ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᐊᑦᑕᕐᓇᖅᑐᓂᑦ ᐊᒃᑕᕐᓂᖅ
ᐄᐳᓗ 7, 2025 – ᐃᖃᓗᐃᑦ
ᐃᖃᓗᖕᓂ ᓄᓇᓕᐸᐅᔭᒃᑯᑦ ᑐᓴᖅᑎᑦᑎᔪᒪᔪᑦ ᐃᒡᓗᒥᐅᑕᓂ ᐊᑦᑕᕐᓇᖅᑐᓂᒃ ᓄᐊᑦᑎᖃᑦᑕᓛᕐᒪᑕ ᓄᓇᓕᖕᓂ ᐊᐅᔭᐅᓂᐊᖅᑐᒥ ᐅᑭᐊᒃᓵᒥᓗ. ᓄᓇᓕᖕᒥᐅᑦ ᐱᕕᖃᖅᑎᑕᐅᓂᐊᖅᑐᑦ ᐊᑦᑕᕐᓇᖖᒋᑦᑐᒃᑯᑦ ᐃᒋᑦᑎᔪᓐᓇᕐᓂᕐᒥᑦ ᐅᓗᕆᐊᓇᖅᑐᓂᑦ ᐊᑐᕈᓐᓃᖅᑐᓂᓗ.
ᓄᐊᑦᑎᕙᓪᓕᐊᓕᓛᖅᑐᑦ 10:00-ᒥ ᐅᓪᓛᒃᑯᑦ 3:00-ᒧᑦ ᐅᓐᓄᒃᓴᒧᑦ ᐅᑯᓂᖕᒐ ᐅᓪᓗᓂ ᐊᒻᒪᓗ ᓇᒥᐅᓂᐊᕐᓂᖕᒋᓐᓂᒃ:
• ᐄᐳᓗ 26 – ᐊᐃᑉ ᐅᒃᐱᒃ (ᐃᒡᓗ 3097)
• ᒪᐃ 31 – ᐃᓐᓇᐃᑦ ᖃᕐᒪᖅ (ᐃᒡᓗ 226)
• ᔫᓂ 28 – AWG ᓯᐊᕐᕆᔮᕐᕕᒃ (ᐃᒡᓗ 2804)
• ᔪᓚᐃ 26 – ᕼᐋᐱ ᕚᓕ (ᐃᒡᓗ 403)
• ᐋᒡᒌᓯ 30 – ᖃᖕᒐᑕᓲᖃᕐᕕᒃ (ᐃᒡᓗ 621)
• ᓰᑎᐱᕆ 27 – ᐊᐃᑉ ᐅᒃᐱᒃ (ᐃᒡᓗ 3097)
ᐃᖅᑲᐃᑎᑦᑎᒋᐊᕈᑎᑦ ᓴᖅᑭᑕᐅᖃᑦᑕᓛᖅᑐᑦ ᐊᑐᓂ ᐅᓪᓗᖕᒋᑦ ᑎᑭᓕᖅᐸᑕ.
ᐃᒡᓗᒥᐅᑕᑦ ᐊᑦᑕᕐᓇᖅᑐᑦ ᐃᒋᑕᐅᔪᓐᓇᖅᑐᑦ ᐅᑯᐊᖕᒍᔪᑦ ᓇᓂᔭᐅᔪᓐᓇᖅᑐᑦ ᓂᖅᖠᐅᕐᕕᖕᓂ, ᒍᓛᔾᔨᓂ, ᐊᒻᒪᓗ ᐊᓇᕐᕕᖕᓂ. ᑖᒃᑯᐊ ᐱᖁᑎᑦ ᑐᖁᓐᓇᖅᑐᓖᑦ, ᐃᑭᓴᕋᐃᑦᑐᑦ, ᐆᓐᓇᖅᑐᑦ, ᐊᐅᒻᒫᖅᑭᔪᓐᓇᖅᑐᑦ ᐊᒻᒪᓗ ᑲᒪᒋᔭᐅᑦᑎᐊᕆᐊᓖᑦ ᐃᒋᑕᐅᓕᖅᐸᑕ.
ᐱᖁᑏᑦ ᐃᒋᑕᐅᔪᓐᓇᖅᑐᑦ ᐅᑯᐊᖕᒍᔪᑦ ᖁᐊᔾᔭᐃᒃᑯᑎᑦ, ᐳᓚᒨᖅᑐᑦ, ᑎᖕᒥᑳᓲᑦ, ᐃᖕᒋᕐᕋᔪᓐᓇᐅᑎᑦ ᐊᒻᒪᓗ ᕚᑕᓖᑦ, ᓴᓗᒻᒪᖅᓴᐅᑎᑦ, ᐊᐅᒻᒫᖅᑭᔪᓐᓇᖅᑐᑦ, ᐅᖅᓱᐊᓗᐃᑦ, ᒨᑯᕆ, ᐋᒃᓯᑕᐃᓱ, ᑐᖁᓐᓇᖅᑐᓖᑦ, ᐊᒥᐊᕈᑎᑦ, ᐊᒥᐊᕈᑎᑦ ᑎᖕᒥᑳᓲᑦ, ᐄᔭᒐᐃᑦ, ᐋᖖᒋᔮᕈᑕᐅᓲᑦ, ᐊᒻᒪᓗ ᑲᑉᐳᔾᔭᖅᑐᐃᑦ.
ᐱᖁᑏᑦ ᐃᒋᑕᐅᔪᓐᓇᖖᒋᑦᑐᑦ ᐅᑯᐊᖕᒍᔪᑦ ᐊᑐᖅᓯᒪᔪᑦ ᐅᖅᓱᖅᑎᕈᑏᑦ, ᐅᖅᓱᖅᑎᓯᒍᑏᑦ ᐴᕕᓂᖕᒋᓪᓗ, ᐊᒃᓴᑳᔪᐃᑦ, ᐳᓪᓚᒃᑯᕖᑦ, ᓱᕈᖅᓯᒪᔪᑦ, ᐊᐅᒪᓖᑦ, ᖄᖅᑕᔫᑦ, ᓴᒃᑯᐃᑦ ᐊᒻᒪᓗ ᓴᓇᕝᕕᐅᔪᓃᑦᑐᑦ ᓴᓃᑦ.
ᓄᓇᖅᑲᑎᒌᑦ ᓇᓗᓇᐃᖅᓯᖃᑦᑕᖁᔭᐅᔪᑦ ᑭᓱᑐᐃᓐᓇᕐᓂᒃ ᐃᒋᑕᐅᔪᓂᒃ. ᑕᒪᓐᓇ ᐃᑲᔫᑎᖃᕐᓂᐊᖅᑐᖅ ᐃᒋᑦᑎᔪᓐᓇᕐᓂᕐᒥᒃ ᐊᑦᑕᕐᓇᖖᒋᑦᑐᒃᑯᑦ.
ᓄᓇᓕᐸᐅᔭᒃᑯᑦ ᑲᔪᖕᒋᖅᓴᐃᔪᑦ ᑭᒃᑯᑐᐃᓐᓇᕐᓂᑦ ᐃᑲᔪᖅᓱᐃᓗᑎᑦ ᐊᑦᑕᕐᓇᖖᒋᑦᑐᒦᖁᔭᐅᓪᓗᑕ ᓴᓗᒪᔪᒥᑦ.
##
ᑐᑭᓯᒋᐊᒃᑲᓐᓂᕈᒪᒍᕕᑦ ᑐᑭᓯᒋᐊᒃᑲᓐᓂᕈᓐᓇᖅᑐᑎᑦ:
ᔨᐊᕝ ᐹᕐᓂ
ᑐᓴᐅᒪᑎᑦᑎᓂᕐᒧᑦ ᐊᑭᓕᖅᓱᐃᕙᒃᑐᓄᓪᓗ ᐱᔨᑦᑎᕋᕐᕕᖃᕐᓂᕐᒧᑦ ᐊᐅᓚᑦᑎᔨ
ᐃᖃᓗᓐᓂ ᓄᓇᓕᐸᐅᔭ
867-979-5619 | g.byrne@iqaluit.ca
