ᐊᐳᑕᐃᔭᐃᓂᖅ

ᐊᐳᑕᐃᔭᐃᓂᖅ
ᐃᐳᕈ 11, 2018 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᐃᖅᑲᐃᑎᑦᓯᔪᒪᓕᕐᒥᔪᑦ ᓄᓇᓕᓐᓂ ᐱᖁᑎᖃᖅᑎᓂᑦ ᐊᒻᒪ ᐱᖁᑎᓂᑦ ᐊᐅᓚᑦᓯᔨᓂᑦ ᒪᓕᑦᑐᒋᑦ, ᑎᑎᕋᕐᓯᒪᔪᑦ ᓄᓇᓕᓐᓂ ᒪᓕᒐᕋᓛᕐᒥ 591, ᐃᒻᒥᓂᒃ ᐊᐳᑕᐃᔭᐃᑎᑦᓯᒋᐊᖃᕐᒪᑕ ᓂᓚᐃᔭᐃᑎᑦᓯᓗᑎᓪᓗ ᓄᓇᓯᐅᑎᓄᑦ ᓄᖅᑲᖓᕖᑦ ᐅᖓᑎᖏᓐᓂᑦ, ᐅᕝᕙᓘᓐᓃᑦ ᐊᖅᑯᑎᓂᑦ ᓄᓇᓯᐅᑎᓄᑦ ᓄᖅᑲᖓᕕᓐᓅᕆᐊᓂᑦ ᐊᓂᕕᖏᓐᓂᑦ, ᐊᖅᑯᑎᖃᑦᓯᐊᖁᓪᓗᒋᓪᓗ ᐱᔨᑦᓯᕋᕈᑎᓂᑦ ᐊᒻᒪ ᑐᐊᕕᕐᓇᖅᑐᓕᕆᔾᔪᑎᓂᑦ ᐃᖅᑲᓇᐃᔭᖅᑏᑦ.
ᐊᒻᒪᑦᑕᐅᖅ, ᐱᖁᑎᖃᖅᑎᐅᔪᑦ ᓇᓗᓇᐃᕐᓯᒪᑦᓯᐊᕆᐊᖃᖅᐸᒻᒥᔪᑦ ᐊᐳᑕᐃᔭᐃᕕᖏᑦ ᐅᖓᓯᓐᓂᖃᖅᑐᑦ 5 ᒦᑕᓂᑦ ᐊᑐᕆᐊᓂᑦ ᐳᖅᑐᓂᖃᕆᐊᖃᖅᐸᒻᒪᑕ 1 ᒦᑕᒥᑦ. ᐊᒻᒪᑦᑕᐅᖅ, ᐊᐳᑕᐃᔭᐃᕕᐊᕆᐊᖃᕐᒥᔪᑦ ᑭᓯᐊᓂ ᓯᑎᒃᑯᓐᓂᑦ ᐊᐳᑕᐃᔭᐃᕕᐅᖁᔭᐅᔪᓂᑦ.
ᑐᑭᓯᒋᐊᒃᑲᓐᓂᕐᕕᑦᓴᖅ ᐊᐳᑕᐃᔭᐃᓂᖅ ᐱᓪᓗᒍ ᖃᕋᑕᐅᔭᒃᑯᑦ ᐃᑭᐊᖅᑭᕕᖓᒍᑦ ᖃᐅᔨᒋᐊᕈᓐᓇᖅᑐᑦ ᒪᓕᒐᕋᓛᓕᕆᔪᓂᑦ ᐅᕗᖓ:
https://www.city.iqaluit.nu.ca/sites/default/files/by-law_591.pdf
ᓯᑎᒃᑯᑦ ᓇᑰᕐᒦᑦᑐᖅ ᐃᓕᑦᓯᓐᓂᑦ ᐃᑲᔪᑦᓯᐊᕐᓂᓯᓐᓂᑦ.
ᓯᑎᒃᑯᑦ ᐃᖅᑲᓇᐃᔭᖅᑎᖏᓐᓂᑦ ᐱᔨᑦᓯᕋᖅᑎᑦᓯᐊᕙᐅᖁᔨᓂᐊᕐᓗᓂ, ᐅᖃᐅᔾᔭᐅᔪᒪᑐᐃᓐᓇᖅᑐᒍᑦ ᖃᓄᑐᐃᓐᓇᖅ ᐃᓱᒪᒋᔭᖃᕐᓂᕈᑦᓯ ᐃᓱᒫᓘᑎᖃᕐᓂᕈᑦᓯᓘᓐᓃᑦ ᐱᔾᔪᑎᖃᕐᓗᓯ ᐱᔨᑦᓯᕋᕈᑎᒥᑦ ᐱᓕᕆᐊᑦᓴᒥᓪᓘᓐᓃᑦ. ᓇᓪᓕᐊᓐᓄᑐᐃᓐᓇᖅ ᐅᑯᓂᖓ ᖃᐅᔨᒃᑲᐃᒍᓐᓇᖅᑐᑎᑦ ᓯᑎᒃᑯᑦ ᐅᖄᓚᐅᑎᖏᓐᓄᑦ ᐅᖄᓚᓗᓯ, 979-5600, ᓇᒡᒋᔾᔭᐅᒥᑦ ᑕᓪᓕᒥᕐᒧᑦ, ᐅᓪᓛᓂᑦ 9-ᒥᓂᑦ 5-ᒨᕋᓱᓐᓂᖓᓂ ᐅᓐᓄᓴᒃᑯᑦ ᐃᖅᑲᓇᐃᔭᖅᐸᑦᑐᑦ (ᖁᓛᓂ ᓂᕆᓐᓇᐅᑎᓪᓗᒍ ᒪᑐᓯᒪᕙᑦᑐᑦ), ᐅᕝᕙᓘᓐᓃᑦ ᐅᕗᖕᖓᕐᓗᓯ ᖃᐅᔨᒋᐊᕐᕕᑦᓴᐃᑦ ᐅᕙᑦᑎᓐᓂᑦ ᐃᑭᐊᖅᑭᕕᑦᑎᓐᓂ, ᐅᕙᓂ https://www.city.iqaluit.nu.ca/contact-us, ᐊᒻᒪ ᑎᑎᕋᕐᕕᒋᓗᒍ ᑕᑕᑎᕆᐊᓕᒃ. ᐱᐅᔪᐊᓗᓐᓂᑦ ᐱᔨᑦᓯᕋᖅᐸᑦᑕᑎᓐᓄᑦ ᐱᓕᕆᑦᓯᐊᕋᓱᐃᓐᓇᖅᑐᒍᑦ.
-30-