ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑲᑎᒪᔩᑦ ᓇᓗᓇᐃᕐᓯᕗᑦ ᐊᓂᖅᑎᕆᓂᕐᒥᑦ ᐃᑲᔪᖅᑐᓕᕆᓂᕐᒥᑦ ᐱᓇᓱᐊᕈᓯᕐᒥᑦ ᓄᓇᓕᐸᐅᔭᐃᑦ ᐃᖃᓗᓐᓂ
ᓯᑎᒃᑯᑦ ᑲᑎᒪᔨᖏᑦ ᓇᓗᓇᐃᕐᓯᒪᕗᑦ ᐊᒻᒪ ᐃᓕᑕᕐᓯᓪᓗᑎᒃ ᐋᑦᑑᐸ 25−31 ᐃᒪᐃᑦᑑᓂᐊᕐᓂᖓᓂᑦ “ᐊᓂᖅᑎᕆᓂᕐᒥᑦ ᐃᑲᔪᖅᑐᓕᕆᓂᕐᒥᑦ ᐱᓇᓱᐊᕈᓯᖅ“ ᓄᓇᓕᐸᐅᔭᐃᑦ ᐃᖃᓗᓐᓂ. ᐱᔭᑦᓴᓕᐅᕈᑎᐅᓚᐅᖅᑐᖅ ᑲᔪᓯᑎᑕᐅᓚᐅᖅᑐᖅ ᐃᓘᓐᓇᖏᓐᓄᑦ ᑲᑎᒪᔨᓄᑦ ᐱᖁᔨᕗᖔᓕᐅᕈᑎᒍᑦ 20−295 ᓰᑏᐱᕆ 22, 2020.
ᓄᓇᓕᐸᐅᔭᐃᑦ ᐃᖃᓗᐃᑦ ᐃᓚᒋᔭᐅᓂᐊᖅᑐᑦ ᑲᓇᑕᒥ ᓱᓴᐃᔭᑎ ᐊᓂᖅᑎᕆᓂᕐᒥᑦ ᐃᑲᔪᖅᑏᑦ ᐊᒻᒪ ᐊᓯᖏᓐᓂᑦ ᓄᓇᓕᐅᔪᓂᑦ ᑲᓇᑕᒥ ᓇᒥᑐᐃᓐᓇᖅ ᓇᓪᓕᐅᓂᕐᓯᐅᖃᑕᐅᓗᑎᒃ ᐊᓂᖅᑎᕆᓂᕐᒥᑦ ᐃᑲᔪᖅᑐᓕᕆᓂᕐᒥᑦ ᐱᓇᓱᐊᕈᓯᕐᒥᑦ ᐱᓇᓱᐊᕈᓯᖓᓂ ᐋᑦᑑᐸ 25−31, 2020.
ᓯᑎᒃᑯᑦ ᑖᑦᓱᒥᖓ ᐱᓇᓱᐊᕈᓯᕐᒥᑦ ᐅᔾᔨᕈᓱᒋᐊᖁᔨᓂᐊᖅᑐᑦ ᐊᓂᖅᑎᕆᓂᕐᒥᑦ ᐱᔾᔪᑎᐅᕙᑦᑐᓂᑦ ᐊᒻᒪ ᐱᔨᑦᓯᕋᐅᑎᓂᑦ ᐊᑐᐃᓐᓇᐅᔪᓂᑦ ᓄᓇᕗᒻᒥᐅᑕᓄᑦ. ᒫᓐᓇᒃᑯᓪᓕ, ᐃᖃᓗᓐᓂ ᐃᓗᓯᓕᕆᓂᕐᒥᑦ ᐱᔨᑦᓯᕋᖅᑎᐅᔪᑦ ᒪᕐᕈᐃᓈᓐᓂᒃ ᓇᓗᓇᐃᖅᑕᐅᓯᒪᔫᓐᓂᒃ ᐊᓂᖅᑎᕆᓂᕐᒥᑦ ᐃᑲᔪᖅᑎᖃᖅᑐᖅ ᐱᔨᑦᓯᕋᖅᐸᑑᓐᓂᒃ ᕿᑭᖅᑖᓘᑉ ᓄᓇᓕᖃᕐᕕᖓᓂᑦ.
ᐊᓂᖅᑎᕆᓂᕐᒥᑦ ᐃᑲᔪᖅᑎᐅᔪᑦ ᐊᑐᖅᑐᒻᒪᕆᐅᒻᒪᑕ ᐃᓅᓕᑦᓯᓂᒃᑯᑦ ᐊᒻᒪ ᐃᖅᑲᓇᐃᔭᖅᐸᑦᑐᑎᒃ ᐅᓗᕆᐊᓇᖅᑐᖃᒻᒪᕆᑦᑐᓂ, ᐱᖃᓯᐅᔾᔭᐅᓗᑎᒃ ᐊᑦᑕᓇᓗᐊᖅᑐᓄᑦ ᐋᓐᓂᐊᕕᓐᓂᑦ, ᑐᐊᕕᕐᓇᖅᑐᓕᕆᕝᕕᓂ, ᐱᓚᑦᑐᐃᕕᓐᓂ, ᐃᕐᓂᓯᑦᓱᐃᕕᓐᓂ ᐊᒻᒪ ᐊᖏᕐᕋᓂ ᐸᖅᑭᐊᖃᖅᐸᑦᑐᑎᒃ.
ᐊᓂᖅᑎᕆᓂᕐᒥᑦ ᐃᑲᔪᖅᑎᐅᔪᑦ ᐱᒻᒪᕆᒃᑯᑦ ᐊᑑᑎᖃᖅᐸᒻᒥᔪᑦ ᐅᐸᑦᑐᓂᑦ ᑕᑯᖅᑳᐸᑦᑐᑎᒃ ᐊᒻᒪ ᐅᖓᑎᖏᓐᓂ ᑕᑯᖅᑳᐸᑦᑐᑦ ᐊᒥᓱᓂᑦ ᖃᓐᓂᒻᒫᔪᓂᑦ. ᐱᒻᒪᕆᒃᑯᑦ ᐅᐸᓗᖓᐃᔭᐃᔨᐅᓯᒪᔪᑦ ᓇᐅᒃᑯᑐᐃᓐᓇᑦᑎᐊᖅ; ᐅᖃᐅᔾᔪᐃᕙᑦᑐᑎᒃ ᒐᕙᒪᓕᕆᔨᓂᑦ, ᐊᐅᓚᔾᔭᐃᔨᐅᓗᑎᒃ ᓱᓇᒃᑯᑖᓂᑦ ᐱᓕᕆᔾᔪᑎᓂᑦ, ᓴᓇᕙᑦᑐᑎᒃ ᐊᓂᖅᑎᕆᔾᔪᑎᓂᑦ ᖃᓂᒻᒪᕐᔪᐊᕐᓇᐅᑎᓪᓗᒍ ᐊᑐᖅᑕᐅᔪᑦᓴᓂᑦ ᐊᒻᒪ ᐋᖅᑭᒋᐊᕆᕙᑦᑐᑎᒃ ᐱᓕᕆᔾᔪᑎᓂᑦ ᐊᑲᐅᓂᖅᐹᒃᑯᑦ ᐊᐅᓚᑕᐅᖁᓪᓗᒍ ᓄᕙᕐᔪᐊᕐᓇᖅ−19.
ᐱᕙᓪᓕᐊᔪᓕᕆᔨᓄᑦ ᑐᕌᖓᔪᓄᑦ ᐊᐱᖅᑯᑎᓄᑦ , ᐅᓇ ᖃᐅᔨᒃᑲᕈᓐᓇᖅᑕᓯ:
ᓖᓴ ᒥᓗᓵᕝᔨᕕᒃ
ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᕐᓂᒥᑦ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5607
