ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᓕᐸᐅᔭᒃᑯᑦ ᓴᐅᒻᒪᑎᒥᑦ ᐋᖅᑭᔅᓯᓂᐊᖅᑐᑦ ᐊᖑᑕᐅᖃᑎᒌᑦ ᐊᕐᓇᐅᖃᑎᒌᑦ ᐊᐃᑉᐸᕇᓄᑦ ᓴᐃᒻᒪᑎᖓᓂ
ᔪᓂ 24, 2020 – ᐃᖃᓗᐃᑦ, ᓄᓇᕗᑦ
ᐊᖏᖅᑕᐅᓯᒪᔪᖅ ᐊᖏᖅᑐᐃᓇᐅᓪᓗᑎ ᑲᑎᒪᔨᓄᑦ ᐱᖁᔨᕗᖔᕈᑦ ᔪᓂ 24 ᑲᑎᒪᔩᑦ ᑲᑎᒪᓂᖃᖅᑎᓪᓗᒋᑦ, ᓄᓇᓕᐸᐅᔭᖓᑦ ᐃᖃᓗᐃᑦ ᐋᖅᑭᔅᓯᓂᐊᖅᑐᑦ ᓴᐃᒻᒪᑎᒧᑦ ᐊᖑᑕᐅᖃᑎᒌᑦ ᐊᕐᓇᐅᖃᑎᒌᑦ ᐊᐃᑉᐸᕇᓄᑦ ᓴᐃᒻᒪᑎᖓ ᓄᓇᓕᐸᐅᔭᒃᑯᑦ ᑲᑎᕝᕕᖓ ᐊᑕᐅᓯᕐᒧᑦ ᐱᓇᓱᐊᕈᓯᕐᒧᑦ ᐱᒋᐊᕐᓗᓂ ᔫᓂ 24, 2020.
ᑲᑎᒪᔩᑦ ᐊᖏᖅᓯᓚᐅᕐᒥᔪᑦ ᐊᖏᖅᑐᐃᓐᓇᐅᓪᓗᑎ ᐱᖁᔨᕗᖔᕈᑎᒥᑦ ᐃᓚᔭᐅᓗᓂ ᐊᕐᕌᒍᑕᒫᑦ ᐋᖅᑭᑦᑕᐅᖃᑦᑕᕐᓗᓂ ᐊᖑᑕᐅᖃᑎᒌᑦ ᐊᕐᓇᐅᖃᑎᒌᑦ ᐊᐃᑉᐸᕇᓄᑦ ᓴᐃᒻᒪᑎ ᓄᓇᓕᐸᐅᔭᒃᑯᑦ ᓴᐃᒻᒪᑎᓄᑦ ᐊᑐᖅᑕᐅᒋᐊᓕᓐᓄᑦ ᐊᑐᐊᒐᐃᑦ, ᑐᑭᖃᖅᑐᖅ ᓴᐃᒻᒪᑎᐅᔪᖅ ᓴᖅᑭᖅᑎᑕᐅᖃᑦᑕᓂᐊᖅᑐᖅ ᔫᓂᒥᑦ ᐊᕐᕌᒍᑕᒫᑦ ᐊᑕᐅᓯᕐᒧᑦ ᐱᓇᓱᐊᕈᓯᕐᒧᑦ ᐱᖁᔨᕗᖔᕈᑎᖃᖏᓪᓗᑎ ᐊᕐᕌᒍᑕᒫᑦ.
ᓴᖅᑭᖅᑎᑕᐅᓂᖓ ᐊᖑᑕᐅᖃᑎᒌᑦ ᐊᕐᓇᐅᖃᑎᒌᑦ ᐊᐃᑉᐸᕇᓄᑦ ᓴᐃᒻᒪᑎ, ᐅᕝᕙᓘᓐᓃᑦ ᐊᒥᐊᖏᑦ ᐊᔾᔨᒌᖏᑦᑐᑦ ᓴᐃᒻᒪᑎ, ᐃᖃᓗᒻᒥᐅᓂᑦ ᑲᑎᑦᑎᑦᑎᔪᖅ ᖁᕕᐊᓱᒍᑎᖃᖅᑎᑎᓪᓗᓂ ᐱᖃᑕᐅᑎᑕᐅᓪᓗᑎ ᐊᒻᒪ ᓇᓗᓇᐃᒃᑯᑕᐅᔪᖅ ᐊᕐᓇᐅᖃᑎᒌᑦ, ᐊᖑᑕᐅᑎᒌᑦ, ᐊᖑᒻᒥᑦ ᐊᕐᓇᒥᓪᓗ ᐊᐃᑉᐸᖃᓲᑦ, ᐊᖑᑎᕈᖅᓯᒪᔪᑦ ᐊᕐᓇᕈᖅᓯᒪᔪᑦ, ᐊᒻᒪ ᐊᔾᔨᐅᖏᑦᑐᑦ (LGBTQ) ᐅᐱᒍᓱᓐᓂᖅ ᐊᒻᒪ ᐊᕐᓇᐅᖃᑎᒌᑦ, ᐊᖑᑕᐅᑎᒌᑦ, ᐊᖑᒻᒥᑦ ᐊᕐᓇᒥᓪᓗ ᐊᐃᑉᐸᖃᓲᑦ, ᐊᖑᑎᕈᖅᓯᒪᔪᑦ ᐊᕐᓇᕈᖅᓯᒪᔪᑦ, ᐊᒻᒪ ᐊᔾᔨᐅᖏᑦᑐᑦ (LGBTQ) ᐃᓅᖃᑎᒌᓂᑦ ᐊᐅᓚᔾᔭᒋᐊᕐᓂᖏᑦ.
ᓄᓇᓕᐸᐅᔭᒃᑯᑦ ᐃᓕᓴᖅᓯᔪᑦ ᑕᒪᓐᓇ ᐊᔅᓱᕈᕐᓇᑑᒻᒪᑦ ᒫᓐᓇᐅᔪᒥᑦ ᐊᒥᓱᓄᑦ ᓄᓇᓕᒻᒥᑦ, ᐊᒻᒪ ᐃᓄᐃᑦ ᑲᑎᒍᓐᓇᖏᒃᑲᓗᐊᖅᑎᓪᓗᒋᑦ ᐊᒥᓲᓗᑎ ᐱᔾᔪᑎᒋᓪᓗᒍ ᓄᕙᒡᔪᐊᕐᓇᖅ-19 (COVID-19), ᐃᖃᓗᒻᒥᐅᑕᐃᑦ ᑐᓴᐅᒪᖃᑦᑕᐅᑏᓐᓇᕈᓐᓇᖅᑐᑦ ᐊᒻᒪ ᐃᑲᔪᖃᑦᑕᐅᑎᓗᑎ ᑐᓂᓗᒍ ᑖᓐᓇ ᐱᒻᒪᕆᐅᔪᖅ ᒫᓐᓇᐅᔪᒥᑦ.
ᑐᑭᓯᒋᐊᕈᒪᔪᑦ ᐆᕕᖓ ᖃᐅᔨᒋᐊᖁᔪᑦ:
ᓖᓴ ᒥᓗᓵᕝᔨᕕᒃ
ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᕐᓂᒥᑦ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-3216
