ᑲᓇᑕᐅᑉ ᐸᓖᓯᖏᑦ – (867) 979-1111
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – (867) 979 - 4422
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – (867) 979-5300ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐱᖃᑕᐅᓂᖅ ᓄᓇᓕᐅᔪᑦ ᐊᑲᐅᓂᕐᓴᐃᑦ ᖃᓄᐃᓕᐅᖅᑎᑦᑎᓂᒃᑯᑦ ᓵᓚᑦᓴᖅᑐᑦ
ᔪᓚᐃ 26, 2022 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᖁᕕᐊᒋᑦᑎᐊᖅᑐᒍ ᑐᓴᖅᑎᑦᑎᓕᕆᕗᑦ ᐃᖃᓗᐃᑦ ᑕᐃᔭᐅᓐᓂᕐᒪᑦ ᓄᓇᕘᒥᐅᑕᓂᑦ ᕿᑲᑐᐃᓐᓇᑎᑦᑎᖏᓐᓂᖅᐹᖑᓂᖏᓐᓂᑦ ᓄᓇᓕᓐᓂ 2022-ᒥ ᐱᖃᑕᐅᓂᖅ ᓄᓇᓕᐅᔪᑦ ᐊᑲᐅᓂᕐᓴᐃᑦ ᖃᓄᐃᓕᐅᖅᑎᑦᑎᓂᒃᑯᑦ.
2022-ᒥ ᐱᖃᑕᐅᓂᖅ ᓄᓇᓕᐅᔪᑦ ᐊᑲᐅᓂᕐᓴᐃᑦ ᖃᓄᐃᓕᐅᖅᑎᑦᑎᓂᒃᑯᑦ ᐊᑐᖅᑕᐅᕙᑦᑐᖅ ᑕᖅᑭᖓᓂ ᔪᓂ ᐊᒻᒪ ᐱᕕᖃᐅᑎᐅᕙᑦᑐᓂ ᓄᓇᓕᕐᒥᐅᑕᓄᑦ ᑲᓇᑕᒥ ᐊᑐᖅᑎᑦᑎᓇᓱᐊᖅᐸᓂᕐᒥᑦ ᐊᑲᐅᔪᓂᑦ ᐃᓱᒪᒧᑦ ᐊᒻᒪ ᑎᒥᒧᑦ, ᐱᖃᑕᐅᑎᑦᑎᓂᒃᑯᑦ ᓄᓇᓕᓐᓂ ᖃᓄᐃᓕᐅᕈᑎᕈᓘᔭᕐᓂᒃ. ᓄᓇᓕᐸᐅᔭᐃᑦ ᐃᖃᓗᐃᑦ ᐱᖕᖑᐊᖅᑐᓕᕆᔨᒃᑯᖏᑦ ᖃᐅᔨᓴᕋᒥᒃ ᓇᓗᓇᐃᕐᓯᓚᐅᖅᑐᑦ 150,000-ᖑᓗᐊᓂᑦ ᒪᓇᑦᓯᓂᑦ ᐊᐅᓚᔭᑦᑐᖃᓚᐅᖅᑐᖅ ᖃᓄᐃᓕᐅᕈᓘᔭᖅᑐᓂᑦ.
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
2022 ᐊᐅᔭᖓᓂ ᐊᓃᕐᕕᒻᒥ ᓂᐅᕕᐊᑦᓴᖃᖅᐸᑦᑐᑦ ᐊᑎᓕᐅᕐᕕᖓᑦ
ᔪᓚᐃ 25, 2022 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᔨᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᑐᓴᕋᑦᓴᓂᑦ ᖃᖓᒃᑯᑦ ᑭᖑᓪᓕᕐᒥ ᐊᐅᔭᒃᑯᑦ ᐊᓃᕐᕕᒻᒥ, ᐊᑐᖅᑕᐅᓛᖅᑐᖅ ᐃᖃᓗᐃᑦ ᐊᓃᕐᕕᖓᓂ ᓈᑦᓯᐅᖑᔭᓛᕐᓂᐊᒥ, ᔪᓚᐃ 30, 2022. ᐊᑐᖅᑕᐅᖔᓛᓕᖅᑐᖅ 1-ᒥᑦ 4-ᒧᓄᑦ ᐅᓐᓄᓴᒃᑯᑦ (ᐊᑐᖅᑕᐅᓂᐊᓚᐅᖅᑑᒐᓗᐊᖅ ᐅᓪᓗᓕᒫᖅ 10-ᒥᓂᑦ 4-ᒧᓄᑦ ᐅᓐᓄᓴᒧᑦ).
ᐊᐅᔭᒃᑯᑦ ᐊᓃᕐᕕᒻᒥ ᖃᓄᐃᓕᐅᕈᑎᐅᔪᖅ ᑲᑎᑎᑦᓯᕕᐅᓗᓂ ᓄᓇᓕᕐᒥᐅᑕᓂᑦ ᓂᐅᕕᐊᑦᓴᖁᒪᒐᔭᖅᑐᓄᑦ ᓴᓇᐅᒐᕐᒥᓂᒃ ᓱᓇᑐᐃᓐᓇᕐᓂᑦ ᐊᒻᒪ/ᐅᕝᕙᓘᓐᓃᑦ ᓂᕿᓕᐊᒥᓂᕐᒥᓂᒃ. ᓄᓇᓕᐸᐅᔭᒃᑯᑦ ᓵᑦᓴᓂᑦ ᐊᑐᐃᓐᓇᐅᑎᑦᑎᓛᖅᑐᑦ ᐊᑎᓕᐅᕐᓯᒪᔪᓄᑦ ᐊᑐᖅᑕᐅᔪᓐᓇᓛᖅᑐᓂᑦ ᑕᑯᑦᓴᐅᑎᑦᑎᓗᑎᒃ ᐊᒻᒪ ᓂᐅᕕᐊᑦᓴᖃᕐᓗᑎᒃ ᐱᖁᑎᒥᓂᒃ.
ᓄᓇᓕᐸᐅᔭᒃᑯᑦ ᐅᖃᐅᔾᔨᒋᐊᕈᒪᔪᑦ ᐊᓪᓚᕕᖏᑦ ᒪᑐᓯᒪᓂᐊᖅᑐᑦ ᐊᒻᒪ ᓄᓇᓯᐅᑎᓄᑦ ᐱᔨᑦᑎᖅᑕᐅᔪᑦ ᐊᐅᓚᓂᖃᔾᔮᖏᑦᑐᑦ:
• ᓇᒡᒐᔾᐅ, ᐋᒐᓯ 1, 2022
ᖃᐅᔨᒪᓂᐊᖅᑯᓯ ᐅᑯᐊ ᐊᓯᒎᕈᑎᔅᓴᐃᑦ ᐊᑐᖅᑕᐅᓂᐊᖅᑐᑦ ᓄᓇᓯᐅᑎᓄᑦ ᐱᔨᑦᑎᖅᑕᐅᔪᓄᑦ:
ᐃᒥᕐᒧᑦ ᐊᒻᒪ ᑭᓈᓗᓐᓄᑦ ᓄᓇᓯᐅᑎᓄᑦ ᐱᔨᑦᑎᖅᑕᑦ
• ᓇᒡᒐᔾᐅ, ᐋᒐᓯ 1, 2022 – ᓄᓇᓯᐅᑎᓄᑦ ᐱᒡᔨᑦᑎᖅᑐᖃᖏᑦᑐᖅ
• ᐊᐃᑉᐱᖅ, ᐋᒐᓯ 2, 2022 – 6:00 ᐅᓪᓛᒃᑯᑦ ᓄᖑᒐᓱᐊᕐᓂᖓᓄᑦ
ᐊᖏᕋᕆᔭᐅᔪᓄᑦ ᐊᑦᑕᑯᓄᑦ ᐱᔨᑦᑎᖅᑕᑦ
• ᓇᒡᒐᔾᐅ, ᐋᒐᓯ 1, 2022 – ᓄᓇᓯᐅᑎᓄᑦ ᐱᒡᔨᑦᑎᖅᑐᖃᖏᑦᑐᖅ
• ᐊᐃᑉᐱᖅ, ᐋᒐᓯ 2, 2022 – 6:00 ᐅᓪᓛᒃᑯᑦ ᓄᖑᒐᓱᐊᕐᓂᖓᓄᑦ
ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᐊᑐᕆᐊᓂᑦ ᒪᑐᔭᐅᓯᒪᓛᖅᑐᓂᑦ ᐊᒻᒪ ᐃᖏᕐᕋᔪᓂᑦ ᐊᐅᓚᑦᑎᔾᔪᑎᓂᑦ ᐱᓕᕆᔾᔪᑎᖃᓛᕐᓂᖏᓐᓂᑦ ᐊᑐᖅᑕᐅᓛᖅᑐᓂᑦ ᔪᓚᐃ 29-ᒥ, 2022, ᐊᑦᑐᐊᔪᓂᑦ ᐃᕐᓯᕋᕐᔪᐊᑯᓘᑉ ᓂᐅᕐᕈᓛᕐᓂᖓᓄᑦ ᐃᖃᓗᓐᓄᑦ.
ᑯᐃᓐ ᐃᓕᓴᐸᖦ (ᐊᑯᓐᓂᖏᒍᑦ ᓯᓈ ᐊᒻᒪ ᒪᑦᑖᖅ ᐊᑐᕆᐊᑦ) ᒪᑐᔭᐅᓯᒪᓛᖅᑐᑦ ᐃᓘᓐᓇᖏᓐᓄᑦ ᓄᓇᒃᑰᔫᓄᑦ ᐅᕙᖕᖓᑦ 2:00 ᐅᓐᓄᓴᒃᑯᑦ ᐅᕗᖓ 7:00 ᐅᓐᓄᓴᒃᑯᑦ, ᐱᓱᕋᔭᓛᖅᑐᑦ ᐊᑦᑕᓇᖅᑐᒦᖁᓇᒋᑦ ᖃᓄᐃᓕᐅᕈᑎᓂᑦ ᐃᕐᓯᕋᕐᔪᐊᑯᓗᒃ ᓂᐅᕐᕈᓯᒪᓂᖓᓂ ᐃᖃᓗᓐᓄᑦ.
ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᐊᑐᕆᐊᓂᑦ ᒪᑐᔭᐅᓯᒪᓛᖅᑐᓂᑦ ᐊᒻᒪ ᐃᖏᕐᕋᔪᓂᑦ ᐊᐅᓚᑦᑎᔾᔪᑎᓂᑦ ᐱᓕᕆᔾᔪᑎᖃᓛᕐᓂᖏᓐᓂᑦ ᐊᑐᖅᑕᐅᓛᖅᑐᓂᑦ ᔪᓚᐃ 29-ᒥ, 2022, ᐊᑦᑐᐊᔪᓂᑦ ᐃᕐᓯᕋᕐᔪᐊᑯᓘᑉ ᓂᐅᕐᕈᓛᕐᓂᖓᓄᑦ ᐃᖃᓗᓐᓄᑦ.
ᑯᐃᓐ ᐃᓕᓴᐸᖦ (ᐊᑯᓐᓂᖏᒍᑦ ᓯᓈ ᐊᒻᒪ ᒪᑦᑖᖅ ᐊᑐᕆᐊᑦ) ᒪᑐᔭᐅᓯᒪᓛᖅᑐᑦ ᐃᓘᓐᓇᖏᓐᓄᑦ ᓄᓇᒃᑰᔫᓄᑦ ᐅᕙᖕᖓᑦ 2:00 ᐅᓐᓄᓴᒃᑯᑦ ᐅᕗᖓ 7:00 ᐅᓐᓄᓴᒃᑯᑦ, ᐱᓱᕋᔭᓛᖅᑐᑦ ᐊᑦᑕᓇᖅᑐᒦᖁᓇᒋᑦ ᖃᓄᐃᓕᐅᕈᑎᓂᑦ ᐃᕐᓯᕋᕐᔪᐊᑯᓗᒃ ᓂᐅᕐᕈᓯᒪᓂᖓᓂ ᐃᖃᓗᓐᓄᑦ.
ᓄᓇᓕᐸᐅᔭᒃᑯᑦ ᑐᓴᖅᑎᑦᑎᔪᒪᔪᑦ ᓄᓇᓕᖕᒥᐅᓂᒃ ᐃᖃᓗᖕᓂ ᐳᐃᔾᔪᕋᕐᕕᒃ ᐊᕐᕌᒍᑕᒫᖅᓯᐅᑎᖕᒋᓐᓄᑦ ᐋᖅᑭᐅᒪᑦᑎᐊᕋᓗᐊᕐᒪᖕᒑᑕ ᖃᐅᔨᓴᓛᕐᒪᑕ ᓈᑦᓰᖕᒍᔭᓛᕐᓂᐊᖅ, ᔪᓚᐃ 23, 2022-ᒥ ᓈᑦᓰᖕᒍᔭᓛᕐᓂᐊᖅ ᐋᒡᒌᓯ 6, 2022-ᒧᑦ.
ᖃᐅᔨᓴᖅᑕᐅᓂᐊᕐᓂᖕᒐ ᐱᔾᔪᑎᒋᓪᓗᒍ, ᐃᒡᓗᕐᔪᐊᖅ ᒪᑐᓯᒪᓛᖅᑐᖅ:
• ᐳᐃᔾᔪᕋᕐᕕᖕᒐ ᒪᑐᓯᒪᓛᖅᑐᖅ ᔪᓚᐃ 23-ᒥ ᐋᒡᒌᓯ 6-ᒧᑦ.
• ᐃᖃᐃᓕᓴᕐᕕᖕᒐ ᒪᑐᓯᒪᓛᖅᑐᖅ ᔪᓚᐃ 30-ᒥ ᐋᒡᒌᓯ 6-ᒧᑦ.
ᐃᖃᓗᐃᑦ ᐊᑦᓯᕕᖓᑦ ᒪᑐᓯᓯᒪᑲᐃᓐᓇᓂᐊᖅᑐᑦ ᓴᕕᕋᔭᓂᑦ ᓴᓂᒃᑯᕕᐅᓂᖓᓂᑦ ᐋᒐᓯ 7-ᒥᑦ, 2022 ᓰᑏᐱᕆ
11-ᒧᑦ, 2022, ᓴᕕᕋᔭᐃᑦ ᓯᖁᓪᓛᔭᐅᑲᐃᓐᓇᓛᕐᒪᑕ. ᐊᑦᓯᕕᐅᑉ ᓴᕕᕋᔭᓂᑦ ᓴᓂᒃᑯᕕᐅᓂᖓ ᒪᑐᐃᒃᑲᓐᓂᓛᖅᑐᖅ
ᐃᑦᓯᕕᐅᔪᒪᓐᓂᕈᓂ ᓰᑏᐱᕆ 12, 2022.
ᐊᑦᑕᓇᑐᐃᓐᓇᕆᐊᖃᕐᓂᖓᓂᑦ ᑭᒃᑯᑐᐃᓐᓇᕐᓄᑦ, ᐊᑦᓯᕕᒃ ᓴᕕᕋᔭᓂᑦ ᓴᓂᕐᓂᒃ, ᐃᓪᓗᓂ ᓱᓇᒃᑯᑖᒥᓂᕐᓂᒃ,
ᐅᕝᕙᓘᓐᓃᑦ ᐊᑐᕋᑦᓴᐅᔪᓐᓃᖅᑐᓂᑦ ᓄᓇᓯᐅᑎᒥᓂᕐᓂᒃ ᑖᒃᑯᓇᓂ ᐅᓪᓗᕐᓂ. ᐅᖁᒪᐃᑦᑐᓂᑦ ᐱᓕᕆᔾᔪᑎᐸᐅᔭᓂᑦ ᐱᓕᕆᔾᔪᑎᖃᕐᓂᕐᓴᐅᔾᔭᖕᖒᕐᒪᑕ ᑕᐅᕙᑦᓱᒪ ᐊᕙᑎᐊ, ᐅᔾᔨᕈᓱᔾᔫᒥᓗᓯ ᑕᐅᕘᓇ ᐃᖏᕐᕋᖃᑦᑕᖁᔭᐅᓛᖅᑐᓯ ᖃᓂᒋᔮᒎᓕᕋᐃᒍᑦᓯ.
ᓄᓇᓕᐸᐅᔭᒃᑯᑦ ᐃᖃᓗᓐᓂ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᒪᓕᓪᓗᑎᒃ ᐊᓯᖏᓐᓂᑦ ᓄᓇᓕᖃᕐᕕᓐᓂᑦ ᑲᓇᑕᒥ ᐱᓕᕆᔾᔪᑎᖏᓐᓂᑦ ᐊᒻᒪ ᐊᑐᖁᔭᐅᓯᒪᔪᓂᑦ ᓄᓇᕗᑦ ᐋᓂᐊᓇᖕᖏᑦᑐᓕᕆᔨᒃᑯᑦ ᐊᖏᔪᖅᑳᖓᓐᓂᑦ ᔪᓚᐃ 4, 2022, ᐊᑐᖁᔭᐅᔪᒥᑦ ᑲᑎᒪᔨᓅᕐᓯᔪᖃᓚᐅᖅᑐᖅ ᐊᑐᕆᓐᓃᖁᔭᐅᓗᓂ ᒪᓕᒐᕋᓛᖅ 937: ᑮᓇᕐᓄᑦ ᒪᑐᐊᕐᒥᓂᒃ ᐊᑐᕆᐊᖃᕐᓂᕐᒥᑦ. ᔪᓚᐃ 12, 2022, ᓄᓇᓕᐸᐅᔭᒃᑯᑦ ᑲᑎᒪᔨᖏᑦ ᐃᓘᓐᓇᑎᒃ ᓂᕈᐊᓚᐅᖅᑐᑦ ᓈᒻᒪᒋᔭᐅᓗᓂ ᐅᖃᐅᓯᐅᕋᑖᖅᑐᖅ ᐊᑐᖁᔭᐅᓯᒪᔪᖅ.
ᐱᒋᐊᑦᑕᐅᑎᒋᓗᓂ, ᑮᓇᕐᓄᑦ ᒪᑐᐊᕐᓂᒃ ᐊᑐᕆᐊᑐᒍᓐᓃᖅᑎᑕᐅᔪᖅ ᓄᓇᓕᐸᐅᔭᒃᑯᑦ ᐱᓕᕆᕝᕕᖁᑎᖏᓐᓂ.
###
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᓄᓇᓕᐸᐅᔭᒃᑯᑦ ᐅᐸᓗᖓᐃᔭᐃᕙᓪᓕᐊᔪᑦ ᓄᓇᓕᓐᓂᑦ ᓴᓗᒻᒪᕐᓴᐃᓛᕐᓂᕐᒥᑦ ᐃᕐᓯᕋᕐᔪᐊᑯᓗᒃ ᐃᖃᓗᓐᓅᖏᓐᓂᖓᓂ. ᓴᓗᒻᒪᕐᓴᐃᓛᕈᒪᔪᑦ ᑕᓪᓕᒥᕐᒥ, ᔪᓚᐃ 22 2022 ᐱᒋᐊᕐᓗᑎᒃ 9-ᒥ ᐅᓪᓛᒃᑯᑦ 4-ᒧᓄᑦ. ᓄᓇᓕᐸᐅᔭᒃᑯᑦ ᕿᓂᖅᑐᑦ ᐃᑲᔪᖅᑎᑦᓴᓂᑦ ᐊᑭᓕᕐᓱᖅᑕᐅᖏᓪᓗᑎᒃ ᓄᓇᓕᐅᑉ ᕿᑎᐊᓂᑦ ᓴᓗᒻᒪᕐᓴᐃᒐᔭᖅᑐᓂᑦ. ᓄᓇᓕᕐᒥᐅᑕᓕᒫᑦ, ᓇᖕᒥᓂᖃᖅᑎᐅᔪᑦ ᐊᒻᒪ ᓂᐅᕐᕈᓯᒪᔪᑦ ᐅᓪᓗᒃᑯᑦ ᑕᐃᑦᓱᒪᓂᐅᓕᖅᐸᑦ ᐊᓃᓛᖁᔭᕋᓗᐊᕗᑦ ᐊᒻᒪ ᐃᑲᔪᕐᓗᑎᒃ ᓴᓗᒻᒪᕐᓴᐃᑎᓪᓗᑕ ᓄᓇᑦᑎᐊᕚᓗᑦᑎᓐᓂᑦ.
ᓴᓂᒃᑯᕕᑦᓴᓂᑦ, ᐊᒡᒑᓂᑦ, ᐊᒻᒪ ᐊᓯᖏᓐᓂᑦ ᓱᓇᒃᑯᑖᑦᓴᐃᑦ ᐊᑐᐃᓐᓇᐅᓛᖅᑐᑦ ᐊᐃᔭᐅᔪᓐᓇᕐᓗᑎᒃ ᐅᓪᓛᒃᑯᑦ ᐱᒋᐊᕐᓗᑎᒃ ᓄᓇᓯᐅᑎᓄᑦ ᓄᖅᑲᖓᕕᖓᓂᑦ ᐃᓪᓘᑉ 901.