ᑲᓇᑕᐅᑉ ᐸᓖᓯᖏᑦ – (867) 979-1111
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – (867) 979 - 4422
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – (867) 979-5300
ᓄᓇᓕᐸᐅᔭᖓᑦ ᐃᖃᓗᐃᑦ ᖁᕕᐊᓱᑦᑐᑦ ᑐᓴᖅᑎᑦᑎᓗᑎ ᐊᖏᔪᓂᑦ ᑐᓂᔭᐅᑐᐃᓐᓇᖅᑐᓂᑦ ᐅᕙᓐᖓᑦ ᑲᑐᔾᔨᖃᑎᒌᖏᑦ ᑲᓇᑕᒥ ᓄᓇᓖᑦ ᑎᒥᖓᑦ (CMAF) ᓄᓇᓕᑦᑎᓐᓂᑦ ᓴᐳᒻᒥᑎᑦᑎᑎᐊᓂᖅᓴᐃᓗᓂ ᐊᒻᒪ ᐃᑲᔪᕐᓗᓂ ᓯᕗᓪᓕᐅᑎᔭᕆᐊᓕᑦᑎᓐᓄᑦ ᐱᔭᐅᔭᕆᐊᖃᕐᓂᖅᐹᖑᔪᓂᑦ ᓄᕙᒡᔪᐊᕐᓇᖅ-19 ᐋᓐᓂᐊᓇᐅᑎᓪᓗᒍ.
ᓄᓇᓕᕐᒥᐅᑕᐃᑦ ᐊᒻᒪ ᓇᖕᒥᓂᖃᖅᑎᐅᔪᑦ ᖃᐅᔨᒪᖁᔭᐅᓕᕐᒥᔪᑦ ᐃᖃᓗᐃᑦ ᐊᑦᓯᕕᖓᓂ ᓴᕕᕋᔭᓂᑦ ᐊᐅᓚᑦᑎᕕᐅᔪᖅ ᒪᑐᓯᒪᑲᐃᓐᓇᓂᐊᕐᒪᑦ ᑭᒃᑯᑐᐃᓐᓇᕐᓄᑦ ᐋᒐᓯ 1−ᒥᑦ ᓰᑏᐱᕆ 21−ᒧᑦ ᑯᑦᓕᒃ ᓴᓇᔩᑦ ᐅᐸᓗᖓᐃᔭᐃᑲᐃᓐᓇᓂᐊᕐᒪᑕ ᓴᕕᕋᔭᓂᑦ ᓴᓂᕐᓂᒃ ᐊᑦᓯᕕᒻᒦᑦᑐᓂᑦ.
ᒫᓐᓇᐅᓂᖓ, ᑭᒃᑯᑐᐃᓐᓇᑦᑎᐊᓂᑦ ᓴᕕᕋᔭᓂᑦ ᓴᓂᕐᓂᒃ ᐊᑦᓯᕕᒻᒨᕆᑲᐃᓐᓇᖁᓇᒋᑦ. ᓴᕕᕋᔭᓂᑦ ᓴᓂᓕᕆᒋᐊᒃᑲᓐᓂᓛᖅᑐᑦ ᓇᒡᒋᔾᔭᐃᓕᖅᑭᕐᒥ, ᓰᑏᐱᕆ 22, 2020.
ᑐᑭᓯᒋᐊᕈᒪᔪᑦ ᐆᕕᖓ ᖃᐅᔨᒋᐊᖁᔪᑦ:
ᓖᓴ ᒥᓗᓵᕝᔨᕕᒃ
ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᕐᓂᒥᑦ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
L.Milosavljevic@iqaluit.ca
867-979-5607
ᖃᐅᔨᒪᓂᐊᖅᑯᓯ ᐳᐃᔾᔪᕋᕐᕕᖃᕐᕕᒻᒥ ᐳᐃᔾᔪᕋᕐᕕᒃ ᒪᑐᐃᒃᑲᓐᓂᕐᓂᐊᓕᕐᒥᔪᖅ 12−ᒨᖅᐸᑦ ᐅᓪᓗᒃᑯᑦ, ᑕᓪᓕᒥᕐᒥ, ᐋᒐᓯ 21.
ᓯᑎᒃᑯᑦ ᖁᔭᓐᓇᒦᖅᑕᐃᓐᓇᑦᑎᐊᖏᑦ ᐃᓘᓐᓇᑎᒃ ᐃᑲᔪᓚᐅᖅᑐᑦ ᑲᑐᔾᔨᖃᑎᒌᓐᓂᒃᑯᑦ ᐳᐃᔾᔪᕋᕐᕕᒃ ᒪᑐᐃᓯᒪᑲᐃᓐᓇᑎᓪᓗᒍ ᐱᓕᕆᔾᔪᑎᖏᑦ ᓴᓇᒋᐊᖃᓕᖕᖏᒃᑲᓗᐊᕐᒪᖔᑕ ᖃᐅᔨᓴᖅᑕᐅᑲᐃᓐᓇᑎᓪᓗᒋᑦ.
ᐅᓪᓗᕐᓯᐅᑎᒍᑦ ᓯᕿᖕᖑᔭᑎᒍᑦ ᐃᓂᑦᓴᓂᐅᕈᓐᓇᓕᕐᒥᔪᑦ ᐳᐃᔾᔪᕋᕆᐊᕈᒪᖃᑦᑕᓂᐊᖅᑐᑦ ᐱᒋᐊᕐᓗᑎᒃ ᑕᓪᓕᒥᕐᒥ, ᐋᒐᓯ 21 ᐅᓪᓗᒃᑯᑦ 12:15−ᐸᑦ.
ᐊᐱᖅᑯᑎᖃᕐᓂᕈᕕᑦ, ᐅᖄᓚᕕᐅᔪᓐᓇᖅᑐᑦ ᐱᔨᑦᓯᕋᖅᑎᐅᔪᑦ 867−975−8544 ᐅᓪᓛᒃᑯᑦ 6:30−ᒥᓂᒃ 10−ᒧᓄᑦ ᐅᓐᓄᒃᑯᑦ ᐅᕝᕙᓘᓐᓃᑦ ᐃᕐᖐᓇᖅᑕᐅᑎᒃᑯᑦ ᑎᑎᕋᕐᕕᒋᓗᒋᑦ ᐅᕗᖓ aquaticcentre@iqaluit.ca.
ᖃᐅᔨᒪᓂᐊᖅᑯᓯ ᐅᓪᓗᕐᓯᐅᑎᒍᑦ ᐊᓯᔾᔨᖅᑐᖃᕐᓂᖓᓂᑦ ᓯᑎᒃᑯᑦ ᐊᒥᐊᒥᓂᕐᓂᒃ ᑕᐅᕐᓰᓂᐅᔪᖅ ᐊᑐᖅᑕᐅᖓᓛᕐᒪᑦ ᓈᑦᓯᐅᖑᔭᓛᕐᓂᐊᒥ, ᐋᒐᓯ 22, 2020 ᐱᒋᐊᕐᓗᑎᒃ 10−ᒥ ᐅᓪᓛᒃᑯᑦ 3−ᒧᓄᑦ ᐅᓐᓄᓴᒃᑯᑦ ᓯᑎᒃᑯᑦ ᓄᓇᓯᐅᑎᒃᑯᕕᖓᓂ ᓴᓂᐊᓃᑦᑐᒥ ᑮᓇᐅᔭᒃᑯᕕᐅᑉ ᑎᓴᒪᓄᑦ ᐊᑐᕆᐊᓄᑦ ᓴᖑᒋᐊᕐᕖᑦ ᖃᓂᒋᔭᖏᓐᓂ. ᐊᓯᔾᔨᖅᑕᐅᔪᖅ ᐅᓪᓗᖓ ᐊᑐᖅᑕᐅᓂᐊᓚᐅᕋᓗᐊᕐᒪᑦ ᑕᓪᓕᒥᕐᒥ, ᐋᒐᓯ 21.
ᓄᓇᓕᕐᒥᐅᑕᐃᑦ ᑐᖕᖓᓱᑦᑎᐊᓛᖅᑐᑦ ᕿᒪᐃᒋᐊᖅᑐᕐᓗᑎᒃ, ᑕᐅᕐᓰᒋᐊᖅᑐᕐᓗᑎᒃ, ᐅᕝᕙᓘᓐᓃᑦ ᐊᐃᑦᓯᕐᓗᑎᒃ ᐊᒥᐊᕈᑎᓂᑦ ᐊᑐᖅᑕᐅᓕᖅᐸᑦ ᑕᒪᓐᓇ. ᓯᑎᒃᑯᑦ ᐃᖅᑲᓇᐃᔭᖅᑎᖏᑦ ᐊᑦᑕᓇᔾᔭᐃᕐᓯᒪᓗᒋᑦ ᐃᒋᑦᑐᒍᓐᓇᓛᖅᑐᑦ ᐃᓘᓐᓇᖏᓐᓂᑦ ᐊᒥᐊᕈᑎᒥᓂᕐᓂᒃ, ᐊᒥᐊᕈᑎᓂᑦ ᐱᔭᐃᖏᓐᓂᖏᓐᓂᑦ.
ᐳᐃᔾᔪᕋᕐᕕᖃᕐᕕᒻᒥ ᐳᐃᔾᔪᕋᕐᕕᒃ ᒪᑐᐃᓯᒪᑎᑕᐅᑲᐃᓐᓇᓂᐊᖅᑐᖅ ᑭᒃᑯᑐᐃᓐᓇᕐᓄᑦ ᐱᒋᐊᕐᓗᑎᒃ ᐅᓐᓄᖓᓂ ᓇᒡᒋᔾᔭᐅᑉ, ᐋᒐᓯ 17 ᐱᓕᕆᔾᔪᑎᖏᑦ ᖃᐅᔨᒋᐊᖅᑕᐅᑲᐃᓐᓇᑎᓪᓗᒋᑦ ᓴᓇᒋᐊᖃᕐᒪᖔᑕ. ᓇᒡᒋᔾᔭᐅᓕᖅᑭᕐᒥ, ᐋᒐᓯ 18 ᐅᓐᓄᓴᒃᑯᑦ 5−ᒨᓚᐅᖏᓱᖓᕐᓂᖓᓂ ᐅᖃᐅᓯᐅᓛᖅᑐᖅ ᒪᑐᐃᒃᑲᓐᓂᓛᕐᒪᖔᖅ ᖃᖓᒃᑯᑦ.
ᒪᑐᐃᓯᒪᑲᐃᓐᓇᕐᓂᐅᔪᖅ ᐊᑦᑐᐃᓂᐅᓴᒻᒪᑦ ᑐᑭᓕᐊᖅᑐᓄᑦ ᐳᐃᔾᔪᕋᕐᕕᒻᒥᑦ ᐊᒻᒪ ᐱᓐᓇᔭᓐᓇᖅᑐᒥᑦ ᐳᐃᔾᔪᕋᕐᕕᒻᒥᑦ. ᐃᖃᐃᓕᓴᕐᕕᒃ, ᐊᓐᓄᕌᕐᕕᖏᑦ ᐊᒻᒪ ᐲᑕ ᓂᕆᕕᒃ ᒪᑐᐃᖓᐃᓐᓇᓂᐊᖅᑐᑦ.
ᐅᓐᓄᐊᒃᑯᑦ ᖁᓛᓃᖔᓕᖅᑎᓪᓗᒍ ᐋᒐᓯ 14−ᒥ, 2020, ᐃᖃᓗᐃᑦ ᖃᑦᑎᕆᔨᒃᑯᖏᑦ ᐅᐸᓚᐅᖅᑐᑦ ᐃᑯᐊᓚᔪᒧᑦ ᓯᔾᔭᒥ. ᑎᑭᒃᑲᒥᒃ, ᐃᖃᓗᐃᑦ ᖃᑦᑎᕆᔨᒃᑯᖏᑦ ᖁᓕᐅᓚᐅᖅᑐᑦ, ᓇᓂᓯᓚᐅᖅᑐᑦ ᐃᓪᓗᕋᓛᒥᑦ ᐃᑯᐊᓚᔪᒥᑦ ᐊᑕᐅᓯᕐᒥᑦ ᐃᓄᖃᓚᐅᖅᑐᒥᑦ. ᖃᑦᑎᕆᔨᐅᔪᑦ ᖃᒥᑦᓯᑦᓴᐅᑎᒋᓚᐅᖅᑐᑦ ᐃᑯᐊᓚᔪᒥᑦ ᐊᒻᒪ ᐊᓂᑦᓯᓪᓗᑎᒃ ᐊᑕᐅᓯᕐᒥᑦ ᐊᖑᒻᒥᑦ ᐃᓪᓗᕋᓛᒥᑦ ᐊᒻᒪ ᑲᒪᒋᔭᐅᒋᐊᑦᑕᐅᑎᒋᓚᐅᖅᑐᖅ. ᓄᓇᒃᑰᔫᖅ ᑐᐊᕕᕐᓇᖅᑐᓄᑦ ᐃᓪᓗᕋᓛᒦᓚᐅᖅᑐᒥᑦ ᕿᑭᖅᑕᓂ ᐋᓐᓂᐊᕕᒻᒨᕈᔾᔨᓕᓚᐅᖅᑐᑦ. ᑭᓯᐊᓂ ᐅᒡᒍᐊᓇᖅᑐᖅ, ᐋᓐᓂᐊᕕᒻᒦᓕᖅᑐᓂ ᐃᓅᔪᓐᓃᕐᓂᕋᖅᑕᐅᓯᒪᓚᐅᖅᑐᖅ.
ᐸᓖᓯᒃᑯᑦ ᐊᒻᒪ ᐊᓪᓚᕝᕕᖓᑦ ᖃᑦᑎᕆᔨᒻᒪᕆᒃᑯᑦ ᐃᑲᔪᓚᐅᖅᑐᑦ ᐃᑯᐊᓚᔪᒥ ᐊᒻᒪ ᖃᐅᔨᓴᐃᓐᓇᓂᐊᖅᑐᑦ ᖃᓄᐃᓕᓐᓂᕐᒪᖔᖅ. ᒫᓐᓇᐅᔪᕐᓕ ᖃᓄᖅ ᐃᑭᒋᐊᓯᓐᓂᕐᒪᖔᖅ ᖃᐅᔨᒪᔭᐅᖏᒻᒪᑦ ᖃᐅᔨᓴᖅᑕᐅᕙᓪᓕᐊᔪᖅ.
ᐅᓄᕐᓂᖅᓴᐃᑦ ᐃᖃᓗᒻᒥᐅᑕᐃᑦ ᖃᕋᓴᐅᔭᒃᑯᑦ ᐳᓛᖅᕕᒃᑯᑦ ᓂᐅᕕᖃᑦᑕᓂᖅᓴᐃᓕᕐᒪᑕ ᐊᒻᒪᓗ ᓂᐅᕕᐊᒃᓴᖃᕐᓂᖅᓴᐅᕙᓕᖅᑐᑎᒃ ᐊᑐᐃᓐᓇᕈᖅᓴᖅᓯᒪᔪᓂᒃ ᓂᕿᓂᒃ, ᓄᓇᓕᐸᐅᔭᒃᑯᑦ ᐃᖅᑲᐃᑎᑦᑎᒋᐊᖅᐳᑦ ᐃᖃᓗᒻᒥᐅᓂᑦ ᓇᒻᒥᓂᖃᐅᑎᖃᕐᓂᕐᒧᑦ ᓚᐃᓴᑖᖅᕆᐊᖃᕐᒪᑕ ᓂᕿᓂᒃ ᓂᐅᕕᐊᒃᓴᖃᕐᓂᐊᖅᑲᑕ ᐊᒻᒪᓗ ᖃᐅᔨᒪᓗᑎᒃ ᐱᒻᒪᕆᐅᓂᖓᓂᑦ ᓂᖀᑦ ᑲᒪᒋᔭᐅᑦᑎᐊᕆᐊᖃᕐᓂᖏᓐᓂᑦ.
ᓄᓇᓕᐸᐅᔭᒃᑯᑦ ᐃᓪᓗᖁᑎᖓ ᓈᓴᐅᑎᓕᒃ 901 ᐊᓇᐃᑦᑑᑉ ᐃᓪᓗᖓᓂ ᓴᓇᒋᐊᖅᑕᐅᓛᕐᒪᑦ 2020 ᐊᒻᒪ 2021-ᒥ ᐃᖃᓗᒻᒥᐅᑕᐃᑦ ᐊᑲᐅᓂᖅᓴᒥᒃ ᐃᓯᖅᕕᖃᖁᓪᓗᒋᑦ ᑭᒃᑯᑐᐃᓐᓇᕐᓄᓪᓗ ᐊᑐᐃᓐᓇᐅᓂᖅᓴᐅᖁᔭᐅᓪᓗᓂ ᒐᕙᒪᕋᓛᖃᖅᕕᐅᔪᖅ.
ᑖᒃᑯᐊ ᓴᓇᒋᐊᑕᐅᔪᑦ ᐊᔪᕈᓐᓃᑎᑦᑎᓂᐊᖅᑐᑦ ᐃᓄᕐᓂᖅᓴᐅᔪᓂᒃ ᐱᒡᒐᖅᑐᓂᒃ ᐱᓕᕆᐊᕆᒋᐊᓕᖏᓐᓂᑦ ᐃᒻᒥᓂᒃ ᐱᔪᓐᓇᖅᓯᑎᑦᑎᓗᑎᒃ ᐊᒻᒪᓗ ᓱᑎᑦᑎᔪᖃᖅᑎᓪᓗᒍ ᑲᑎᒪᔪᖃᖅᑎᓪᓗᒍᓗ ᐅᐸᖃᑕᐅᔪᓐᓇᓕᕐᓗᑎᒃ.
ᓄᓇᓕᐸᐅᔭᒃᑯᑦ ᖃᐅᔨᒐᓱᓐᓂᐊᕐᒪᑕ ᖃᓄᖅ ᐱᕙᓕᐊᑎᑦᑎᔪᓐᓇᕐᒪᖔᑕ ᒪᓕᒐᖅᑎᒍᑦ ᐊᐅᓚᑦᑎᔾᔪᑎᒃᓴᓂᑦ ᐃᓪᓗᕋᓛᓕᐅᕐᓂᐅᕙᑦᑐᓂᒃ ᐊᒻᒪᓗ ᐃᖃᐃᓕᓴᕐᓂᕐᒧᑦ ᑐᕌᖓᔪᓂᒃ ᓴᓇᔭᐅᕙᑦᑐᓂᒃ ᐊᑐᖅᑐᐊᑕᐅᓐᖏᑦᑐᒥ ᓄᓇᓕᐸᐅᔭᒃᑯᑦ ᓄᓇᖁᑎᖓᓂ, ᑲᑎᒪᔩᑦ ᐊᖏᖅᑐᐃᓐᓇᐅᓚᐅᖅᑎᓪᓗᒋᑦ ᐃᓱᒪᓕᐅᕈᑎᐅᔪᒥᒃ ᔪᓚᐃ 28, 2020-ᒥ ᑲᑎᒪᔨᑦ ᑲᑎᒪᑎᓪᓗᒋᑦ. ᑖᓐᓇ ᐋᖅᑭᑦᑕᐅᔪᖅ ᓴᖅᑭᓚᐅᖅᑐᖅ ᐊᑐᓕᖁᔭᓕᐊᖑᔪᔪᒥ ᐸᕐᓇᓂᕐᒧᑦ ᐱᕙᓪᓕᐊᑎᑦᑎᓂᕐᒧᓪᓗ ᑲᑎᒪᔨᕋᓛᑦ ᑲᑎᒪᑐᐃᓐᓇᑎᓪᓗᒋᑦ ᔪᓚᐃ 21, 2020-ᒥ.
ᐃᖃᓗᐃᑦ ᓄᓇᓕᐸᐅᔭᖓ ᓴᖅᑭᖅᓯᓂᐊᓕᕐᒥᒻᒪᑦ ᑎᑎᕋᖅᓯᒪᔪᓂᒃ 2019-ᒥ ᐱᖁᑎᓄᑦ ᑖᒃᓯᓄᑦ ᐊᑭᓕᓐᖐᑦᑐᓖᑦ ᐊᑎᖏᓐᓂᑦ ᑕᐃᒪᐃᒋᐊᖃᖅᑎᑕᐅᒻᒪᑕ ᒪᓕᑦᑐᑎᒃ ᓈᓴᐅᑎᓕᒻᒥᒃ 97 ᐱᖁᑎᓂᒃ ᖃᐅᔨᓴᕐᓂᕐᒧᑦ ᑖᖅᓰᔭᐃᑎᑦᑎᓂᕐᒧᓪᓗ ᐱᖁᔭᕐᔪᐊᕐᒥᒃ. ᑖᒃᑯᐊ ᑎᑎᕋᖅᓯᒪᔪᑦ ᓴᖅᑭᔮᖅᑎᑦᑎᕗᑦ ᐱᖁᑎᓕᓐᓂᑦ ᐃᖃᓗᓐᓂ ᐊᑭᓕᓐᖐᑦᑐᖁᑎᓕᓐᓂᑦ $500 ᐅᖓᑖᓂᑦ. ᑖᒃᑯᐊ ᑎᑎᕋᓯᒪᔪᑦ ᓴᖅᑭᔮᖅᑎᑦᑎᕗᑦ ᓄᑖᕈᕆᐊᖅᑕᒥᓂᐅᔪᓂᒃ ᔪᓚᐃ 15, 2020-ᒥ.
ᐊᑭᓖᔪᓐᓇᖅᑐᑦ ᖃᕋᑕᐅᔭᒃᑯᑦ ᖃᕋᑕᐅᔭᒃᑯᑦ ᑮᓇᐅᔭᒃᑯᕕᓕᕆᔾᔪᑎᒃᑯᑦ ᐅᕝᕙᓘᓐᓃᑦ ᐅᖄᓚᓗᓂ ᐅᕗᖓ 979−5606. ᐊᐱᖅᑯᑎᖃᕐᓂᕈᑦᓯ, ᖃᐅᔨᒋᐊᖅᑕᐅᒍᓐᓇᖅᑐᖅ ᔨᓃᕙ ᓯᔅᓚᑦ ᐅᕗᖓ ᑎᑎᕋᕐᕕᒋᓗᒍ G.chislett@iqaluit.ca.