ᐳᓛᖅᑎᑦ

ᓯᓚᑦᑐᓴᕐᕕᐅᑉ ᐅᖓᑖᓂ ᐃᓪᓗᓖᑦ ᐃᒥᖃᖏᑲᐃᓐᓇᖅᑎᑕᐅᓂᐊᖅᑐᑦ ᑕᓪᓕᒥᕐᒥ
ᓅᕖᐱᕆ 14, 2018 (ᐃᖃᓗᐃᑦ, ᓄᓇᕗᑦ) - ᑲᔪᓯᑦᓯᑎᐅᓗᑎᒃ ᓴᓇᒋᐊᖅᑕᐅᔪᓄᑦ ᐃᒥᓕᕆᔾᔪᑎᓂᑦ ᓱᓪᓗᓕᓐᓂᑦ, ᓯᑎᒃᑯᑦ ᐅᖃᐅᔾᔪᐃᓕᕆᕗᑦ ᓄᓇᓕᕐᓂᒥᐅᑕᓂᑦ ᓯᓚᑦᑐᓴᕐᕕᐅᑉ ᐅᖓᑖᓂ ᐃᓪᓗᓖᑦ ᐃᒥᖃᖏᑲᐃᓐᓇᖅᑎᑕᐅᓂᐊᕐᒪᑕ ᑕᓪᓕᒥᕐᒥ, ᓅᕖᐱᕆ 16, 2018, ᐱᒋᐊᕐᓗᑎᒃ ᐅᓪᓛᒃᑯᑦ 9-ᒥ ᐱᔭᕇᓗᑎᒃ ᐅᓐᓄᓴᒃᑯᑦ 5-ᒨᖅᐸᑉ.
ᐃᒥᕐᒧᑦ ᓱᓪᓗᓕᒻᒪᕆᒃ ᐅᐸᑦᑕᐅᒋᐊᖃᖑᓱᓐᓂᖓ ᐱᓪᓗᒍ, ᖃᓄᐃᖁᔨᒐᑎᒃ ᐊᑐᖁᔨᔫᒐᓗᐊᑦ ᐊᒻᒪ ᐃᓱᒪᔮᖁᔨᒐᑎᒃ, ᓄᓇᓕᕐᓂᒥᐅᑕᐃᑦ ᐃᒥᕆᓂᐊᖅᑕᒥᓂᒃ ᑎᖅᑎᑎᑦᓯᖃᑦᑕᖁᔭᐅᔪᑦ ᐃᑲᕐᕋᐃᑦ 48 ᐃᓗᖏᓐᓂ. ᐃᓪᓗᓖᑦ ᐱᖃᓯᐅᔾᔭᐅᓂᐊᖅᑐᑦ: 508, 513, 515, 517, 519, 5000-ᓂᑦ, 5100-ᓂᑦ ᐊᒻᒪ 5300ᓂᑦ, ᐱᖃᓯᐅᔾᔭᐅᓗᑎᒃ ᐄᔭᒐᖅᑖᕐᕕᒃ ᐊᒻᒪ ᐸᐃᕆᕕᐅᑉ ᐃᓚᖓᑦ. ᓯᑎᒃᑯᑦ ᐃᓕᑦᓯᓐᓂᒃ ᖁᔭᓐᓇᒦᖅᑐᑎᒃ ᑐᑭᓯᐅᒪᑦᓯᐊᕋᑦᓯ.

ᑐᐊᕕᕐᓇᖅᑐᓕᕆᓂᕐᒧᑦ ᐊᐅᓚᑦᑎᖃᑎᒌᑦᑐᑦ ᑐᑭᓯᒋᐊᕈᑏᑦ: 2 ᐅᓐᓄᓴᒃᑯᑦ ᓅᕕᐱᕆ 8, 2018
ᓅᕕᐱᕆ 8, 2018 (ᐃᖃᓗᐃᑦ, ᓄᓇᕗᑦ) – ᑐᐊᕕᕐᓇᖅᑐᖃᑎᒌᑦᑐᑦ ᑲᔪᓯᑎᑦᑎᕙᓪᓕᐊᔪᑦ ᑐᐊᕕᕐᓇᖅᑐᓕᕆᓂᐅᔪᒥᑦ ᐊᒻᒪ ᐅᑎᖅᑎᑦᑎᓇᓱᐊᓂᕐᒧᑦ ᓂᐅᕕᕐᕕᒻᒧᑦ ᐃᑭᑦᑐᒧᑦ ᑖᒃᑯᐊ ᐱᑕᖃᕆᐊᖃᖅᑐᑦ ᐱᔨᑦᑎᕋᐅᑏᑦ, ᐱᖃᓯᐅᑎᓪᓗᑎ ᓂᖀᑦ, ᐄᔭᒐᐃᑦ ᐊᒻᒪ ᐃᒥᖅ ᐊᑐᐃᓐᓇᐅᖏᓐᓇᕐᓗᓂ ᓄᓇᓕᒻᒥᐅᑕᓄᑦ.

ᑐᖁᖓᔪᓂᑦ ᐃᖅᑲᐅᒪᓇᐅᑎᓪᓗᒍ ᐅᓪᓗᖓᓂ ᐊᓪᓚᕕᐅᑉ ᐃᑲᕐᕋᑦᓴᖏᑦ ᐊᒻᒪ ᐱᔨᑦᓯᕋᕈᑎᓄᑦ ᓅᕖᐱᕆ 12-ᖑᓕᖅᐸᑦ, 2018
ᓅᕖᐱᕆ 8, 2017 (ᐃᖃᓗᐃᑦ, ᓄᓇᕗᑦ) ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᓯᑎᒃᑯᑦ ᐊᓪᓚᕝᕕᖏᑦ ᒪᑐᓯᒪᓛᕐᒪᑕ ᑐᖁᖓᔪᓂᑦ ᐃᖅᑲᐅᒪᓇᐅᑉ ᐅᓪᓗᖓᓂ, ᑭᒃᑯᑐᐃᓐᓇᕐᓄᑦ ᕿᑲᕐᓇᒥ ᐊᑐᖅᑕᐅᓛᖅᑐᒥ ᐊᕐᕌᒍᑦᑎᓐᓂ ᓇᒡᒋᔾᔭᐅᒥ, ᓅᕖᐱᕆ 12, 2017. ᓄᓇᒃᑰᔫᒃᑯᑦ ᐱᔨᑦᓯᕋᖅᑏᑦ ᐊᑦᑐᖅᑕᐅᓯᒪᓛᕐᒥᔪᑦ ᑕᕝᕙᓂ ᐅᓪᓗᕐᒥ.
ᓄᓇᓕᕐᓂᒥᐅᑕᐃᑦ ᐃᒻᒪᑦᑕᐅᔪᒪᓛᖅᑐᑦ ᓇᒡᒋᔾᔭᐅᒥ ᐅᖄᓚᖑᓐᓇᓛᖅᑐᑦ ᓯᑎᒃᑯᑦ ᑭᐅᔨᖏᓐᓄᑦ ᐅᕗᖓ 979.5650, ᐅᓪᓛᓂᑦ 8-ᒥᓂᑦ ᐅᓐᓄᓴᒧᓄᑦ 4-ᒧᓄᑦ. ᐊᑭᓖᒋᐊᖃᓛᖅᑐᑦ $250-ᓂᑦ ᑕᕝᕙᓂ ᐃᒻᒪᑦᑕᐅᔪᑦ ᑐᐊᕕᕐᓇᑐᒃᑯᑦ.

ᑭᒃᑯᑐᐃᓐᓇᕐᓂᒃ ᑐᓴᐅᒪᑎᑦᓯᓂᖅ ᐱᔾᔪᑎᐅᓗᑎᒃ ᓄᑖᖅ ᐊᑦᓯᕕᑦᓴᖅ ᐊᒻᒪ ᓴᓂᓕᕆᕝᕕᑦᓴᖅ
ᓅᕖᐱᕆ 5, 2018 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᑭᒃᑯᑐᐃᓐᓇᕐᓂᒃ ᑐᓴᐅᒪᑎᑦᓯᓂᖃᓛᓕᕐᒥᔪᑦ ᐱᔾᔪᑎᒋᓪᓗᒍ ᓄᑖᖅ ᑕᖏᓕᓐᓂᑦ ᓴᓂᓕᕆᕝᕕᓕᕆᔪᒥᑦ ᐸᕐᓇᐅᑎᓕᐊᖅ, ᓇᓗᓇᐃᔭᕐᓯᒪᓂᕐᓴᓂᑦ ᑐᑭᓯᒋᐊᖅᑎᑦᓯᑲᓐᓂᕈᒪᓪᓗᑎᒃ ᐊᒻᒪᑦᑕᐅᖅ ᑐᓴᕈᒪᒋᓪᓗᑎᒃ ᐅᖃᐅᑎᑦᓴᓂᑦ ᐊᒻᒪ ᐊᐱᖅᑯᑎᖏᓐᓂᑦ ᓄᓇᓕᕐᓂᒥᐅᑕᐃᑦ ᐱᔾᔪᑎᒋᓪᓗᒍ ᐱᓕᕆᐊᑦᓴᖅ.
ᑭᓱ: ᑭᒃᑯᑐᐃᓐᓇᕐᓂᑦ ᑐᓴᐅᒪᑎᑦᓯᓂᖅ ᓄᑖᖅ ᑕᖏᓕᓐᓂᑦ ᓴᓂᓕᕆᕝᕕᓕᕆᔪᒥᑦ ᐸᕐᓇᐅᑎᓕᐊᒥᑦ
ᓇᒥ: ᖃᔪᖅᑐᕐᕕᒃ ᓂᕿᖃᖅᕕᒃ
ᓇᒥ: ᐃᓪᓗᒥ 655, ᒪᑦᑖᖅ ᐊᑐᕆᐊᖅ
ᖃᖓ: ᓅᕖᐱᕆ 15, 2018
ᓯᕿᖕᖑᔭᖅ: 6:30-ᒥᑦ 8:30-ᒧᑦ ᐅᓐᓄᒃᑯᑦ

ᐊᑐᕆᐊᖅ ᒪᑐᓯᒪᑎᑕᐅᓂᐊᖅᑐᖅ ᐋᑦᑑᐸ 12-ᒥᑦ 15-ᒧᑦ ᐸᐃᕆᕕᑦᓴᓕᐅᖅᑐᑦ ᓴᓇᓂᖏᓐᓂ
ᐋᑦᑑᐸ 11, 2018 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᐱᔾᔪᑎᐅᓗᓂ ᓴᓇᔭᐅᓂᖓ ᓄᑖᑉ ᐸᐃᕆᕕᑦᓴᐅᑉ, ᓂᐊᖁᖕᖒᓯᐊᕆᐊᖅ ᐊᑐᕆᐊᖅ ᒪᑐᓯᒪᑎᑕᐅᑲᐃᓐᓇᓂᐊᕐᒪᑦ ᐱᒋᐊᕐᓗᑎᒃ ᐅᓪᓛᒃᑯᑦ 7-ᒥ ᑕᓪᓕᒥᕐᒥ ᐋᑦᑑᐸ 12 ᐅᓐᓄᒧᑦ 6-ᒨᖅᐸᑦ ᓇᒡᒋᔾᔭᐅᒥ, ᐋᑦᑑᐸ 15, 2018. ᐊᑐᕆᐊᓃᑦᑐᓂᑦ ᐃᖅᑲᓇᐃᔭᖅᑎᑕᖃᖃᑦᑕᓛᖅᑐᑦ ᐊᒻᒪ ᓇᐅᒃᑯᑦ ᐊᑐᕆᐊᒃᑯ ᐊᖅᑯᑎᖃᕐᒪᖔᖅ ᑎᑎᕋᕐᓯᒪᔪᓂᑦ ᓇᓗᓇᐃᒃᑯᑎᖃᓛᖅᑐᑦ ᓄᓇᒃᑰᔫᖅᑐᓄᑦ ᐊᒻᒪ ᐱᓱᑉᐸᑦᑐᓄᑦ. ᓯᑎᒃᑯᑦ ᖁᔭᓐᓇᒦᖅᑐᑦ ᐃᓕᑦᓯᓐᓂᑦ ᑲᑐᔾᔨᖃᑕᐅᒐᑦᓯ ᐊᒻᒪ ᑐᑭᓯᐊᑦᓯᐊᖅᑐᓯ ᓴᓇᔪᓂᑦ. 
 

ᓄᓇᓕᓐᓂ ᐱᔨᑦᓯᕋᖅᑏᑦ ᓄᖅᑲᖅᑎᑕᐅᑲᐃᓐᓇᖅᑐᑦ
(ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᓇᐃᔭᖅᑎᖏᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᓐᓂᒥᐅᑕᓂᑦ ᓄᓇᓕᓐᓂ ᐱᔨᑦᓯᕋᖅᑎᓕᒫᑦ ᓄᖅᑲᖓᑎᑕᐅᑲᐃᓐᓇᕐᓂᐅᓴᒻᒪᑕ ᓲᕐᓗ ᐃᒥᖅᑕᖅᑏᑦ, ᑭᓈᓗᓐᓂᑦ ᒥᓪᓗᐊᖅᑏᑦ, ᓴᓂᑦᑕᖅᑏᑦ ᐊᒻᒪ ᐊᐳᑕᐃᔭᐃᔩᑦ ᐊᓯᐊᒍᑦ ᓇᓗᓇᐃᕐᓯᑲᓐᓂᓚᐅᖏᓐᓂᖏᓐᓂ, ᐱᓪᓗᒍ ᓯᓚᕈᔫᓗᐊᕐᓂᖓ. ᓯᑎᒃᑯᑦ ᐱᓕᕆᕝᕕᓕᒫᖏᑦ ᒪᑐᓯᒪᓂᐊᕐᒥᔪᑦ ᐱᔨᑦᓯᕋᖅᑎᐅᔪᑦ ᓄᖅᑲᖓᑎᑕᐅᑎᓪᓗᒋᑦ.
ᖃᑦᑎᕆᔨᒃᑯᑦ, ᓄᓇᒃᑰᔫᒃᑯᑦ ᑐᐊᕕᕐᓇᖅᑐᓕᕆᔨᒃᑯᑦ ᐊᒻᒪ ᐸᓖᓯᒃᑯᑦ ᐅᖄᓚᕕᐅᒍᑎᒃ ᐅᐸᒍᓐᓇᓂᐊᖅᑐᑦ ᑭᓯᐊᓂ ᓯᓚ ᐅᓗᕆᐊᓇᓗᐊᓕᖅᐸᑦ ᓯᓚᕈᔫᓗᐊᕐᓂᖓᓄᑦ ᐊᒻᒪ/ᐅᕝᕙᓘᓐᓃᑦ ᐅᐸᑦᑕᐅᔪᓐᓇᖏᒃᑯᑎᒃ; ᓯᓚ ᐱᓪᓗᒍ ᓇᓗᓇᖏᑦᑐᖅ ᐅᑕᖅᑭᑲᐃᓐᓇᖃᑦᑕᓂᐊᖅᑐᑦ.
ᓄᓇᓕᓐᓂᒥᐅᑕᐃᑦ ᐊᑐᕆᐊᕐᓃᖏᑲᐃᓐᓇᖁᔭᐅᔪᑦ ᓱᓕ ᐅᖓᓯᑦᑐᒧᑦ ᑕᑯᕕᑦᓴᐅᖏᓪᓗᐊᕐᓂᖓᓂ, ᐊᓄᕌᓗᐊᕐᓂᖓᓂ ᐊᑐᕆᐊᕐᓗ ᐊᑦᑕᓇᓗᐊᕐᒪᑕ.

ᐃᑲᔫᑎᐅᔪᓐᓇᖅᑐᑦ ᐅᑭᐅᒃᑯᑦ ᓯᓚᑲᒻᒪᐅᓂᐊᖅᑎᓪᓗᒍ
(ᐃᖃᓗᐃᑦ, ᓄᓇᕗᑦ) – ᓄᓇᓕᐸᐅᔭᒃᑯᑦ ᐅᖃᐅᔾᔨᕗᑦ ᐃᖃᓗᒻᒥᐅᑕᓂᑦ ᑖᒃᑯᐊ
ᑲᓇᑕᒥ ᐊᕙᑎᓕᕆᔨᒃᑯᑦ ᓂᕆᐅᓐᓂᖃᕐᒪᖓᑕ ᓯᓚᑲᒻᒪᐅᓂᐊᕐᓂᖓᓄᑦ, ᐱᖅᓯᑐᐊᓐᓇᕆᐊᖃᖅᑐᓂ,
ᓄᓇᓕᐸᐅᔭᒻᒨᐸᓪᓕᐊᔪᖅ ᐅᓪᓗᒥᒃᑲᓐᓂᖅ.
ᐃᑲᔪᕐᓂᐊᕐᓗᑕ ᐃᓕᓐᓂᑦ ᐸᕐᓇᓯᒪᑦᑎᐊᕐᓗᑎ, ᐊᒻᒪ ᐱᖁᑎᒋᔭᐃᑦ, ᑖᔅᓱᒧᖓ ᓯᓚᑲᒻᒪᐅᓂᖓᓄᑦ,
ᓄᓇᓕᐸᐅᔭᒃᑯᑦ ᐊᑐᓕᖁᔨᔪᑦ ᐃᖃᓗᒻᒥᐅᑕᓂᑦ ᕿᒥᕐᕈᓗᑎ ᐱᖃᓯᐅᑎᓯᒪᔪᒥᑦ ᑐᑭᓯᒋᐊᕈᑎᓂᑦ
ᓴᓇᔭᐅᔪᖅ ᑐᐊᕕᕐᓇᖅᑐᓄᑦ ᐸᕐᓇᓯᒪᓂᖅ:
https://www.city.iqaluit.nu.ca/sites/default/files/information_sheet_-_t...