ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐱᖃᑕᐅᓂᖅ ᓄᓇᓕᐅᔪᑦ ᐊᑲᐅᓂᕐᓴᐃᑦ ᖃᓄᐃᓕᐅᖅᑎᑦᑎᓂᒃᑯᑦ ᓵᓚᑦᓴᖅᑐᑦ
ᔪᓚᐃ 26, 2022 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᖁᕕᐊᒋᑦᑎᐊᖅᑐᒍ ᑐᓴᖅᑎᑦᑎᓕᕆᕗᑦ ᐃᖃᓗᐃᑦ ᑕᐃᔭᐅᓐᓂᕐᒪᑦ ᓄᓇᕘᒥᐅᑕᓂᑦ ᕿᑲᑐᐃᓐᓇᑎᑦᑎᖏᓐᓂᖅᐹᖑᓂᖏᓐᓂᑦ ᓄᓇᓕᓐᓂ 2022-ᒥ ᐱᖃᑕᐅᓂᖅ ᓄᓇᓕᐅᔪᑦ ᐊᑲᐅᓂᕐᓴᐃᑦ ᖃᓄᐃᓕᐅᖅᑎᑦᑎᓂᒃᑯᑦ.
2022-ᒥ ᐱᖃᑕᐅᓂᖅ ᓄᓇᓕᐅᔪᑦ ᐊᑲᐅᓂᕐᓴᐃᑦ ᖃᓄᐃᓕᐅᖅᑎᑦᑎᓂᒃᑯᑦ ᐊᑐᖅᑕᐅᕙᑦᑐᖅ ᑕᖅᑭᖓᓂ ᔪᓂ ᐊᒻᒪ ᐱᕕᖃᐅᑎᐅᕙᑦᑐᓂ ᓄᓇᓕᕐᒥᐅᑕᓄᑦ ᑲᓇᑕᒥ ᐊᑐᖅᑎᑦᑎᓇᓱᐊᖅᐸᓂᕐᒥᑦ ᐊᑲᐅᔪᓂᑦ ᐃᓱᒪᒧᑦ ᐊᒻᒪ ᑎᒥᒧᑦ, ᐱᖃᑕᐅᑎᑦᑎᓂᒃᑯᑦ ᓄᓇᓕᓐᓂ ᖃᓄᐃᓕᐅᕈᑎᕈᓘᔭᕐᓂᒃ. ᓄᓇᓕᐸᐅᔭᐃᑦ ᐃᖃᓗᐃᑦ ᐱᖕᖑᐊᖅᑐᓕᕆᔨᒃᑯᖏᑦ ᖃᐅᔨᓴᕋᒥᒃ ᓇᓗᓇᐃᕐᓯᓚᐅᖅᑐᑦ 150,000-ᖑᓗᐊᓂᑦ ᒪᓇᑦᓯᓂᑦ ᐊᐅᓚᔭᑦᑐᖃᓚᐅᖅᑐᖅ ᖃᓄᐃᓕᐅᕈᓘᔭᖅᑐᓂᑦ.
ᓄᓇᓕᐸᐅᔭᐃᑦ ᐃᖃᓗᐃᑦ ᐱᖕᖑᐊᖅᑐᓕᕆᔨᒃᑯᖏᑦ ᖃᐅᔨᓴᓚᐅᕐᒪᑕ ᖃᓄᑎᒋ ᓯᕿᖕᖑᔭᒃᑯᑦ ᐊᔾᔨᒌᖏᑦᑐᓂᑦ ᖃᓄᐃᓕᕈᑎᕈᓘᔭᕐᓂᒃ ᐊᒻᒪ ᐱᓕᕆᐊᑦᓴᓂᑦ, ᐱᖃᓯᐅᔾᔭᐅᓗᑎᒃ: ᓵᑯᖅᑎᑦᑎᓂᕐᒥᑦ ᐊᒻᒪ ᕼᐋᑭᖅᑎᑦᑎᓂᕐᒥᑦ ᐱᓕᕆᐊᑦᓴᓂᑦ, ᐳᐃᔾᔪᕋᕆᐅᕐᓴᖅᑎᓂᑦ ᐊᒻᒪ ᐳᐃᔾᔪᕋᕐᕕᒻᒦᒍᑎᐅᔪᓂᑦ, ᐃᖃᐃᓕᓴᖅᑐᓂᑦ, ᓄᓇᓕᓐᓂ ᓴᓗᒻᒪᓴᖅᑐᓂᑦ ᐊᒻᒪ ᑲᓇᑕᒥ ᓄᓇᖃᖅᑳᕐᓯᒪᔪᑦ ᐅᓪᓗᖓᓂ.
ᓄᓇᓕᐸᐅᔭᒃᑯᑦ ᖁᔭᓕᑦᑎᐊᖅᑐᑦ ᑕᐃᒃᑯᓂᖓ ᐱᖃᑕᐅᕙᑦᑐᓂᑦ ᐊᒻᒪ ᐱᖃᑕᐅᖏᓐᓇᐸᑦᑐᓂᑦ ᓄᓇᓕᐸᐅᔭᒃᑯᑦ ᖃᓄᐃᓕᐅᕈᑎᖏᓐᓂᑦ ᐊᒻᒪ ᐱᓕᕆᐊᑦᓴᖏᓐᓂᑦ. ᓄᓇᓕᕐᒥᐅᑕᐃᑦ ᐊᔭᐅᖅᑕᐅᒋᐊᒃᑲᓂᖅᐳᑦ ᕿᑲᑐᐃᓐᓇᖃᑦᑕᖁᔭᐅᒐᑎᒃ ᐊᑲᐅᓯᒃᑲᓂᖁᓪᓗᒋᑦ ᐃᓱᒪᒃᑯᑦ ᐊᒻᒪ ᑎᒥᒃᑯᑦ ᖃᓄᐃᒍᑎᒋᕙᑦᑕᖏᓐᓂᑦ.
###
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᕼᐊᐃᓐᓇᓕ ᑎ ᒐᔾᒪᓐ
ᖃᐅᑕᒫᖅᑐᖅᓯᐅᑎ ᐃᖃᐃᓕᓴᐃᔨ ᐊᒻᒪ ᖃᓄᐃᖏᑦᑎᐊᖅᑐᓕᕆᓂᕐᒥᑦ ᐱᓕᕆᐊᑦᓴᓕᕆᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5600 | h.deguzman@iqaluit.ca
ᐱᕙᓪᓕᐊᔪᑦ ᑐᓴᒐᒃᓴᙳᖅᑎᑕᐅᔪᑦ ᐱᔭᐅᔪᓐᓇᖃᑦᑕᖅᑐᑦ ᐃᓄᒃᑎᑑᖓᓗᑎᒃ , ᖃᓪᓗᓈᑎᑐᑦ , ᐅᐃᕖᑎᑐᓪᓗ ᐅᕙᓂ www.iqaluit.ca
Media releases are available in Inuktitut, English and French at www.iqaluit.ca
Les communiqués de presse sont disponibles en inuktitut, en anglais et en français au www.iqaluit.ca
