ᓄᓇᓕᐸᐅᔭᒃᑯᑦ ᓇᓪᓕᐅᓂᖅᓯᐅᕈᑎᖃᖅᑐᑦ ᐊᑭᓕᖅᓱᖅᑕᐅᒐᑎᑦ ᐃᑲᔪᖅᑐᒻᒪᕆᐅᕙᑦᑐᓂᑦ

1
ᐃᓄᓐᓄᑦ ᑭᒃᑯᑐᐃᓐᓇᕐᓄᑦ ᑐᓴᒐᒃᓴᑦ
ᓄᓇᓕᐸᐅᔭᒃᑯᑦ ᓇᓪᓕᐅᓂᖅᓯᐅᕈᑎᖃᖅᑐᑦ ᐊᑭᓕᖅᓱᖅᑕᐅᒐᑎᑦ ᐃᑲᔪᖅᑐᒻᒪᕆᐅᕙᑦᑐᓂᑦ
ᓄᕖᕝᕙ 24 2017 (ᐃᖃᓗᐃᑦ, ᓄᓇᕗᑦ) – ᐅᖓᑖᓃᑦᑐᑦ XXX ᐅᐸᒍᑎᓯᒪᓚᐅᖅᑐᑦ ᑕᒫᓂ ᐊᕐᕌᒍᒥ ᓇᓪᓕᐅᓂᖅᓯᐅᕈᑎᖃᖅᑎᓪᓗᒋᑦ ᐊᑭᓕᖅᓱᖅᑕᐅᒐᑎᑦ ᐃᑲᔪᑦᑎᐊᑐᒻᒪᕆᐅᓲᑦ, ᐅᓐᓄᒃ ᐃᓕᓴᕆᔭᐅᓚᐅᖅᑐᑎᑦ ᐃᓐᓇᑐᖃᐃᑦ ᖃᕐᒪᖓᓂ ᐃᖃᓗᓐᓂ. ᓂᕈᐊᕋᒃᓴᓕᐊᕆᔭᐅᓯᒪᔪᑦ ᖃᓄᐃᑦᑐᒧᑦ ᐃᓕᓴᕆᔭᐅᖁᔭᐅᒻᒪᖔᑦ ᑐᓂᔭᐅᓚᐅᖅᑐᑦ ᐃᖃᓗᒻᒥᐅᑕᓄᑦ ᐊᒻᒪᓗ ᓄᓇᓕᓐᓂ ᑲᑐᔾᔨᖃᑎᒌᓄᑦ ᓯᑏᕝᕙᐅᑎᓪᓗᒍ ᐃᓱᓕᑦᑎᑦᑐᒍ ᐊᒃᑑᕝᕙ ᑐᓂᔭᐅᕙᓚᐅᖅᑐᑎᑦ. ᐱᙳᐊᖅᑐᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᕿᒥᕐᕈᓚᐅᖅᑐᑦ ᑐᓂᔭᐅᓯᒪᔪᒥᓂᕐᓂᒃ ᐃᓕᓴᕆᔭᐅᖁᔭᐅᔾᔪᑎᓂᑦ, ᐊᒻᒪᓗ ᓂᕈᐊᓚᐅᖅᓯᒪᓪᓗᑎᑦ ᓵᓚᒃᓴᖅᑐᓂᑦ ᒪᓕᑦᑐᒋᑦ ᓴᙱᓂᖓ ᐃᓕᓴᕆᔭᐅᖁᔨᔾᔪᑎᑉ, ᐱᓕᕆᐊᖃᐃᓐᓇᕐᓂᖓ ᐊᑭᓕᖅᓱᖅᑕᐅᒐᑎᑦ ᐃᑲᔪᓲᑦ ᓄᓇᓕᐅᔪᒧᑦ, ᐊᒻᒪᓗᑦᑕᐅᖅ ᐊᑦᑐᐃᓂᖃᓲᖑᓂᖏᑦ ᐊᑭᓕᖅᓱᖅᑕᐅᒐᑎᑦ ᐱᓕᕆᐊᖃᕈᑎᖏᑦ ᓄᓇᓕᐅᔪᒧᑦ/ᑲᑐᔾᔨᖃᑎᒌᒧᑦ ᐊᑭᓕᖅᓱᖅᑕᐅᒐᑎᑦ ᐃᑲᔪᖃᑦᑕᕐᓂᖏᓐᓄᑦ.
ᑕᒫᓂ ᐊᕐᕌᒍᒥ ᐊᑭᓕᖅᓱᖅᑕᐅᒐᑎᑦ ᐃᑲᔪᒃᑲᒻᒪᕆᐊᓗᐃᑦ ᐃᓕᓴᕆᔭᐅᔪᑦ ᐅᑯᐊᖑᕗᑦ:
ᐊᑭᓕᖅᓱᖅᑕᐅᒐᓂ ᐃᑲᔪᖅᑎᒻᒪᕆᒃ, ᓄᓇᓕᓐᓂ ᐱᕙᓪᓕᐊᔪᓕᕆᓂᕐᒧᑦ: ᓯᐊᕋ ᕼᐅᓪᔾᒪᓐ
ᐊᑭᓕᖅᓱᖅᑕᐅᒐᓂ ᐃᑲᔪᖅᑎᒻᒪᕆᒃ, ᓴᓇᙳᐊᕐᓂᕐᒧᑦ: ᑐᕌᕕᔅ ᑰᐳᕐ
ᐊᑭᓕᖅᓱᖅᑕᐅᒐᓂ ᐃᑲᔪᖅᑎᒻᒪᕆᒃ, ᐱᙳᐊᖅᑐᓕᕆᓂᕐᒧᑦ: ᐋᓐᑐᕉ ᐊᒻᒪᓗ ᐅᐊᕋᓐ ᑲᐃᒻ
ᐊᑭᓕᖅᓱᖅᑕᐅᒐᓂ ᐃᑲᔪᖅᑎᒻᒪᕆᒃ, ᐃᑲᔪᖅᑎᒻᒪᕆᒃ: ᓇᑦᓯᖅ ᑲᖑᖅ
ᐊᑭᓕᖅᓱᖅᑕᐅᒐᓂ ᐃᑲᔪᖅᑎᒻᒪᕆᒃ, ᐱᔨᑦᑎᕋᖅᑏᑦ ᑲᑐᔾᔨᖃᑎᒌᖑᔪᖅ: ᖃᔪᖅᑐᕐᕕᒃ
ᐊᑐᓂ ᐊᑭᓕᖅᓱᖅᑕᐅᒐᑎᑦ ᐃᑲᔪᓲᑦ ᑐᓂᓯᔭᐅᓚᐅᖅᑐᑦ ᓴᓇᔭᐅᓯᒪᔪᒥᒃ ᓇᓗᓇᐃᒃᑯᑕᒥᒃ ᓇᓪᓕᐅᓂᖅᓯᐅᕈᑎᒋᔭᐅᓪᓗᓂ ᐃᓕᓴᕆᔭᐅᑎᓪᓗᒍ, ᐊᒻᒪᓗᑦᑕᐅᖅ ᖁᔭᓐᓇᒦᖅᑕᐅᓪᓗᑎᑦ ᑕᒪᐃᓐᓂ ᓄᓇᓕᐸᐅᔭᒃᑯᓐᓄᑦ ᐃᑲᔪᓲᖑᓂᖏᓐᓄᑦ ᐃᖃᓗᐃᑦ ᓄᓇᒋᔭᐅᑦᑎᐊᕙᒍᓐᓇᖁᓪᓗᒍ.
ᐃᖃᓗᒻᒥᐅᑦ ᐊᑭᓕᖅᓱᖅᑕᐅᙱᑦᑐᑎᑦ ᐃᑲᔪᖃᑦᑕᓲᑦ ᑲᔪᖏᖅᓴᖅᑕᐅᕗᑦ ᖃᐅᔨᓴᕐᓗᑎᑦ ᑲᑐᔾᔨᖃᑎᒌᓂᑦ ᐃᑲᔪᕈᒪᔭᒥᓂᒃ. ᐅᐸᒍᑎᓗᓂᓗ ᐊᑎᓕᐅᖅᑐᖃᓕᖅᑎᓪᓗᒍ ᐱᙳᐊᕈᓘᔭᕐᓇᕈᑎᓄᑦ ᓯᑏᕝᕙᒥ ᐱᐅᔪᒻᒪᕆᐅᒋᕗᖅ ᑕᑯᔭᐃᓐᓇᕆᓗᒋᑦ ᓄᓇᓕᓐᓂ ᑲᑐᔾᔨᖃᑎᒌᖑᔪᑦ ᐃᖃᓗᓐᓂ ᐱᓕᕆᐊᖃᕈᓘᔭᓲᑦ.
ᑐᑭᓯᒋᐊᒃᑲᓐᓂᕈᒪᒍᕕᑦ ᑕᒪᔅᓱᒪᑉ ᓇᓪᓕᐅᓂᖅᓯᐅᕈᑎᑉ ᒥᒃᓵᓄᑦ, ᐅᖄᓚᕕᒋᓗᒍ ᓯᑕᐸᓂ ᑲᓛᒃ ᐅᕗᖓ 975.8532, ᐅᕝᕙᓘᓐᓃᑦ ᖃᕋᓴᐅᔭᒃᑯᑦ ᑎᑎᕋᕐᕕᒋᓗᒍ ᐅᕗᖓ S.Clark@city.Iqaluit.nu.ca
-30-
ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒃᑲᕐᓗᒍ:
ᐋᓐᑐᕆᐊ ᔅᐱᑦᔪᕐ
ᑐᓴᐅᒪᖃᑎᒌᑦᑐᓕᕆᔨ
ᐃᖃᓗᐃᑦ ᓄᓇᓕᐸᐅᔭᖓ
ᖃᕋᓴᐅᔭᒃᑯᑦ: A.Spitzer@city.iqaluit.nu.ca