ᓇᖕᒥᓂᕆᔭᑦ ᑮᓇᐅᔭᓕᐅᕐᕕᑦ

2021 ᓇᖕᒥᓂᖃᖅᑎᓄᑦ ᓚᐃᓴᐃᑦ ᓄᑖᕈᖅᑎᒋᐊᓖᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᐃᑎᑦᑎᒍᒪᓕᕐᒥᔪᑦ ᓄᓇᓕᕐᒥᐅᑕᓂᑦ ᓈᒻᒪᓯᒻᒥᒻᒪᑦ ᐊᕐᕌᒍᒥ ᓇᖕᒥᓂᖃᖅᑎᐅᔪᑦ ᓚᐃᓴᒥᓂᒃ ᓄᑖᕈᖅᑎᑦᑎᒋᐊᖃᓕᖅᑐᑎᒃ. ᓇᖕᒥᓂᖃᖅᑎᐅᔪᑦ ᓄᑖᕈᖅᑎᑦᑎᔾᔪᑎᑦᓴᖏᓐᓂᑦ ᑐᓂᓯᖁᔭᐅᒐᓗᐊᑦ ᓯᕗᓂᐊᒍᑦ ᔮᓐᓄᐊᕆ 31, 2021 ᐊᑐᕈᒪᓂᐊᕈᑎᒃ ᐊᑭᑭᓪᓕᒋᐊᕈᑎᐅᔪᒥᑦ ᓄᑖᕈᖅᑎᑦᑎᔾᔪᑎᒥᑦ. ᓄᑖᕈᖅᑎᑦᑎᔾᔪᑎᑦᓴᑦ ᖃᐃᑕᐅᔪᑦ ᕕᕝᕗᐊᕆ 1, 2021 ᐊᒻᒪ ᑭᖑᓂᐊᒍ, ᐊᑭᓖᒋᐊᖃᕋᔭᖅᑐᑦ ᓈᒪᓗᒋᑦ ᓄᑖᕈᖅᑎᑦᑎᔾᔪᑎᓄᑦ ᐊᑭᓕᕆᐊᓖᑦ.

ᑲᑎᒪᔨ ᓄᖅᑲᖅᑐᖅ ᐃᓘᓐᓇᑎᒃ ᐊᔾᔨᒌᒥᑦ ᓂᕈᐊᓚᐅᖅᑎᓪᓗᒋᑦ

ᑲᑎᒪᔨ ᒪᓚᐃᔭ ᓘᑲᓯ ᓄᖅᑲᖅᑐᖅ ᓯᑎᒃᑯᓐᓄᑦ ᑲᑎᒪᔨᐅᓂᕐᒥᓂᒃ ᐃᓘᓐᓇᑎᒃ ᐊᔾᔨᒌᒥᑦ ᓂᕈᐊᕐᓂᖃᓚᐅᖅᑎᓪᓗᒋᑦ ᑲᑎᒪᔩᑦ ᓇᒡᒋᔾᔭᐅᓕᖅᑭᐅᑎᓪᓗᒍ, ᐋᑦᑑᐸ 13, 2020.

ᑲᑎᒪᔨ ᕉᒪᐃᓐ ᓯᑏᕙᓐᓴᓐ ᐱᖁᔨᕗᖔᓕᐅᓚᐅᖅᑐᖅ ᑕᕝᕙᓴᐃᓐᓇᖅ ᓄᖅᑲᖁᓪᓗᓂᐅᒃ ᑲᑎᒪᔨ ᒪᓚᐃᔭ ᓘᑲᓯ ᓘᑲᓯ ᐅᕕᓂᐅᖃᑎᒋᖕᖏᑕᒥᓂᒃ ᐅᖃᐅᓯᖃᑲᒻᒪᓚᐅᖅᑎᓪᓗᒍ ᑭᒃᑯᑐᐃᓐᓇᐃᑦ ᑐᓴᕋᑦᓴᖃᕐᕕᖏᓐᓂ ᐱᓇᓱᐊᕈᑎᐅᓚᐅᖅᑐᒥ. ᑲᑎᒪᔨ ᓴᐃᒪᓐ ᓇᑖᖅ ᐊᐃᑉᐲᓚᐅᖅᑐᖅ ᐱᖁᔨᕗᖔᓕᐅᕈᑎᐅᔪᒥᑦ.

ᐅᖃᐅᓯᕆᓚᐅᖅᑕᖓ ᑲᑎᒪᔨ ᕉᒪᐃᓐ ᓯᑏᕙᓐᓴᓐ:

ᑲᑎᒪᔩᑦ ᑭᒃᑯᑐᐃᓐᓇᐃᑦ ᐃᓱᒪᒋᔭᖏᓐᓂᑦ ᑐᓴᕋᓱᓐᓂᖃᓛᖅᑐᑦ: ᖃᕋᑕᐅᔭᒃᑯᑦ ᐅᕘᓇ

ᐅᑯᐊ ᐊᓯᔾᔨᐅᑎᐅᖁᔭᐅᓯᒪᓂᖏᓐᓂᑦ:
1. ᑲᔪᓯᑎᑕᐅᖁᓪᓗᒍ ᐊᓯᔾᔨᐅᑎᐅᔪᖅ ᓱᓇᓕᒫᓂᑦ ᐸᕐᓇᐅᑎᓂᑦ ᒪᓕᒐᕋᓛᕐᒥ 703 ᐊᒻᒪ ᓄᓇᖁᑎᓄᑦ ᑭᓪᓕᓕᐅᕈᑎ ᒪᓕᒐᕋᓛᖅ 704:
ᐃ. ᐊᓯᔾᔨᕐᓗᒋᑦ ᑎᑎᕋᕐᓯᒪᕕᒻᒦᑦᑐᑦ 7.5 ᐊᑐᐊᒐᖅ 4 ᐱᖃᓯᐅᔾᔭᐅᖁᓪᓗᒋᑦ ᓯᐊᖕᖓᔪᓂᑦ ᑲᑎᖕᖓᔪᓂᑦ ᓇᔪᒐᓕᐅᕐᕕᑦᓴᖅ ᑎᓴᒪᐅᔪᓐᓇᓕᕐᓗᑎᒃ ᓇᔪᒐᑦᓴᐃᑦ ᑎᑎᕋᕐᓯᒪᔪᓃᑦᑐᑦ ᑭᓪᓕᓕᓐᓂ ᓴᓇᔭᐅᔪᓐᓇᖅᑐᓂᑦ ᐊᖏᖅᑕᐅᓯᒪᔪᓂᑦ ᑲᑎᒪᔨᓂᑦ ᓄᓇᖁᑎᓄᑦ ᐱᔨᑦᓯᕋᐅᑕᐅᔪᓄᑦ ᓄᓇᒃᑰᔫᒃᑯᑦ.
ᐱ. ᐊᓯᔾᔨᖁᓪᓗᒍ ᐃᓚᖓ B ᓄᓇᖁᑎᓄᑦ ᑭᓪᓕᓕᐅᕈᑎ ᒪᓕᒐᕋᓛᕐᒥ 704 ᑭᓪᓕᓕᐅᕈᑎᖓ ᐊᓯᔾᔨᓂᐊᕐᒪᑦ ᓄᓇᖁᑎ 11, ᐃᓗᐃᒃᑲᕐᒥᒃ 6, ᐸᕐᓇᐅᑎᒥᑦ 4400 (ᓂᐊᖁᖕᖒᑎᓂ) ᐃᓪᓗᖃᕐᕕᒻᒥ ᑮᓇᐅᔭᓕᐅᕐᕕᐅᔪᓐᓇᓂᕐᒥᑦ (B3) ᐊᑯᓐᓈᕿᔪᓂᑦ ᐃᓄᒋᐊᒍᓐᓇᖅᑐᓄᑦ ᓇᔪᒐᖃᕐᕕᒻᒧᑦ (R2).

ᑲᑎᒪᔩᑦ ᑭᒃᑯᑐᐃᓐᓇᐃᑦ ᐃᓱᒪᒋᔭᖏᓐᓂᑦ ᑐᓴᕋᓱᓐᓂᖃᓛᖅᑐᑦ

ᐅᑯᐊ ᐊᓯᔾᔨᐅᑎᐅᖁᔭᐅᓯᒪᓂᖏᓐᓂᑦ:
1. ᐊᖏᖅᑕᐅᖁᓪᓗᒍ ᐊᓯᔾᔨᐅᑎᑦᓴᖅ ᑎᑎᕋᕐᓯᒪᓂᖏᓐᓂᑦ ᓄᓇᖁᑎᓄᑦ ᑭᓪᓕᓕᐅᕈᑎ ᒪᓕᒐᕋᓛᑉ 704 ᐅᑯᓄᖓ:
ᐃ. ᐊᓯᔾᔨᖅᑕᐅᖁᓪᓗᒍ ᐃᓚᖓ B ᓄᓇᖁᑎᓄᑦ ᑭᓪᓕᓕᐅᕈᑎ ᒪᓕᒐᕋᓛᕐᒥ 704 ᑭᓪᓕᓕᐅᕈᑎᖓ ᐊᓯᔾᔨᓂᐊᕐᒪᑦ ᓄᓇᖁᑎ 941, ᐸᕐᓇᐅᑎᒥᑦ 3596 ᐊᒻᒪ ᓄᓇᖁᑎ 81, ᐸᕐᓇᐅᑎᒥᑦ 674 (ᓄᓇᓕᐅᑉ ᕿᑎᐊᓂ) ᕿᑎᐊᓂ ᓇᖕᒥᓂᖃᕐᕕᐅᔪᓐᓇᖅᑐᒥ ᐳᖅᑐᓂᖓᓂᑦ 13 ᒦᑕᓂᑦ (B1[13]) ᐊᖏᔪᖅᑳᖃᕐᕕᒻᒥ ᑮᓇᐅᔭᓕᐅᕐᕕᒻᒥ ᐊᔾᔨᐅᖏᑦᑐᒥᑦ ᐱᑐᐃᓐᓇᐅᖏᔾᔪᑎᓕᒃ 5 ᑭᓪᓕᓕᐅᕈᑎᓕᒃ (B2(5)).
ᐱ. ᐃᓚᔭᐅᓗᑎᒃ ᑎᑎᕋᕐᓯᒪᕕᒻᒦᑦᑐᑦ 16.9 ᓄᓇᖁᑎᓄᑦ ᑭᓪᓕᓕᐅᕈᑎ ᒪᓕᒐᕋᓛᕐᒧᑦ 704.

ᑎᑎᖅᑐᒐᖅ 1: ᓄᓇᐃᑦ ᐊᑦᑐᖅᑕᐅᓂᐊᖅᑐᑦ ᐊᓯᔾᔨᐅᑎᒧᑦ

ᓄᓇᓕᐸᔭᐅᒃᑯᑦ ᑲᑎᒪᔨᖏᑦ ᒪᒥᐊᑉᐳᑦ ᐅᖃᑲᒻᒪᑦᑐᖃᕐᓂᕐᖓᑦ ᐃᓅᖃᑎᒌᓄᑦ ᐅᖃᖃᓯᔮᕐᕕᐅᕙᑦᑐᒥ ᖃᕆᓴᐅᔭᒃᑯᑦ ᑕᐅᑦᑐᖃᑎᒋᓐᖏᑕᒥᓂᖕ ᐊᔾᔨᒌᖏᑎᑦᓯᓂᖕᒥᑦ

ᒪᐃᔭ ᐱᐅᓪ ᐅᔾᔨᕈᓱᑦᓯᒪᒻᒪᑦ ᒫᓐᓇᕋᑖᖅ ᖃᕆᓴᐅᔭᒃᑯᑦ ᐃᓅᖃᑎᒌᓄᑦ ᐅᖃᖃᓯᔮᕕᒻᒥ ᓴᖅᑮᔪᖃᕐᓂᓚᐅᕐᖓᑦ ᓄᓇᓕᐸᐅᔭᒃᑯᓄᑦ ᑲᑎᒪᔨᐅᖃᑕᐅᔪᒧᑦ ᑕᐅᑦᑐᖃᑎᒋᓐᖏᑕᒥᓂᖕ ᐅᖃᐅᓯᖃᕐᓂᕐᑐᓂ ᐃᑉᐸᑦᓴᖅ. ᑲᑎᒪᔨ ᒪᒥᐊᑦᓯᒪᓕᕐᑐᖅ.

ᐃᖃᓗᐃᑦ ᓄᓇᓕᐸᐅᔭᒃᑯᖏᑦ ᐱᓂᐊᕐᓂᖃᕐᖓᑕ ᐊᖏᓯᒪᓂᒃᑯᑦ ᐃᓚᐃᓐᓈᑦᑕᐃᓕᖏᐊᖃᕐᓂᖏᓐᓂᑦ ᓄᓇᖅᑲᑎᒌᓕᒫᓂᑦ ᐃᓅᖃᑎᒌᓕᒫᑦ ᑕᐅᑦᑐᖃᑎᒌᓐᖏᑲᓗᐊᕐᐸᑕ, ᐊᐅᖃᑎᒌᖏᑲᓗᐊᕐᐸᑕ, ᐊᕐᓇᒐᓗᐊᕐᐸᑦ ᐊᖑᑕᐅᒐᓗᐊᕐᐸᑦ, ᐊᒻᒪ ᓄᓕᐊᕐᓂᒃᑯᑦ ᓇᓪᓕᐊᓂᑦ ᓂᕈᐊᕆᔭᖃᕋᓗᐊᕐᐸᑦ. ᓄᓇᓕᐸᐅᔭᒃᑯᑦ ᖃᐅᔨᒪᖁᔨᕗᑦ ᓄᓇᖅᑲᑎᒌᓂᑦ ᐅᖃᐅᓯᕆᔭᒥᓂᖏᑦ ᑕᐃᒫᑦᓴᐃᓐᓇᖅ ᐃᓱᒪᖃᑦᑕᖏᓐᓇᑦᑎᒍ ᑭᒡᒐᕐᑐᐃᖏᓚᑦ ᑕᑯᓐᓇᕐᑕᖏᓂᑦ ᐅᑉᐱᕆᔭᖏᓂᓪᓗ ᓄᓇᓕᐸᐅᔭᒃᑯᑦ ᑲᑎᒪᔨᖏᑦᑕ.

ᒪᐃᔭ ᐱᐅᓪ ᐅᖃᐅᓯᖏᑦ:

ᖃᓂᒪᕐᔪᐊᕐᓇᖅ ᐳᕝᕕᕆᓇᕐᑐᖅ COVID-19 ᐱᔾᔪᑎᓕᒋᓪᓗᒍ ᐱᓐᖑᐊᕐᑐᓕᕆᔨᒃᑯᑦ ᑐᓴᕋᑦᓴᖏᑦ − ᐱᖓᔪᐊᓂ ᒪᑐᐃᖅᐸᓪᓕᐊᖑᔭᕐᓂᖅ

ᐳᐃᔾᔪᕋᕐᕕᒃ

ᐳᐃᔾᔪᕋᕐᕕᒻᒥᐅᑦ ᐱᒋᐊᕐᑎᑦᓯᒪᓕᕐᑐᑦ ᐊᓪᓗᕆᐊᕈᑕᐅᓂᐊᕐᑐᓂᑦ ᖃᓂᒪᕐᔪᐊᕐᓇᖅ ᐳᕝᕕᕆᓇᕐᑐᖅ COVID-19 ᐱᔾᔪᑎᒋᓪᓗᒍ ᐅᔾᔨᕐᑐᑦᓯᐊᕆᐊᓕᓐᓂᑦ, ᑐᑭᓕᒃ ᐳᐃᔾᔪᕋᕐᕕᒃ ᐊᐅᓚᓂᕆᕙᑦᑕᖏᓗ ᒪᑐᐃᖅᐸᓪᓕᐊᖑᔭᕐᓂᐊᕐᑐᑦ ᓇᓪᓕᑭᑕᕐᓗᑎᑦ. ᐳᐃᔾᔪᕋᕐᕕᒻᒥᑦ ᐋᖅᑭᒋᐊᕆᓂᐊᕐᑐᖅ ᒪᑐᐃᖅᐸᓪᓕᐊᓂᐊᕐᑐᓄᑦ ᐸᕐᓇᐅᑎᖏᓂᑦ ᒪᓕᑦᓯᐊᖁᓪᓗᑕ ᐅᖁᒪᐃᓐᓂᓂᐊᕐᕕᒃᑯᓄᑦ ᒪᓕᑦᑕᐅᖁᔭᐅᔪᓂᑦ.

ᖃᓂᒪᕐᔪᐊᕐᓇᖅ ᐳᕝᕕᕆᓇᕐᑐᖅ COVID-19 ᖃᓄᐃᓕᖓᓕᕐᒪᖔᑦ ᓄᓇᓕᐸᐅᔭᒃᑯᑦ ᑐᓴᕐᑎᑦᓯᒍᑎᖏᑦ − ᕼᐋᓗᕕᖑᓕᕐᐸᑦ ᖃᓄᐃᓕᖓᓂᐊᕐᒪᖔᑦᑕ

ᕼᐋᓗᕕᖑᑎᓪᓗᒍ ᖁᕕᐊᓲᑕᐅᕙᑦᑐᑦ, ᐆᑦᑑᑎᒋᓗᒍ ᓯᐴᒃᑲᕌᒪ, ᒪᒃᑯᑦᑐᒃᑯᕕᐅᑉ ᐱᓐᖑᐊᕐᕕᖓᓂ ᐊᓕᐊᓇᐃᒋᔭᐅᓪᓚᕆᑦᑐᖅ. ᐊᕐᕌᒍᑦᑎᓂ ᖃᓂᒪᕐᔪᐊᕐᓇᖅ ᐳᕝᕕᕆᓇᕐᑐᖅ COVID-19 ᒪᓕᒐᖏᑦ ᐱᔾᔪᑎᒋᓪᓗᒋᑦ ᐃᓅᖅᑲᑎᒌᑦ ᐅᖓᓯᒌᑦᑕᕆᐊᖃᕐᓂᖏᓐᓄᑦ ᐊᒻᒪ ᐅᓗᕆᐊᓇᕐᑐᒦᖁᓇᑕ ᐅᔾᔨᕐᑐᕆᐊᓖᑦ, ᓯᐴᒃᑲᕌᒪ ᖁᕕᐊᓱᓐᓂᕆᕙᑦᑕᖏᑦ ᓄᖅᑲᕐᑎᑕᐅᓯᒪᔪᑦ ᑕᒪᑐᒪᓂ.

ᒪᒃᑯᑦᑐᒃᑯᕕᒃ ᓱᓕ ᖁᕕᐊᓱᕝᕕᐅᔪᓐᓇᓛᕐᑐᖅ ᒪᑐᐃᖓᓛᕐᖓᑦ ᓯᕙᑖᕐᕕᒻᒥ, ᐅᒃᑑᕝᕙ 31, 2020ᖑᓕᕐᐸᑦ, ᕼᐋᓗᕕᒧᑦ ᐊᓕᐊᓇᓐᖑᐊᕐᑐᓂᑦ ᓴᖅᑭᔮᕐᑎᑦᓯᑲᑕᓪᓗᑎᑦ. ᒪᑐᐃᖓᓛᕐᑐᖅ ᑭᒃᑯᓕᒫᓄᑦ ᐅᑭᐅᖃᑎᒌᖏᑦᑐᓄᑦ ᑭᓪᓕᖃᕐᑎᑕᐅᓗᑎᑦ ᐊᕙᑎᑦ ᑕᓪᓕᒪᓪᓗ (25) ᐃᓄᒋᐊᕈᓐᓇᕐᓂᖏᑦ.

ᐊᑐᕆᐊᑦ ᐊᖅᑯᑕᐅᒐᔪᑦᑐᑦ ᒪᑐᒪᓂᐊᕐᑐᑦ

ᓄᓇᖅᑲᑎᒌᑦ ᖃᐅᔨᒪᖁᔭᐅᕗᑦ ᐊᑐᕆᐊᑦ ᒪᑐᓯᒪᓂᐊᕐᖓᑕ ᐊᑐᖅᑕᐅᒐᔪᑦᑐᑦ ᐊᑭᓪᓕᕐᓂ (West 40) ᓴᓇᔭᐅᓂᖏᓂ ᑭᓈᓗᒧᑦ ᓱᓪᓗᓕᑯᑖᑦ ᖃᓂᒋᔮᓂ.

ᐊᑭᓪᓕᖅ ᐊᖅᑯᑖ ᐃᓪᓗᐃᓐᓇᖓ ᐊᑐᕋᑦᓴᐅᓂᐊᕐᑐᖅ ᓇᓪᓕᑭᑕᕐᐸᓪᓗᑎᑦ ᐃᖏᕐᕋᔪᑦ. ᖃᐅᒻᒪᓪᓛᔪᓂᑦ ᓇᓗᓇᐃᒃᑯᑎᓂᑦ ᓇᑉᐸᐃᑲᐃᓐᓇᕐᓂᐊᕐᑐᑦ ᐊᐅᓚᑦᓯᐊᖁᓪᓗᒋᑦ ᓄᓇᓯᐅᕐᑐᑦ ᐃᖏᕐᕋᔭᑦᑐᑦ.

ᐊᓪᓚᓐᖑᐊᖅ ᐊᖅᑯᑖ ᒪᑐᓯᒪᓂᐊᕐᑐᖅ ᑲᓱᖅᓯᒪᔪᖅ ᐊᑭᓪᓕᖅ ᐊᖅᑯᑖᓄᑦ.

ᐃᖏᕐᕋᔪᑦ ᓴᖑᖃᑦᑕᕆᐊᖃᕐᓂᐊᕐᑐᑦ ᐃᑲᓗᒃᑑᑦᑎᐊᖅ ᐊᖅᑯᑖ ᐊᑐᖅᑕᐅᖔᕐᓗᓂ ᒥᕝᕕᒃ ᐊᑐᕆᐊᖓᒎᖓᔪᖅ, ᐊᔾᔨᕐᓇᕐᓂᐊᕐᑐᖅ ᓄᓇᓐᖑᐊᒃᑯᑦ ᓇᓗᓇᐃᕐᓯᒪᓂᖓ ᐊᐅᐸᖅᑐᒥᑦ ᐆᔭᐅᔭᒥᓪᓗ ᑎᒃᑯᐊᖓᓐᖑᐊᕐᑐᓖᑦ ᓱᑯᑦᓯᐊᓃᒻᒪᖔᑕ ᑖᒃᑯᓄᖓ ᐱᖃᓯᐅᔾᔭᐅᓯᒪᔪᑦ.

ᐊᖅᑯᑖ ᐱᔭᕇᕐᑕᐅᔪᒫᕐᓂᐊᕐᑐᖅ ᐱᖓᑦᓯᕐᒥ, ᐅᒃᑑᕝᕙ 28ᖑᓕᕐᐸᑦ.