ᓇᖕᒥᓂᕆᔭᑦ ᑮᓇᐅᔭᓕᐅᕐᕕᑦ

ᐳᐃᔾᔪᕋᕐᕕᐅᑉ ᓇᓪᓕᐅᓂᕐᓯᐅᕐᓂᖓ!  ᐃᑲᔪᕆᐊᓛᖅᑯᓯ ᓇᓪᓕᐅᓂᕐᓯᐅᕈᑎᖃᕆᐊᖅᑐᕐᓗᓯ ᓯᕗᓪᓕᖅᐹᒥᑦ ᐊᕐᕌᒍᖃᓕᕐᓂᖓᓂᑦ ᒪᑐᐃᖅᑕᐅᓚᐅᕐᓯᒪᒻᒪᓂᑦ ᐃᖃᓗᓐᓂ ᐳᐃᔾᔪᕋᕐᕕᐅᑉ

ᔮᓐᓄᐊᕆ 24, 2018 (ᐃᖃᓗᐃᑦ, ᓄᓇᕗᑦ)  ᑕᓪᓕᕐᒥᐅᓂᐊᖅᑐᖅ, ᔮᓐᓄᐊᕆ 26, ᓇᓗᓇᐃᕐᓯᔾᔪᑎᐅᓂᐊᖅᑐᖅ ᐊᕐᕌᒍᒥᑦ ᐊᑕᐅᓯᕐᒥᑦ ᓇᓪᓕᐅᓂᕐᓯᐅᕈᑎᖃᕐᓂᖓᓂᑦ ᒪᑐᐃᖅᑕᐅᓚᐅᕐᓯᒪᓂᖓᓂᑦ ᐳᐃᔾᔪᕋᕐᕕᖃᕐᕕᐅᑉ.

ᐃᑲᔫᑎᒋᔪᒪᓪᓗᒋᑦ ᓇᓗᓇᐃᕐᓯᔾᔪᑎᓄᑦ ᐱᒻᒪᕆᐅᔪᒥᑦ ᐃᑳᕈᑎᐅᓂᐊᖅᑐᒥᑦ, ᐊᒻᒪ ᓇᑰᕐᒦᕈᑎᒋᔪᒪᒻᒪᕆᑦᑐᒋᑦ ᓄᓇᓕᕐᓂᒥᐅᑕᓕᒫᑦᓯᐊᓂᑦ ᐃᑲᔪᕐᓱᐃᖃᑦᑕᕐᓂᖏᓐᓂᑦ ᓄᑖᒥᑦ ᐱᖕᖑᐊᕐᕕᒻᒥᑦ, ᓯᑎᒃᑯᑦ ᐸᕐᓇᐃᕐᓯᒪᔪᑦ ᖃᓄᐃᓕᐅᕈᑎᕈᓘᔭᐅᓛᖅᑐᓂᑦ ᐳᐃᔾᔪᕋᕐᕕᖃᕐᕕᒻᒥ ᐅᓪᓘᑉ ᐃᓗᐊᓂ.

ᑲᓇᑕᐅᑉ ᒐᕙᒪᒃᑯᖏᑦ ᐱᓕᕆᖃᑎᑖᖅᐳᑦ ᐃᖃᓗᖕᓂᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂᒡᓗ ᐃᑲᔪᖅᑐᐃᓇᓱᐊᖅᖢᑎᒃ ᐅᖅᑰᓴᐅᑎᓕᕆᓂᖕᒧᑦ ᐃᖃᓗᐃᑦ ᐳᐃᔾᔪᕋᕐᕕᐊᓂᑦ 

ᔮᓄᐊᕆ 15, 2018 ᐃᖃᓗᐃᑦ/ᓄᓇᕗᑦ         ᓄᓇᖃᖅᑳᖅᑐᓕᕆᔨᒃᑯᑦ ᐅᑭᐅᖅᑕᖅᑐᒥᐅᓄᓪᓗ ᑲᓇᑕᒥ

ᑲᓇᑕᐅᑉ ᒐᕙᒪᒃᑯᖏᑦ ᐊᖏᖅᓯᒪᖕᒪᑕ ᐃᑲᔪᖅᑐᐃᒋᐊᒃᓴᖅ ᐱᓕᕆᖃᑎᖃᕆᐊᒃᓴᕐᓗᑎ ᐅᑭᐅᖅᑕᖅᑐᒥᐅᑉ ᓄᓇᓕᖏᓐᓂᑦ ᖃᓄᐃᓕᐅᕈᑎᖃᕋᓱᐊᖅᖢᑎᒃ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂᑦ.

ᐅᓪᓗᒥᑦ, ᑭᐅᕈᓕᓐ ᐸᓇᑦ, ᒥᓂᔅᑕ ᓄᓇᖃᖅᑑᖅᑐᓕᕆᓂᖕᒧᑦ ᐅᑭᐅᖅᑕᖅᑐᒥᐅᑕᓄᓪᓗ ᐊᖏᖅᓯᒪᖕᒪᑦ ᐃᑲᔪᖅᑐᐃᓂᖕᒥᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂ (ᖁᓪᓕᖅ) ᐃᖃᓗᐃᓪᓗ ᓄᓇᓕᐸᐅᔭᖏᑦᑕ ᐅᐃᒍᕆᐊᕈᒪᔭᖏᑦᑕ ᖁᓪᓕᒃᑯᑦ ᐅᖅᑰᓴᐅᑎᓕᐅᕈᑎᖏᑦ ᐃᖃᓗᖕᓂᑦ.

ᕿᑲᕐᓇᓂ ᐅᓪᓗᕐᓂ ᐅᓪᓗᕐᓯᐅᑎᒋᓛᖅᑕᖏᑦ ᐃᑲᕐᕋᑦᓴᖏᓪᓗ ᓯᑎᒃᑯᑦ ᐊᓪᓚᕝᕕᖏᑕ/ᓄᓇᒃᑰᔫᒃᑯᑦ ᐱᔨᑦᓯᕋᖅᑎᖏᑕᓗ
ᑏᓰᐱᕆ 20, 2017 (ᐃᖃᓗᐃᑦ, ᓄᓇᕗᑦ) ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᕿᑲᕐᓇᐅᓂᖓᓂ ᐅᓪᓗᕐᓂ ᖃᓄᐃᒍᑎᐅᓛᖅᑐᓂᑦ, ᓯᑎᒃᑯᑦ ᐊᓪᓚᕝᕕᖏᑦ ᒪᑐᓯᒪᓛᖅᑐᑦ ᐅᓪᓘᑉ ᐊᕝᕙᐃᓐᓇᖓᓂᑦ ᑏᓰᐱᕆ 22-ᒥ ᐊᒻᒪ 29-ᒥ, ᐊᒻᒪᑦᑕᐅᖅ ᐅᓪᓗᓕᒫᖅ ᑏᓰᐱᕆ 25 ᐊᒻᒪ 26, 2017, ᐊᒻᒪᑦᑕᐅᖅ ᔮᓐᓄᐊᕆ 1, 2018.
ᐊᒻᒪᑦᑕᐅᖅ, ᓄᓇᒃᑰᔫᒃᑯᑦ ᐱᔨᑦᓯᕋᖅᑏᑦ ᐃᓚᖏᓐᓂ ᐅᓪᓗᕐᓂ ᐃᑲᕐᕋᖏᒍᑦ ᐃᓚᖕᖓᕐᓯᒪᓛᖅᑐᑦ. ᖃᐅᔨᒪᒋᐊᕐᓂᐊᖅᑲᓯ ᐅᓪᓗᕐᓯᐅᑎᖏᑦ ᓄᓇᒃᑰᔫᒃᑯᑦ ᐱᔨᑦᓯᕋᖅᑏᑦ ᓴᓂᓕᕆᓂᕐᒥᑦ ᐊᒻᒪ ᐃᒪᓕᕆᓂᕐᒥᑦ ᕿᑲᕐᓇᐅᓂᖓ:
ᑏᓰᐱᕆ 22: ᐱᔨᑦᓯᕋᖅᑏᑦ ᐃᖅᑲᓇᐃᔭᓛᖅᑐᑦ, ᐅᓪᓛᕈᓗᒃᑯᑦ ᐱᒋᐊᕐᓗᑎᒃ
ᑏᓰᐱᕆ 23: ᐱᔨᑦᓯᕋᖅᑏᑦ ᐃᖅᑲᓇᐃᔭᓛᖅᑐᑦ ᐱᐅᓯᕐᒥᓂᑦ ᐊᑐᕐᓗᑎᒃ

ᓱᓕ ᐋᖅᑭᒌᕐᓯᒪᖕᖏᓱᖓᖅᑐᒥᑦ ᐃᖅᑲᓇᐃᔭᖅᑎᓄᑦ ᐋᔩᕈᑎᐅᓯᒪᔪᒥᑦ ᐊᖏᕈᑎᑖᑲᐃᓐᓇᖅᑐᑦ

ᔨᒥ ᕿᓚᑉᐸᖅ ᐃᓱᒪᒋᔭᐅᓗᓂ ᐱᖕᖑᐊᕐᕕᓕᐊᕈᑎᑦᓴᓂᑦ ᐱᓕᕆᐊᑦᓴᖅ ᐊᖏᓪᓕᒋᐊᖅᑐᖅ - ᐱᓕᕆᐊᑦᓴᖅ II
ᑏᓰᐱᕆ 13, 2017 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᒃᑯᑦ ᖁᕕᐊᒋᑦᓯᐊᖅᑐᒋᑦ ᑐᓴᖅᑎᑦᓯᔪᒪᓕᕐᒥᔪᑦ ᐊᖏᓪᓕᒋᐊᖅᑕᐅᓂᖓᓂᑦ ᔨᒥ ᕿᓚᑉᐸᖅ ᐃᓱᒪᒋᓪᓗᒍ ᐱᖕᖑᐊᕐᕕᓕᐊᕈᑎᑦᓴᑦ - ᐱᓕᕆᐊᑦᓴᒥᑦ II, ᐱᓕᕆᐊᑦᓴᓕᐊᖑᓚᐅᕐᓯᒪᔪᖅ ᐃᑲᔫᑎᐅᔪᒪᓪᓗᓂ ᐃᓚᒌᓂᑦ ᐱᖃᑕᐅᖃᑦᑕᖁᓪᓗᒋᑦ ᐳᐃᔾᔪᕋᕐᕕᒻᒨᐸᑦᑐᓄᑦ ᐊᒻᒪ ᐱᓕᕆᐊᑦᓴᓕᐊᕆᕙᑦᑐᓂ ᑕᐃᑲᓂ ᐳᐃᔾᔪᕋᕐᕕᒻᒥ. ᐱᓕᕆᐊᑦᓴᒃᑯᑦ II ᐃᑲᔫᑎᖃᖅᐸᑦᑐᑦ 75 ᐳᓴᖏᓐᓂᑦ ᐱᓕᕆᐊᑦᓴᓄᑦ ᐃᓚᒋᔭᐅᔾᔪᑎᑦᓴᐃᑦ ᐃᑲᔫᓯᐊᕈᓐᓇᕐᓂᖏᓐᓄᑦ ᐃᓚᒌᓐᓄᑦ.

ᓇᒻᒥᓂᖃᖅᑎᓄᑦ ᓚᐃᓴᓕᕆᕙᑦᑐᑦ ᐃᑲᕐᕋᖏᑦ/ᑐᓴᕋᑦᓴᖏᑦ ᓚᐃᓴᐃᑦ ᓄᑖᖕᖑᖅᑎᑕᐅᒋᐊᖃᓕᕐᓂᖏᓐᓂᑦ
ᑏᓰᐱᕆ 7, 2017 (ᐃᖃᓗᐃᑦ, ᓄᓇᕗᑦ) ᓇᒻᒥᓂᖃᖅᑎᓄᑦ ᓚᐃᓴᓕᕆᓂᖅ ᐊᒻᒪ ᓄᑖᕈᖅᑎᑦᓯᔾᔪᑎᑦᓴᑦ ᐊᑐᐃᓐᓇᐅᓕᕐᒥᔪᑦ ᓯᑎᒃᑯᓐᓂ, ᐅᓐᓄᓴᒃᑯᑦ 1-ᒥᓂᑦ 5-ᒧᓄᑦ ᐅᐸᑦᑕᐅᔪᓐᓇᖅᑐᑦ, ᓇᒡᒋᔾᔭᐅᒥᑦ ᑕᓪᓕᒥᕐᒧᑦ ᐱᓇᓱᐊᕈᓯᐅᑉ ᐃᓗᐊᓂ.

ᓇᒻᒥᓂᖅ ᐱᓕᕆᒋᐊᖅᑐᕈᓐᓇᖅᑐᑦ ᑏᓰᐱᕆ 20-ᒧᑦ ᐊᒻᒪ ᑭᖑᓂᐊᒍᑦ ᐃᕐᖐᓇᖅᑕᐅᑎᒃᑯᑦ ᑐᑦᓯᕌᖑᔪᓐᓇᕐᓯᓛᖅᑐᑦ.

ᑏᓰᐱᕆ 31-ᒥ ᓯᕗᓂᐊᒍᓪᓘᓐᓃᑦ ᓚᐃᓴᑖᖅᑐᑦ ᐊᑭᑭᓪᓕᒋᐊᕈᔾᔭᐅᔪᓐᓇᖃᑦᑕᓂᐊᖅᑐᑦ.

ᓚᐃᓴᒥᓂᒃ ᓄᑖᕈᖅᑎᑦᓯᓇᓱᐊᖅᑐᓐᓄᑦ, ᓇᒻᒥᓂᖃᖅᑎᐅᔪᑦ ᖃᐅᔨᒪᒋᐊᖃᕐᓂᐊᖅᑐᑦ ᓄᓇᕘᒥᑦ ᒪᓕᒐᒃᑯᑦ ᓇᓗᓇᐃᕐᓯᕕᒻᒥᑦ ᐸᐃᑉᐹᓂᑦ ᐱᒋᐊᑐᒍᓐᓃᕐᒪᑕ ᐱᓯᒪᒌᕈᑎᒃ.

ᐊᒻᒪᑦᑕᐅᖅ, ᓇᒻᒥᓂᖃᖅᑎᓄᑦ ᐃᓄᑐᐊᓄᑦ ᐃᖅᑲᓇᐃᔭᖅᑎᖃᖕᖏᑦᑐᓄᑦ, ᐃᖅᑲᓇᐃᔭᖅᑎᓂᑦ ᐋᓐᓂᖅᑐᓕᕆᔨᒃᑯᓐᓂᑦ ᐱᒋᐊᑐᒍᓐᓃᕐᒥᔪᑦ ᓇᓗᓇᐃᔭᐃᑎᓂᑦ ᓄᑖᕈᖅᑎᑦᓯᓂᐊᕈᑎᒃ ᓚᐃᓴᒥᓂᒃ.

ᓇᒻᒥᓂᖃᖅᑏᑦ ᖁᕕᐊᓱᕝᕕᑦᓯᐅᑎᓄᑦ ᖃᐅᒪᓄᑦ ᑕᑯᒥᓇᖅᑎᑦᓯᓂᑭᓴᐅᑎᓂᖓᑦ
ᑏᓰᐱᕆ 8, 2017 (ᐃᖃᓗᐃᑦ, ᓄᓇᕗᑦ) ᓯᑎᒃᑯᑦ ᑐᖕᖓᓱᑦᑎᑦᓯᓕᕐᒥᔪᑦ ᐃᖃᓗᓐᓂ ᓇᒻᒥᓂᖃᖅᑎᐅᔪᓕᒫᑦᓯᐊᓂᑦ ᐱᖃᑕᐅᖁᓪᓗᒋᑦ ᐊᕐᕌᒍᑕᒫᕐᓯᐅᑎᒧᑦ ᑕᐃᔭᒧᑦ ᖃᐅᒪᑯᓗᐃᑦ ᖁᕕᐊᓱᕝᕕᑦᓯᐅᑎᓂᑦ ᖃᐅᒪᒃᑯᑦ ᑕᑯᒥᓇᓕᖅᑎᑦᓯᓂᑭᓴᐅᑎᓂᕐᒧᑦ, ᐊᒻᒪ ᐊᑎᓕᐅᕐᓗᑎᒃ ᐱᐅᔪᐊᓗᓐᓂᑦ ᐱᔾᔪᓯᐊᖃᑕᐅᓇᓱᐊᕈᒪᒍᑎᒃ.
ᐱᔾᔪᓯᐊᖅᑎᑕᐅᒐᔭᖅᑐᑦ ᐱᖓᓱᐃᑦ ᖃᐅᒪᖏᑎᒍᑦ ᑕᑯᒥᓇᓕᖅᑎᑦᓯᓯᒪᑦᓯᐊᖅᑐᑦ, ᐊᒻᒪ ᖃᐅᔨᓴᖅᑕᐅᓛᖅᑐᑎᒃ ᑏᓰᐱᕆ 15, 2017.
ᐱᖃᑕᐅᔪᒪᓂᐊᖅᑐᑦ, ᓇᒻᒥᓂᖃᕐᕕᓯ ᖃᐅᒪᓕᕐᓱᑐᐃᓐᓇᖁᔪᑦ ᑕᑯᒥᓇᕋᓱᓪᓗᑎᒃ, ᐊᑎᓕᐅᕐᓗᓯ ᓯᑎᒃᑯᓐᓄᑦ ᐅᓐᓄᓴᒃᑯᑦ 3-ᒨᕋᓱᓐᓂᖓᓂ ᑏᓰᐱᕆ 15.

ᖁᕕᐊᓱᕝᕕᐅᑉ ᐅᓪᓗᖏᓐᓂ ᐅᖃᖅᑎᑦᓴᓯᐅᖅᑐᑦ ᐱᖕᖑᐊᖅᑐᖃᖅᑎᓪᓗᒍ
ᑏᓰᐱᕆ 8, 2017 (ᐃᖃᓗᐃᑦ, ᓄᓇᕗᑦ) ᓯᑎᒃᑯᑦ ᑐᖕᖓᓱᑦᑎᑦᓯᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᐱᓇᓱᐊᖁᔨᓪᓗᑎᒃ ᖁᕕᐊᓱᕝᕕᐅᑉ ᐅᓪᓗᖏᓐᓂ ᐅᖃᖅᑎᑦᓴᓂᑦ/ᑐᖕᖓᓱᑦᑎᑦᓯᔨᑦᓴᓂᑦ ᐱᖕᖑᐊᖅᑐᖃᖅᑎᓪᓗᒍ ᐅᓐᓄᒃᑯᑦ, ᐱᖕᖑᐊᖃᑦᑕᓛᖅᑐᑦ ᑏᓰᐱᕆ 22-ᒥᑦ ᔮᓐᓄᐊᕆ 1-ᒧᑦ, 2018.
ᐱᓕᕆᐊᑦᓴᑦ ᐊᐅᓚᑦᓯᓗᑎᒃ ᐱᖕᖑᐊᖅᑐᓂᑦ, ᐊᒻᒪᑦᑕᐅᖅ ᐃᖅᑲᓇᐃᔭᖃᑎᒋᕙᓪᓗᒋᑦ ᓯᑎᒃᑯᑦ ᐃᖅᑲᓇᐃᔭᖅᑎᖁᑎᖏᑦ ᖃᓄᐃᓕᐅᕈᑎᐅᔪᑦ ᐊᑦᑕᓇᖅᑐᒦᖁᓇᒋᑦ, ᖁᕕᐊᓇᕐᓂᐊᖁᓪᓗᒋᑦ, ᑭᒃᑯᑐᐃᓐᓇᑦᓯᐊᓄᑦ ᖃᓄᐃᖏᑦᓯᐊᖁᓪᓗᒋᑦ ᐅᓐᓄᑕᒫᑦ ᐱᖕᖑᐊᖅᑐᖃᖃᑦᑕᑎᓪᓗᒍ.
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ ᓵᓐᑎᐅᓪ ᑯᓄᒃ 975-8508-ᒧᑦ ᐅᕝᕙᓘᓐᓃᑦ ᐅᖄᓚᓗᓂ 979-5611, ᐅᕝᕙᓘᓐᓃᑦ ᐃᕐᖐᓇᖅᑕᐅᑎᒃᑯᑦ ᐅᕗᖓ C.Kunuk@city.iqaluit.nu.ca

ᑐᓴᖅᑕᐅᑦᓴᐅᑎᒋᒋᐊᓕᒃ
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᓕᓐᓂ ᐱᔨᑦᓯᕋᖅᑏᑦ ᐃᓚᐃᓐᓇᖏᓐᓂᑦ ᓱᓕ ᐱᔨᑦᓯᕋᕈᓐᓇᖅᑐᑦ
(ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᓇᐃᔭᖅᑎᖏᑦ ᖃᐅᔨᒪᖁᔨᔪᑦ ᓄᓇᓕᓐᓂᒥᐅᑕᓂᑦ ᐊᑐᕆᐊᑦ ᐊᐳᑕᐃᔭᖅᑕᐅᓕᕐᒪᑕ ᐊᒻᒪ ᓄᓇᓕᐸᐅᔭᒃᑯᑦ ᐃᓚᐃᓐᓇᖏᓐᓂᑦ ᐱᔨᑦᓯᕋᖅᑕᐅᒋᐊᓕᓐᓂᑦ ᐱᔨᑦᓯᕋᑲᐃᓐᓇᕐᒪᑕ (ᐃᒥᕐᒧᑦ ᐊᒻᒪ ᒥᓪᓗᐊᕈᑎᓄᑦ ᓄᓇᒃᑰᔫᓂᑦ). ᓯᓚ ᐱᐅᖏᓕᒃᑲᓂᖅᐸᑦ ᐱᔨᑦᓯᕋᖅᑏᑦ ᓄᖅᑲᖅᑎᑕᐅᑐᐃᓐᓇᕆᐊᖃᕐᒥᔪᑦ.
ᓄᓇᓕᓐᓂᒥᐅᑕᐃᑦ ᓄᓇᒃᑰᔫᒃᑯᑦ ᐱᔨᑦᓯᕋᖅᑕᐅᕙᑦᑐᑦ ᐃᒥᕐᒥᒃ ᐱᐅᕐᓱᐊᖁᔭᐅᔪᑦ ᐃᒻᒪᑦᑕᐅᓚᐅᖏᓂᕐᓯᓐᓂ. ᕿᓚᒥᐅᔫᒥᔪᖅ ᐊᔪᕐᓇᖏᑉᐸᑦ ᐃᒪᐃᔪᒪᒐᓗᐊᖅᑐᒍᑦ ᐊᒻᒪ ᕿᓈᓗᕕᓂᖃᕐᕕᓐᓂᑦ ᒥᓪᓗᐊᕐᓯᓗᑕᓗ.

1
ᐃᓄᓐᓄᑦ ᑭᒃᑯᑐᐃᓐᓇᕐᓄᑦ ᑐᓴᒐᒃᓴᑦ
ᓄᓇᓕᐸᐅᔭᒃᑯᑦ ᓇᓪᓕᐅᓂᖅᓯᐅᕈᑎᖃᖅᑐᑦ ᐊᑭᓕᖅᓱᖅᑕᐅᒐᑎᑦ ᐃᑲᔪᖅᑐᒻᒪᕆᐅᕙᑦᑐᓂᑦ