ᓇᖕᒥᓂᕆᔭᑦ ᑮᓇᐅᔭᓕᐅᕐᕕᑦ

ᑐᓴᒐᔅᓴᐃᑦ ᓴᖅᑭᑎᑕᐅᔪᑦ

ᓄᓇᓕᐸᐅᔭᖅ ᑲᑎᒪᔨᖏᑦ ᐊᖏᖅᓯᒪᔪᑦ 2020 ᑮᓇᐅᔭᑦ

ᑎᓯᐱᕆ 18, 2019 (ᐃᖃᓗᐃᑦ, ᓄᓇᕗᑦ) − ᐃᖃᓗᐃᑦ ᓄᓇᓕᐸᐅᔭᖅ ᑲᑎᒪᔨᖏᑦ ᐊᖏᖅᓯᒪᔪᑦ 2020 ᑮᓇᐅᔭᑦ ᐊᒻᒪᓗ ᐃᑲᔫᓯᐊᕆᓪᓗᒋᑦ ᑕᓪᓕᒪᓄᑦ ᐸᕐᓇᐅᑎᓄᑦ ᓄᓇᓕᐸᐅᔭᒧᑦ ᐸᕐᓇᐅᑎᑦ ᐱᒻᒪᕆᐅᔪᒃᑯᑦ ᑲᑎᒪᑎᓪᓗᒋᑦ ᑲᑎᒪᔨᑦ ᑎᓯᐱᕆ 13, 2019.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᐃᖅᑲᐅᒪᓐᓇᐅᑎᓪᓗᒍ ᐅᓪᓗᕐᒥ ᐊᓪᓚᕝᕕᒻᒧᑦ ᐃᑲᕐᕋᐃᑦ ᐊᒻᒪ ᓄᓇᒃᑰᔫᒃᑯᑦ ᐱᔨᑦᓯᕋᖅᑏᑦ ᐅᓪᓗᕐᓯᐅᑎᖓᑦ

ᓅᕖᐱᕆ 6, 2019 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᒃ ᓯᑎᒃᑯᑦ ᐊᓪᓚᕝᕕᖏᑦ ᒪᑐᓯᒪᓂᕆᓛᖅᑕᖏᓐᓂᒃ ᐅᓪᓗᖓᓂ ᐃᖅᑲᐅᒪᓐᓇᐅᓕᖅᐸᑦ, ᓅᕖᐱᕆ 11, 2019.  ᓄᓇᒃᑰᔫᒃᑯᑦ ᐱᔨᑦᓯᕋᖅᑏᑦ ᐱᑐᐃᓐᓇᐅᓛᖕᖏᒻᒥᔪᑦ ᐃᑲᕐᕋᖏᑦ ᑕᒻᒪᓐᓇᐅᓂᖓ.

ᓄᓇᓕᕐᒥᐅᑕᐃᑦ ᐃᒻᒪᑦᑕᐅᔪᒪᓂᐊᖅᑐᑦ ᓇᒡᒋᔾᔭᐅᒥ ᐅᖄᓚᒍᓐᓇᖅᑐᑦ ᑭᐅᔨᓄᑦ 979.5650, ᐅᓪᓛᒃᑯᑦ 8-ᒥ ᐅᓐᓄᓴᒧᑦ 4-ᒨᕋᓱᓐᓂᖓᓄᑦ.  ᐱᔨᑦᓯᕋᕈᑎᐅᓄᑦ ᐊᑭᓕᐅᑎᐅᖁᔭᐅᔪᓂᒃ $250-ᓂᒃ ᐊᑭᓖᒋᐊᖃᕋᔭᖅᑐᑦ ᑐᐊᕕᕐᓇᑐᒃᑯᑦ ᐃᒻᒪᑦᑕᐅᓐᓂᕈᑎᒃ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

2020 ᓇᒻᒥᓂᖃᖅᑎᓄᑦ ᓚᐃᓴᐃᑦ ᓄᑖᖕᖑᕐᓂᖏᑦ

ᓅᕖᐱᕆ 06, 2019 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᐃᑎᑦᑎᒍᒪᓕᕆᕗᑦ ᓄᓇᓕᕐᒥᐅᑕᓂᒃ ᓇᒻᒥᓂᖃᖅᑎᓄᑦ ᓚᐃᓴᐃᑦ ᓄᑖᖕᖑᕆᐊᖃᓕᕐᒥᒻᒪᑕ!  ᓇᒻᒥᓂᖃᖅᑎᐅᔪᑦ ᐊᔭᐅᖅᑕᐅᕗᑦ ᓄᑖᓂᒃ ᓚᐃᓴᓂᒃ ᑐᑦᓯᕋᖁᔭᐅᓗᑎᒃ ᐃᓐᑐᓂᐊᒃᑯᑦ ᐱᓕᕆᔾᔪᑎᒥᒃ ᓯᕗᓂᐊᒍᑦ ᔮᓐᓄᐊᕆ 31, 2020 ᐊᑐᕈᒪᓐᓂᕈᑎᒃ ᐊᑭᑭᓪᓕᒋᐊᕐᓯᒪᒍᑎᒥᒃ ᓄᑖᕈᖅᑎᑦᑎᔾᔪᑎᒥᒃ; ᓄᑖᒥᒃ ᓚᐃᓴᒥᒃ ᑐᑦᓯᕋᐅᑏᑦ ᐱᔭᐅᔪᑦ ᕕᕝᕗᐊᕆ 1, 2020 ᐊᒻᒪ ᑭᖑᓂᐊᓂ, ᐊᑭᓖᒋᐊᖃᕋᔭᖅᑐᑦ ᓈᒪᓗᒋᑦ ᐊᑭᓕᕆᐊᓖᑦ ᓄᑖᖕᖑᖅᑎᑦᑎᓇᓱᐊᖅᑐᓄᑦ.

ᓄᑖᑦ ᐃᖃᓗᓐᓂ ᓯᑎᒃᑯᑦ ᑲᑎᒪᔨᖏᑦ ᒪᓕᒐᑎᒍᑦ ᐊᖏᖅᑎᑕᐅᔪᑦ

ᓅᕖᐱᕆ 6, 2019 (ᐃᖃᓗᐃᑦ, ᓄᓇᕗᑦ) - ᐃᓚᒋᔭᐅᔪᑦ ᓄᑖᑦ ᐃᖃᓗᓐᓂ ᓯᑎᒃᑯᑦ ᑲᑎᒪᔨᖏᑦ ᒪᓕᒐᑎᒍᑦ ᐊᖏᖅᑎᑕᐅᓚᐅᖅᑐᑦ ᓄᓇᕗᑦ ᐃᖅᑲᖅᑐᐃᕕᓕᕆᕝᕕᖓᓂ 2019-2023 ᑲᑎᒪᔨᐅᓂᐊᓕᖅᑐᑎᒃ.  ᐃᓚᒋᔭᐅᔪᑦ ᐃᖃᓗᓐᓂ ᓯᑎᒃᑯᑦ ᑲᑎᒪᔨᓄᑦ ᐅᑯᐊ:

ᒪᐃᔭ ᑲᓇᖦ ᐱᐅᓪ

ᑲᑎᒪᔨ ᔮᓇᑦ ᐳᕉᔅᑐᕐ

ᑲᑎᒪᔨ ᔪᐊᓇᓯ ᐊᑯᒪᓕᒃ

ᑲᑎᒪᔨ ᓵᓚᒪᓐ ᐊᕙ

ᑲᑎᒪᔨ ᕉᒪᐃᓐ ᓯᑏᕙᓐᓴᓐ

ᑲᑎᒪᔨ ᓰᓚ ᐱᓕᐅᕆᑎ

ᑲᑎᒪᔨ ᑲᐃᐅᓪ ᓴᐳᕐᑦ

ᑲᑎᒪᔨ ᓴᐃᒪᓐ ᓇᑖᖅ

ᑲᑎᒪᔨ ᒪᓚᐃᔭ ᓘᑲᓯ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᓄᓇᓕᐸᐅᔭᐃᑦ ᐃᖃᓗᐃᑦ ᑐᖕᖓᓱᐊᑎᑦᑎᔪᑦ ᓄᑖᒥᒃ ᒪᐃᔭᒋᓂᐊᓕᖅᑕᒥᓂᒃ

ᐋᒃᑑᐸ 28, 2019 (ᐃᖃᓗᐃᑦ, ᓄᓇᕗᑦ) - ᓴᖅᑭᖅᑐᑦ ᐃᖃᓗᓐᓂ ᓄᑖᒧᑦ ᒪᐃᔭᑦᓴᒧᑦ ᓂᕈᐊᕈᑎᒥᓃᑦ.  ᒪᕐᕉᒃ ᒪᐃᔭᐅᓂᕐᒧᑦ ᓂᕈᐊᒐᑦᓴᐅᓚᐅᖅᑑᒃ, ᓄᐊ ᐸᐸᑦᓯ ᐊᒻᒪ ᑲᓇᖦ ᐱᐅᓪ.

ᑲᓇᖦ ᐱᐅᓪ ᐃᖃᓗᓐᓄᑦ ᓄᑖᖅ ᒪᐃᔭᐅᓂᐊᓕᖅᑐᖅ ᓂᕈᐊᖅᑕᐅᓗᓂ 1049-ᓄᑦ, ᓄᐊ ᐸᐸᑦᓯ ᑐᓪᓕᐅᓚᐅᖅᑐᖅ ᓂᕈᐊᖅᑕᐅᓗᓂ 688-ᓄᑦ.  ᓄᑖᖅ ᒪᐃᔭ ᒪᐃᔭᐅᓂᐊᖅᑐᖅ ᐊᕐᕌᒍᓄᑦ ᑎᓴᒪᓄᑦ ᐃᓱᓕᕐᓗᓂ ᐋᒃᑑᐸ 2023.

ᑐᓴᕋᑦᓴᖅ ᓴᖅᑭᑕᐅᓂᖓᓂ, ᓂᕈᐊᕈᑎᒥᓃᑦ ᓯᑎᒃᑯᑦ ᑲᑎᒪᔨᑦᓴᖏᓐᓄᑦ ᓱᓕ ᓈᓴᖅᑕᐅᓚᐅᖅᑐᑦ.  ᓴᖅᑭᔭᖕᖒᕆᔭᐅᔪᑦ ᐅᓛᒃᑯᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᓄᓇᓕᐸᐅᔭᐃᑦ ᐃᖃᓗᐃᑦ ᐅᖃᐅᓯᖃᖅᑐᑦ ᓄᑖᓂᒃ ᓯᑎᒃᑯᓐᓄᑦ ᑲᑎᒪᔨᐅᓂᐊᓕᖅᑐᓂᒃ

ᐋᒃᑑᐸ 29, 2019 (ᐃᖃᓗᐃᑦ, ᓄᓇᕗᑦ) - ᓴᖅᑭᖅᑐᑦ ᐃᖃᓗᓐᓂ ᓂᕈᐊᖅᑕᐅᕋᑖᑦᓯᐊᓂᒃ ᑲᑎᒪᔨᐅᓂᐊᓕᖅᑐᓂᒃ.  27-ᖑᔪᑦ ᓂᕈᐊᒐᑦᓴᐅᓚᐅᖅᑐᑦ ᑎᓴᒪᐅᔪᖅᑐᓄᑦ ᐃᓂᑦᓴᓄᑦ ᓯᑎᒃᑯᓐᓄᑦ ᑲᑎᒪᔨᐅᓂᕐᒧᑦ. ᓄᓇᓕᐸᐅᔭᐃᑦ ᐃᖃᓗᐃᑦ ᓄᑖᑦ ᑲᑎᒪᔨᓄᑦ ᐃᓚᒋᔭᐅᓂᐊᓕᖅᑐᑦ (ᓂᕈᐊᖅᑕᑦ) ᐅᑯᐊ: ᔮᓇᑦ ᐱᑦᓯᐅᓛᖅ ᐳᕉᔅᑐᕐ, ᔪᐊᓇᓯ ᐊᑯᒪᓕᒃ, ᓵᓚᒪᓐ ᐊᕙ, ᕉᒪᐃᓐ ᓯᑏᕙᓐᓴᓐ, ᓰᓚ ᐱᓕᐅᕆᑎ, ᑲᐃᐅᓪ ᓴᐳᕐᑦ, ᓴᐃᒪᓐ ᓇᑖᖅ ᐊᒻᒪ ᒪᓚᐃᔭ ᓘᑲᓯ.

ᐅᓐᓄᒃ, ᓄᑖᖅ ᒪᐃᔭ ᓂᕈᐊᖅᑕᐅᔪᖅ, ᑲᓇᖦ ᐱᐅᓪ ᐅᖃᐅᓯᐅᓚᐅᖅᑐᖅ 1049-ᓄᑦ ᓂᕈᐊᖅᑕᒥᓂᐅᓂᖓᓂᒃ, ᓄᐊ ᐸᐸᑦᓯ ᑐᓪᓕᕆᓪᓗᓂᐅᒃ 688-ᓄᑦ ᓂᕈᐊᖅᑕᐅᓗᓂ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᑖᑦᓯᓄᑦ ᐃᓄᑦᑕᐅᑎᓄᑦ ᐃᑭᒪᑎᑕᐅᕙᑦᑐᓄᑦ ᐊᑭᓕᕆᐊᓕᒃ ᖁᕝᕙᒋᐊᖅᑐᖅ $7-ᓂᒃ $8-ᓄᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᐊᑦᑕᓇᔾᔭᐃᕐᓯᒪᓂᖅ ᐊᑐᕆᐊᓂ ᐊᒻᒪ ᐊᑦᑕᓇᖕᖏᑦᑐᓂᑦ ᐃᓕᓴᕖᑦ ᑭᓪᓕᖏᑕ ᐃᓗᖏᓐᓂ ᐱᒋᐊᖅᑐᐃᓐᓇᐅᕙᑦᑐᑦ ᐊᑦᑕᓇᔾᔭᐃᕐᓯᒪᓪᓗᓂ ᓄᓇᒃᑰᔫᕐᓂᕐᒥᒃ

ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᐃᑎᑦᑎᔪᒪᓕᕐᒥᔪᑦ ᓄᓇᒃᑰᔫᓂᑦ ᐊᖁᑉᐸᑦᑐᓂᒃ ᐅᑎᕐᓯᒪᓕᖅᑎᓪᓗᒋᑦ ᐃᓕᓐᓂᐊᖅᑏᑦ ᐊᑐᕆᐊᕗᑦ ᐊᒻᒪᑦᑕᐅᖅ ᐃᓕᓴᕖᑦ ᐊᒻᒪ ᓯᓚᒥ ᐱᖕᖑᐊᕐᕖᑦ ᐃᓄᖃᑦᑎᐊᕐᓂᐊᓕᕐᒥᒻᒪᑕ.

ᐊᑦᑕᓇᔾᔭᐃᕐᓯᒪᔪᑦ ᐊᑐᕆᐊᑦ ᐱᒋᐊᕈᑎᖃᖅᐸᑦᑐᑦ ᐊᑦᑕᓇᔾᔭᐃᕐᓯᒪᓗᓂ ᐊᖁᑉᐸᓂᕐᒥᑦ, ᒪᓕᑉᐸᓪᓗᓂ ᑎᑎᕋᕐᓯᒪᔪᓂᑦ ᖃᓄᑎᒋ ᓱᒃᑲᓂᖃᕐᓗᓂ ᐃᖏᕐᕋᒋᐊᓕᓐᓂᑦ ᒪᓕᒐᕐᓂᑦ ᐊᒻᒪᑦᑕᐅᖅ ᓱᒃᑲᐃᓂᕐᓴᐅᓗᑎᒃ ᐃᖏᕐᕋᕙᓪᓗᑎᒃ ᐃᓗᖏᓐᓂ ᐃᓕᓴᕖᑦ ᐊᒻᒪ ᓯᓚᒥ ᐱᖕᖑᐊᕐᕖᑦ ᐊᕙᑎᖏᓐᓂ ᐊᑐᖅᑐᒻᒪᕆᐅᕗᖅ ᐊᑦᑕᓇᖅᑐᒦᖁᓇᒋᑦ ᓱᕈᑦᓰᑦ ᐊᒻᒪ ᐊᓯᖏᑦ ᐊᑐᕆᐊᑦᑎᓐᓃᐸᑦᑐᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᓴᐃᒻᒪᑏᑦ ᓇᐸᕈᑎᐅᑉ ᕿᑎᖓᓃᓐᓂᐊᖅᑐᑦ ᐱᔾᔪᑎᐅᓗᓂ ᖃᑦᑎᕆᔨᓂᑦ ᑲᓇᑕᒥ ᐃᖅᑲᐅᒪᓂᕐᒥᑦ ᐅᓪᓗᕆᔭᐅᑎᓪᓗᒍ

ᓰᑏᐱᕆ 6, 2019 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᖁᕕᐊᒋᑦᑎᐊᖅᑐᒍ ᐅᖃᐅᓯᖃᕈᒪᕗᑦ ᖃᑦᑎᕆᔨᓂᑦ ᑲᓇᑕᒥ ᐃᖅᑲᐅᒪᓂᕐᒥᑦ ᐅᓪᓗᕆᔭᐅᓂᐊᖅᑐᒥᑦ ᓰᑏᐱᕆ 8-ᖑᓕᖅᐸᑦ, 2019.  ᓯᑎᒃᑯᑦ ᓴᐃᒻᒪᑎᓂᑦ ᓇᐸᕈᑎᐅᑉ ᕿᑎᖓᓃᑎᑦᑎᓂᐊᖅᑐᑦ ᐱᓇᓱᐊᕈᓯᐅᑉ ᓄᖕᖑᐊᓂ ᑕᓪᓕᒥᕐᒥᑦ, ᓰᑏᐱᕆ 6 ᓇᒡᒋᔾᔭᐅᒧᑦ, ᓰᑏᐱᕆ 10, 2019 ᐅᑉᐱᒋᔪᒪᓪᓚᕆᑦᑐᒋᑦ ᐊᒻᒪ ᐃᖅᑲᐅᒪᓗᒋᑦ ᖃᑦᑎᕆᔨᐅᕙᑦᑐᓕᒫᑦᑎᐊᑦ ᑲᓇᑕ ᓇᒥᑐᐃᓐᓇᖅ ᓱᓇᑐᐃᓐᓇᕐᓂᒃ ᓴᒃᑯᐃᕙᓐᓂᖏᓐᓂᑦ ᐱᓕᕆᒋᐊᖃᓕᕋᐃᒐᒥᒃ, ᐱᓕᕆᔪᒪᔪᒻᒪᕆᐅᕙᓐᓂᖏᓐᓂᑦ ᐃᕿᐊᓱᖕᖏᓯᐊᖅᑐᑎᒃ, ᐊᒻᒪ ᑲᑉᐱᐊᓱᒐᑎᒃ ᐱᓕᕆᕙᓐᓂᖏᑦ, ᐱᓗᐊᖅᑐᒥ ᑕᐃᒃᑯᐊ ᖃᓄᐃᓯᒪᔪᑦ.