ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᓄᕙᕐᔪᐊᕐᓇᖅ−19 ᐱᓪᓗᒍ ᓯᑎᒃᑯᓐᓂᑦ ᑐᓴᕋᑦᓴᖅ − ᕼᐋᓗᐄᒥ ᐊᑐᖅᑕᐅᓛᖅᑐᑦ
ᕼᐋᓗᐄᒥ ᖃᓄᐃᓕᐅᕈᑎᐅᕙᑦᑐᑦ, ᓲᕐᓗ ᓯᐴᒃ−ᐊ−ᕌᒪ, ᐃᓚᒋᔭᐅᖃᑦᑕᕐᓯᒪᓕᕐᒪᑕ ᖁᕕᐊᒋᔭᐅᒻᒪᕆᑦᑐᓂ ᒪᒃᑯᑦᑐᒃᑯᕕᒻᒥ. ᐊᕐᕌᒍᑦᑎᓐᓂ ᐱᑎᓪᓗᒍ ᓄᕙᕐᔪᐊᕐᓇᖅ−19 ᐊᑐᐊᒐᕐᓂᑦ ᐱᔾᔪᑎᖃᖅᑐᓂᑦ ᐅᖃᓯᒌᒋᐊᖃᕐᓂᕐᒥᑦ ᐊᒻᒪ ᐊᓯᖏᓐᓂᑦ ᐊᑦᑕᓇᔾᔭᐃᒃᑯᑎᑦᓴᓂᑦ ᐱᓕᕆᔾᔪᑎᓂᑦ, ᓯᐴᒃ−ᐊ−ᕌᒪ ᐊᑐᖅᑕᐅᔾᔮᖏᑦᑐᖅ ᐊᕐᕌᒍᑦᑎᓐᓂ.
ᒪᒃᑯᑦᑐᒃᑯᕕᒻᒥ ᓱᓕ ᖁᕕᐊᓱᓛᖅᑐᐊᓗᐃᑦ ᒪᑐᐃᖓᑎᑕᐅᓛᕐᒪᑦ ᓈᑦᓯᐅᖑᔭᓛᕐᓂᐊᕐᒥ, ᐋᑦᑑᐸ 31, 2020 ᕼᐋᓗᐄ ᐃᓱᒪᒋᔭᐅᓗᓂ. ᒪᑐᐃᖓᓛᖅᑐᖅ ᒪᒃᑯᑦᑐᓄᑦ ᐊᕐᕌᒍᓕᓐᓄᑦ 13−18−ᓄᑦ ᐃᓯᕈᓐᓇᖅᑎᑕᐅᓗᑎᒃ 25 ᐱᖃᑕᐅᒐᔭᖅᑐᑦ.
ᐊᕐᕌᒍᑦᑎᓐᓂ ᓄᓇᓕᐸᐅᔭᐃᑦ ᐃᖃᓗᐃᑦ ᖃᕋᑕᐅᔭᒃᑯᑦ ᕼᐋᓗᐄ ᐃᓱᒪᒋᓪᓗᒍ ᖃᓄᐃᓕᐅᖅᑎᑦᑎᓛᕐᒥᔪᑦ; ᑲᑉᐱᐊᓇᕐᓂᖅᐹᓂᑦ ᐊᔾᔨᓕᐅᖅᑕᐅᓯᒪᔪᓂᑦ ᐱᔾᔪᓯᐊᖅᑎᑦᑎᕙᓪᓗᑎᒃ ᐊᑐᖅᑎᑦᑎᓛᖅᑐᑦ; ᐊᓐᓄᕌᓪᓗᕐᓯᒪᔪᓂᑦ ᐱᐅᓂᖅᐹᓂᑦ ᐱᔾᔪᓯᐊᖅᑎᑦᑎᓗᑎᒃ ᑭᒃᑯᑐᐃᓐᓇᕐᓂᑦ ᖃᓄᑐᐃᓐᓇᖅ ᐊᕐᕌᒍᓕᓐᓂᑦ, ᐊᒻᒪ ᐸᒻᑭᓐᓂᑦ ᓴᓇᖕᖑᐊᑎᑦᑎᓗᑎᒃ. ᐱᔾᔪᓯᐊᖅᑐᑦ ᑐᑭᓯᒋᐊᕈᑎᖏᑦ ᑕᑯᑦᓴᐅᑎᑕᐅᒐᔭᖅᑐᑦ ᐱᖕᖑᐊᖅᑐᓕᕆᔨᒃᑯᑦ ᕙᐃᔅᐳᒃ ᒪᑉᐱᒐᖓᓐᓂ ᐅᕙᓂ https://www.facebook.com/CityofIqaluitRecreation.
ᑐᑭᓯᒋᐊᕈᒪᔪᑦ ᐆᕕᖓ ᖃᐅᔨᒋᐊᖁᔪᑦ:
ᑭᕚᓐ ᓂᐅᓪᓴᓐ
ᐱᖕᖑᐊᖅᑐᓕᕆᔨᒃᑯᑦ ᐱᓕᕆᐊᑦᓴᓂᑦ ᑐᑭᒧᐊᑦᑎᑦᑎᔨᖓᑦ
ᓄᓇᓕᐸᐅᔭᐃᑦ ᐃᖃᓗᐃᑦ
867−975−8508
