ᐳᓛᖅᑎᑦ

ᐃᑯᐊᓚᓕᕆᓂᒃᑯᑦ ᐊᑦᑕᓇᑦᑕᐃᓕᒪᔪᓕᕆᓂᕐᒥᑦ ᐅᔾᔨᕈᓱᒋᐊᕈᑎ ᓄᓇᓕᐸᐅᔭᐃᑦ ᐃᖃᓗᓐᓂ - ᐊᑐᖅᐸᓐᓂᖅ ᓈᒻᒪᑦᑐᓂᑦ ᓯᒡᒐᓕᐊᓂᑦ ᖃᒥᑦᑎᕕᑦᓴᓂᑦ

ᔪᓚᐃ 19, 2019 (ᐃᖃᓗᐃᑦ, ᓄᓇᕗᑦ) - ᖃᐅᔨᓴᖃᑦᑕᓂᐊᖅᑯᓯ ᐱᓇᓱᐊᕈᓯᑕᒫᑦ ᐃᑯᐊᓚᓕᕆᓂᒃᑯᑦ ᐊᑦᑕᓇᑦᑕᐃᓕᒪᔪᓕᕆᓂᕐᒥᑦ ᐃᖃᐃᑎᑕᐅᖃᑦᑕᕐᓂᐊᕋᑦᓯ ᐊᐅᔭᖅ ᐃᑯᐊᓪᓚᖁᔨᖏᒧᑦ ᓄᓇᑦᑎᓐᓂ.

ᐊᑐᖅᐸᓐᓂᖅ ᓈᒻᒪᑦᑐᒥᑦ ᓯᒡᒐᓕᐊᒥᓂᒃᑯᕕᑦᓴᒥᑦ ᐃᑯᐊᓚᑦᑕᐃᓕᒪᐅᑎᑦᓴᐅᔪᓐᓇᖅᑐᖅ ᐃᓗᐊᓂ ᓄᓇᑦᑎᓐᓂ.  ᐊᑏ ᖃᒥᑦᑎᕕᓯ ᓴᓂᐊᓃᑎᓗᐊᖃᑦᑕᖏᓪᓗᒋᑦ ᓱᓇᑐᐃᓐᓇᐃᑦ ᐃᑭᒍᓐᓇᖅᑐᑦ ᐊᒻᒪ ᐃᓂᖃᖅᑎᐸᖕᖏᓪᓗᒋᑦ ᐹᑦ ᒪᔪᕋᐅᑎᖏᓐᓂ ᐅᕝᕙᓘᓐᓃᑦ ᐊᓃᕐᕕᓐᓂ.

ᐊᒥᓱᓂᑦ ᓇᔪᒐᓕᓐᓂᑦ ᐃᓪᓗᐸᔭᓂᑦ ᓇᒻᒥᓂᖃᖅᑏᑦ ᐃᓱᒪᑦᓴᕐᓯᐅᕈᑎᖃᕆᐊᖃᓕᖅᑐᑦ ᐊᑕᐅᓯᕐᒥᑦ ᓴᓂᕐᕙᐃᓯᒪᔭᕆᐊᑦᓴᖅ ᓯᒡᒐᓕᐊᖅᑐᕐᕕᐅᔪᓐᓇᖅᑐᒥᑦ ᐃᓂᑦᓴᒥᑦ ᐱᖁᑎᒋᔭᐅᔪᑦ ᓯᓚᑖᓃᑦᑐᓂᑦ.

ᐃᑯᐊᓪᓚᑦᑕᐃᓕᒪᓂᕐᒥᑦ ᐅᔾᔨᕈᓱᒋᐊᖅᑎᑦᑎᓂᖅ ᓄᓇᓕᐸᐅᔭᐃᑦ ᐃᖃᓗᓐᓂᑦ - ᕿᔪᓐᓂᒃ ᐃᑯᐊᓚᑎᑦᑎᓂᖅ ᐊᒻᒪ ᐃᑭᑎᑦᑎᒍᓐᓇᓂᕐᒥᑦ ᐴᕐᒥᑦ ᐱᔪᓐᓇᐅᑏᑦ

ᔪᓚᐃ 12, 2019 (ᐃᖃᓗᐃᑦ, ᓄᓇᕗᑦ) - ᑕᑯᓇᓱᑉᐸᓂᐊᖅᑯᓯ ᐱᓇᓱᐊᕈᓯᑕᒫᑦ ᐃᑯᐊᓪᓚᑦᑕᐃᓕᒪᔪᓕᕆᓂᕐᒥᑦ ᐃᖅᑲᐃᑎᑦᓯᔾᔪᑎᑦᓴᓂᑦ ᐊᐅᔭᖅ ᓄᓇᑦᑎᓐᓂ ᐃᑯᐊᓪᓚᑦᑕᐃᓕᒪᐅᑎᑦᓴᓂᑦ.

ᐊᑐᕆᐊᒥᑦ ᒪᑐᓯᒪᑎᑦᑎᓛᖅᑐᑦ ᐊᒻᒪ ᐊᑐᕆᐊᒃᑯᑦ ᐃᖏᕐᕋᔪᓂᒃ ᐊᐅᓚᑦᑎᓗᑎᒃ ᑎᑭᖅᑯᐊᓂ ᓂᐊᖁᖕᖒᓯᐊᕆᐊᖅ ᐊᑐᕆᐊᑉ ᐊᒻᒪ ᓄᓇᕗᑦ, ᑎᑭᖅᑯᐊᓂ ᑯᐃᓐ ᐃᓕᓴᐸᖦ ᐊᑐᕆᐊᑉ ᐊᒻᒪ ᒪᑦᑖᖅ, ᑎᑭᖅᑯᐊᓂ ᐃᒡᓗᓕᒃ ᐊᑐᕆᐊᑉ ᐊᒻᒪ ᒥᕝᕕᒃ

ᐱᒋᐊᕐᓗᑎᒃ ᓈᑦᓯᐅᖑᔭᓛᕐᓂᐊᕐᒥ, ᔪᓚᐃ 13 ᓈᑦᓯᐅᖑᔭᒧᑦ, ᔪᓚᐃ 14

ᐊᑐᕆᐊᒥᑦ ᒪᑐᓯᒪᑎᑦᑎᓛᖅᑐᑦ ᐊᒻᒪ ᐊᑐᕆᐊᒃᑯᑦ ᐃᖏᕐᕋᔪᓂᒃ ᐊᐅᓚᑦᑎᓗᑎᒃ ᐊᖅᓴᕐᓃᑦ ᐃᓕᓐᓂᐊᕐᕕᒻᒥ ᐊᒻᒪ ᐊᐃᑉ ᐅᒃᐱᒃ

ᔪᓚᐃ 11, 2019 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᑦ ᐊᑐᕆᐊᒥᑦ ᒪᑐᓯᒪᑎᑦᑎᓛᕐᒪᑕ ᐊᒻᒪ ᐊᑐᕆᐊᒃᑯᑦ ᐃᖏᕐᕋᔪᓂᒃ ᐊᐅᓚᑦᑎᓗᑎᒃ ᐊᖅᓴᕐᓃᑦ ᐃᓕᓐᓂᐊᕐᕕᒻᒥ ᐊᒻᒪ ᐊᐃᑉ ᐅᒃᐱᒃ 2425 ᐱᒋᐊᕐᓗᑎᒃ ᑕᓪᓕᒥᕐᒥ, ᔪᓚᐃ 12-ᒥᑦ ᓈᑦᓯᐅᖑᔭᓛᕐᓂᐊᒧᑦ, ᔪᓚᐃ 13 ᐊᑐᕆᐊᒥᑦ ᐊᒻᒪ ᐊᑐᕆᐊᑦ ᑭᓪᓕᖏᓐᓂ ᐃᓯᕐᓴᓂᒃ ᓴᓇᒋᐊᓛᕋᒥᒃ.  ᓄᓇᖕᖑᐊᖅ ᑕᑯᒋᐊᖁᔪᖅ ᓇᐅᒃᑰᖔᓛᕈᓐᓇᕐᒪᖔᑕ ᐊᖅᑯᑎᒃᑯᑦ.

ᐱᓕᕆᔨᓂᑦ ᐊᒻᒪ ᑎᑎᕋᕐᓯᒪᔪᓂᒃ ᓇᓗᓇᐃᒃᑯᑎᓂᑦ ᑕᑯᑦᓴᐅᔪᖅᑕᖃᓛᖅᑐᖅ ᐃᑲᔫᑎᑦᓴᓂᑦ ᐃᖏᕐᕋᔪᓂᒃ ᐊᒻᒪ ᐱᓱᑦᑐᓂᒃ.

ᑐᐊᕕᕐᓇᖅᑐᒃᑯᑦ ᐃᒥᖃᕈᓐᓃᖅᑎᑕᐅᒋᐊᓖᑦ ᑐᖑᔪᐊᖑᔪᕐᒥᑦ ᐊᒥᐊᓕᓐᓂᑦ ᓇᔪᒐᓖᑦ

ᔪᓚᐃ 11, 2019 (ᐃᖃᓗᐃᑦ, ᓄᓇᕗᑦ)  - ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᑦ ᓇᔪᒐᓕᓐᓂᑦ ᐃᓪᓗᓂ ᓈᓴᐅᑎᓕᓐᓂ 600-ᓂᑦ ᑐᐊᕕᕐᓇᖅᑐᒃᑯᑦ ᐃᒥᖃᕈᓐᓃᖅᑎᑕᐅᓂᖏᓐᓂᑦ ᓴᓇᔭᐅᔭᕆᐊᖃᕐᓂᖓᓄᑦ ᕿᓪᓛᖅᑐᖅ ᐃᒥᕐᒥᒃ ᑎᓴᒻᒥᐅᑎᓪᓗᒍ, ᔪᓚᐃ 11 ᐱᒋᐊᕐᓗᑎᒃ ᐅᓪᓛᕐᐸᓯᒃᑯᑦ 10:30.

ᑐᖑᔪᐊᖓᔪᒥᑦ ᐊᒥᐊᓖᑦ ᐃᓪᓗᑯᑖᓂ ᓇᔪᒐᓖᑦ: 676, 683, 674, 681, 679, 677, 675, 672, 673, 671

ᓱᓪᓗᓕᒻᒪᕆᒃ ᐃᒥᕐᒨᖓᔪᖅ ᐊᑦᑐᖅᑕᐅᓂᐅᓴᓂᖓ ᐱᓪᓗᒍ, ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔭᐅᑲᐃᓐᓇᓂᐊᖅᑐᑦ ᐃᑲᕐᕋᓂ 24-ᓂ ᑭᖑᓂᐊᒍᑦ.

ᓯᑎᒃᑯᑦ ᖁᔭᓐᓇᒦᖅᑐᑦ ᐃᓕᑦᓯᓐᓂᒃ ᑐᑭᓯᐊᑦᑎᐊᓂᕐᓯᓐᓂᒃ ᓴᓇᒋᐊᓕᓐᓂᑦ ᐊᒻᒪ ᑐᓴᖅᑎᑦᑎᒋᐊᒃᑲᓂᕐᓂᐊᖅᑐᑎᒃ ᐅᓐᓄᓴ 4-ᒥ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᓄᓇᕗᑦ ᐅᓪᓗᖓᓂ ᐅᓪᓗᕐᓯᐅᑦ ᐃᓘᓐᓇᖏᓐᓄᑦ ᓯᑎᒃᑯᑦ ᐱᓕᕆᕝᕕᖏᓐᓄᑦ ᐊᒻᒪ ᓄᓇᒃᑰᔫᒃᑯᑦ ᐱᔨᑦᓯᕋᐅᑎᖏᓐᓄᑦ

ᔪᓂ 30, 2019 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᐃᖃᓗᒻᒥᐅᑕᓂᑦ ᓯᑎᒃᑯᑦ ᐊᓪᓚᕝᕕᖏᑦ ᒪᑐᓯᒪᓛᕐᒪᑕ ᓄᓇᕗᑦ ᐅᓪᓗᖓᓂ, ᓇᒡᒋᔾᔭᐅᓕᖅᑭᕐᒥ, ᔪᓚᐃ 9, 2019.  ᓄᓇᒃᑰᔫᒃᑯᑦ ᐱᔨᑦᓯᕋᐅᑎᓕᕆᔩᑦ ᓄᖅᑲᖓᑲᐃᓐᓇᓛᕐᒥᔪᑦ ᐅᑎᕐᓗᑎᒃ ᐱᖓᓯᕐᒥ, ᔪᓚᐃ 10, 2019.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᐊᑐᕆᐊᒥᑦ ᒪᑐᓯᒪᑎᑦᑎᓂᐊᖅᑐᑦ ᐊᒻᒪ ᐊᑐᕆᐊᒃᑯᑦ ᐃᖏᕐᕋᔪᓂᒃ ᐊᐅᓚᑦᑎᓗᑎᒃ ᓂᐊᖁᖕᖒᓯᐊᕆᐊᖅ ᐊᑐᕆᐊᕐᒥ

ᓈᑦᓯᐅᖑᔭᓛᕐᓂᐊᕐᒥᑦ, ᔪᓚᐃ 6 ᓇᒡᒋᔾᔭᐅᒧᑦ, ᔪᓚᐃ 8

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᑦ

ᐊᑐᕆᐊᕐᒥᒃ ᒪᑐᓯᓯᒪᓛᖅᑐᑦ ᐊᒻᒪ ᐊᑐᕆᐊᒃᑯᑦ ᐃᖏᕐᕋᔪᓂᒃ ᐊᐅᓚᑦᓯᓗᑎᒃ ᕼᐋᐱ ᕚᓕ ᐊᕙᑎᐊᓂ

ᐱᒋᐊᕐᓗᑎᒃ ᐱᖓᑦᓯᕐᒥ, ᔪᓚᐃ 3 ᑕᓪᓕᒥᕐᒧᑦ, ᔪᓚᐃ 5

ᔪᓚᐃ 2, 2019 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᐃᖃᓗᒻᒥᐅᑕᓂᒃ, ᐊᑐᕆᐊᕐᒥᒃ ᒪᑐᓯᓯᒪᑲᐃᓐᓇᓛᕐᓂᕐᒥᓂᒃ ᐊᒻᒪ ᐊᑐᕆᐊᒃᑯᑦ ᐃᖏᕐᕋᔪᓂᒃ ᐊᐅᓚᑦᓯᓗᑎᒃ ᕼᐋᐱ ᕚᓕ ᐊᕙᑎᐊᓂ ᐱᒋᐊᕐᓗᑎᒃ ᐱᖓᑦᓯᕐᒥ, ᔪᓚᐃ 3 ᑕᓪᓕᒥᕐᒧᑦ, ᔪᓚᐃ 5 ᐊᑐᕆᐊᒥᑦ ᐊᒻᒪ ᐃᓯᕐᓴᒥᑦ ᐊᑐᕆᐊᑉ ᑭᓪᓕᖓᒎᖓᔪᒥᑦ ᓴᓇᒋᐊᓛᕐᒪᑕ.  ᑕᑯᒋᐊᖁᔪᖅ ᐃᓚᓕᐅᑎᓯᒪᔪᖅ ᓄᓇᖕᖑᐊᖅ.

ᐱᕙᓪᓕᐊᔪᓂᑦ ᑐᓴᕋᑦᓴᑦ
 

ᐃᖃᓗᐃᑦ ᖃᑦᑎᕆᔨᒃᑯᖏᑦ ᐅᐸᓚᐅᖅᑐᑦ ᐱᖓᓱᓄᑦ ᐃᑭᓚᐅᖅᑐᓄᑦ ᓈᑦᓯᐅᖑᔭᓛᕐᓂᐊᖑᑎᓪᓗᒍ ᔪᓂ 29 ᐊᒻᒪ ᓈᑦᓯᐅᖑᔭᒥ ᔪᓂ 30, 2019
 

ᔪᓂ 30, 2019 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᖃᑦᑎᕆᔨᒃᑯᖏᑦ ᐅᐸᓚᐅᖅᑐᑦ ᐱᖓᓱᓄᑦ ᑕᕝᕙᓂᑦᓴᐃᓐᓈᖏᑦᑐᓄᑦ ᐃᑭᓚᐅᖅᑐᓄᑦ ᐅᓐᓄᒃ, ᓈᑦᓯᐅᖑᔭᓛᕐᓂᐊᒥ, ᔪᓂ 29 ᐊᒻᒪ ᐅᓪᓗᒥ, ᓈᑦᓯᐅᖑᔭᒥ, ᔪᓂ 30, 2019.