ᔨᒥ ᕿᓚᑉᐸᖅ ᐃᓱᒪᒋᔭᐅᓗᓂ ᐱᖕᖑᐊᕐᕕᓕᐊᕈᑎᑦᓴᓂᑦ ᐱᓕᕆᐊᑦᓴᖅ ᐊᖏᓪᓕᒋᐊᖅᑐᖅ - ᐱᓕᕆᐊᑦᓴᖅ II

ᔨᒥ ᕿᓚᑉᐸᖅ ᐃᓱᒪᒋᔭᐅᓗᓂ ᐱᖕᖑᐊᕐᕕᓕᐊᕈᑎᑦᓴᓂᑦ ᐱᓕᕆᐊᑦᓴᖅ ᐊᖏᓪᓕᒋᐊᖅᑐᖅ - ᐱᓕᕆᐊᑦᓴᖅ II
ᑏᓰᐱᕆ 13, 2017 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᒃᑯᑦ ᖁᕕᐊᒋᑦᓯᐊᖅᑐᒋᑦ ᑐᓴᖅᑎᑦᓯᔪᒪᓕᕐᒥᔪᑦ ᐊᖏᓪᓕᒋᐊᖅᑕᐅᓂᖓᓂᑦ ᔨᒥ ᕿᓚᑉᐸᖅ ᐃᓱᒪᒋᓪᓗᒍ ᐱᖕᖑᐊᕐᕕᓕᐊᕈᑎᑦᓴᑦ - ᐱᓕᕆᐊᑦᓴᒥᑦ II, ᐱᓕᕆᐊᑦᓴᓕᐊᖑᓚᐅᕐᓯᒪᔪᖅ ᐃᑲᔫᑎᐅᔪᒪᓪᓗᓂ ᐃᓚᒌᓂᑦ ᐱᖃᑕᐅᖃᑦᑕᖁᓪᓗᒋᑦ ᐳᐃᔾᔪᕋᕐᕕᒻᒨᐸᑦᑐᓄᑦ ᐊᒻᒪ ᐱᓕᕆᐊᑦᓴᓕᐊᕆᕙᑦᑐᓂ ᑕᐃᑲᓂ ᐳᐃᔾᔪᕋᕐᕕᒻᒥ. ᐱᓕᕆᐊᑦᓴᒃᑯᑦ II ᐃᑲᔫᑎᖃᖅᐸᑦᑐᑦ 75 ᐳᓴᖏᓐᓂᑦ ᐱᓕᕆᐊᑦᓴᓄᑦ ᐃᓚᒋᔭᐅᔾᔪᑎᑦᓴᐃᑦ ᐃᑲᔫᓯᐊᕈᓐᓇᕐᓂᖏᓐᓄᑦ ᐃᓚᒌᓐᓄᑦ.
ᓴᖅᑭᖅᑕᐅᓚᐅᕐᓯᒪᔪᖅ ᐃᓱᒪᒋᔭᐅᓗᓂ ᒪᐃᔭᐅᓚᐅᕐᓯᒪᔪᖅ ᐊᒻᒪ ᑲᑎᒪᔨᐅᖃᑕᐅᓚᐅᕐᓯᒪᔪᖅ ᔨᒥ ᕿᓚᑉᐸᖅ, ᐊᖅᑯᑎᖃᖅᑐᑎᒃ ᓄᓇᓕᐸᐅᔭᒃᑯᑦ ᐃᓵᑦᓯᒪᓂᕐᒥᑦ ᑕᐃᔭᐅᔪᒥᑦ ᐱᓕᕆᐊᑦᓴᖏᑎᒍᑦ (ᐱᖕᖑᐊᖅᑐᓕᕆᓂᖅ, ᓄᓇᒥᑦ ᐊᕙᑎᓕᕆᑦᓯᐊᓂᕐᒥᑦ, ᐳᐃᔾᔪᕋᕐᕕᓕᕆᓂᕐᒥᑦ, ᓄᓇᓕᓐᓂᑦ ᐱᕈᐃᕙᓪᓕᐊᓂᕐᒥᑦ, ᐃᓅᓯᖃᑦᓯᐊᓂᕐᒥᑦ), $100,000-ᖑᓗᐊᓂᑦ ᐃᑲᔫᓯᐊᕐᓯᒪᓕᖅᑐᑦ ᒫᓐᓇᒧᑦ ᐱᖕᖑᐊᖅᑐᓕᕆᔨᒃᑯᑦ ᐱᓕᕆᐊᑦᓴᖏᓐᓄᑦ ᐃᓚᒋᔭᐅᔪᒪᔪᓄᑦ ᐱᔭᑦᓴᒫᖑᑎᑕᐅᓯᒪᔪᓂᑦ.
ᑐᑦᓯᕋᕈᓐᓇᖅᑐᑦ ᑖᒃᑯᓇᖕᖓᑦ ᑐᑦᓯᕋᕈᓐᓇᕐᓂᖏᑦ ᓄᓇᓕᕐᓂᒥᐅᑕᐃᑦ, ᑎᑎᕋᕆᐊᓖᑦ ᑐᑦᓯᕋᐅᑎᒥᑦ, ᐱᔭᐅᔪᓐᓇᖅᑐᒥᑦ ᐃᑭᐊᖅᑭᕕᒃᑯᑦ ᐅᕝᕙᓘᓐᓃᑦ ᐳᐃᔾᔪᕋᕐᕕᒻᒥᑦ ᐳᐃᔾᔪᕋᕐᕕᐅᑉ ᐱᔨᑦᓯᕋᖅᑎᖏᓐᓂᑦ.
ᐱᖕᖑᐊᕈᑎᓄᑦ ᐃᑲᔫᑎᑦᓴᒫᑦ ᐊᒥᓱᕈᖅᐸᓪᓕᐊᑐᐃᓐᓇᑎᓪᓗᒋᑦ, ᓯᑎᒃᑯᑦ ᖃᐅᔨᓴᓛᖅᑐᑦ ᖃᓄᖅ ᐃᓚᒌᓕᒫᑦᓯᐊᑦ ᐃᑲᔫᓯᐊᕈᓐᓇᕋᔭᕐᒪᖔᑕ ᐃᓚᒋᔭᐅᔾᔪᑎᑦᓴᓂᑦ ᐃᑲᔪᖅᑕᐅᒋᐊᓖᑦ.
ᑐᓂᕐᕈᑎᖃᕈᒪᔪᑦ ᐱᓕᕆᔾᔪᑎᓄᑦ ᑐᕌᖅᑎᑦᓯᔪᓐᓇᖅᑐᑦ ᐃᑭᐊᖅᑭᕕᒃᑯᑦ ᐅᕗᖓ ᖃᕋᑕᐅᔭᖃᕈᕕᑦ aquaticcentre@city.iqlauit.nu.ca
-30-
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᐋᓐᑐᕆᐊ ᓯᐱᑦᔪᕐ
ᑐᓴᐅᒪᑎᑦᓯᓕᕆᓂᖅ
ᓄᓇᓕᐸᐅᔭᐃᑦ ᐃᖃᓗᐃᑦ
ᐃᕐᖐᓇᖅᑕᐅᑎᖓ: A.Spitzer@city.iqaluit.nu.ca