ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – “ᑐᐊᕕᓐᓇᖅᑐᖃᓕᖅᐸᑦ ᐅᐸᓗᖓᐃᖅᓯᒪᒋᑦ” ᐱᑦᔪᑎᒋᔭᐅᔪᖅ ᑐᐊᕕᓐᓇᖅᑐᓕᕆᓂᒧᑦ ᐅᐸᓗᖓᐃᖅᓯᒪᓂᕐᒧᑦ ᐱᓇᓱᐊᕈᓯᐊᓄᑦ
ᒪᐃ 7, 2018 (ᐃᖃᓗᐃᑦ, ᓄᓇᕗᑦ) –- “ᑐᐊᕕᓐᓇᖅᑐᖃᓕᖅᐸᑦ ᐅᐸᓗᖓᐃᖅᓯᒪᒋᑦ” ᑕᒫᓂ ᐊᕐᕋᒍᒥ ᑲᓇᑕᒥ ᐱᑦᔪᑎᐅᔪᖅ ᐱᓇᓱᐊᕈᓯᐊᓄᑦ ᑐᐊᕕᓐᓇᖅᑐᖅᑕᖃᑦᑎᓪᓗᒍ ᐅᐸᓗᖓᐃᖅᓯᒪᓂᕐᒧᑦ, ᐱᖏᐊᕐᓗᓂ ᒪᐃ 6 ᑎᑭᓪᓗᓂ 12-ᒧᑦ, 2018. ᑕᒪᓐᓇ ᐱᓇᓱᐊᕈᓯᖅ ᐃᖅᑲᐃᑎᑦᑎᔾᔪᑎᐅᓂᐊᖅᐳᖅ ᓄᓇᖃᑦᑎᐅᔪᓂᒃ ᐸᕐᓇᒃᓯᒪᓂᖅ ᐊᒻᒪᓗ ᐱᓕᕆᐊᖃᕐᓂᖅ ᐅᐸᓗᖓᐃᔭᖅᓯᒪᓗᓂ, ᐃᓚᒌᑦ ᐊᒻᒪᓗ ᐱᖁᑎᑦ ᓴᐳᔾᔭᐅᓯᒪᑦᑎᐊᕐᓂᖅᓴᐅᔪᓐᓇᖅᐳᑦ ᑐᐊᕕᓐᓇᖅᑐᖅᑕᖃᑦᑎᓪᓗᒍ.
ᑭᒃᑯᓕᒫᑦᑎᐊᑦ ᐱᓕᕆᐊᔅᓴᖃᑦᑐᐃᓐᓇᐅᕗᑦ ᐅᐸᓗᖓᐃᖅᓯᒪᓂᒃᑯᑦ ᑐᐊᕕᓐᓇᖅᑐᖃᑦᑎᓪᓗᒍ, ᐊᒻᒪᓗ ᐃᓚᖓ ᐅᐸᓗᖓᐃᔭᖅᓯᒪᓂᐅᑉ ᐱᖃᓯᔾᔨᔪᖅ ᖃᐅᔨᒪᓂᕐᒥᒃ ᐊᒻᒪᓗ ᐱᔨᕆᔾᔪᑎᐅᔭᕆᐊᓕᓐᓂᒃ ᑲᒪᑦᑎᐊᓂᖅᓴᐅᔪᓐᓇᖁᓪᓗᒋᑦ ᑐᐊᕕᓐᓇᕐᑐᖅᑕᖃᑦᑎᓪᓗᒍ. ᐊᒥᓲᕗᑦ ᐊᑐᖅᑕᐅᔪᓐᓇᖅᑐᑦ “ᑐᐊᕕᓐᓇᖅᑐᖃᓕᖅᐸᑦ ᐅᐸᓗᖓᐃᖅᓯᒪᒋ”. ᐊᑖᓂ ᑕᑯᓂᐊᖅᐳᑎᑦ ᐊᑕᐅᑎᔾᔪᑎᒥᒃ ᑐᓴᕋᔅᓴᖅᑕᖃᕈᓘᔭᖅᑐᒥᒃ ᖃᓄᖅ ᐃᑲᔪᖅᑕᐅᔪᓐᓇᕐᒪᖔᖅᐱᑦ ᐊᒻᒪᓗ ᐃᓚᒋᔭᑎᑦ ᐸᕐᓇᐃᔭᖅᑎᓪᓗᑎᑦ ᑐᐊᕕᓐᓇᖅᑐᖅᑕᖃᓕᕐᓂᖅᐸᑦ.
-30-
ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖅᑎᖏᑦ ᐱᔨᑦᑎᖅᑎᐊᕐᓂᖅᓴᐅᔪᓐᓇᖁᓪᓗᒋᑦ ᓄᓇᖃᑦᑎᐅᔪᓂᒃ, ᖃᐅᔨᒪᑎᓚᐅᖅᑎᒍᑦ ᐅᖃᐅᓯᒃᑯᑦ ᐅᕝᕙᓘᓐᓂᑦ ᐃᓱᒫᓘᑎᖃᕈᕕᑦ ᑕᒪᑐᒧᖓ ᐱᔨᑦᑎᖅᓯᓂᕐᒧᑦ ᐅᕝᕙᓘᓐᓃᑦ ᐱᓕᕆᐊᕐᓄᑦ. ᐅᖄᓚᒍᓐᓇᖅᐳᑎᑦ ᓄᓇᓕᐸᐅᔭᒃᑯᑦ ᐊᓪᓚᒃᕕᖓᓄᑦ ᐅᖄᓚᐅᑎᖓᑕ ᓇᒻᒪᖓ, 979.5600, ᓇᒡᒐᔾᔭᐅᒥᑦ ᐅᓪᓗᑐᐃᓐᓇᕐᒧᑦ, ᕿᑎᐊᓂ 9 ᐅᓪᓛᒃᑯᑦ 5-ᒧᑦ ᐅᓐᓄᓴᒧᑦ, (ᐱᖃᓯᐅᑎᓐᖏᑦᑐᖅ ᖁᓛᓂ ᓂᕆᓐᓇᖅ), ᐅᕝᕙᓘᓐᓃᑦ ᐅᕗᓐᖓᕐᓗᑎᑦ Contact Us ᑎᑎᕋᖅᓯᒪᔪᖓᓄᑦ ᖃᕆᑕᐅᔭᐅᑉ ᐃᑭᐊᖅᑭᕕᖓᓄᑦ, ᐅᕗᖓ http//:www.city.iqaluit.nu.ca/contact-us , ᐊᒻᒪᓗ ᑎᑎᕋᓪᓗᒍ ᑕᒪᕐᒥᒃ ᖃᕋᓴᐅᔭᒃᑯᑦ ᑎᑎᕋᖅᕕᒃ. ᐱᔨᑦᑎᖅᑎᐊᕋᓱᐊᖅᐳᒍᑦ ᐃᓄᓐᓂᒃ.
