ᓄᓇᓕᓐᓂᒥᐅᑕᐃᑦ

ᓯᑎᒃᑯᑦ ᕿᓂᓕᕐᒥᔪᑦ ᑐᓴᐅᒪᒍᒪᔪᓂᒃ ᖃᓄᐃᑕᐅᓂᐊᕐᓂᖓᓂᑦ ᐊᑐᖅᑕᐅᕙᓚᐅᖅᑐᒥᑦ ᑲᓇᑕᒥ ᖃᖓᑦᑕᖅᑎᑕᐅᓯᒪᔪᒃᑯᑦ ᑐᓴᐅᒪᐅᑎᓕᕆᕝᕕᒥᓂᐅᑉ
 ᓯᑎᒃᑯᑦ ᕿᓂᓕᕐᒥᔪᑦ ᑐᓴᐅᒪᒍᒪᒐᔭᖅᑐᓂᒃ ᖃᓄᐃᑕᐅᓂᐊᕐᓂᖓᓂᑦ ᓯᕗᓂᑦᑎᓐᓂ ᐊᑐᖅᑐᐊᒐᑦᓴᐅᒐᔭᕐᒪᖔᕐᓘᓐᓃᑦ ᐊᑐᖅᑕᐅᕙᓚᐅᖅᑐᒥᑦ ᑲᓇᑕᒥ ᖃᖓᑦᑕᖅᑎᑕᐅᓯᒪᔪᒃᑯᑦ ᑐᓴᐅᒪᐅᑎᓕᕆᕝᕕᒥᓂᐅᑉ, ᐅᖓᑎᑦᓯᐊᖓᓃᑦᑑᑉ ᐅᑭᐅᖅᑕᖅᑐᒥ ᐱᖕᖑᐊᕐᕕᐊᓘᑉ ᑭᓪᓕᖓᓃᑦᑐᖅ ᓂᐊᖁᖕᖒᓯᐊᕆᐊᑉ ᐊᑐᕆᐊᑉ.
ᕿᓂᕈᑎᐅᓗᐊᖅᑐᖅ ᑐᓴᐅᒪᒍᒪᔪᓂᒃ ᓇᓗᓇᐃᕈᒪᒐᒥᒃ ᑐᓴᐅᒪᔭᐅᔪᒪᑦᑕᕐᒪᖔᖅ ᐱᖁᑎᐅᔪᖅ ᐊᒻᒪ ᐱᐅᓯᑎᒋᐊᕐᓯᒪᔪᑦ ᐱᖁᑎᐅᑉ ᐃᓗᐊᓂ. ᐱᐅᓯᑎᒋᐊᕐᓯᒪᔪᑦ ᐃᓪᓗᑦᑕᖓ ᐊᒻᒪ ᑎᓴᒪᐃᑦ ᐃᓪᓗᕋᓛᖏᑦ ᐃᓗᐊᓃᑦᑐᑦ ᐊᕙᓗᖓᑕ. ᒪᓕᑦᑕᐅᓗᑎᒃ ᖃᑦᓯᐅᒻᒪᖔᑕ ᑐᓴᐅᒪᒍᒪᒐᔭᖅᑐᑦ, ᐱᓕᕆᔾᔪᑎᒍᑦ ‘ᑐᑦᓯᕋᐅᑎᓕᐅᖁᔨᓂᕐᒥᒃ’ ᒪᓕᑦᑕᐅᓗᑎᒃ ᓯᑎᒃᑯᑦ ᓄᓇᓕᕆᔾᔪᑎᓄᑦ ᒪᓕᒐᕋᓛᑉ ᑎᑎᕋᕐᓯᒪᓂᖏᑦ ᓴᖅᑮᑐᐃᓐᓇᕆᐊᖃᕐᒪᑕ ᓯᕗᓂᑦᑎᓐᓂ.

ᑭᒃᑯᑐᐃᓐᓇᕐᓂᒃ ᑐᑭᓯᒋᐊᖅᑎᑦᓯᓂᖃᓛᖅᑐᑦ ᒪᐃ 22-ᒥ ᐱᔾᔪᑎᐅᓗᑎᒃ ᐊᓯᔾᔨᖅᑕᐅᔪᒪᓂᖏᑦ ᓯᑎᒃᑯᑦ ᐃᒥᓕᕆᔪᓐᓇᐅᑎᖓᑕ ᓚᐃᓴᐅᑉ ᑎᑎᕋᕐᓯᒪᓂᖏᑦ

ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᒃ ᑭᒃᑯᑐᐃᓐᓇᕐᓂᒃ ᑐᑭᓯᑎᑦᓯᓂᖃᓛᕐᓂᖏᓐᓂᒃ ᒪᐃ 22, ᐱᒋᐊᕐᕕᖃᕐᓗᑎᒃ 6-ᒥ ᐅᓐᓄᒃᑯᑦ ᓯᑎᒃᑯᑦ ᐊᓪᓚᕝᕕᖃᕐᕕᖓᓐᓂ, ᐱᔾᔪᑎᖃᓛᖅᑐᑦ ᐊᓯᔾᔩᒋᐊᕈᑎᑦᓴᒥᑦ ᓯᑎᒃᑯᑦ ᓇᓗᓇᐃᒃᑯᑎᓕᒃ “A”-ᒥᒃ ᐃᒥᓕᕆᔪᓐᓇᐅᑎᒥᑦ ᓚᐃᓴᒥ ᑎᑎᕋᕐᓯᒪᔪᓂᒃ.  ᑐᑦᓯᕋᐅᑎᒍᑦ ᐱᒋᐊᖅᑎᑦᓯᔾᔪᑎᐅᔪᓐᓇᕋᔭᖅᑐᖅ ᐋᖅᑭᒍᑎᑦᓴᐅᑲᐃᓐᓇᖅᑐᒥᒃ ᐃᓚᒋᐊᖁᓪᓗᒍ ᓯᑎᒃᑯᑦ ᐃᒥᖃᐅᑎᒋᕙᑦᑕᖓᑕ ᐃᓗᐊ.

ᐃᓐᓇᑐᖃᐃᑦ ᖃᒻᒪᖓᑦ ᒪᑐᓯᒪᓛᖅᑐᖅ ᓴᓇᔭᐅᒋᐊᓛᕐᒪᑦ ᐃᓗᐊ ᒪᐃ 6-ᒥᒃ ᒪᐃ 29-ᒧᑦ
 ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᒃ ᐃᓗᐊ ᓴᓇᔭᐅᒋᐊᓛᕐᓂᖓᓄᑦ, ᐃᓐᓇᑐᖃᐃᑦ ᖃᒻᒪᖓᑦ ᒪᑐᓯᒪᓛᕐᓂᖓᓂᑦ ᓇᒡᒋᔾᔭᐅᒥᒃ ᒪᐃ 6 ᓈᑦᓯᐅᖑᔭᒧᑦ, ᒪᐃ 29, 2019.
ᒪᑐᓯᒪᓂᖓ, ᐃᓐᓇᑐᖃᐃᑦ ᐅᓐᓄᓴᒃᑯᑦ ᐅᐸᖏᑎᑕᐅᑲᐃᓐᓇᓂᐊᖅᑐᑦ ᐅᕝᕙᓘᓐᓃᑦ ᐊᑐᖅᑐᐊᖅᑕᐅᔪᓐᓇᔾᔮᖏᑦᑐᖅ ᐱᓕᕆᕝᕕᒃ. 
ᑐᑭᓯᒋᐊᒃᑲᓐᓂᕐᕕᑦᓴᖅ, ᐅᕝᕙᓘᓐᓃᑦ ᐊᐱᕆᔪᒪᔪᓄᑦ, ᐱᖕᖑᐊᖅᑐᓕᕆᔨᒃᑯᓐᓄᑦ ᖃᐅᔨᒋᐊᕈᓐᓇᖅᑐᑦ ᐅᕗᖓ 979-5611 ᐅᕝᕙᓘᓐᓃᑦ ᐃᕐᖐᓇᖅᑕᐅᑎᒃᑯᑦ ᐅᕗᖓ recreation@city.iqaluit.nu.ca.
ᓯᑎᒃᑯᑦ ᖁᔭᓐᓇᒦᕐᑐᑦ ᐃᓕᑦᓯᓐᓂᒃ ᑐᑭᓯᐊᑦᓯᐊᓂᕐᓯᓐᓂᒃ.