ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᐊᑦᑕᓇᔾᔭᐃᕐᓯᒪᓂᖅ ᐊᑐᕆᐊᓂ ᐊᒻᒪ ᐊᑦᑕᓇᖕᖏᑦᑐᓂᑦ ᐃᓕᓴᕖᑦ ᑭᓪᓕᖏᑕ ᐃᓗᖏᓐᓂ ᐱᒋᐊᖅᑐᐃᓐᓇᐅᕙᑦᑐᑦ ᐊᑦᑕᓇᔾᔭᐃᕐᓯᒪᓪᓗᓂ ᓄᓇᒃᑰᔫᕐᓂᕐᒥᒃ

ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᐃᑎᑦᑎᔪᒪᓕᕐᒥᔪᑦ ᓄᓇᒃᑰᔫᓂᑦ ᐊᖁᑉᐸᑦᑐᓂᒃ ᐅᑎᕐᓯᒪᓕᖅᑎᓪᓗᒋᑦ ᐃᓕᓐᓂᐊᖅᑏᑦ ᐊᑐᕆᐊᕗᑦ ᐊᒻᒪᑦᑕᐅᖅ ᐃᓕᓴᕖᑦ ᐊᒻᒪ ᓯᓚᒥ ᐱᖕᖑᐊᕐᕖᑦ ᐃᓄᖃᑦᑎᐊᕐᓂᐊᓕᕐᒥᒻᒪᑕ.

ᐊᑦᑕᓇᔾᔭᐃᕐᓯᒪᔪᑦ ᐊᑐᕆᐊᑦ ᐱᒋᐊᕈᑎᖃᖅᐸᑦᑐᑦ ᐊᑦᑕᓇᔾᔭᐃᕐᓯᒪᓗᓂ ᐊᖁᑉᐸᓂᕐᒥᑦ, ᒪᓕᑉᐸᓪᓗᓂ ᑎᑎᕋᕐᓯᒪᔪᓂᑦ ᖃᓄᑎᒋ ᓱᒃᑲᓂᖃᕐᓗᓂ ᐃᖏᕐᕋᒋᐊᓕᓐᓂᑦ ᒪᓕᒐᕐᓂᑦ ᐊᒻᒪᑦᑕᐅᖅ ᓱᒃᑲᐃᓂᕐᓴᐅᓗᑎᒃ ᐃᖏᕐᕋᕙᓪᓗᑎᒃ ᐃᓗᖏᓐᓂ ᐃᓕᓴᕖᑦ ᐊᒻᒪ ᓯᓚᒥ ᐱᖕᖑᐊᕐᕖᑦ ᐊᕙᑎᖏᓐᓂ ᐊᑐᖅᑐᒻᒪᕆᐅᕗᖅ ᐊᑦᑕᓇᖅᑐᒦᖁᓇᒋᑦ ᓱᕈᑦᓰᑦ ᐊᒻᒪ ᐊᓯᖏᑦ ᐊᑐᕆᐊᑦᑎᓐᓃᐸᑦᑐᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᓂᕆᐅᓐᓂᐊᖅᐳᓯ ᐊᑐᕆᐊᒃᑯᑦ ᐃᖏᕐᕋᕙᑦᑐᑦ ᓱᒃᑲᐃᓪᓕᓯᒪᓂᐊᕐᓂᖏᓐᓂᑦ ᐅᓗ ᐊᑐᕆᐊᕐᒥ (ᐃᓪᓗᐃᑦ 1322 – 1354)

ᓰᑏᐱᕆ 12-ᒥᑦ - ᐋᑦᑑᐸ 3-ᒧᑦ, 2019

ᓰᑏᐱᕆ 12, 2019 (ᐃᖃᓗᐃᑦ, ᓄᓇᕗᑦ) - ᓄᓇᒥᑦ ᐃᑎᕐᓴᓕᐅᕐᓂᐅᓴᒻᒪᑕ ᐳᐊᕐᕆᔭᖅᐸᓪᓗᑎᒃ ᐅᓗ ᐊᑐᕆᐊᕐᒥ ᓰᑏᐱᕆ 12-ᒥᑦ, ᐋᒃᑑᐸ 3-ᒧᑦ, 2019.  ᓯᑎᒃᑯᑦ ᖃᐅᔨᒪᖁᔨᕗᑦ ᑭᒃᑯᑐᐃᓐᓇᕐᓂᒃ ᐊᑐᕆᐊᒃᑯᑦ ᐃᖏᕐᕋᕙᑦᑐᑦ ᐅᓗ ᐊᑐᕆᐊᕐᒥ ᓱᒃᑲᐃᓪᓕᓯᒪᓂᐊᕐᓂᖏᓐᓂᑦ ᐊᒻᒪ/ᐅᕝᕙᓘᓐᓃᑦ ᐊᑐᕆᐊᑦ ᐊᑐᖅᑕᐅᔪᓐᓇᖅᑐᑦ ᐱᕕᑭᑦᑐᑯᓘᑲᐃᓐᓇᐸᓪᓗᓂ ᐱᓕᕆᐊᖑᓂᖓᓂ ᑕᒪᓐᓇ.

ᑐᑭᓯᒋᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:

ᓄᓇᒃᑰᔫᑦ ᐃᖏᕐᕋᕙᑦᑐᑦ ᐊᑐᕆᐊᒃᑯᑦ ᓱᒃᑲᐃᓂᕐᓴᐅᑎᑕᐅᓛᖅᑐᑦ ᓰᑏᐱᕆ 15 ᐊᒻᒪ 16 - ᐊᑭᓪᓕᖅ ᐊᑐᕆᐊᕐᒥ

ᓰᑏᐱᕆ 13, 2019 (ᐃᖃᓗᐃᑦ, ᓄᓇᕗᑦ) - ᖃᐅᔨᒪᓂᐊᖅᑯᓯ ᓴᓇᔭᐅᓂᖓᓂ ᑰᕝᕕᑦᓴᖅ ᐊᑭᓪᓕᖅ ᐊᑐᕆᐊᕐᒥ, ᓄᓇᒃᑰᔫᑦ ᐃᖏᕐᕋᕙᑦᑐᑦ ᑕᐅᕘᓇ ᓱᒃᑲᐃᓂᕐᓴᐅᔾᔭᖕᖒᓛᖅᐳᑦ ᓈᑦᓯᐅᖑᔭᐅᓕᖅᐸᑦ, ᓰᑏᐱᕆ 15 ᐊᒻᒪ ᓇᒡᒋᔾᔭᐅᒥ, ᓰᑏᐱᕆ 16.  ᐊᑕᐅᓯᖅ ᐊᖅᑯᑎ ᐊᑐᐃᓐᓇᐅᑎᑕᐅᓛᖅᑐᖅ ᓄᓇᒃᑰᔫᖅᑐᓄᑦ. 

ᑐᑭᓯᒋᐊᒃᑲᓐᓂᕐᕕᑦᑕᖅ ᖃᐅᔨᒋᐊᕐᓗᒍ:

ᕌᑦ ᒪᒡᕗᐊᕐ

ᓯᑎᒃᑯᑦ ᐊᓪᓚᑦᑎᖓᑦ

ᓄᓇᓕᐸᐅᔭᐃᑦ ᐃᖃᓗᐃᑦ

r.mugford@iqaluit.ca

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᐊᓯᔾᔨᖅᑐᑦ ᓇᔪᒐᖃᖅᑎᓄᑦ ᐃᒥᓕᕆᔾᔪᑎᓄᑦ ᐃᑲᔫᓯᐊᖑᕙᑦᑐᑦ ᐊᑭᓕᕆᐊᓕᓐᓂᑦ ᐊᒥᓲᓂᖏᒍᑦ

ᐋᒐᓯ 29 (ᐃᖃᓗᐃᑦ, ᓄᓇᕗᑦ) - ᐊᑐᓕᕆᐊᕐᓯᒪᓪᓗᓂ ᔪᓚᐃ 31, 2019, ᓇᔪᒐᖃᖅᑎᓄᑦ ᐃᒥᓕᕆᔾᔪᑎᓄᑦ ᐃᑲᔫᓯᐊᖑᕙᑦᑐᑦ ᐊᒥᓲᓂᖏᒍᑦ ᐊᓯᔾᔨᓚᐅᖅᑐᑦ $0.010-ᓂᒃ ᐊᑕᐅᓯᖅ ᖃᓪᓗᑎᖕᖑᐊᖅ $0.010-ᓄᑦ ᐊᑕᐅᓯᖅ ᖃᓪᓗᑎᖕᖑᐊᖅ.  ᓇᔪᒐᖃᖅᑎᓄᑦ ᐃᒥᓕᕆᔾᔪᑎᓄᑦ ᐊᑭᓕᖅᑕᐅᕙᑦᑐᑦ ᐃᑲᔫᓯᐊᖏᓐᓂᑦ ᐋᖅᑭᑦᓯᕕᐅᓚᐅᖅᑎᓐᓇᒋᑦ $0.02-ᒦᑐᐃᓐᓇᓂᐊᖅᑐᑦ ᐊᑕᐅᓯᕐᒧᑦ ᖃᓪᓗᑎᖕᖑᐊᒧᑦ.  ᐊᓯᔾᔨᐅᑎᐅᓂᖓ ᖁᕝᕙᒋᐊᕈᑎᐅᓕᖅᑐᖅ ᐊᑭᓕᖅᑕᐅᕙᑦᑐᓄᑦ ᓇᔪᒐᖃᖅᑎᓄᑦ ᐃᒥᓕᕆᔾᔪᑎᓄᑦ $0.02 ᐊᑕᐅᓯᖅ ᖃᓪᓗᑎᖕᖑᐊᒧᑦ ᑕᑯᑦᓴᐅᑎᑕᐅᓛᖅᑐᖅ ᐋᒐᓯᒥ ᐊᑭᓕᕐᓱᕆᐊᓕᓐᓄᑦ ᓇᓕᖅᑲᕐᒥ (ᐊᑭᓕᕆᐊᓕᒃ).

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᓴᐃᒻᒪᑏᑦ ᓇᐸᕈᑎᐅᑉ ᕿᑎᖓᓃᓐᓂᐊᖅᑐᑦ ᐱᔾᔪᑎᐅᓗᓂ ᖃᑦᑎᕆᔨᓂᑦ ᑲᓇᑕᒥ ᐃᖅᑲᐅᒪᓂᕐᒥᑦ ᐅᓪᓗᕆᔭᐅᑎᓪᓗᒍ

ᓰᑏᐱᕆ 6, 2019 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᖁᕕᐊᒋᑦᑎᐊᖅᑐᒍ ᐅᖃᐅᓯᖃᕈᒪᕗᑦ ᖃᑦᑎᕆᔨᓂᑦ ᑲᓇᑕᒥ ᐃᖅᑲᐅᒪᓂᕐᒥᑦ ᐅᓪᓗᕆᔭᐅᓂᐊᖅᑐᒥᑦ ᓰᑏᐱᕆ 8-ᖑᓕᖅᐸᑦ, 2019.  ᓯᑎᒃᑯᑦ ᓴᐃᒻᒪᑎᓂᑦ ᓇᐸᕈᑎᐅᑉ ᕿᑎᖓᓃᑎᑦᑎᓂᐊᖅᑐᑦ ᐱᓇᓱᐊᕈᓯᐅᑉ ᓄᖕᖑᐊᓂ ᑕᓪᓕᒥᕐᒥᑦ, ᓰᑏᐱᕆ 6 ᓇᒡᒋᔾᔭᐅᒧᑦ, ᓰᑏᐱᕆ 10, 2019 ᐅᑉᐱᒋᔪᒪᓪᓚᕆᑦᑐᒋᑦ ᐊᒻᒪ ᐃᖅᑲᐅᒪᓗᒋᑦ ᖃᑦᑎᕆᔨᐅᕙᑦᑐᓕᒫᑦᑎᐊᑦ ᑲᓇᑕ ᓇᒥᑐᐃᓐᓇᖅ ᓱᓇᑐᐃᓐᓇᕐᓂᒃ ᓴᒃᑯᐃᕙᓐᓂᖏᓐᓂᑦ ᐱᓕᕆᒋᐊᖃᓕᕋᐃᒐᒥᒃ, ᐱᓕᕆᔪᒪᔪᒻᒪᕆᐅᕙᓐᓂᖏᓐᓂᑦ ᐃᕿᐊᓱᖕᖏᓯᐊᖅᑐᑎᒃ, ᐊᒻᒪ ᑲᑉᐱᐊᓱᒐᑎᒃ ᐱᓕᕆᕙᓐᓂᖏᑦ, ᐱᓗᐊᖅᑐᒥ ᑕᐃᒃᑯᐊ ᖃᓄᐃᓯᒪᔪᑦ.

ᓇᓗᓇᐃᕐᓯᔾᔪᑎ ᑐᓴᕋᓱᓐᓂᐅᓛᖅᑐᒥᑦ ᑭᒃᑯᑐᐃᓐᓇᐃᑦ ᐃᓱᒪᒋᔭᖏᓐᓂᑦ

ᐃᖃᓗᐃᑦ ᐱᕙᓪᓕᐊᑎᑦᑎᓂᕐᒧᑦ ᖃᐅᔨᒋᐊᖅᑎᑎᒃᑲᓂᕐᓂᕐᒧᑦ ᑲᑎᒪᔨᖏᑦ ᑲᑎᒪᓛᖅᑐᑦ ᕿᑎᖅᑰᒥ, ᓯᑎᐱᕆ 5, 2019 ᑐᓴᕐᕕᖃᕐᓗᑎ ᖃᐅᔨᒋᐊᖅᑕᐅᑲᓐᓂᖅᑐᒥᑦ ᐱᔾᔪᑎᖃᖅᑐᒻ ᐱᕙᓪᓕᐊᑎᑦᑎᓂᕐᒧᑦ ᐱᔪᓐᓇᐅᒻᒧᑦ ᑐᔅᓯᕋᐅᑦ ᓈᓴᐅᑎᖓ. DP 19-004, ᓄᓇᖓ 214, ᐸᕐᓇᐅᑦ 4189 ᐊᒻᒪ DP 19-005, ᓄᓇᖓ 215, ᐸᕐᓇᐅᑦ 4189.

ᑲᑎᒪᑎᑦᑎᓂᐅᔪᖅ ᐱᒋᐊᓂᐊᖅᑐᖅ 6:00 ᐅᓐᓄᒃᑯᑦ ᓄᓇᓕᐸᐅᔭᒃᑯᑦ ᑲᑎᒪᔩᑦ ᑲᑎᒪᕕᖓᓐᓂ, 901 ᓄᓇᕗᑦ ᐊᑐᕆᐊᖅ, ᐃᖃᓗᐃᑦ, ᓄᓇᕗᑦ.

ᐊᐱᖅᑯᑎᔅᓴᓄᑦ ᐅᕝᕙᓘᓐᓃᑦ ᑐᑭᓯᒋᐊᒃᑲᓐᓂᕈᒪᒍᕕᑦ ᑲᑎᒪᑎᑦᑎᓂᐅᔪᒧᑦ, ᖃᐅᔨᒋᐊᕐᕕᒋᒍᒃ ᑎᑎᕋᖅᑎ ᐱᕙᓪᓕᐊᑎᑦᑎᓂᕐᒧᑦ ᖃᐅᔨᒋᐊᖅᑎᑎᒃᑲᓂᕐᓂᕐᒧᑦ ᑲᑎᒪᔨᖏᑦ ᐅᕙᓂ 867-979-5634.