ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᕙᒡᔪᐊᕐᓇᖅ-19 (COVID-19) ᐊᒻᒪ ᓄᓇᓕᐸᐅᔭᖅ ᐃᖃᓗᐃᑦ ᑐᑭᓯᒋᐊᕈᑏᑦ
ᔪᓂ 26, 2020 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᖅ ᐃᖃᓗᐃᑦ ᓯᕗᓪᓕᖅᐸᐅᑎᒍᒪᔭᖏᑦ ᒪᑯᐊᖑᕗᑦ ᐃᖃᓇᐃᔭᖅᑎᖁᑎᓂ ᐊᒻᒪᓗ ᓄᓇᓕᓐᓂᒥᐅᑕᐃᑦ.
ᓄᓇᓕᐸᐅᔭᖅ ᐃᖃᓇᐃᔭᕐᕕᒡᔪᐊᖓᓄᑦ
ᓄᓇᓕᐸᐅᔭᖓᑦ ᐃᖃᓗᐃᑦ ᐊᓪᓚᕕᖏᑦ ᒪᑐᖏᑦ ᒪᑐᐃᒃᑲᓂᕐᓂᐊᖅᑐᑦ ᐃᓄᓐᓄᑦ ᐱᒋᐊᕐᓗᓂ ᔪᓚᐃ 2. ᓄᓇᓕᐸᐅᔭᒃᑯᑦ ᐊᓪᓚᕕᖓ, ᐊᕐᓇᑲᓪᓚᖅ ᐃᓪᓗᖅ, ᐊᒻᒪ ᐃᓪᓗᖅ ᓈᓴᐅᑎᖓ 2425, ᐱᔨᑦᑎᖃᑦᑕᓂᐊᖅᑐᑦ ᐃᓄᐃᑦ ᐊᑭᓖᔪᓐᑐᕐᓗᑎ ᓄᓇᓕᐸᐅᔭᒃᑯᓐᓄᑦ ᐃᒥᕐᓄᑦ ᐱᔨᑦᑎᖅᑕᓄᑦ ᐊᑭᓕᕆᓕᓐᓄᑦ, ᑖᒃᓯᓄᑦ ᐊᒻᒪ ᑎᑲᔅᓯᓄᑦ ᐊᒻᒪ ᐱᓕᕆᓂᖃᕐᓗᑎ ᐊᓯᖏᓐᓂ ᓄᓇᓕᐸᐅᔭᒃᑯᑦ ᐱᓕᕆᔭᖏᓐᓂ ᐃᓄᑦᑎᒍᑦ.
ᓄᓇᓕᐸᐅᔭᒃᑯᑦ ᐊᓪᓚᕕᖓ ᒪᑐᐃᕐᓂᖅᑐᖅ ᐃᓄᓐᓄᑦ ᐱᒋᐊᕐᓗᓂ 10:00 ᐅᓪᓛᒃᑯᑦ ᑎᑭᓪᓗᒍ 12:00 ᐅᓐᓄᓴᒃᑯᑦ ᐊᒻᒪ 2:00 ᐅᓐᓄᓴᒃᑯᑦ ᑎᑭᓪᓗᒍ 5:00 ᐅᓐᓄᒃᑯᑦ. ᓄᓇᓕᐸᐅᔭᒃᑯᑦ ᐊᓪᓚᕕᖓ ᒪᑐᐃᕐᓂᐊᖅᑐᖅ ᐃᓐᓇᑐᖃᕐᓗᑦ ᐊᒻᒪ ᐊᔾᔨᐅᖏᑦᑐᓂᑦ ᐱᑕᖃᕆᐊᖃᖅᑎᑕᐅᔪᑦ ᐱᒋᐊᕐᓗᓂ 9:00 ᐅᓪᓛᒃᑯᑦ ᑎᑭᓪᓗᒍ 10:00 ᐅᓪᓛᒃᑯᑦ ᓇᒡᒐᔾᔭᐅᒥ ᑕᓪᓕᒥᕐᒧᑦ ᑕᖅᑭᖓᓄᑦ ᔪᓚᐃ.
ᐃᓚᒋᓪᓗᓂᐅᒃ ᓄᕙᒡᔪᐊᕐᓇᖅ-19 ᐊᑐᖅᑕᐅᐱᒋᐊᓖᑦ ᐃᑲᔪᕐᓗᑎ ᓯᐊᒻᒪᖅᑕᐅᔪᓐᓇᕐᓂᖓᓄᑦ ᐊᐃᑦᑑᑕᐅᔪᖅ, ᐃᒐᓛᑦ ᐊᐅᑦᑕᔫᑦ ᐋᖅᑭᑦᑕᐅᓯᒪᔪᑦ ᓵᖓᓂ ᐊᒻᒪ ᓇᑎᕐᒥᑦ ᑎᑎᖅᓯᒪᔪᑦ ᖃᓂᒌᓗᐊᖅᑕᐃᓕᒪᓂᕐᒧᑦ ᐱᑕᖃᕆᐊᖃᖅᑎᑕᐅᔪᖅ 2 ᒦᑕᐃᑦ. ᓄᓇᓕᐸᐅᔭᒃᑯᑦ ᐃᓪᓗᖏᑦ ᐊᒡᒐᓄᑦ ᐅᐊᓴᐅᑎᖃᕐᒥᔪᑦ. ᐳᓛᖅᑏᑦ ᐃᓗᐊᓃᒍᓐᓇᖅᑎᑕᐅᔾᔮᖏᑦᑐᑦ ᓄᓇᓕᐸᐅᔭᒃᑯᑦ ᐃᓪᓗᖏᓐᓂ ᑕᑯᔅᓴᐅᓂᖃᑐᐊᕈᑎ ᐊᑦᑐᐊᓂᓕᓐᓄᑦ ᓄᕙᒡᔪᐊᕐᓇᖅ-19.
ᓄᓇᓕᒻᒥᐅᑕᐃᑦ ᐊᒻᒪ ᓇᒻᒥᓂᕆᔭᐅᔪᑦ ᓱᓕ ᑲᔪᖏᖅᓴᖅᑕᐅᔪᑦ ᐱᓕᕆᓂᖃᕐᓗᑎᑦ ᖃᕋᓴᐅᔭᒃᑯᑦ ᐅᕝᕙᓘᓐᓃᑦ ᐅᖄᓚᐅᑎᒃᑯᑦ. ᖏᐃᑲᔪᖅᑕᐅᓗᓂ ᐊᑭᓖᓂᕐᒧᑦ, ᖃᐅᔨᒋᐊᕐᕕᒋᒍᒃ ᓄᓇᓕᐸᐅᔭᒃᑯᑦ ᑮᓇᐅᔭᓕᕆᔨᒃᑯᑦ ᐅᑯᓇᓂ ᓈᓴᐅᑎᖏᓐᓂ:
ᐃᒥᕐᓄᑦ 979-5665 ᐅᕝᕙᓘᓐᓃᑦ 979-5606
ᐱᖁᑎᓄᑦ ᑖᒃᓰᑦ ᐊᒻᒪ ᓄᓇᓄᑦ ᐊᑐᖅᑐᐊᕈᑏᑦ 979-5602 ᐊᒻᒪ 979-5606
ᑐᔅᓯᖃᐅᑏᑦᒃ ᑐᑭᓯᒋᐊᕈᑎᓄᑦ ᓱᓕ ᐊᐅᓪᓚᖅᑎᑕᐅᔪᓐᓇᖅᑐᑦ ᐅᑯᓄᖓ ᖃᕋᓴᐅᔭᒃᑯᑦ ᑐᕌᕈᑎᒧᑦ: Accountsreceivable@Iqaluit.ca.
ᓄᓇᓕᐸᐅᔭᒃᑯᑦ ᑲᑎᒪᔨᖏᑦ ᑲᑎᒪᖃᑦᑕᓂᐊᖅᑐᑦ ᓄᓇᓕᐸᐅᔭᒃᑯᑦ ᑲᑎᒪᕕᖓᓂᑦ ᐱᒋᐊᕐᓗᓂ ᐊᐃᑉᐱᖅ, ᔪᓚᐃ 14, ᑭᓯᐊᓂᓕ ᑲᑎᒪᔨᑐᐊᑦ ᐊᒻᒪ ᐃᖅᑲᓇᐃᔭᖅᑏᑦ ᐃᓄᑦᑎᒍᑦ ᐅᐸᔅᓯᒪᒍᓐᓇᖅᑎᑕᐅᓂᐊᖅᑐᑦ. ᖃᓂᒌᖏᖃᑦᑕᐅᑎᓂᖅ ᐊᑐᖅᑕᐅᓂᐊᖅᑐᖅ. ᐃᓄᐃᑦ ᑐᓐᖓᓱᑦᑐᑦ ᓈᓚᓪᓗᑎ ᑲᑎᒪᓂᐅᔪᓂᑦ ᑕᕝᕙᑦᑕᐅᑎᒋ ᖃᕋᓴᐅᔭᒃᑯᑦ ᐅᕙᓂ:
https://www.youtube.com/channel/UCDwLQAFnruiIuIa8perf1BA
ᐊᕐᓇᐃᑦᑐᖅ ᐊᓐᓂᑭᑦᑐᕐᕕᒃ ᒪᑐᓯᒪᐃᓐᓇᖅᑐᖅ ᐃᓄᓐᓄᑦ.
ᐳᐃᔾᔪᕋᕐᕕ
ᐳᐃᔾᔪᕋᕐᕕᒃ ᒪᑐᐃᒃᑲᓐᓂᓛᖅᑐᖅ ᑕᓪᓕᕐᒥᖅ, ᔪᓚᐃ 10, ᓯᕿᓐᖑᔭᖓ 6:30 ᐅᓪᓛᒃᑯᑦ. ᐳᐃᔾᔪᕋᕐᕕᒃ ᐋᖅᑭᔅᓯᓯᒪᔪᑦ ᐃᓛᒃᑰᑎᖅᑐᓂᑦ ᓄᕙᒡᔪᐊᕐᓇᖅ-19 ᐱᔾᔪᑎᒋᓪᓗᒍ, ᑐᑭᖃᖅᑐᖅ ᐳᐃᔾᔪᕋᕐᕕᒃ ᐊᒻᒪ ᐱᓕᕆᐊᖏᑦ ᒪᑐᐃᒃᑲᓂᕐᓂᐊᖅᑐᑦ ᐃᓛᒃᑰᑎᕐᓗᑎᑦ. ᐃᓛᒃᑰᕐᓂᖓ 1 ᐱᒋᐊᓂᐊᖅᑐᖅ ᑕᓪᓕᕐᒥᖅ, ᔪᓚᐃ 10, ᐊᒻᒪ ᐱᖃᓯᐅᔾᔨᓂᐊᖅᑐᖅ ᒪᑐᐃᒃᑲᓂᕐᓂᖓ ᑕᑭᔪᖅ ᐳᔾᔪᕋᕐᕕᒃ ᐳᐃᔾᔪᕋᕐᓂᑐᐊᒧᑦ. ᐲᑕ ᓵᒃ (Pita Shack) ᓂᕆᕕᒃ ᒪᑐᐃᖓᓂᐊᖅᑐᖅ ᐊᓐᓂᑎᔭᔅᓴᑐᐊᖑᓗᑎ.
ᐃᓛᒃᑰᕐᓂᖓ 2 ᐱᒋᐊᓂᐊᖅᑐᖅ ᓇᒡᒐᔾᔭᐅ, ᔪᓚᐃ 20 ᐊᒻᒪ ᐱᖃᓯᐅᔾᔨᓂᐊᖅᑐᖅ ᒪᑐᐃᖅᑕᐅᑲᓐᓂᕐᓂᖓ ᐃᖃᐃᓕᓴᕐᕕᒃ ᐃᓄᑐᐊᒡᒍᑎᑐᐊᓄᑦ ᐃᖃᐃᓕᓴᕐᓂᖅ. ᐃᓯᑐᐃᓐᓇᕕᔅᓴᖅ ᐊᒻᒪ ᐊᑎᓕᐅᖅᓯᒪᔭᕇᖅᑐᑦ ᐱᓕᕆᐊᑦ ᐊᑐᐃᓐᓇᐅᔮᖏᑦᑐᑦ. ᑐᑭᒧᑯᑖᑐᐃᓐᓇᖅ ᐳᐃᔾᔪᕋᕐᕕᖓ ᒪᑐᐃᖓᓂᐊᖅᑐᖅ.
ᐆᓇᖅᑐᖅ ᐅᐊᓴᕐᕕᒃ ᐊᒻᒪ ᐊᐅᒃᑲᓐᓂᖓᕕᒃ ᒪᑐᓯᒪᐃᓐᓇᖅᑐᑦ ᒫᓐᓇᐅᔪᒥ, ᑐᖓᓂᖃᖅᑐᖅ ᐊᑐᓕᖁᔭᐅᔪᓂᑦ ᐅᕙᓐᖓᑦ ᑲᓇᑕᒥ ᐃᓄᓐᓄᑦ ᐋᓐᓂᐊᖅᑐᓕᕆᓂᕐᒧᑦ ᑲᑐᔾᔨᖃᑎᒌᖓ.
ᐃᓚᒌᓄᑦ ᐊᒻᒪ ᐃᓄᓐᓄᑦ ᐅᐃᔾᔪᕋᕐᓂᖅ ᒪᑐᐃᒃᑲᓂᓛᖅᑐᑦ ᐃᓛᒃᑰᑕᓯᒪᔪᓂᑦ 3 ᐊᒻᒪ 4, ᐅᓪᓗᖓ ᓇᓗᓇᐃᖅᑕᐅᓛᖅᑐᖅ.
ᐳᐃᔾᔪᕋᕐᕕᒃ ᐊᑦᑕᓇᖏᖁᔨᔪᑦ ᐊᒻᒪ ᖁᕕᐊᓇᖅᑐᒥᑦ ᐊᑐᖅᑎᑦᑎᓗᑎ ᑭᒃᑯᓕᒫᓂᑦ. ᑕᐃᒪᐃᓘᕐᓂᐊᖅᑐᒍᑦ ᓯᕗᓂᐊᒍᑦ ᐃᓂᔅᓴᓕᐅᕐᓗᓂ ᐊᑕᐅᓯᖅ−ᐃᑲᕋᖅ ᐳᐃᔾᔪᕋᕐᓂᐅᔪᑦ ᑕᒪᒃᑭᓐᓄᑦ ᐃᓛᒃᑰᕐᓂᖓ 1 ᐊᒻᒪ ᐃᓛᒃᑰᕐᓂᖓ 2.
ᓴᖅᑭᑎᑦᑎᓯᒪᔪᒍᑦ ᖃᕋᓴᐅᔭᒃᑯᑦ ᐃᓂᔅᓴᓕᐅᓂᕐᒧᑦ ᐊᒻᒪ ᐊᑭᓖᓂᕐᒧᑦ ᑭᒃᑯᓕᒫᓄᑦ ᐱᒡᒐᓇᖏᓂᖅᓴᐅᖁᓪᓗᒍ. ᐱᑕᖃᕆᐊᖃᖅᑎᑕᐅᔪᖅ ᓴᖅᑭᑎᑦᑎᓗᓂ ᐊᑭᖃᖏᑦᑐᒥᑦ ᒫᒃᔅ ᒑᓚᒃᓯ (Max Galaxy) ᑮᓇᐅᔭᒃᑯᕕᒻᒥᑦ ᐊᒻᒪ ᐃᓂᔅᓴᓕᐅᕐᓗᓂ ᖃᕋᓴᐅᔭᒃᑯᑦ ᐅᕙᓂ: https://cityofiqaluitrecreation.maxgalaxycanada.net/BrowseActivities.aspx
ᐊᕐᕌᒍᑕᒫᑦ ᐃᓯᕈᓐᓇᐅᑎᓖᑦ, ᖃᐅᔨᒪᑦᑎᐊᕐᓗᓯ ᐊᑎᓕᐅᕐᓗᓯ ᖃᕋᓴᐅᔭᒃᑯᑦ ᐃᓯᕈᑎᖏᓐᓄᑦ ᑐᑭᓯᒋᐊᕈᑎᖏᓐᓄᑦ. ᐃᓯᕈᓐᓇᐅᑎᖃᖏᒃᑯᕕᑦ, ᐱᑎᑕᐅᓂᐊᖅᑐᑎᑦ ᖃᕋᓴᐅᔭᒃᑯᑦ ᑎᑎᖅᑲᒃᑯᑦ ᐅᕙᓂ ᑕᓪᓕᕐᒥᑦ ᔪᓚᐃ 26 ᐅᕙᓐᖓᑦ ᐱᔨᑦᑎᖅᑕᐅᔪᓂᑦ.
ᐃᓂᔅᓴᓕᐅᕐᓂᖅ ᒪᐃᖃᑦᑕᓂᐊᖅᑐᖅ ᓈᑦᑎᐅᖑᔭᑕᒫᑦ 12:00 ᐅᓐᓄᓴᒃᑯᑦ ᓄᓇᓕᒻᒧᑦ ᐊᒻᒪ 11:00 ᐅᓪᓛᒃᑯᑦ ᐊᕐᕌᒍᑕᒫᑦ ᐃᓯᕈᓐᓇᐅᑎᓖᑦ. ᐃᓂᔅᓴᓕᐅᕐᓂᖅ ᐃᓕᓐᓄᑦ ᐳᐃᔾᔪᕋᓂᕐᒧᑦ ᐱᓕᕆᕕᐅᔪᒥᑦ ᐱᓯᒪᑦᑎᒍᓐᓇᓂᐊᖅᑐᑦ ᑭᓪᓕᖃᖅᑎᑕᐅᔪᓂᑦ ᐃᓄᒋᐊᒍᓐᓇᕐᓂᖏᓐᓄᑦ. ᑭᓪᓕᖃᖅᑎᑦᑎᓂᖅ ᐃᓄᒋᐊᒍᓐᓇᕐᓂᖏᓐᓄᑦ ᐃᑲᔪᖅᑐᖅ ᖃᓂᒌᓗᐊᖅᑕᐃᓕᑎᑦᑎᓂᕐᒥᑦ ᐊᒻᒪ ᓯᐊᒻᒪᖅᑎᕆᑦᑕᐃᓕᑎᑦᑎᔪᖅ ᓄᕙᒡᔪᐊᕐᓇᖅ-19.
ᐅᑯᐊᖑᓂᐊᖅᑐᑦ 64 ᐊᑕᐅᓯᖅ−ᐃᑲᕋᖅ ᐳᐃᔾᔪᕋᕐᓂᐅᔪᓄᑦ ᐊᑐᐃᓐᓇᐅᔪᑦ ᐱᒋᐊᕐᓗᓂ ᓇᒡᒐᔾᔭᐅᒥ 6:30 ᐅᓪᓛᒃᑯᑦ ᑎᑭᓪᓗᒍ ᓈᑦᑎᐅᖑᔭᖅ ᒪᑐᓂᖓᓄᑦ. ᒫᓐᓇᐅᔪᒥᑦ, ᐃᓂᔅᓴᓕᐅᕈᓐᓇᓂᐊᖅᑐᑎᑦ ᑎᑭᓯᒪᔪᓄᑦ 5 ᐊᑕᐅᓯᖅ ᐃᑲᕋᖅ ᐳᐃᔾᔪᕋᕐᓂᐅᔪᓄᑦ ᐱᓇᓱᐊᕈᓯᐅᓂᐊᖅᑐᒧᑦ, ᐊᑕᐅᓯᐊᕐᓗᓂ ᐅᓪᓗᕐᒥᑦ ᐊᑕᐅᓯᕐᒥᑦ. ᐆᑦᑑᑎᒋᓗᒍ, ᐳᐃᔾᔪᕋᕐᓂᐅᔪᓄᑦ ᐱᒋᐊᕐᓂᖃᖅᑐᑦᐱᒋᐊᕐᓂᖃᖅᑐᑦ ᑕᓪᓕᕐᒥᖅ, ᔪᓚᐃ 10, ᖃᓄᐃᓘᕐᓂᐅᔪᑦ ᐃᓂᔅᓴᓕᐅᕐᕕᔅᓴᐅᓂᐊᖅᑐᑦ ᓈᑦᑎᐅᖑᔭᖅ ᔪᓚᐃ 5.
ᐃᓯᑐᐃᓐᓇᖅᑐᓄᑦ ᐊᑭᖏᑦ ᐊᑐᕐᓂᐊᖅᑐᑦ ᐳᐃᔾᔪᕋᕐᕕᓕᐊᖅᑐᓕᒫᓄᑦ ᒫᓐᓇᐅᔪᒥᑦ ᐊᕐᕌᒍᑕᒫᑦ ᐃᓯᕈᓐᓇᐅᑎᖃᖏᑦᑐᑦ. ᐅᑎᖅᑎᑕᔅᓴᐅᔮᖏᑦᑐᑦ ᐅᐸᑦᑕᐅᖏᑦᑐᓄᑦ ᐳᐃᔾᔪᕋᕐᓂᐅᔪᓄᑦ ᐊᒻᒪ ᐃᓯᑐᐃᓐᓇᓂᕐᒧᑦ ᐊᑐᐃᓇᐅᖏᑦᑐᖅ. ᑭᓱᑐᐃᓐᓇᕐᒥᑦ ᐊᐱᖅᑯᑎᔅᓴᖃᕈᕕᑦ ᐅᖄᓚᕕᒋᒍᒃ ᐳᐃᔾᔪᕋᕐᕕᓕᐊᖅᓯᒪᔪᓄᑦ ᐱᔨᑦᑎᖅᑕᓄᑦ ᐅᕗᖓ 867-975 8544 ᐅᕝᕙᓘᓐᓃᑦ ᖃᕋᓴᐅᔭᒃᑯᑦ aquaticcentre@iqaluit.ca.
ᒪᒃᑯᑐᒃᑯᕕᒃ
ᓄᓇᓕᐸᔭᐅᖓᑦ ᐃᖃᓗᐃᑦ ᐱᖕᖑᐊᖅᑐᓕᕆᓂᖅ ᖁᕕᐊᓱᑦᑐᑦ ᑐᓴᖅᑎᑦᑎᒋᐊᔅᓴᖅ ᐊᐅᔭᒃᑯᑦ ᐊᑐᖅᑕᐅᓂᐊᖅᑐᑦ ᒪᒃᑯᑐᒃᑯᕕᒃ.
ᓴᓇᔭᐅᒋᐊᖅᑕᑕᐅᓂᖓᓄᑦ ᒪᒃᑯᑐᒃᑯᕕᒃ, ᐃᓪᓗᖅ ᒪᑐᓯᒪᐃᓐᓇᓂᐊᖅᑐᖅ ᔪᓚᐃᒥ. ᑭᓯᐊᓂᓕ, ᐊᓯᐊᒎᕈᑎᔅᓴᖅ ᓯᓚᒥᑦ ᐱᓕᕆᐊᓕᐅᓂᕐᒥᑦ ᒪᒃᑯᑦᑐᓄᑦ ᐊᕐᕌᒍᓕᓐᓄᑦ 13-18 ᐱᒋᐊᖅᑎᑕᐅᓛᖅᑐᖅ ᕿᑎᖅᑰᖅ, ᔪᓚᐃ 9, 2020.
ᓯᓚᖓ ᖃᓄᐃᖏᑉᐸᑦ, ᒪᒃᑯᑐᒃᑯᕕᒃ ᐱᓕᕆᐊᓕᐅᖃᑦᑕᓂᐊᖅᑐᑦ ᕿᑎᖅᑰᑕᒫᑦ ᐱᒋᐊᕐᓗᓂ
5:00 ᐅᓐᓄᒃᑯᑦ − 9:00 ᐅᓐᓄᒃᑯᑦ, ᐱᒋᐊᕐᓗᓂ ᑕᓪᓕᕐᒥᖅ, ᔪᓚᐃ 9, 2020. ᐱᓕᕆᐊᓕᒫᖑᓂᐊᖅᑐᑦ ᓯᓚᒦᓐᓂᐊᖅᑐᑦ ᐅᑭᐅᑕᖅᑐᒥ ᐱᓐᖑᐊᕕᔾᔪᕕᐊᒥᑦ (AWG). ᓇᓗᓇᐃᖅᑕᐅᓯᒪᓪᓚᕆᑦᑐᑦ ᐊᐅᔭᒃᑯᑦ ᐱᓕᕆᔭᐅᓂᐊᖅᑐᓄᑦ ᐊᑐᖅᑕᐅᓂᐊᖅᑐᑦ ᓴᖅᑭᖅᑎᑕᐅᓛᖅᑐᑦ ᔪᓚᐃ 6, 2020.
ᑲᔪᓯᕙᓪᓕᐊᓂᖓᓄᑦ ᓄᕙᒡᔪᐊᕐᓇᖅ-19 ᐋᓐᓂᐊᕐᓇᖅ, ᖃᓄᑐᐃᓐᓇᖅ ᐱᓗᐊᕐᔭᐃᖅᓯᒪᑎᑦᑎᔪᒍᑦ ᐊᑦᑕᓴᕈᑎᐅᔪᓐᓇᖅᑐᒥ ᓯᐊᒻᒪᖅᑕᐅᓂᖓᓄᑦ ᐱᓕᕆᐊᖃᖅᑎᑦᑎᓯᓐᓈᖅᑐᑕ ᐊᒥᓲᓛᖑᔪᓐᓇᖅᑐᓂᑦ ᒪᒃᑯᑦᑐᓂᑦ. ᐃᖅᑲᓇᐃᔭᖅᑎᕗᑦ ᐅᕙᓃᑦᑐᑦ ᐃᑲᔪᕐᓂᐊᕐᓗᑎ ᐊᒻᒪ ᐃᑲᔪᕐᓗᒋᑦ ᒪᒃᑯᑦᑐᐃᑦ ᑐᑭᓯᑎᓪᓗᒋᑦ ᐱᓕᕆᒋᐊᖃᖅᖅᑕᖏᓐᓂ ᐊᒻᒪ ᑲᒪᒋᔭᕆᐊᖃᖅᑕᖏᓐᓂ ᑕᒪᑐᒪᓂ ᐋᓐᓂᐊᕐᓇᐅᔪᒥᑦ, ᐊᒻᒪ ᕿᓚᓈᖅᑐᒍᑦ ᐃᖅᑲᓇᐃᔭᖃᑎᒋᒃᑲᓂᕐᓂᐊᕐᓗᒋᑦ ᑕᒪᑐᒪᓂ ᐊᐅᔭᒥ.
ᑐᑭᓯᒋᐊᓪᓚᒍᒪᒍᕕᑦ ᐋᓐᓂᐊᕐᑖᕐᑕᐃᓕᓂᕐᒧᑦ, ᐅᓇ ᖃᐅᔨᒋᐊᕐᕕᒃᓴᖅ: https://www.gov.nu.ca/iu/aanniaqangnanngittulirijikku/information/aniqsa...
ᑐᑭᓯᒋᐊᒃᑲᓐᓂᕈᒪᒍᕕᑦ ᒪᒃᑯᑐᒃᑯᕕᒃ ᒥᔅᓵᓄᑦ, ᖃᐅᔨᒋᐊᕐᕕᒋᒍᒃ:
ᔭᔅᑕᓐ ᑖᒻᐳᒐᓐ
ᒪᒃᑯᑦᑐᓂ ᐊᐅᓚᑦᑎᔨ
ᓄᓇᓕᐸᐅᔭᖅ ᐃᖃᓗᐃᑦ
867-979-5620
ᑐᑭᓯᒋᐊᕈᒪᔪᑦ ᐆᕕᖓ ᖃᐅᔨᒋᐊᖁᔪᑦ:
ᓖᓴ ᒥᓗᓵᕝᔨᕕᒃ
ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᕐᓂᒥᑦ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-3216
