ᐳᓛᖅᑎᑦ

ᐃᖅᑲᓇᐃᔮᑦᓴᒥᑦ ᓇᓗᓇᐃᕐᓯᔾᔪᑎ - ᐃᖅᑲᓇᐃᔭᖅᑎᓕᕆᓂᕐᒥᑦ ᖃᐅᔨᒪᔭᓕᒃ

ᓄᓇᓕᐸᐅᔭᐃᑦ ᐃᖃᓗᐃᑦ ᑕᑯᒋᐊᖁᔨᓕᕆᕗᑦ ᐃᓕᑦᓯᓐᓂᒃ ᖁᕕᐊᓇᖅᑐᒻᒪᕆᒻᒥᑦ ᖃᐅᔨᒪᑦᓯᐊᖅᑐᒧᑦ ᐃᖅᑲᓇᐃᔮᑦᓴᒥᑦ ᐱᓇᓱᐊᕈᒪᔪᒧᑦ. ᐃᖅᑲᓇᐃᔭᖅᑎᑖᕋᓱᐊᕋᑦᑕ ᐃᖅᑲᓇᐃᔭᖅᑎᓕᕆᓂᕐᒥᑦ ᖃᐅᔨᒪᔪᓕᒻᒥᑦ.

ᓄᓇᓕᐸᐅᔭᐃᑦ ᐃᖃᓗᐃᑦ ᑐᖕᖓᓱᑦᑎᑦᓯᕙᑦᑐᑦ ᐊᑑᑎᐅᓇᓱᐊᖅᑐᓂᑦ ᐊᒻᒪ ᐃᓱᒪᒋᔭᐅᔪᓂᑦ ᓄᓇᕗᑦ ᓄᓇᑖᕈᑎᐅᓯᒪᔪᒥᑦ ᐊᖏᕈᑎᒥᑦ. ᓯᕗᓪᓕᐅᔾᔭᐅᒐᔭᖅᑐᑦ ᓄᓇᕘᒥᐅᑕᐃᑦ ᐃᓄᐃᑦ; ᐱᓇᓱᐊᖅᑐᑦ ᓇᓗᓇᐃᕐᓯᒪᑦᓯᐊᕆᐊᓖᑦ ᐱᓇᓱᐊᕈᓐᓇᓂᕐᒥᓂᒃ ᐃᓱᒪᑦᓴᕐᓯᐅᕈᑎᐅᓂᒃᑯᑦ ᐊᖏᕈᑎ ᒪᓕᑦᑐᒍ.

ᐃᖅᑲᓇᐃᔮᑦᓴᒃᑯᑦ ᐱᓪᓗᐊᑕᖃᕐᓂᐊᕐᒪᑕ ᐃᓄᖕᓂᒃ ᐃᖅᑲᓇᐃᔭᖅᑎᑖᕋᓱᓐᓂᕐᒥᑦ, ᓄᓇᓕᐸᐅᔭᒃᑯᑦ ᓴᖏᑎᑦᓯᔪ ᐱᓇᓱᐊᕈᒪᓪᓚᕆᓐᓂᕐᒥᑦ ᓄᓇᕘᒥᐅᑕᒥᑦ ᐃᓄᖕᒥᒃ ᐃᖅᑲᓇᐃᔮᑦᓴᒧᑦ.

ᐃᒥᖃᖏᑲᐃᓐᓇᓛᖅᑐᑦ ᐊᒻᒪ ᐅᔾᔨᕈᓱᒋᐊᕈᑎᒥᑦ ᐃᒥᕐᒥᒃ ᑎᖅᑎᑎᑦᑎᖃᑦᑕᕆᐊᖃᕐᓗᑎᒃ-

ᔪᓂ 27 155,158 + 162

ᖃᐅᔨᒪᖁᔭᐅᔪᓯ ᐃᒥᖃᖏᑎᑕᐅᓛᕐᓂᖓᓂᑦ ᓇᒡᒋᔾᔭᐅᓕᖅᑭ, ᔪᓂ 27, 2023 ᐱᒋᐊᕐᓗᑎᒃ 1pm ᐅᓪᓛᒃᑯᑦ ᓴᓇᔭᐅᔭᕆᐊᖃᕐᒪᑕ ᐃᒥᓕᕆᔾᔪᑏᑦ.

ᐃᒥᖃᖏᑎᑕᐅᑲᐃᓐᓇᕋᔭᖅᑐᑦ: 155,158 + 162.

ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᐅᔾᔨᕈᓱᒋᐊᕈᑎᒥᑦ ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔨᓛᕐᒥᔪᑦ ᐃᓘᓐᓇᑦᑎᐊᖏᓐᓂᑦ ᓄᓇᓕᕐᒥᐅᑕᓂᑦ, ᓄᓇᒃᑰᔫᒃᑯᑦ ᐃᒥᖃᖅᑎᑕᐅᕙᖕᖏᑐᐊᕈᑎᒃ.

ᐃᓄᖕᓄᑦ ᑐᓴᕋᑦᓴᖅ

ᕿᑲᕐᓇᐅᓂᖓᓂ ᐅᓪᓗᕐᓯᐅᑎ - ᐊᑦᓯᕕᒻᒧᑦ ᐊᒻᒪ ᓄᓇᒃᑰᔫᒃᑯᑦ ᐱᔨᑦᓯᕋᖅᑎᓄᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᓄᓇᓕᐸᐅᔭᒃᑯᑦ ᐊᑦᓯᕕᖁᑎᖓᑦ ᒪᑐᓯᒪᓛᕐᒪᑦ ᑲᓇᑕᐅᑉ ᐅᓪᓗᖓᓂ (ᔪᓚᐃ 1).

ᑲᓇᑕᐅᑉ ᐅᓪᓗᖓᓂ ᐊᒻᒪ ᓄᓇᕗᑦ ᐅᓪᓗᖓᓂ (ᔪᓚᐃ 9), ᓄᓇᓕᐸᐅᔭᐃᑦ ᐃᖃᓗᐃᑦ ᓄᓇᒃᑰᔫᒃᑯᑦ ᐱᔨᑦᓯᕋᖅᑎᖏᑦ ᐃᖅᑲᓇᐃᔭᓛᖏᑦᑐᑦ, ᐃᖅᑲᓇᐃᔭᖅᑏᑦ ᐊᑐᕈᓐᓇᖁᓪᓗᒋᑦ ᕿᑲᕐᓇᐅᑎᓪᓗᒍ ᖃᓄᐃᓕᐅᕈᑎᐅᕙᑦᑐᓄᑦ. ᐊᑏ ᐃᓚᒋᓛᖃᓯᐅᒃ, ᐊᒻᒪ ᖃᐅᔨᒋᐊᖁᔪᑦ ᐱᖕᖑᐊᖅᑐᓕᕆᔨᒃᑯᑦ ᒪᑉᐱᒐᖓᑦ ᕙᐃᔅᐳᒃᑯᑦ (FaceBook) ᖃᓄᐃᓕᐅᓛᕐᒪᖔᑕ ᖃᐅᔨᒋᐊᕐᓗᑎᑦ ᐅᐸᒍᓐᓇᓛᖅᑕᓐᓄᑦ.

##

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:

ᐃᒥᖃᖏᑲᐃᓐᓇᓛᖅᑐᑦ ᐊᒻᒪ ᐅᔾᔨᕈᓱᒋᐊᕈᑎᒥᑦ ᐃᒥᕐᒥᒃ ᑎᖅᑎᑎᑦᑎᖃᑦᑕᕆᐊᖃᕐᓗᑎᒃ-

100’s, 200’s + 300’s

ᖃᐅᔨᒪᖁᔭᐅᔪᓯ ᐃᒥᖃᖏᑎᑕᐅᓛᕐᓂᖓᓂᑦ ᓈᑦᓯᐅᖑᔭᓛᕐᓂᐊᖅ, ᔪᓂ 24, 2023 ᐱᒋᐊᕐᓗᑎᒃ 4 :30pm ᐅᓪᓛᒃᑯᑦ

ᓴᓇᔭᐅᔭᕆᐊᖃᕐᒪᑕ ᐃᒥᓕᕆᔾᔪᑏᑦ.

ᐃᒥᖃᖏᑎᑕᐅᑲᐃᓐᓇᕋᔭᖅᑐᑦ: 100’s, 200’s + 300’s

ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᐅᔾᔨᕈᓱᒋᐊᕈᑎᒥᑦ ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔨᓛᕐᒥᔪᑦ ᐃᓘᓐᓇᑦᑎᐊᖏᓐᓂᑦ ᓄᓇᓕᕐᒥᐅᑕᓂᑦ, ᓄᓇᒃᑰᔫᒃᑯᑦ ᐃᒥᖃᖅᑎᑕᐅᕙᖕᖏᑐᐊᕈᑎᒃ.

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᑲᓇᑕᐅᑉ ᐅᓪᓗᖕᒐᓂ ᓄᓇᕗᑦ ᐅᓪᓗᐊᖕᒐᓂᓗ ᐃᑲᕐᕋᐅᓛᖅᑐᑦ
ᔫᓂ 23, 2023 – ᐃᖃᓗᐃᑦ, ᓄᓇᕗᑦ

ᑲᓇᑕᐅᑉ ᐅᓪᓚᖕᒐ ᔪᓚᐃ 1 ᐊᒻᒪᓗ ᓄᓇᕗᑦ ᐅᓪᓗᖕᒐ ᔪᓚᐃ 9. ᑕᐃᒪᐃᓐᓂᖕᒐᓄᑦ, ᐱᖖᒍᐊᕐᕖᑦ ᐊᔾᔨᒋᖖᒋᑕᖕᒋᓐᓂᑦ ᐊᑲᕐᕋᖃᓛᖅᑐᑦ ᐱᓇᓱᐊᕈᓯᐅᑉ ᓄᕐᖑᐊᓂᑦ.

ᐳᐃᔾᔪᕋᕐᕕᒃ:
ᑲᓇᑕᐅᑉ ᐅᓪᓗᖕᒐᓂ (ᔪᓚᐃ 1) – ᒪᑐᓯᒪᓗᓂ
ᔪᓚᐃ 3 – ᒪᑐᓯᒪᓗᓂ
ᓄᓇᕗᑦ ᐅᓪᓗᖕᒐᓂ (ᔪᓚᐃ 9th) – ᕿᑲᕐᓇᐅᑉ ᐃᑲᕐᕋᖕᒋᑦ 12-4
ᔪᓚᐃ 10 – ᕿᑲᕐᓇᐅᑉ ᐃᑲᕐᕋᖕᒋᑦ 12-4

ᐊᓯᖏᑦ ᐱᖖᒍᐊᕐᕖᑦ:
ᑲᓇᑕᐅᑉ ᐅᓪᓗᖕᒐᓂ (ᔪᓚᐃ 1) – ᒪᑐᓯᒪᓗᓂ
ᔪᓚᐃ 3rd – ᐱᖖᒍᐊᖅᑕᐅᒐᔪᒃᑐᑦ ᐃᑲᕐᕋᖕᒋᓪᓗ
ᓄᓇᕗᑦ ᐅᓪᓗᖕᒐᓂ - ᔪᓚᐃ 9th – ᒪᑐᓯᒪᓗᓂ
ᔪᓚᐃ 10 – ᐱᖖᒍᐊᖅᑕᐅᒐᔪᒃᑐᑦ ᐃᑲᕐᕋᖕᒋᓪᓗ

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᓱᒃᑲᓴᓗᐊᔾᔭᐃᒃᑯᑎᑦ ᐋᖅᑭᒃᑕᐅᓯᒪᓕᖅᑐᑦ
ᔫᓂ 22, 2023 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᖕᓂ ᐃᖅᑲᐃᑎᑦᑎᔪᒪᔪᑦ ᓄᓇᖅᑲᑎᑦᑎᓐᓂᒃ ᓱᒃᑲᓴᓗᐊᔾᔭᐃᒃᑯᑏᑦ ᐋᖅᑭᒃᑕᐅᓯᒪᓕᕐᒪᑕ. ᐊᕐᕌᒎᑉ ᐃᓚᐃᓐᓇᖕᒐᓂ ᓱᒃᑲᓴᓗᐊᔾᔭᐃᒃᑯᑏᑦ ᓇᓂᔭᐅᔪᓐᓇᖅᑐᑦ 25-ᐸᓗᐃᑦ ᓄᓇᓕᖕᓂ ᐃᖃᓗᓐᓂᑦ, ᐊᒻᒪᓗ ᐊᖕᒋᕐᕋᕆᔭᐅᔪᐃᑦ ᖃᓂᒋᔭᖕᒋᓐᓃᓐᓂᖅᓴᐅᓪᓗᑎᑦ.

ᐅᖅᑰᓯᕙᓪᓕᐊᑎᓪᓗᒍ, ᐱᒻᒪᕆᐅᕗᖅ ᐃᖕᒋᕐᕋᕙᒃᑐᑦ ᖃᐅᔨᓴᑦᑎᐊᖅᐸᓪᓗᑎᑦ ᒪᒃᑯᒃᑐᓂᑦ. ᒪᒃᑯᒃᑐᐃᑦ ᐃᓚᒋᔭᐅᓪᓚᕆᒻᒪᑕ ᓄᓇᓕᐸᐅᔭᕐᒥ. ᒪᓕᒃᑐᒋᑦ ᑲᓇᑕᒥ ᑭᒡᓕᓯᓂᐊᖅᑎᒃᑯᑦ, 24%-ᑎᖕᒋᓐᓃᑦᑐᑦ ᐊᕐᕌᒍᓖᑦ 14 ᑐᖕᒑᓂᓪᓘᓐᓃᑦ. ᓱᒃᑲᓴᓗᐊᔾᔭᐃᒃᑯᑏᑦ ᐃᑲᔫᑎᖃᕐᒪᑕ ᐊᑦᑕᕐᓇᖅᑕᐃᓕᒪᓂᕐᒧᑦ ᐊᐅᔭᐅᑎᓪᓗᒍ, ᐊᑦᑕᕐᓇᖖᒋᑦᑐᒥᑦ ᐊᖁᓐᓂᕐᒨᖕᒐᒋᓪᓗᓂ.

##

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᕐᓇᐃᑦᑐᖅ ᐊᓐᓂᑭᑦᑐᕐᕕᒻᒧᑦ ᐃᓯᕐᕕᒃ
ᔫᓂ 22, 2023 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᐅᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᑦ ᐱᔾᔪᑎᒋᓪᓗᒍ ᐃᓯᕐᕕᑦᓴᓕᐅᕐᓂᖏᓐᓂᑦ ᐃᑳᕈᑎᑯᑖᒥᑦ, ᐊᓯᐊᒍᑦ ᐃᓯᕐᕕᓕᐅᓕᓚᐅᖅᑐᒍᑦ ᐊᕐᓇᐃᑦᑐᖅ ᐊᓐᓂᑭᑦᑐᕐᕕᒻᒧᑦ.

ᐃᓯᖃᑦᑕᑲᐃᓐᓇᓂᐊᖅᑯᓯ ᒪᑐᒃᑯᑦ ᐊᐅᐸᖅᑐᒧᑦ ᐊᒥᐊᖅᑕᐅᓯᒪᔪᒃᑯᑦ ᖁᓛᓃᑦᑐᒃᑯᑦ ᐃᓯᕐᕕᓕᐊᖑᔫᑉ ᐃᑳᕈᑎᑯᑖᒃᑯᑦ ᐳᐃᔾᔪᕋᕐᕕᖃᕐᕕᒃᑯᑦ ᓴᓇᓂᖏᓐᓂᑦ, ᐊᒻᒪ ᓇᑰᕐᒦᒃ ᐅᑕᖅᑭᑦᓯᐊᕋᑦᓯ ᓴᓇᔭᐅᓂᖓᓂ.

##

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᑭᐊᓐᑦ ᑐᕆᔅᑯᓪ ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᖅᑎᓂᑦ ᐊᐅᓚᑦᑎᔨ
867-979-5607 k.driscoll@iqaluit.ca

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓴᓇᓂᐅᓴᔪᑦ ᐊᕐᓇᐃᑦᑐᖅ ᐊᓐᓂᑭᑦᑐᕐᕕᒻᒥ ᔪᓂ 21-ᒥᑦ ᔪᓚᐃ 3-ᒧᑦ
ᔪᓂ 20, 2023 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᐅᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᑦ ᐋᖅᑭᑦᓯᓛᕐᓂᑎᓐᓂᒃ ᒪᔪᕋᐅᑎᒃᑰᕈᓐᓇᖏᑦᑐᓄᑦ ᐃᓯᕐᕕᑦᓴᒥᑦ ᐹᖓᓂ 901 ᐃᓪᓘᑉ ᐊᕐᓇᐃᑦᑐᖅ ᐊᓐᓂᑭᑦᑐᕐᕕᐅᑉ ᐊᒻᒪ ᖃᑦᑎᕆᔨᒃᑯᑦ ᐱᓕᕆᕝᕕᖓᑕ, ᐱᒋᐊᕐᓗᑎᒃ ᔪᓂ 21-ᒥᑦ ᔪᓚᐃ 3-ᒧᑦ.

ᐊᕐᓇᐃᑦᑐᖅ ᐊᓐᓂᑭᑦᑐᕐᕕᒃ ᒪᑐᐃᖓᐃᓐᓇᓂᐊᖅᑐᖅ. ᓄᓇᓯᐅᑎᓂᑦ ᓄᖅᑲᖓᔪᖃᕆᐊᖃᔾᔮᖏᑦᑐᖅ ᓯᕗᓂᐊᓂ ᖃᑦᑎᕆᔨᒃᑯᑦ, ᐊᑐᖅᑕᐅᖔᖃᑦᑕᕆᐊᖃᕐᓂᐊᖅᑐᖅ ᐊᕐᓇᐃᑦᑐᖅ ᐊᓐᓂᑭᑦᑐᕐᕕᐅᑉ ᓄᖅᑲᖓᕕᖓ.

ᓄᓇᓕᐸᐅᔭᒃᑯᑦ ᐊᓪᓚᕝᕕᖓᓅᕈᓐᓇᖅᑎᑕᐅᑲᐃᓐᓇᓂᐊᖅᑐᑦ ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖅᑎᑐᐊᖏᑦ. ᐃᓚᖏᓐᓂᑦ ᐱᔨᑦᓯᕋᐅᑎᓂᑦ ᐊᓯᔾᔩᓯᒪᒋᐊᖃᕐᓂᐊᖅᑐᑦ ᐃᓪᓗᒦᑉᐸᑦᑐᓂᑦ 901.