ᑲᓇᑕᐅᑉ ᐸᓖᓯᖏᑦ – (867) 979-1111
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – (867) 979 - 4422
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – (867) 979-5300
ᓄᓇᓕᒻᒥᐅᑕᐃᑦ ᐅᖃᐅᔾᔭᐅᒋᐊᖅᑐᑦ ᒪᑐᕆᐊᒥ ᒪᑐᓯᒪᔪᒥᑦ ᐃᓱᐊᓂ ᐃᖃᓗᑦᑑᑦᑎᐊᖅ ᐊᑐᕆᐊᖓᓂ ᑲᑎᕝᕕᖏᓐᓂᑦ ᐊᑭᓪᓕᖅ ᐊᒻᒪ ᐊᓚᓐᖑᐊᖅ, ᐊᑯᓐᓂᖏᓐᓂ ᓄᓇᖃᕝᕕᓪᓗᐊᑕᖓ ᐊᒻᒪ ᐱᖓᓐᓇᖓᓂ 40. ᑖᓐᓇ ᒪᑐᓯᒪᓛᖅᑐᖅ ᐱᒋᐊᕐᓗᓂ ᕿᑎᖅᑰᖅᒪ ᓯᑎᐱᕆ 3 ᑎᑭᓪᓗᒍ ᐱᖓᑦᑎᖅ, ᓯᑎᐱᕆ 16, 2020 ᐱᖁᑎᕐᔪᐊᑦ ᓴᓇᔭᐅᔪᓐᓇᖁᓪᓗᒋᑦ.
ᒪᑐᓯᒪᔾᔪᑏᑦ ᐊᒻᒪ ᑎᑎᖅᑲᐃᑦ ᓴᖑᕕᔅᓴᖏᓐᓄᑦ ᐊᖅᑯᑎᖏᓐᓄᑦ ᐃᓂᖓᓃᑦᑐᑦ.
ᑕᑯᒃ ᐱᖃᓯᐅᑎᓯᒪᔪᖅ ᓄᓇᖑᐊᖅ ᑐᑭᓯᒋᐊᒃᑲᓐᓂᕈᒪᒍᕕᑦ
ᓄᓇᓕᐸᐅᔭᒃᑯᑦ ᒪᒥᐊᑦᑐᑦ ᐊᑲᕐᕆᔭᖏᑎᑦᑎᓂᕐᒧᑦ ᐊᒻᒪ ᖁᔭᓐᓇᒦᖅᑐᑦ ᐃᓕᔅᓯ ᑐᑭᓯᑦᑎᐊᕐᓂᖏᓐᓄᑦ.
ᓄᓇᓕᕐᒥᐅᑕᐅᔪᑦ, ᖃᐅᔨᒪᖁᔭᐅᕗᑦ ᓄᓇᓕᐸᐅᔭᐃᑦ ᐃᖃᓗᐃᑦ ᐊᕐᕌᒍᑕᒫᕐᓯᐅᑎᖓᑦ ᐃᓄᒋᐊᑦ ᑭᐱᖕᖑᐃᔭᕐᕕᔪᒪᔭᖏᓐᓄᑦ ᐊᑎᓕᐅᓕᖅᐸᑕ ᐊᑐᖅᑕᐅᓛᕐᓂᖓᓂᑦ ᖃᕋᑕᐅᔭᒃᑯᑦ ᐊᕐᕌᒍᑦᑎᓐᓂ ᐱᔾᔪᑎᐅᓗᓂ ᓄᕙᕐᔪᐊᕐᓇᖅ−19 ᐊᑦᑕᓇᑦᑕᐃᓕᒪᐅᑎᑦᓴᐃᑦ ᐊᑐᖅᑕᐅᖁᓪᓗᒋᑦ ᑭᓪᓕᖃᖅᑎᑦᑎᔾᔪᑎᐅᔪᑦ ᐃᓄᒋᐊᓗᐊᖁᔨᒐᑎᒃ ᑕᕝᕙᓂᑦᓴᐃᓐᓈᖅᑐᓂᑦ ᑲᑎᒪᔪᓂᑦ.
ᑲᑐᔾᔨᖃᑎᒌᖑᔪᑦ ᐊᒻᒪ ᑲᑎᖕᖓᑎᑦᑎᕙᑦᑐᑦ ᐊᑎᓕᐅᕐᕕᒻᒥ ᑎᑎᕋᖅᑕᐅᓯᒪᒍᒪᔪᑦ ᑭᒃᑰᓂᖏᓐᓂᑦ ᐱᑎᑦᑎᒋᐊᖃᕐᓂᐊᖅᑐᑦ ᐅᑯᓂᖓ ᑐᑭᓯᒋᐊᕈᑎᑦᓴᓂᑦ ᑭᕚᓐ ᓂᐅᓪᓴᓐᒧᑦ ᐅᕗᖓ K.Nelson@iqaluit.ca ᐱᖓᑦᓯᕐᒥ, ᓰᑏᐱᕆ 9, 2020.
ᖃᐅᔨᒪᖁᔭᐅᕗᓯ ᐱᔾᔪᑎᖃᖅᑐᑎᒃ ᐃᒥᕐᒧᑦ ᓱᓪᓗᓕᒻᒥᒃ ᓱᕋᑦᓯᒪᔪᖃᕐᓂᖓᓄᑦ, ᐃᒥᖃᖕᖏᑲᐃᓐᓇᖅᑎᑕᐅᓂᐊᖅᑐᑦ ᓇᒡᒋᔾᔭᐅᓕᖅᑭ, ᓰᑏᐱᕆ 1, 2020 ᐱᒋᐊᕐᓗᑎᒃ ᐅᕙᓂ 10:00-ᒥ ᐅᕗᖓ 2:00-ᒧ ᓴᓇᔭᐅᒋᐊᖃᕐᓂᖓᓄᑦ.
ᓇᒥ ᐃᒥᖃᖕᖏᑲᐃᓐᓇᓂᐊᖅᑐᑦ: 491, 492, 493, 494, 496, 498, 500, 1643, 1645, 1647, 1649, 1650, 1651, 1653, 1655, 1657, 1658, 1660, 1661, 1663, 1665, 1657, 1669, 1671, 1673, and 1675.
ᖃᐅᔨᒪᖁᔭᐅᕗᓯ ᐱᔾᔪᑎᖃᖅᑐᑎᒃ ᐃᒥᕐᒧᑦ ᓱᓪᓗᓕᒻᒥᒃ ᓱᕋᑦᓯᒪᔪᖃᕐᓂᖓᓄᑦ, ᐃᒥᖃᖕᖏᑲᐃᓐᓇᖅᑎᑕᐅᓂᐊᖅᑐᑦ ᓇᒡᒋᔾᔭᐅ, ᐋᒐᓯ 31, 2020 ᐱᒋᐊᕐᓗᑎᒃ ᐅᕙᓂ 10:00-ᒥ ᐅᕗᖓ 2:00-ᒧ ᓴᓇᔭᐅᒋᐊᖃᕐᓂᖓᓄᑦ.
ᓇᒥ ᐃᒥᖃᖕᖏᑲᐃᓐᓇᓂᐊᖅᑐᑦ: 2691, 2692,2693, 2694, 2695, 2696, and 2697.
ᓯᑎᒃᑯᑦ ᐊᑐᖁᔨᔪᑦ ᓄᓇᓕᕐᒥᐅᑕᐃᑦ ᑕᒪᑦᓱᒪ ᐊᕙᑎᐊᓂᕐᒥᐅᑕᐃᑦ ᐃᒥᕐᒥᒃ ᑎᖅᑎᑎᑦᑎᖃᑦᑕᕆᐊᓖᑦ ᐅᐊ ᒪᓇᒥᒃ ᐃᒥᖅᑕᐅᓂᐊᖅᑐᒥᒃ. ᐃᒥᖅ ᑎᖅᑎᓚᐅᖅᑎᓪᓗᒍ ᓂᓪᓕᓇᓕᖅᐸᑦ ᒪᑐᓕᒻᒧᑦ ᓴᓂᕐᕙᑦᑕᐅᓯᒪᒍᓐᓇᖅᑐᑦ ᐊᑐᖅᑕᐅᓂᐊᑐᐃᓐᓇᕐᓗᓂ. ᑎᖅᑎᑎᑦᑎᖃᑦᑕᖁᔭᐅᓂᐊᖅᑐᑦ ᐃᒥᕐᒥᒃ ᐅᕗᖓ ᑎᑭᓪᓗᒍ 2:00-ᒧ ᐅᕙᓂ ᐱᖓᑦᓯᖅ, ᓰᑏᐱᕆ 2 2020.
ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓪᓗᒃᑯᑦ ᐃᖅᑲᓇᐃᔭᕐᓇᐅᑎᓪᓗᒍ ᐅᕗᖓ:
ᓄᓇᓕᐸᐅᔭᖓᑦ ᐃᖃᓗᐃᑦ ᖁᕕᐊᓱᑦᑐᑦ ᑐᓴᖅᑎᑦᑎᓗᑎ ᐊᖏᔪᓂᑦ ᑐᓂᔭᐅᑐᐃᓐᓇᖅᑐᓂᑦ ᐅᕙᓐᖓᑦ ᑲᑐᔾᔨᖃᑎᒌᖏᑦ ᑲᓇᑕᒥ ᓄᓇᓖᑦ ᑎᒥᖓᑦ (CMAF) ᓄᓇᓕᑦᑎᓐᓂᑦ ᓴᐳᒻᒥᑎᑦᑎᑎᐊᓂᖅᓴᐃᓗᓂ ᐊᒻᒪ ᐃᑲᔪᕐᓗᓂ ᓯᕗᓪᓕᐅᑎᔭᕆᐊᓕᑦᑎᓐᓄᑦ ᐱᔭᐅᔭᕆᐊᖃᕐᓂᖅᐹᖑᔪᓂᑦ ᓄᕙᒡᔪᐊᕐᓇᖅ-19 ᐋᓐᓂᐊᓇᐅᑎᓪᓗᒍ.
ᓄᓇᓕᕐᒥᐅᑕᐃᑦ ᐊᒻᒪ ᓇᖕᒥᓂᖃᖅᑎᐅᔪᑦ ᖃᐅᔨᒪᖁᔭᐅᓕᕐᒥᔪᑦ ᐃᖃᓗᐃᑦ ᐊᑦᓯᕕᖓᓂ ᓴᕕᕋᔭᓂᑦ ᐊᐅᓚᑦᑎᕕᐅᔪᖅ ᒪᑐᓯᒪᑲᐃᓐᓇᓂᐊᕐᒪᑦ ᑭᒃᑯᑐᐃᓐᓇᕐᓄᑦ ᐋᒐᓯ 1−ᒥᑦ ᓰᑏᐱᕆ 21−ᒧᑦ ᑯᑦᓕᒃ ᓴᓇᔩᑦ ᐅᐸᓗᖓᐃᔭᐃᑲᐃᓐᓇᓂᐊᕐᒪᑕ ᓴᕕᕋᔭᓂᑦ ᓴᓂᕐᓂᒃ ᐊᑦᓯᕕᒻᒦᑦᑐᓂᑦ.
ᒫᓐᓇᐅᓂᖓ, ᑭᒃᑯᑐᐃᓐᓇᑦᑎᐊᓂᑦ ᓴᕕᕋᔭᓂᑦ ᓴᓂᕐᓂᒃ ᐊᑦᓯᕕᒻᒨᕆᑲᐃᓐᓇᖁᓇᒋᑦ. ᓴᕕᕋᔭᓂᑦ ᓴᓂᓕᕆᒋᐊᒃᑲᓐᓂᓛᖅᑐᑦ ᓇᒡᒋᔾᔭᐃᓕᖅᑭᕐᒥ, ᓰᑏᐱᕆ 22, 2020.
ᑐᑭᓯᒋᐊᕈᒪᔪᑦ ᐆᕕᖓ ᖃᐅᔨᒋᐊᖁᔪᑦ:
ᓖᓴ ᒥᓗᓵᕝᔨᕕᒃ
ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᕐᓂᒥᑦ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
L.Milosavljevic@iqaluit.ca
867-979-5607
ᖃᐅᔨᒪᓂᐊᖅᑯᓯ ᐳᐃᔾᔪᕋᕐᕕᖃᕐᕕᒻᒥ ᐳᐃᔾᔪᕋᕐᕕᒃ ᒪᑐᐃᒃᑲᓐᓂᕐᓂᐊᓕᕐᒥᔪᖅ 12−ᒨᖅᐸᑦ ᐅᓪᓗᒃᑯᑦ, ᑕᓪᓕᒥᕐᒥ, ᐋᒐᓯ 21.
ᓯᑎᒃᑯᑦ ᖁᔭᓐᓇᒦᖅᑕᐃᓐᓇᑦᑎᐊᖏᑦ ᐃᓘᓐᓇᑎᒃ ᐃᑲᔪᓚᐅᖅᑐᑦ ᑲᑐᔾᔨᖃᑎᒌᓐᓂᒃᑯᑦ ᐳᐃᔾᔪᕋᕐᕕᒃ ᒪᑐᐃᓯᒪᑲᐃᓐᓇᑎᓪᓗᒍ ᐱᓕᕆᔾᔪᑎᖏᑦ ᓴᓇᒋᐊᖃᓕᖕᖏᒃᑲᓗᐊᕐᒪᖔᑕ ᖃᐅᔨᓴᖅᑕᐅᑲᐃᓐᓇᑎᓪᓗᒋᑦ.
ᐅᓪᓗᕐᓯᐅᑎᒍᑦ ᓯᕿᖕᖑᔭᑎᒍᑦ ᐃᓂᑦᓴᓂᐅᕈᓐᓇᓕᕐᒥᔪᑦ ᐳᐃᔾᔪᕋᕆᐊᕈᒪᖃᑦᑕᓂᐊᖅᑐᑦ ᐱᒋᐊᕐᓗᑎᒃ ᑕᓪᓕᒥᕐᒥ, ᐋᒐᓯ 21 ᐅᓪᓗᒃᑯᑦ 12:15−ᐸᑦ.
ᐊᐱᖅᑯᑎᖃᕐᓂᕈᕕᑦ, ᐅᖄᓚᕕᐅᔪᓐᓇᖅᑐᑦ ᐱᔨᑦᓯᕋᖅᑎᐅᔪᑦ 867−975−8544 ᐅᓪᓛᒃᑯᑦ 6:30−ᒥᓂᒃ 10−ᒧᓄᑦ ᐅᓐᓄᒃᑯᑦ ᐅᕝᕙᓘᓐᓃᑦ ᐃᕐᖐᓇᖅᑕᐅᑎᒃᑯᑦ ᑎᑎᕋᕐᕕᒋᓗᒋᑦ ᐅᕗᖓ aquaticcentre@iqaluit.ca.
ᖃᐅᔨᒪᓂᐊᖅᑯᓯ ᐅᓪᓗᕐᓯᐅᑎᒍᑦ ᐊᓯᔾᔨᖅᑐᖃᕐᓂᖓᓂᑦ ᓯᑎᒃᑯᑦ ᐊᒥᐊᒥᓂᕐᓂᒃ ᑕᐅᕐᓰᓂᐅᔪᖅ ᐊᑐᖅᑕᐅᖓᓛᕐᒪᑦ ᓈᑦᓯᐅᖑᔭᓛᕐᓂᐊᒥ, ᐋᒐᓯ 22, 2020 ᐱᒋᐊᕐᓗᑎᒃ 10−ᒥ ᐅᓪᓛᒃᑯᑦ 3−ᒧᓄᑦ ᐅᓐᓄᓴᒃᑯᑦ ᓯᑎᒃᑯᑦ ᓄᓇᓯᐅᑎᒃᑯᕕᖓᓂ ᓴᓂᐊᓃᑦᑐᒥ ᑮᓇᐅᔭᒃᑯᕕᐅᑉ ᑎᓴᒪᓄᑦ ᐊᑐᕆᐊᓄᑦ ᓴᖑᒋᐊᕐᕖᑦ ᖃᓂᒋᔭᖏᓐᓂ. ᐊᓯᔾᔨᖅᑕᐅᔪᖅ ᐅᓪᓗᖓ ᐊᑐᖅᑕᐅᓂᐊᓚᐅᕋᓗᐊᕐᒪᑦ ᑕᓪᓕᒥᕐᒥ, ᐋᒐᓯ 21.
ᓄᓇᓕᕐᒥᐅᑕᐃᑦ ᑐᖕᖓᓱᑦᑎᐊᓛᖅᑐᑦ ᕿᒪᐃᒋᐊᖅᑐᕐᓗᑎᒃ, ᑕᐅᕐᓰᒋᐊᖅᑐᕐᓗᑎᒃ, ᐅᕝᕙᓘᓐᓃᑦ ᐊᐃᑦᓯᕐᓗᑎᒃ ᐊᒥᐊᕈᑎᓂᑦ ᐊᑐᖅᑕᐅᓕᖅᐸᑦ ᑕᒪᓐᓇ. ᓯᑎᒃᑯᑦ ᐃᖅᑲᓇᐃᔭᖅᑎᖏᑦ ᐊᑦᑕᓇᔾᔭᐃᕐᓯᒪᓗᒋᑦ ᐃᒋᑦᑐᒍᓐᓇᓛᖅᑐᑦ ᐃᓘᓐᓇᖏᓐᓂᑦ ᐊᒥᐊᕈᑎᒥᓂᕐᓂᒃ, ᐊᒥᐊᕈᑎᓂᑦ ᐱᔭᐃᖏᓐᓂᖏᓐᓂᑦ.
ᐳᐃᔾᔪᕋᕐᕕᖃᕐᕕᒻᒥ ᐳᐃᔾᔪᕋᕐᕕᒃ ᒪᑐᐃᓯᒪᑎᑕᐅᑲᐃᓐᓇᓂᐊᖅᑐᖅ ᑭᒃᑯᑐᐃᓐᓇᕐᓄᑦ ᐱᒋᐊᕐᓗᑎᒃ ᐅᓐᓄᖓᓂ ᓇᒡᒋᔾᔭᐅᑉ, ᐋᒐᓯ 17 ᐱᓕᕆᔾᔪᑎᖏᑦ ᖃᐅᔨᒋᐊᖅᑕᐅᑲᐃᓐᓇᑎᓪᓗᒋᑦ ᓴᓇᒋᐊᖃᕐᒪᖔᑕ. ᓇᒡᒋᔾᔭᐅᓕᖅᑭᕐᒥ, ᐋᒐᓯ 18 ᐅᓐᓄᓴᒃᑯᑦ 5−ᒨᓚᐅᖏᓱᖓᕐᓂᖓᓂ ᐅᖃᐅᓯᐅᓛᖅᑐᖅ ᒪᑐᐃᒃᑲᓐᓂᓛᕐᒪᖔᖅ ᖃᖓᒃᑯᑦ.
ᒪᑐᐃᓯᒪᑲᐃᓐᓇᕐᓂᐅᔪᖅ ᐊᑦᑐᐃᓂᐅᓴᒻᒪᑦ ᑐᑭᓕᐊᖅᑐᓄᑦ ᐳᐃᔾᔪᕋᕐᕕᒻᒥᑦ ᐊᒻᒪ ᐱᓐᓇᔭᓐᓇᖅᑐᒥᑦ ᐳᐃᔾᔪᕋᕐᕕᒻᒥᑦ. ᐃᖃᐃᓕᓴᕐᕕᒃ, ᐊᓐᓄᕌᕐᕕᖏᑦ ᐊᒻᒪ ᐲᑕ ᓂᕆᕕᒃ ᒪᑐᐃᖓᐃᓐᓇᓂᐊᖅᑐᑦ.