ᐃᖃᓗᒻᒥᐅᑕᐃᑦ ᓇᒻᒥᓂᖃᐅᑎᖃᕐᓂᕐᒧᑦ ᓚᐃᓴᑖᕆᐊᓖᑦ ᓂᕿᓂᒃ ᐊᑐᐃᓐᓇᕈᖅᓴᖅᓯᒪᔪᓂᒃ ᓂᐅᕕᐊᒃᓴᖃᕐᓂᐊᖅᐸᑕ

ᐃᖃᓗᒻᒥᐅᑕᐃᑦ ᓇᒻᒥᓂᖃᐅᑎᖃᕐᓂᕐᒧᑦ ᓚᐃᓴᑖᕆᐊᓖᑦ ᓂᕿᓂᒃ ᐊᑐᐃᓐᓇᕈᖅᓴᖅᓯᒪᔪᓂᒃ ᓂᐅᕕᐊᒃᓴᖃᕐᓂᐊᖅᐸᑕ

ᐅᓄᕐᓂᖅᓴᐃᑦ ᐃᖃᓗᒻᒥᐅᑕᐃᑦ ᖃᕋᓴᐅᔭᒃᑯᑦ ᐳᓛᖅᕕᒃᑯᑦ ᓂᐅᕕᖃᑦᑕᓂᖅᓴᐃᓕᕐᒪᑕ ᐊᒻᒪᓗ ᓂᐅᕕᐊᒃᓴᖃᕐᓂᖅᓴᐅᕙᓕᖅᑐᑎᒃ ᐊᑐᐃᓐᓇᕈᖅᓴᖅᓯᒪᔪᓂᒃ ᓂᕿᓂᒃ, ᓄᓇᓕᐸᐅᔭᒃᑯᑦ ᐃᖅᑲᐃᑎᑦᑎᒋᐊᖅᐳᑦ ᐃᖃᓗᒻᒥᐅᓂᑦ ᓇᒻᒥᓂᖃᐅᑎᖃᕐᓂᕐᒧᑦ ᓚᐃᓴᑖᖅᕆᐊᖃᕐᒪᑕ ᓂᕿᓂᒃ ᓂᐅᕕᐊᒃᓴᖃᕐᓂᐊᖅᑲᑕ ᐊᒻᒪᓗ ᖃᐅᔨᒪᓗᑎᒃ ᐱᒻᒪᕆᐅᓂᖓᓂᑦ ᓂᖀᑦ ᑲᒪᒋᔭᐅᑦᑎᐊᕆᐊᖃᕐᓂᖏᓐᓂᑦ.

ᑭᓇᑐᐃᓐᓇᕐᓕ ᖃᐅᔨᔭᐅᑉᐸᑦ ᓇᒻᒥᓂᖃᐅᑎᒥᒃ ᐊᐅᓚᑦᑎᔪᖅ ᓱᕋᐃᓪᓗᓂ ᒪᓕᒐᕋᓛᖅ 859−ᒥᑦ, ᑎᑎᖅᑲᐅᓯᐊᕋᔭᖅᑐᑦ ᐅᖃᐅᔾᔭᐅᒋᐊᕐᓗᑎᒃ ᓱᕋᐃᑉᐸᑕ ᓱᕋᐃᖃᑦᑕᖅᑲᑕᓘᓐᓃᑦ ᒪᓕᒐᕋᓛᕐᒥᒃ, ᐊᒻᒪᓗ ᐅᓪᓗᓂᒃ 7−ᓂᒃ ᐅᓪᓗᖅᓯᐅᑏᑦ ᒪᓕᓪᓗᒋᑦ ᓱᒋᐊᕈᓐᓇᖅᕕᖃᕋᔭᖅᑐᑦ ᒪᓕᒃᓴᕆᐊᕐᓗᑎᒃ ᒪᓕᒐᕋᓛᕐᒥᒃ. ᒪᓕᒃᓴᕆᐊᓐᖏᑉᐸᑕ ᐊᑭᓖᒋᐊᖃᖅᑎᑕᐅᔪᓐᓇᖅᑐᑦ $250−ᓂᑦ ᑕᑉᐸᐅᖓ $10,000-ᓄᑦ ᖃᓄᑎᒋ ᓇᒻᒥᓂᖃᐅᑎ ᐊᖏᓂᖓ ᒪᓕᓪᓗᒍ ᐊᒻᒪᓗ ᖃᑦᑎᐊᑎᖅᑐᓂ ᒪᓕᒐᕋᓛᕐᒥᒃ ᓱᕋᐃᓐᓂᕐᒪᖓᖅ ᐊᕐᕌᒎᑉ ᐃᓗᐊᓂ ᐅᓪᓗᖅᓯᐅᑎᑦ ᒪᓕᓪᓗᒋᑦ.

ᐃᖅᑲᐃᑎᑕᐅᔪᓯ, ᓄᓇᕗᒥ ᐃᓄᐃᑦ ᓇᒻᒥᓂᖃᐅᑎᖃᕐᓂᕐᒧᑦ ᓚᐃᓴᖃᕆᐊᖃᓐᖏᒻᒪᑕ ᐃᓄᒃᓯᐅᑎᓂᒃ ᓂᐅᕕᐊᒃᓴᖃᕐᓂᕐᒧᑦ, ᐊᒻᒪᓗ ᓂᕿᓂᒃ ᑐᓂᐅᖅᑲᐃᓂᖅ ᐊᑭᖃᓐᖏᓪᓗᒋᑦ ᓇᒻᒥᓂᖃᐅᑎᖃᕐᓂᕐᒧᑦ ᓚᐃᓴᖃᕆᐊᓇᖏᑦᑐᖅ.

ᓄᓇᓕᐸᐅᔭᒃᑯᑦ ᐃᓕᑕᖅᓯᓯᒪᔪᑦ ᐃᑲᔪᑎᖃᕐᓂᖓᓂᑦ ᐊᖏᕐᕋᒥ ᓂᖅᑎᐅᖃᑦᑕᕐᓂᖅ ᐃᓚᒌᓄᑦ ᐃᓄᑐᐊᓄᓪᓗ. ᓄᓇᓕᐸᐅᔭᒃᑯᑦ ᑲᔪᖏᖅᓴᐃᒻᒥᔪᑦ ᓇᒻᒥᓂᖃᐅᑎᓂᒃ ᓴᖅᑭᖅᓯᖁᔨᓪᓗᑎᒃ. ᐊᐱᖅᑯᑎᒃᓴᖃᕈᒃᓯ ᖃᓄᖅ ᑐᒃᓯᕋᐅᑎᓕᐅᕈᓐᓇᕐᒪᖔᔅᓯ ᓇᒻᒥᓂᖃᐅᑎᖃᕐᓂᕐᒧᑦ ᓚᐃᓴᒥᒃ, ᐅᕗᖓ ᑕᑯᒋᐊᕈᓐᓇᖅᑐᑎᑦ ᖃᕋᓴᐅᔭᒃᑯᑦ https://business.city.iqaluit.nu.ca/ ᐅᕝᕙᓘᓐᓃᑦ ᔨᐊᑉ ᕘᓐ ᖃᐅᔨᒃᑲᕐᓗᒍ ᐅᕙᓂ G.Byrne@iqaluit.ca ᐅᕝᕙᓘᓐᓃᑦ ᐅᕗᖓ ᐅᖄᓚᓗᑎᑦ 867-979-5619.

ᑐᑭᓯᒃᑲᓐᓂᕈᒪᒍᒃᓯ ᓇᒻᒥᓂᖃᐅᑎᖃᕐᓂᕐᒥᒃ ᐱᒋᐊᖅᑎᑦᑎᓂᕐᒥᒃ ᓄᓇᕗᒥ, ᐅᕗᖓ ᑕᑯᒋᐊᕈᓐᓇᖅᑐᓯ: https://gov.nu.ca/edt/information/seven-steps-help-you-start-your-business ᐅᑯᐊ ᑕᑯᓯᐅᒃ ᐅᖃᓕᒫᖅᑕᐅᖁᔭᐅᔪᑦ ᑐᑭᓯᒃᑲᓂᕐᓂᐊᕋᒃᓯ ᐊᑦᑕᓇᓐᖏᑐᒃᑯᑦ ᓂᕿᓕᕆᓂᕐᒥᒃ: ᓄᓇᕗᑦ ᒐᕙᒪᖓᑕ ᐊᑦᑕᓇᓐᖏᑦᑐᑦ ᓂᕿᓕᕆᔾᔪᓯᖏᑦ: https://livehealthy.gov.nu.ca/en/healthy-eating/food-safety-basics ᓄᓇᕗᑦ ᒐᕙᒪᖓᑕ ᐃᓄᒃᓯᐅᑎᓂᑦ ᓂᕿᓂᓕᕆᓂᕐᒧᑦ ᐊᔪᕆᖅᓯᐅᔾᔨᔾᔪᑎᖓ: http://www.nunavutfoodsecurity.ca/sites/default/files/news/Serving%20cou...