ᐳᓛᖅᑎᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᒥᕐᒥᒃ ᓴᓗᒻᒪᕐᓴᐃᕕᒃ ᐱᓪᓗᒍ ᑐᓴᕋᑦᓴᖅ - ᐃᒥᕐᒥᒃ ᑎᖅᑎᑎᑦᓯᖃᑦᑕᖁᔭᐅᔪᑦ ᓱᓕ
ᒪᐃ 9, 2023 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᐃᑎᑦᓯᒍᒪᓕᕆᕗᑦ ᓄᓇᓕᕐᒥᐅᑕᓂᑦ ᐃᒥᕐᒥᒃ ᑎᖅᑎᑎᑦᓯᖃᑦᑕᕆᐊᖃᕐᒪᑕ ᓱᓕ ᐃᖃᓗᓐᓂ - ᓱᓪᓗᓕᒃᑯᑦ ᐊᒻᒪ ᓄᓇᒃᑰᔫᒃᑯᑦ ᐃᒥᖃᖅᑎᑕᐅᕙᑦᑐᑦ ᐃᒥᕐᒥᒃ ᑎᖅᑎᑎᑦᓯᒋᐊᓖᑦ ᓱᓕ.

ᒪᓕᑦᑐᒍ ᐊᑐᖅᑕᐅᖁᔭᐅᔪᖅ ᖃᐃᑕᐅᓯᒪᔪᖅ ᒪᐃ 9, 2023 ᐊᖏᔪᖅᑳᖓᓐᓂᑦ ᐋᓐᓂᐊᓇᖕᖏᑦᑐᓕᕆᔨᒃᑯᑦ, ᑐᓪᓕᐊᓂᑦ ᖃᐅᔨᓴᖅᑕᐅᕙᓪᓕᐊᓕᖅᑐᑦ ᓇᓗᓇᐃᔭᐃᑎᑦᓴᑦ ᐃᒥᖅ ᖃᓄᐃᓕᖓᓕᕐᓂᖓᓄᑦ ᐃᒥᓕᕆᔾᔪᑎᒃᑰᐸᑦᑐᖅ. ᖃᐅᔨᓴᖅᑕᐅᓂᖏᑦ ᐊᒻᒪ ᖃᓄᐃᒻᒪᖔᑕ ᖃᐅᔨᓴᖅᑕᐅᔪᑦ ᐊᑯᓂᐅᕙᒻᒪᑕ, ᐊᒻᒪ ᓄᓇᓕᐸᐅᔭᒃᑯᑦ ᓄᓇᓕᕐᒥᐅᑕᓂᑦ ᖁᔭᓐᓇᒦᕈᒪᕗᑦ ᐅᑕᖅᑭᑦᓯᐊᑐᐃᓐᓇᕐᓂᖏᓐᓂᑦ ᑕᒪᓐᓇ ᐱᓪᓗᒍ.

ᐃᓄᖕᓄᑦ ᑐᓴᕋᑦᓴᖅ

ᑎᑭᓐᓂᖅ ᐊᖏᕐᕋᒧᑦ ᐱᓕᕆᐊᑦᓴᖅ - ᑐᑦᓯᕋᐅᑎᓕᐅᖁᔨᔾᔪᑎ

ᑎᑭᓐᓂᖅ ᐊᖏᕐᕋᒧᑦ ᐱᓕᕆᔨᖏᑦ ᖁᕕᐊᓱᒻᒪᕆᓕᖅᑐᑦ ᑐᑦᓯᕋᐅᑎᓕᐅᕐᕕᐅᔪᓐᓇᓕᕋᒥᒃ ᑮᓇᐅᔭᓂᑦ ᐱᓕᕆᔾᔪᑎᑦᓴᓂᑦ ᐱᑕᖃᑦᑕᐃᓕᒪᐅᑎᑦᓴᓂᑦ ᐅᕝᕙᓘᓐᓃᑦ ᒥᑭᓪᓕᒋᐊᕈᑎᑦᓴᓂᑦ ᐊᖏᕐᕋᖃᖏᓂᕐᒥᑦ ᐃᖃᓗᓐᓂ ᐊᕐᕌᒍᒧᑦ ᑮᓇᐅᔭᓕᕆᔾᔪᑎᐅᔪᒧᑦ - 2023-2024.

$940,176.70 ᐊᑐᐃᓐᓇᐃᑦ ᖃᓄᐃᓕᐅᕈᑎᑦᓴᐅᓗᑎᒃ ᐅᑯᓂᖓ:

ᑭᓇᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᓴᕕᕋᔭᖕᓂᒃ ᐊᑦᑕᕐᕕᒃᓴᐅᓕᖅᑐᖅ
ᒪᐃ 3, 2023 – ᐃᖃᓗᐃᑦ, ᓄᓇᕗ

ᐃᖃᓗᖕᓂ ᐊᒃᑕᕐᕕᒃ ᓴᕕᕋᔭᖕᓂ ᐃᒋᑦᑎᕕᒃᓴᐅᓂᐊᓕᖅᑐᖅ ᐱᒋᐊᕐᓗᓂ ᒪᐃ 3, 2023-ᒥ. ᓇᖕᒥᓂᖃᖅᑎᐅᔪᑦ ᑮᓇᐅᔭᓕᐅᕋᓱᐊᖅᑏᓪᓗ ᐃᒋᑦᑎᖃᑦᑕᕈᓐᓇᖅᓯᓛᓕᖅᑐᑦ ᐱᒋᐊᕐᓗᓂ ᐊᐃᑉᐱᖅ ᒪᐃ 9, 2023-ᖕᒍᓕᖅᐸᑦ.

ᓄᓇᓕᐸᐅᔭᒃᑯᑦ ᖁᔭᓕᔪᑦ ᕿᓄᐃᓵᕈᓐᓇᕋᔅᓯ.

##

ᑐᑭᓯᒋᐊᒃᑲᓐᓂᕈᒪᒍᕕᑦ ᐃᖅᑲᓇᐃᔭᕐᓇᐅᑎᓪᓗᒍ ᑐᑭᓯᒋᐊᕈᓐᓇᖅᑐᑎᑦ:

ᓲ ᐊᐃᕗᕆ - ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ ᐊᓪᓚᑦᑎ - S.Avery@iqaluit.ca | 867-979-5630

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᒥᕐᒥᒃ ᓴᓗᒻᒪᕐᓴᐃᕕᒃ ᐱᓪᓗᒍ ᑐᓴᕋᑦᓴᖅ - ᓱᓕ ᐃᒥᕐᒥᒃ ᑎᖅᑎᑎᑦᓯᖃᑦᑕᕆᐊᓖᑦ ᐃᖃᓗᓐᓂ
ᒪᐃ 2, 2023 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᓱᓕ ᐃᒥᕐᒥᒃ ᑎᖅᑎᑎᑦᓯᖃᑦᑕᕆᐊᖃᕐᒪᑕ - ᐃᒥᖃᖅᑎᑕᐅᕙᑦᑐᑦ ᓱᓪᓗᓕᒃᑯᑦ ᐊᒻᒪ ᓄᓇᒃᑰᔫᒃᑯᑦ.

ᐃᓘᓐᓇᑎᒃ ᐃᒥᕐᒥᒃ ᖃᐅᔨᓴᖅᑕᐅᔪᑦᓴᑦ ᐊᓪᓚᐃᑦ ᓄᓇᖏᓐᓅᖅᑕᐅᓯᒪᓕᖅᑐᑦ ᖃᐅᔨᓴᖅᑕᐅᔪᑦᓴᐅᓗᑎᒃ. ᐱᔭᕇᖅᑕᐅᑉᐸᑕ, ᒪᓕᑦᑕᐅᓛᖅᑐᖅ ᐊᖏᔪᖅᑳᖓᑕ ᐋᓐᓂᐊᓇᖕᖏᑦᑐᓕᕆᔨᒃᑯᑦ ᐊᑐᖅᑕᐅᖁᔭᖏᑦ, ᒪᓕᑦᑕᐅᓗᑎᒃ ᖃᓄᐃᒍᑎᐅᔪᑦ ᐃᒥᕐᒥᒃ ᖃᐅᔨᓴᐅᑎᐅᔪᑦ.

ᓄᓇᓕᐸᐅᔭᒃᑯᑦ ᐃᖅᑲᓇᐃᔭᕐᕕᖏᓐᓂ ᖃᐅᔨᓴᐅᑎᐅᔪᑦ ᑕᑯᑦᓴᐅᑎᑦᓯᔪᑦ ᐃᒥᕐᒥᒃ ᓴᓗᒻᒪᕐᓴᐃᕕᒃ ᐊᐅᓚᑕᐅᓂᖓᓄᑦ ᒪᓕᑦᑕᐅᓗᓂ ᓴᓇᔭᐅᓯᒪᓂᖓ. ᓯᓚᑦᑎᑦᑎᓐᓂᑦ ᖃᐅᔨᓴᖅᑕᐅᔭᕇᖅᐸᑕ, ᑐᑭᓯᒋᐊᕈᑎᓂᑦ ᓴᖅᑮᑲᓐᓂᓛᖅᑐᒍᑦ. ᖁᔭᓐᓇᒦᒃ ᐅᑕᖅᑭᑦᓯᐊᐸᒃᑲᑦᓯ.

##

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐅᓪᓗᕐᓯᐅᑎᒍᑦ ᐋᖅᑭᑦᑕᐅᓯᒪᔪᒥᑦ ᑖᑦᓯᓄᑦ ᐃᓄᑦᑕᐅᑎᓄᑦ ᐊᑭᓕᖅᑕᐅᕙᑦᑑᑉ ᖁᕝᕙᒋᐊᕐᓂᖓ
ᒪᐃ 2, 2023 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᐃᑎᑦᓯᒍᒪᓕᕆᕗᑦ ᓄᓇᓕᕐᒥᐅᑕᓂᑦ ᒪᐃ 1, 2023, ᐊᑭᓕᖅᑕᐅᕙᑦᑐᖅ ᐃᑭᒪᔪᓄᑦ ᑖᑦᓯᓂ ᐃᓄᑦᑕᐅᑎᓂ ᖁᕝᕙᒋᐊᕐᓯᒪᓕᕐᒪᑦ ᒃ9-ᒧᑦ. ᐃᓐᓇᐃᑦ ᐊᑭᓕᖅᐸᑦᑕᖏᑦ ᓱᕐᕋᖏᑦᑐᑦ $5-ᖑᐃᓐᓇᖅᑐᑎᒃ, ᐊᒻᒪ ᓱᕈᓰᑦ ᐊᕐᕌᒍᓖᑦ ᑐᖔᓂ 10 ᐃᓐᓇᕐᒥᑦ ᐊᐃᑉᐸᖃᕈᓂ ᐊᑭᓖᑎᑕᐅᕙᒐᓂ ᓱᓕ, ᑕᒪᓐᓇ ᐊᑐᖅᐸᑦᑐᖅ ᐃᖃᓗᐃᑦ ᐃᓗᐊᓂ ᐊᑭᓕᕐᓱᐃᕕᐅᕙᑦᑐᒥ.

ᑕᒪᓐᓇ ᒪᓕᑦᑐᖅ ᐃᖃᓗᐃᑦ ᓄᓇᓕᐸᐅᔭᐃᑦ ᒪᓕᒐᕋᓛᖁᑎᖓᑕ #936 ᐃᓚᖓᓂᑦ L, ᓇᓗᓇᐃᔭᐃᔾᔪᑎᐅᑉ ᐊᑭᓕᖅᑕᐅᕙᑦᑐᓂᑦ ᐊᒻᒪ ᖁᕝᕙᒋᐊᕈᑎᖏᓐᓂᑦ ᒪᓕᑦᑐᒋᑦ ᐊᖏᖅᑕᐅᓯᒪᓂᖏᑦ ᓇᓗᓇᐃᔭᕐᓯᒪᔪᑦ.

##

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐅᓪᓗᕐᓯᐅᑎᒍᑦ ᐋᖅᑭᑦᑕᐅᓯᒪᔪᒥᑦ ᑖᑦᓯᓄᑦ ᐃᓄᑦᑕᐅᑎᓄᑦ ᐊᑭᓕᖅᑕᐅᕙᑦᑑᑉ ᖁᕝᕙᒋᐊᕐᓂᖓ
ᒪᐃ 2, 2023 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᐃᑎᑦᓯᒍᒪᓕᕆᕗᑦ ᓄᓇᓕᕐᒥᐅᑕᓂᑦ ᒪᐃ 1, 2023, ᐊᑭᓕᖅᑕᐅᕙᑦᑐᖅ ᐃᑭᒪᔪᓄᑦ ᑖᑦᓯᓂ ᐃᓄᑦᑕᐅᑎᓂ ᖁᕝᕙᒋᐊᕐᓯᒪᓕᕐᒪᑦ ᒃ9-ᒧᑦ. ᐃᓐᓇᐃᑦ ᐊᑭᓕᖅᐸᑦᑕᖏᑦ ᓱᕐᕋᖏᑦᑐᑦ $5-ᖑᐃᓐᓇᖅᑐᑎᒃ, ᐊᒻᒪ ᓱᕈᓰᑦ ᐊᕐᕌᒍᓖᑦ ᑐᖔᓂ 10 ᐃᓐᓇᕐᒥᑦ ᐊᐃᑉᐸᖃᕈᓂ ᐊᑭᓖᑎᑕᐅᕙᒐᓂ ᓱᓕ, ᑕᒪᓐᓇ ᐊᑐᖅᐸᑦᑐᖅ ᐃᖃᓗᐃᑦ ᐃᓗᐊᓂ ᐊᑭᓕᕐᓱᐃᕕᐅᕙᑦᑐᒥ.

ᑕᒪᓐᓇ ᒪᓕᑦᑐᖅ ᐃᖃᓗᐃᑦ ᓄᓇᓕᐸᐅᔭᐃᑦ ᒪᓕᒐᕋᓛᖁᑎᖓᑕ #936 ᐃᓚᖓᓂᑦ L, ᓇᓗᓇᐃᔭᐃᔾᔪᑎᐅᑉ ᐊᑭᓕᖅᑕᐅᕙᑦᑐᓂᑦ ᐊᒻᒪ ᖁᕝᕙᒋᐊᕈᑎᖏᓐᓂᑦ ᒪᓕᑦᑐᒋᑦ ᐊᖏᖅᑕᐅᓯᒪᓂᖏᑦ ᓇᓗᓇᐃᔭᕐᓯᒪᔪᑦ.

##

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑐᕆᐊᖅ ᒪᑐᔭᐅᓯᒪᔪᖅ ᐊᒻᒪ ᐊᑐᕆᐊᒃᑰᖅᑐᑦ ᐊᐅᓚᑕᐅᓗᑎᒃ ᐊᓪᓚᖕᖑᐊᖅ ᐊᑐᕆᐊᒃᑰᖅᑐᑦ
ᒪᐃ 1, 2023 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᔪᑦ ᓄᓇᓕᕐᒥᐅᑕᓂᑦ ᐊᑐᕆᐊᓂᑦ ᒪᑐᔭᐅᓯᒪᓂᐊᖅᑐᓂᑦ ᐊᒻᒪ ᐊᑐᕆᐊᒃᑰᖅᑐᑦ ᐊᐅᓚᑕᐅᓂᐊᕐᓂᖏᓐᓂᑦ ᐊᓪᓚᖕᖑᐊ ᐊᑐᕆᐊᖓᒍᑦ - ᐊᑭᓪᓕᖅ ᐊᑐᕆᐊᕐᒥᑦ. ᐊᑐᕆᐊᑦᑕᖓ ᓴᓇᔭᐅᒋᐊᕆᐊᖃᕐᒪᑦ.

ᓄᓇᓕᓐᓂ ᐊᑐᕆᐊᒃᑰᖅᑐᑦ ᓱᓕ ᓇᖕᒥᓂᖃᐅᑎᓄᑦ ᐅᐸᒍᓐᓇᖅᑎᑕᐅᓂᐊᖅᑐᑦ ᓴᓇᓂᖏᓐᓂ. ᓴᖑᕕᐅᕙᓪᓗᑎᒃ ᒥᕝᕕᒃ ᐊᑐᕆᐊᖅ ᐊᒻᒪ ᐃᓚᖏᑦ ᐊᑭᓪᓕᖅ ᐊᑐᕆᐊᑉ. ᐃᓂᖓᓄᑦ ᓄᓇᖕᖑᐊᒥᑦ ᐊᒻᒪ ᐊᑐᕆᐊᒃᑰᖅᑐᑦ ᐊᐅᓚᑕᐅᕕᑦᓴᖏᓐᓄᑦ ᐸᕐᓇᐅᑎᐅᓯᒪᔪᖅ ᑕᑯᑦᓴᐅᑎᑕᐅᔪᖅ. ᐱᓕᕆᐊᖑᔾᔭᖕᖒᖅᑐᑦ ᐊᑯᓐᓂᖏᓐᓂ ᐅᑯᐊ:

        • ᒪᐃ 2 – ᒪᐃ 18

ᓄᓇᓕᐸᐅᔭᒃᑯᑦ ᓇᑯᕐᒦᑦᑐᑦ ᓄᓇᓕᕐᒥᐅᑕᓂᑦ ᑐᑭᓯᐊᑦᓯᐊᕐᓂᖏᓐᓂᑦ ᓴᓇᒋᐊᓖᑦ ᐱᓪᓗᒋᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓇᓪᓕᐊᓐᓄᕋᐃᓂᐊᕐᓂᖅ ᐅᖁᒪᐃᑦᑐᓂᑦ ᓱᓇᒃᑯᑖᓂᑦ ᒥᕝᕕᒃ ᐊᑐᕆᐊᒃᑯᑦ
ᒪᐃ 1, 2023 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᐸᕐᓇᑲᑦᑕ ᐅᖁᒪᐃᑦᑐᓂᑦ ᓱᓇᒃᑯᑖᓂᑦ ᓇᓪᓕᐊᓐᓄᕋᐃᓂᐊᕐᓂᑎᓐᓂᑦ ᐊᐅᓚᐅᑎᓕᓐᓂᓪᓗ ᒪᐃ 3, 2023. ᐊᑦᑐᐊᓂᖃᖅᑐᑦ ᐸᕐᓇᐅᑕᐅᓯᒪᔪᒧᑦ ᓅᑕᐅᓂᐊᕐᓯᒪᔪᒧᑦ ᖃᑦᑎᕆᔨᒃᑯᓐᓄᑦ ᐱᓕᒻᒪᑦᓴᐃᕕᑦᓴᒥᑦ ᐃᓂᖓᓂᑦ ᓄᑖᒧᑦ ᐃᓂᑦᓴᖓᓄᑦ ᓴᓂᐊᓃᑦᑐᒧᑦ ᐊᑦᓯᕕᐅᑉ.

ᐃᓄᖕᓄᑦ ᑐᓴᕋᑦᓴᖅ

ᐅᐱᕐᖓᑦᓵᖑᓕᕐᒥᑎᓪᓗᒍ ᐆᒪᔪᓕᕆᓂᕐᒥᑦ ᐃᖅᑲᐃᑎᑦᓯᔾᔪᑎ

ᐅᐱᕐᖓᑦᓵᖑᓕᕐᒥᑎᓪᓗᒍ ᐊᐳᑦ ᐊᐅᑉᐸᓪᓕᐊᔪᒻᒪᕆᐅᓕᕐᒥᑎᓪᓗᒍ, ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᐃᑎᑦᓯᒍᒪᓕᕐᒥᔪᑦ ᓄᓇᓕᕐᒥᐅᑕᓕᑦ ᐃᑉᐱᒋᔭᒐᖏᓐᓂᑦ ᒪᓕᑦᑐᒍ ᒪᓕᒐᕋᓛᖅ 924, ᐊᖏᕐᕋᒥ ᐆᒪᔪᖁᑎᓄᑦ ᒪᓕᒐᕋᓛᖅ.

ᓄᓇᓕᕐᒥᐅᑕᐃᑦ ᒪᓕᒐᕋᓛᑎᒍᑦ ᓴᓗᒻᒪᓴᖅᐸᒋᐊᓖᑦ ᕿᒻᒥᖏᑕ ᐊᓇᖅᑕᖏᓐᓂᑦ, ᐱᖁᑎᖃᕐᕕᖏᓐᓃᑦᑐᓂᑦ ᐅᕝᕙᓘᓐᓃᑦ ᐊᓯᐊᑕ ᐱᖁᑎᖃᕐᕕᖏᓐᓂ. ᕿᒻᒥᖁᑎᓐᓂᒃ ᐱᓱᖃᑎᖃᖅᑎᓪᓗᑎᑦ, ᐱᓯᒪᑦᑎᒋᐊᖃᖅᐸᑦᑐᑎᑦ ᐴᑦᓴᒥᑦ ᕿᒻᒦᑦ ᓇᒧᑐᐃᓐᓇᖅ ᐊᓇᕐᓂᖅᐸᑦ (ᓲᕐᓗ ᐆᒪᔪᖁᑎᒍᑦ ᓴᓂᒃᑯᕖᑦ).

ᕿᒻᒥᓄᑦ ᐋᓐᓂᐊᒃ (ᐹᕐᕘ) ᐋᓐᓂᐊᖑᔪᖅ ᕿᒻᒥᓄᑦ ᓯᐊᒻᒪᑦᑕᐅᒍᓐᓇᖅᑐᖅ ᐊᑦᑐᐃᔪᖃᕐᓂᖅᐸᑦ ᕿᒻᒥᒧᑦ ᑕᐃᒪᐃᑦᑐᓕᒻᒧᑦ ᐊᓇᖏᓐᓂᑦ, ᐊᑉᐸᐃᔪᓐᓇᑐᒻᒪᕆᐅᔪᖅ, ᓯᓚᒦᑦᑐᓂ ᐊᓇᕐᓂ ᐆᒪᒍᓐᓇᖅᑐᑦ ᐊᒥᓱᓄᑦ ᑕᖅᑭᓄᑦ ᐊᒻᒪ ᐅᓗᕆᐊᓇᕈᓐᓇᑐᒻᒪᕆᐅᓗᑎᒃ ᕿᒻᒥᓄᑦ.