕᖃᕐᕕᒻᒥᑦ.

ᐱᐅᓯᑎᒋᐊᕈᑎᑦᓴᐃᑦ ᐃᓚᒋᔭᐅᔪᑦ ᐊᖏᓂᕐᓴᒧᑦ ᓂᐊᖁᖕᖒᑎᓂ ᐃᓗᕕᖃᕐᕕᒻᒥᑦ ᓴᓇᒋᐊᕐᓂᐅᔪᒥᑦ ᐱᓕᕆᐊᑦᓴᒧᑦ ᑲᒪᒋᔭᐅᖁᓪᓗᒋᑦ ᐃᓂᒋᔭᐅᔪᒥᑦ ᐱᔾᔪᑎᐅᔪᑦ ᐊᑦᑐᐊᓂᖃᖅᑐᑦ ᑰᓐᓂᖓᓄᑦ ᖃᓄᖅ ᐊᑲᐅᖏᓕᐅᕈᑎᐅᔪᓂᑦ, ᐃᓗᕖᑦ ᐃᓗᖏᑦ ᐃᒻᒪᖃᑦᑕᕐᓂᖏᓐᓂᑦ ᐊᒻᒪ ᓯᓚᐅᑉ ᐊᓯᔾᔨᐸᓪᓕᐊᓂᖓ ᐱᓪᓗᒍ ᐃᓕᑦᑑᑎᑦᓴᐅᔪᓐᓇᖅᑐᑦ.

ᓄᓇᓕᐸᐅᔭᒃᑯᑦ ᐃᓱᒪᒋᔭᑦᓯᓐᓂᑦ ᑐᓴᕈᒪᔪᑦ ᐃᓗᕕᖃᕐᕕᑦᓴᐃᑦ ᖃᓄᖅ ᓴᓇᔭᐅᓯᒪᒍᓐᓇᕐᓂᖏᓐᓂᑦ ᓯᕗᓂᑦᑎᓐᓂ ᐊᑐᖅᑕᐅᔪᓐᓇᕋᔭᖅᑐᓂᑦ ᓂᐊᖁᖕᖒᑎᓂ ᐃᓗᕕᖃᕐᕕᒻᒥᑦ. ᓄᓇᓕᐸᐅᔭᒃᑯᑦ ᑐᓴᖅᑎᑕᐅᔪᓐᓇᓂᐊᖅᑐᑦ ᑎᑭᓪᓗᒍ ᒫᕐᓯ 5 ᐅᓐᓄᓴᒧᑦ 4:30 ᑎᑎᕋᐅᑎᒋᓗᒋᑦ ᐃᕐᖐᓇᖅᑕᐅᑎᒃᑯᑦ, ᑎᑎᖅᑲᓂᐊᕐᕕᒃᑯᑦ ᐊᐅᓪᓚᑎᓪᓗᒋᑦ ᐊᒻᒪ ᑐᑭᓯᒋᐊᕈᑎᒃᑯᑦ ᐅᖄᓚᐅᑎᒃᑯᑦ. ᓄᐊᑕᐅᔪᑦ ᑐᑭᓯᒋᐊᕈᑎᓯ ᐅᓂᒃᑳᓕᐅᕈᑎᐅᓛᖅᑐᑦ ᓄᓇᓕᐸᐅᔭᐃᑦ ᑲᑎᒪᔨᖏᓐᓄᑦ.

ᐅᐸᒍᓐᓇᖅᑕᓯ ᓄᓇᓕᐸᐅᔭᐃᑦ ᐃᑭᐊᖅᑭᕕᖓᑦ ᓂᐱᓕᐅᕈᒪᒍᑦᓯᐅᒃ ᑐᑭᓯᒋᐊᕈᑎᐅᔪᑦ ᑎᑎᕋᕐᓯᒪᔪᑦ ᐅᑯᓂᖓ ᓇᓖᕌᕈᑎᓂᑦ ᐅᕗᖓ: https://www.iqaluit.ca/content/apex-cemetery-consultation-info-sheet-inu...

ᑎᑎᕋᕐᓯᒪᔪᓂᑦ ᑐᑭᓯᒋᐊᕈᑎᓂᑦ ᐊᑐᐃᓐᓇᖅᑐᖃᕐᒥᔪᖅ ᓄᓇᓕᐸᐅᔭᐃᑦ ᐊᓪᓚᕝᕕᖏᓐᓂ ᐃᓪᓗ #1085 ᐊᐃᔭᐅᔪᓐᓇᖅᑐᓂᑦ ᐃᖅᑲᓇᐃᔭᕐᓇᐅᓂᖓᓂ ᐃᑲᕐᕋᓂ.

ᓈᓚᓛᖅᑯᓯ ᑐᑭᓯᒋᐊᖅᑎᑦᑎᔪᓂᑦ ᓈᓚᐅᑎᒃᑯᑦ ᐅᕙᓂ 91.1 FM ᓰᕖᓰ ᓈᓚᐅᑎᒃᑯᑦ ᓂᐱᕘᒃᑯᑦ ᓇᒡᒋᔾᔭᐅᒥ, ᕕᕝᕗᐊᕆ 22 ᐅᓪᓗᒃᑯᑦ 12−ᒥᑦ 1−ᒧᑦ.

ᓄᓇᓕᕐᒥᐅᑕᐃᑦ ᐅᖄᓚᓛᖁᔭᐅᑦᑎᐊᖅᑐᑦ ᐊᐱᖅᑯᑎᖃᕈᑎᒃ ᐊᒻᒪ ᐃᓱᒪᒋᔭᒥᓂᒃ ᓈᓚᐅᑎᒃᑯᑦ ᐅᕘᓇ 91.1 FM ᓰᕖᓰ ᓈᓚᐅᑎᒃᑯᑦ ᓂᐱᕘᒃᑯᑦ ᓇᒡᒋᔾᔭᐅᓕᖅᑭᕐᒥ, ᕕᕝᕗᐊᕆ 23 ᐅᓪᓗᒃᑯᑦ 12−ᒥᑦ 1−ᒧᑦ.

ᐃᓱᒪᒋᔭᓯ ᐅᖃᐅᓯᕆᓯᐅᒃ ᓄᓇᓕᐸᐅᔭᒃᑯᓐᓄᑦ:​

ᐃᕐᖐᓇᖅᑕᐅᑎᒃᑯᑦ: info@iqaluit.ca

ᑎᑎᕋᕐᓗᑎᑦ: ᓄᓇᓕᐸᐅᔭᐃᑦ ᐃᖃᓗᐃᑦ, ᑎᑎᖅᑲᖃᐅᑎᖓ 460, ᐃᖃᓗᐃᑦ, ᓄᓇᕗᑦ X0A 0H0

ᐅᖄᓚᓗᓯ ᑐᑭᓯᒋᐊᕐᕕᑎᓐᓄᑦ: 867-979-5603, 9 – 11:30 ᐅᓪᓛᒃᑯᑦ ᓇᒡᒋᔾᔭᐅᒥᑦ ᑕᓪᓕᒥᕐᒧᑦ

ᓈᓚᐅᑎᒃᑯᑦ ᐅᖄᓚᓗᓯ: ᕕᕝᕗᐊᕆ 23 ᐅᓪᓗᒃᑯᑦ 12 – 1, ᓂᐱᕗᑦ ᓰᕖᓰ ᓈᓚᐅᑎ 91.1 FM 867-979-6100

 

ᑐᑭᓯᒋᐊᕈᒪᔪᑦ ᐆᕕᖓ ᖃᐅᔨᒋᐊᖁᔪᑦ:
ᓖᓴ ᒥᓗᓵᕝᔨᕕᒃ
ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᕐᓂᒥᑦ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
L.Milosavljevic@iqaluit.ca
867-979-5607