ᑰᕈᔪᐃᑦ, ᐃᒪᖅᑕᓖᑦ ᓴᓗᒻᒪᓴᖅᑕᐅᓂᐊᖅᑐᑦ

 

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᑰᕈᔪᐃᑦ, ᐃᒪᖅᑕᓖᑦ ᓴᓗᒻᒪᓴᖅᑕᐅᓂᐊᖅᑐᑦ

ᐋᒐᓯ 7, 2020 – ᐃᖃᓗᐃᑦ, ᓄᓇᕗᑦ

 

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐊᒻᒪ ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖏᑦ ᑲᑐᔾᔨᖃᑎᒌᑦᑐᑎᒃ ᐱᓕᕆᖃᑎᒌᓐᓂᐅᓴᓕᕆᕗᑦ ᑲᔪᖏᕐᓴᐃᒍᒪᓪᓗᑎᒃ ᓄᓇᓕᕐᒥᐅᑕᓂᑦ ᐊᒻᒪ ᓇᖕᒥᓂᖃᖅᑎᐅᔪᓂᑦ ᑰᖁᑎᑦᑎᓐᓂᑦ ᐊᒻᒪ ᐃᒪᓕᖁᑎᑦᑎᓐᓂᑦ ᓴᓗᒪᑎᑦᑎᖁᔭᐅᕙᓪᓗᑎᒃ.  ᐃᖃᓗᐃᑦ ᐃᒪᖃᕐᕕᖏᑦ, ᑰᒐᓛᖏᑦ, ᑰᖏᑦ, ᑕᕆᐅᖓ, ᐊᒻᒪ ᓯᔾᔭᐅᑉ ᐊᕙᑎᖏᑦ ᐱᒻᒪᕆᐅᔪᐃᓐᓇᐅᒻᒪᑕ ᐃᓘᓐᓇᖏᒍᑦ ᖃᓄᐃᒋᐊᖃᖏᔾᔪᑎᖏᒍᑦ, ᐊᑦᑕᓇᔾᔭᐃᕐᓯᒪᒋᐊᖃᕐᓂᖏᒍᑦ ᐊᒻᒪ ᖃᓄᐃᖏᑦᑎᐊᕆᐊᖃᕐᓂᖏᒍᑦ ᓄᓇᓕᑦᑕ.

 

ᑭᐅᐊᐃᐊᐃᒃᑯᑦ ᐃᖅᑲᓇᐃᔭᖅᑎᖏᑦ ᐃᓚᒋᔭᐅᒋᐊᖅᑐᓛᖅᑐᑦ ᑕᓪᓕᒥᕐᒥ, ᐋᒐᓯ 7, 2020, ᐊᒻᒪ ᐊᔭᐅᖅᑐᕆᓪᓗᒋᑦ ᐃᖃᓗᒻᒥᐅᑕᐃᑦ ᑕᐃᒪᐃᖁᓪᓗᒋᑦᑕᐅᖅ.  ᐅᕙᑦᑎᓐᓂᑦ ᑲᑎᑦᓯᒋᐊᖅᑐᕈᓐᓇᓛᖅᑐᓯ ᐅᖓᑖᓂ ᐃᓐᓇᐃᑦ ᖃᒻᒪᖓᑕ #226 ᐅᕝᕙᓘᓐᓃᑦ ᓯᑎᒃᑯᑦ ᐊᓪᓚᕝᕕᖏᓐᓄᑦ #901 ᐅᓪᓛᒃᑯᑦ 9−ᒨᖅᐸᑦ ᐊᑎᓕᐅᕆᐊᖅᑐᕐᓗᓯ, ᑐᑭᒧᐊᑦᑎᑦᑎᖃᑕᐅᓛᕐᓗᑎᑦ ᓇᒥ ᓴᓗᒻᒪᕐᓴᐃᖃᑕᐅᒐᔭᕐᒪᖔᑦᓯ, ᐊᒻᒪ ᐊᐃᑦᓯᕐᓗᓯ ᐊᒡᒑᓐᓂᒃ ᐊᒻᒪ ᓱᓇᒃᑯᑖᑦᓴᓂᑦ.

 

ᐅᓪᓗᕐᓯᐅᑎ ᐅᓪᓗᕐᒥ ᐊᑐᖅᑕᐅᓛᖅᑐᓂᑦ:

ᑕᓪᓕᒥᖅ, ᐋᒐᓯ 7, 2020

9−ᒥ − 10−ᒧᓄᑦ ᐅᓪᓛᒃᑯᑦ

ᓴᓗᒻᒪᕐᓴᐃᓕᕈᑦᓯ ᐊᑐᕐᓂᐊᖅᑕᓯᓐᓂᒃ ᐊᐃᑦᓯᕐᓗᓯ ᐅᖓᑖᓂᑦ ᖃᒻᒪᐅᑉ ᐊᒻᒪ ᓯᑎᒃᑯᑦ ᐊᓪᓚᕝᕕᖏᓐᓂᑦ

1−ᒥᑦ 2−ᒧᓄᑦ ᐅᓐᓄᓴᒃᑯᑦ

ᓴᓗᒻᒪᕐᓴᐃᓕᕈᑦᓯ ᐊᑐᕐᓂᐊᖅᑕᓯᓐᓂᒃ ᐊᐃᑦᓯᕐᓗᓯ ᐅᖓᑖᓂᑦ ᖃᒻᒪᐅᑉ ᐊᒻᒪ ᓯᑎᒃᑯᑦ ᐊᓪᓚᕝᕕᖏᓐᓂᑦ

4−ᒥ ᐅᓐᓄᓴᒃᑯᑦ

ᐱᔭᕇᖅᐸᓪᓕᐊᓂᖅ

ᐃᒪᓕᓐᓂᑦ ᓴᓗᒻᒪᕐᓴᐃᓂᐅᔪᖅ ᑐᕌᒐᖃᓗᐊᓛᖅᑐᖅ ᓯᔾᔭᖅᐸᓯᒻᒥᑦ ᐃᒫᓂ ᖃᐅᔨᓴᖅᑏᑦ ᑰᔅ ᒑᕐᑯᑦ ᓴᓂᐊᓂᑦ ᐃᓗᕕᖃᕐᕕᒻᒧᑦ, ᐃᒥᖅᑕᕐᕕᐅᑉ ᑰᖓᓂᑦ ᐋᓐᓂᐊᕕᐅᑉ ᓴᓂᐊᓂᑦ ᑕᐅᓄᖓ ᑕᕆᐅᕐᒧᑦ (ᑳᐱᕐᕕᐅᑉ ᓴᓂᐊᓄᑦ), ᖃᓂᒋᔭᑦᑎᓐᓂᑦ ᑕᓯᕐᓂᑦ ᐊᒻᒪᑦᑕᐅᖅ ᑳᓂ ᑰᒐᓛᑦ ᖃᖅᑲᓕᐊᕆᐊᑉ ᐊᑐᕆᐊᖓᓂᑦ ᑯᐊᐸᒃᑯᑦ ᒑᓯᑖᕐᕕᖓᓐᓄᑦ.

ᐊᐃᑦᓯᕈᓐᓇᓛᕐᒥᔪᓯ ᓇᓕᖅᑲᕐᒥᑦ ᐊᒧᔭᐅᔪᑦᓴᒥᑦ ᐅᓪᓛᒃᑯᑦ ᓯᕿᖕᖑᔭᒃᑯᑦ 9 ᐊᒻᒪ 10 ᐊᑯᓐᓂᖓᓂ ᓱᓇᒃᑯᑖᓂᑦ ᐊᐃᑦᓯᕐᕕᒻᒥᑦ ᐱᐅᔪᐊᓗᓐᓂᑦ ᐱᔾᔪᓯᐊᖅᑎᑕᐅᖃᑦᑕᓛᕈᒪᒍᑦᓯ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂᑦ ᐊᒻᒪ ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᓐᓂᑦ.

ᑭᓯᐊᓂ ᐅᒡᒍᐊᖅᑐᒍᑦ, ᓂᖅᑎᐅᕈᓐᓇᓛᖏᓇᑦᑕ ᓯᕋᓯᒪᔪᓂᑦ ᐊᕐᕌᒍᑦᑎᓐᓂ ᑕᕝᕙᓂ.

ᓯᓚ ᐱᐅᓗᐊᕐᓂᖏᑉᐸᑦ, ᓴᖑᔭᐅᒐᔭᖅᑐᖅ ᐃᒪᓕᓐᓂᑦ ᓴᓗᒻᒪᕐᓴᐃᓂᐅᔪᖅ ᑕᓪᓕᒥᕐᒧᑦ, ᐋᒐᓯ 14, 2020.

 

ᑐᑭᓯᒋᐊᕈᒪᔪᑦ ᐆᕕᖓ ᖃᐅᔨᒋᐊᖁᔪᑦ:

 

ᓰᒪ ᓵᕼᐋᕐ ᔨᐅᕐᕼᐃ,

ᐊᖏᔪᖅᑳᖅ ᑐᓴᐅᒪᑎᑦᑎᓕᕆᓂᕐᒥᑦ,

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ

szerehi@qia.ca

867.975.8413 ᐅᕝᕙᓘᓐᓃᑦ

1.800.667.2742