ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐊᒥᐊᒥᓂᕐᓂᒃ ᑕᐅᕐᓰᓂᐅᑉ ᐅᓪᓗᖓ ᐊᓯᔾᔨᖅᑕᐅᔪᖅ ᓈᑦᓯᐅᖑᔭᓛᕐᓂᐊᒧᑦ, ᐋᒐᓯ 22
ᖃᐅᔨᒪᓂᐊᖅᑯᓯ ᐅᓪᓗᕐᓯᐅᑎᒍᑦ ᐊᓯᔾᔨᖅᑐᖃᕐᓂᖓᓂᑦ ᓯᑎᒃᑯᑦ ᐊᒥᐊᒥᓂᕐᓂᒃ ᑕᐅᕐᓰᓂᐅᔪᖅ ᐊᑐᖅᑕᐅᖓᓛᕐᒪᑦ ᓈᑦᓯᐅᖑᔭᓛᕐᓂᐊᒥ, ᐋᒐᓯ 22, 2020 ᐱᒋᐊᕐᓗᑎᒃ 10−ᒥ ᐅᓪᓛᒃᑯᑦ 3−ᒧᓄᑦ ᐅᓐᓄᓴᒃᑯᑦ ᓯᑎᒃᑯᑦ ᓄᓇᓯᐅᑎᒃᑯᕕᖓᓂ ᓴᓂᐊᓃᑦᑐᒥ ᑮᓇᐅᔭᒃᑯᕕᐅᑉ ᑎᓴᒪᓄᑦ ᐊᑐᕆᐊᓄᑦ ᓴᖑᒋᐊᕐᕖᑦ ᖃᓂᒋᔭᖏᓐᓂ. ᐊᓯᔾᔨᖅᑕᐅᔪᖅ ᐅᓪᓗᖓ ᐊᑐᖅᑕᐅᓂᐊᓚᐅᕋᓗᐊᕐᒪᑦ ᑕᓪᓕᒥᕐᒥ, ᐋᒐᓯ 21.
ᓄᓇᓕᕐᒥᐅᑕᐃᑦ ᑐᖕᖓᓱᑦᑎᐊᓛᖅᑐᑦ ᕿᒪᐃᒋᐊᖅᑐᕐᓗᑎᒃ, ᑕᐅᕐᓰᒋᐊᖅᑐᕐᓗᑎᒃ, ᐅᕝᕙᓘᓐᓃᑦ ᐊᐃᑦᓯᕐᓗᑎᒃ ᐊᒥᐊᕈᑎᓂᑦ ᐊᑐᖅᑕᐅᓕᖅᐸᑦ ᑕᒪᓐᓇ. ᓯᑎᒃᑯᑦ ᐃᖅᑲᓇᐃᔭᖅᑎᖏᑦ ᐊᑦᑕᓇᔾᔭᐃᕐᓯᒪᓗᒋᑦ ᐃᒋᑦᑐᒍᓐᓇᓛᖅᑐᑦ ᐃᓘᓐᓇᖏᓐᓂᑦ ᐊᒥᐊᕈᑎᒥᓂᕐᓂᒃ, ᐊᒥᐊᕈᑎᓂᑦ ᐱᔭᐃᖏᓐᓂᖏᓐᓂᑦ.
ᐱᖃᑕᐅᒍᒪᓛᖅᑐᑦ ᑐᖕᖓᓱᑦᑎᐊᓛᕐᒥᔪᑦ ᑮᓇᐅᔭᒃᑯᑦ ᐃᑲᔫᑎᖃᕈᒪᓐᓂᕈᑎᒃ ᔨᒥ ᕿᓚᕐᐸᖅ ᐃᓱᒪᒋᓪᓗᒍ ᓱᕈᓯᕐᓄᑦ ᐱᖕᖑᐊᖅᑐᓕᕆᔾᔪᑎᑦᓴᓂᑦ ᑮᓇᐅᔭᓄᑦ ᓄᐊᑕᐅᕙᑦᑐᓄᑦ.
ᐃᒦᑦ ᐊᒥᐊᕈᑏᑦ ᒪᑐᐊᕐᓯᒪᑦᑎᐊᕆᐊᖃᓛᖅᑐᑦ ᐴᒥᓂᖓᓂ ᐅᕝᕙᓘᓐᓃᑦ ᐊᓯᐊᓂ ᑯᕕᔾᔭᐃᕐᓯᒪᑦᑎᐊᖅᑐᒧᑦ ᐴᕐᓯᒪᓗᒍ ᓇᓗᓇᐃᕐᓯᒪᑦᑎᐊᕐᓗᒋᑦ ᓱᓇᐅᒻᒪᖔᑕ. ᖃᐃᑦᑎᒍᓐᓇᓛᖅᑐᑦ ᐊᒥᐊᕈᑎᓂᑦ ᐊᑐᕋᑦᓴᓂᑦ ᓯᓚᒥ, ᐃᓗᐊᓂ ᐃᓪᓗᐃᑦ, ᕿᓪᓕᕐᓴᐅᑏᑦ, ᒪᑐᐊᕈᑏᑦ, ᐊᒻᒪ ᑭᑭᐊᑦᑐᑦ ᐊᒥᐊᑦ, ᐱᖃᓯᐅᔾᔭᐅᔪᓐᓇᕐᒥᔪᑦ ᐸᓂᕐᓂᑯᐃᑦ ᐊᒥᐊᕈᑎᒥᓃᑦ ᐊᒻᒪ ᐊᒥᐊᕈᑎᖃᐅᑎᒥᓃᑦ.
ᐊᒥᐊᕈᑏᑦ ᐃᒋᑕᐅᔪᓐᓇᐸᒻᒥᔪᑦ ᐊᑦᓯᕕᒻᒧᑦ ᐅᓪᓗᒃᑯᑦ ᒪᑐᐃᖓᓂᖓᓂ ᕿᒪᑦᑕᐅᕙᓪᓗᑎᒃ ᓯᑎᒃᑯᑦ ᐃᖅᑲᓇᐃᔭᖅᑎᖏᓐᓄᑦ. ᐊᑏ ᑯᕕᓯᖃᑦᑕᖏᓪᓗᓯ ᐃᓚᐅᕈᑎᓂᑦ ᖁᕝᕕᒻᒧᑦ, ᐅᐊᓴᕐᕕᒻᒧᑦ ᐅᕝᕙᓘᓐᓃᑦ ᑯᕝᕕᕕᓐᓂᑦ ᐅᓗᕆᐊᓇᕐᒪᑕ ᓄᓇᐅᑉ ᐃᒪᐅᑉ ᐊᕙᑎᐊᓄᑦ ᐊᒻᒪ ᓱᕋᐃᔪᓐᓇᖅᑐᑎᒃ ᑯᕝᕕᕕᖏᓐᓂᑦ ᐊᖏᕐᕋᓯ.
ᑐᑭᓯᒋᐊᕈᒪᔪᑦ ᐆᕕᖓ ᖃᐅᔨᒋᐊᖁᔪᑦ:
ᓖᓴ ᒥᓗᓵᕝᔨᕕᒃ
ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᕐᓂᒥᑦ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
L.Milosavljevic@iqaluit.ca
867-979-5607
