ᓄᓇᓕᓐᓂᒥᐅᑕᐃᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᕐᖐᓇᖅᑕᐅᑎᒃᑯᑦ ᐊᑭᓕᕆᐊᓕᓐᓂᑦ ᐱᓕᕆᔾᔪᑎ ᓄᓇᓕᐸᐅᔭᒃᑯᑦ ᐱᔨᑦᓯᕋᐅᑎᖏᓐᓂᑦ - ᐊᑭᓕᑦᓴᖃᕐᕕᓕᐅᕈᑎ
ᓰᑏᐱᕆ 14, 2022 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᐅᐸᓗᖓᐃᔭᐅᑎᓕᐅᖅᐸᓪᓕᐊᒻᒪᑦ ᑐᑭᓯᒋᐊᕈᑎᓂᑦ ᓄᐊᑦᑎᒍᒪᓪᓗᑎᒃ ᓄᓇᓕᕐᒥᐅᑕᓂᑦ ᐃᕐᖐᓇᖅᑕᐅᑎᒃᑯᑦ ᐊᑭᓕᕆᐊᓕᓐᓂᑦ ᐱᔨᑦᓯᕋᐅᑎᓄᑦ ᓇᓗᓇᐃᔭᐃᑎᖃᕈᒪᓪᓗᑎᒃ ᓄᓇᓕᕐᒥᐅᑕᓂᑦ ᐊᒻᒪ ᑮᓇᐅᔭᓕᐅᖅᑎᓂᑦ ᐊᑭᓕᑦᓴᖃᐅᑎᒥᑦ ᐊᑭᓕᖅᑕᐅᒋᐊᓕᓐᓄᑦ. ᐱᓕᕆᔾᔪᑎ ᐋᖅᑭᑦᑕᐅᒍᓂ, ᐊᑭᓕᑦᓴᖃᖅᐸᑦᑐᑦ ᐱᑎᑕᐅᖃᑦᑕᓕᕋᔭᖅᑐᑦ ᐃᕐᖐᓇᖅᑕᐅᑎᒃᑯᑦ ᑎᑎᕋᕐᕕᐅᓗᑎᒃ ᑕᖅᑭᑕᒫᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑐᕆᐊᖅ ᒪᑐᔭᐅᔪᖅ ᐊᒻᒪ ᓄᓇᒃᑰᔫᓂᑦ ᐊᐅᓚᑦᑎᔪᑦ ᖃᖅᑲᓕᐊᕆᐊᖅ ᐊᑐᕆᐊᕐᒥ
ᓰᑏᐱᕆ 9, 2022 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᐃᓚᖓᓂᑦ ᐊᑐᕆᐊᑉ ᒪᑐᔭᐅᔪᒥᑦ ᐊᒻᒪ ᓄᓇᒃᑰᔫᓂᑦ ᐊᐅᓚᑦᑎᓂᐊᕐᓂᖏᓐᓂᑦ ᖃᖅᑲᓕᐊᕆᐊᖅ ᐊᑐᕆᐊᒃᑰᖅᑐᓂᑦ - ᑎᓴᒪᓂᑦ ᓴᖑᒋᐊᕐᕕᒻᒥᑦ ᓄᓇᕗᑦ ᐊᑐᕆᐊᕐᒧᑦ. ᐊᑐᕆᐊᖅ ᓴᓇᔭᐅᒋᐊᕐᓂᐊᕐᒪᑦ ᑕᐅᕙᓃᓐᓂᖓ.

ᓄᓇᓕᓐᓂ ᐊᑐᕆᐊᒃᑰᐸᑦᑐᑦ ᓱᓕ ᐱᓕᕆᕝᕕᓐᓅᕈᓐᓇᓂᐊᖅᑐᑦ ᐱᓕᕆᐊᖃᕐᓂᖏᓐᓂ. ᓴᖑᕕᑦᓴᓄᑦ ᐋᖅᑭᑦᓱᐃᓂᐊᖅᑐᑦ ᑲᖏᖦᖠᓂᖅ ᐊᑐᕆᐊᒃᑯᑦ ᐊᒻᒪ ᓄᓇᕗᑦ ᐊᑐᕆᐊᒃᑯᑦ. ᐃᓂᖓᑕ ᖃᓄᐃᑦᑑᓂᖓ ᐊᒻᒪ ᓄᓇᒃᑰᔫᓂᑦ ᐊᐅᓚᑦᑎᔾᔪᑎᐅᓂᐊᖅᑐᖅ ᐸᕐᓇᐅᑎ ᑕᑯᑦᓴᐅᑎᑕᐅᔪᖅ ᓄᓇᖕᖑᐊᕐᒥ. ᐱᓕᕆᐊᖑᔪᑦ ᐃᓱᒪᒋᔭᐅᔪᑦ ᐊᑐᖅᑕᐅᓂᐊᕐᓂᖏᓐᓂᑦ ᐅᑯᐊ ᐊᑯᓐᓂᖏᓐᓂ:

         • ᓰᑏᐱᕆ 10, 2022 ᐅᕗᖓ ᓯᑏᐱᕆ 12, 2022

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᖅᑲᖁᔨᔾᔪᑎ ᑎᑎᖅᑲᖅ - ᓂᐊᖁᖕᖒᑎᓂ ᔮᓐ ᐊᒪᕈᐊᓕᒃ ᐊᑐᕆᐊᖅ
ᓰᑏᐱᕆ 7, 2022 - ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕆᕗᑦ ᓂᐊᖁᖕᖒᑎᒥᐅᑕᓂᑦ ᓄᖅᑲᖁᔨᔾᔪᑎ ᑎᑎᖅᑲᖅ ᔮᓐ ᐊᒪᕈᐊᓕᒃ ᐊᑐᕆᐊᕐᒦᑦᑐᖅ ᓂᐊᖁᖕᖒᑎᓂ ᐃᓪᓗᕕᖃᕐᕕᒻᒨᕆᐊᒦᑦᑐᖅ ᐲᖅᑕᐅᖑᓱᒻᒪᑦ.

ᓄᖅᑲᖁᔨᔾᔪᑎ ᑎᑎᖅᑲᖅ ᐃᒪᐃᓕᖓᔪᒥ “T” ᓴᖑᒋᐊᕐᕕᒻᒦᑦᑐᖅ ᕼᐃᐊᓚᓐ ᒪᒃᓴᒐᒃ ᐊᑐᕆᐊᕐᒦᑦᑐᖅ ᑕᐅᕙᓃᖏᓐᓇᓂᐊᖅᑐᖅ.

ᐃᓱᒪᒋᔭᐅᔪᖅ ᐅᓪᓗᕐᓯᐅᑎᒍᑦ ᐲᖅᑕᐅᓛᕐᓂᖓᓂᑦ ᓄᖅᑲᖁᔨᔾᔪᑎ ᑎᑎᖅᑲᐅᑉ ᓇᒡᒋᔾᔭᐅ, ᓰᑏᐱᕆ 19, 2022.

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
 

ᐃᓄᖕᓄᑦ ᑐᓴᕋᑦᓴᖅ
ᐊᑐᕆᐊᖅ ᒪᑐᔭᐅᔪᖅ ᐊᒻᒪ ᓄᓇᒃᑰᔫᓂᑦ ᐊᐅᓚᑦᑎᔪᑦ ᐊᓚᖕᖑᐊᖅ ᐊᑐᕆᐊᕐᒥ
ᓰᑏᐱᕆ 7, 2022 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᐊᑐᕆᐊᕐᓂᑦ ᒪᑐᔭᐅᔪᓂᑦ ᐊᒻᒪ ᓄᓇᒃᑰᔫᓂᑦ ᐊᐅᓚᑦᑎᓂᐊᕐᓂᖏᓐᓂᑦ ᐊᓚᖕᖑᐊᖅ ᐊᑐᕆᐊᒃᑰᖅᑐᓂᑦ - ᐊᑭᓕᖅ ᐊᑐᕆᐊᕐᒥᑦ ᒥᑦᓵᓄᑦ ᒥᕝᕕᒃ ᐊᑐᕆᐊᑉ.

ᓄᓇᓕᓐᓂ ᐊᑐᕆᐊᒃᑰᐸᑦᑐᑦ ᓱᓕ ᐱᓕᕆᕝᕕᓐᓅᕈᓐᓇᓂᐊᖅᑐᑦ ᐱᓕᕆᐊᖃᕐᓂᖏᓐᓂ. ᓴᖑᕕᑦᓴᓄᑦ ᐋᖅᑭᑦᓱᐃᓂᐊᖅᑐᑦ ᐃᑲᓗᒃᑑᑦᑎᐊᖅ ᐊᑐᕆᐊᒃᑯᑦ. ᐃᓂᖓ ᐊᒻᒪ ᓄᓇᒃᑰᔫᓂᑦ ᐊᐅᓚᑦᑎᔪᑦ ᑕᑯᑦᓴᐅᑎᑕᐅᔪᑦ ᓄᓇᖕᖑᐊᕐᒥ. ᐱᓕᕆᔾᔪᑎᐅᔪᑦ ᐊᑐᖅᑕᐅᔾᔭᖕᖒᖅᑐᑦ ᐅᑯᐊ ᐊᑯᓐᓂᖏᓐᓂ:

•  ᓰᑏᐱᕆ 8 - ᓰᑏᐱᕆ 19

ᓄᓇᓕᐸᐅᔭᐃᑦ ᐃᖃᓗᐃᑦ ᖁᔭᓐᓇᒦᖅᑐᑦ ᓄᓇᓕᕐᒥᐅᑕᓂᑦ ᑐᑭᓯᐊᑦᑎᐊᕐᓂᖏᓐᓂᑦ ᐱᓕᕆᐊᑦᓴᓂᑦ.

ᑐᑭᓯᒋᐊᕐᕕᑦᓴᖅ ᖃᐅᔨᒋᐊᕐᓗᒍ:

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ 
ᕿᓪᓕᖅᑐᖅ ᐃᓪᓗᒥᓂᖅ ᓴᒃᑯᔭᐅᔪᒪᓂᖓ ᐱᓪᓗᒍ ᓇᓗᓇᐃᔭᐃᑎ
ᓰᑏᐱᕆ 06, 2022 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑐᖕᖓᓱᑦᑎᑦᑎᓕᕐᒥᔪᑦ ᐱᔪᓐᓇᓯᐊᖅᑐᓂᑦ ᑐᑦᓯᕋᕈᒪᔪᓂᑦ ᓇᖕᒥᓂᖅᑖᖑᔪᒪᒍᓂ ᐅᖃᐅᓯᐅᓯᒪᔪᖅ ᐱᖁᑎ. ᐃᓘᓐᓇᑎᒃ ᑐᑦᓯᕋᐅᑎᓕᐊᖑᔪᑦ, ᑐᑦᓯᕋᐅᑏᑦ, ᐊᒻᒪ ᓄᓇᒥᑦ ᐊᑐᖅᑕᐅᔾᔪᑎᑦᓴᑦ ᒪᓕᒋᐊᖃᕋᔭᕐᒥᔪᑦ ᓄᓇᓕᐸᐅᔭᒃᑯᑦ ᓄᓇᓕᕆᓂᕐᒥᑦ ᐊᒻᒪ ᓄᓇᖁᑎᓄᑦ ᑭᓪᓕᓕᐅᕈᑎ ᒪᓕᒐᕋᓛᓂᑦ.

ᒪᓕᒐᒃᑯᑦ ᓇᓗᓇᐃᔭᐃᑎ

ᐃᓪᓗ 803, ᓄᓇᖁᑎ 940, ᐸᕐᓇᐅᑎᒥᑦ 3596, ᓇᓗᓇᐃᕐᓯᒪᔪᒥ ᓄᓇᓕᐅᑉ ᕿᑎᐊᓂ ᑮᓇᐅᔭᓕᐅᕐᕕᒻᒥᑦ (B1[h13])

ᑲᑎᑦᑐᒍ ᐊᑐᖅᑐᐊᕈᑎᒧᑦ ᐊᑭᖓ

$1.00, ᐱᖃᓯᐅᔾᔭᐅᒐᑎᒃ ᐊᑐᖅᑕᐅᔪᑦ ᑖᒃᓰᔭᐃᔭᐅᑏᑦ ᐊᒻᒪ ᑐᑦᓯᕋᐅᑎᓕᐅᕈᑎᒧᑦ ᐊᑭᓕᕆᐊᓕᒃ.

ᓄᓇᒥᑦ ᓴᒃᑯᐃᓯᓂᕐᒥᑦ ᐱᓕᕆᔾᔪᑎ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᕿᑲᕐᓇᐅᑎᓪᓗᒍ ᐊᑐᖅᑕᐅᓂᐊᖅᑐᑦ ᓄᓇᓯᐅᑎᓄᑦ ᐱᔨᑦᑎᖅᑕᐅᔪᓄᑦ ᐊᒻᒪ ᓄᓇᓕᐸᐅᔭᒃᑯᑦ ᐊᓪᓚᖏᑦ ᒪᑎᓯᒪᓂᖏᑦ
ᓰᑏᐱᕆ 01, 2022 − ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐅᖃᐅᔾᔨᒋᐊᕈᒪᔪᑦ ᐊᓪᓚᕕᖏᑦ ᒪᑐᓯᒪᓂᐊᖅᑐᑦ ᐊᒻᒪ ᓄᓇᓯᐅᑎᓄᑦ ᐱᔨᑦᑎᖅᑕᐅᔪᑦ ᐊᐅᓚᓂᖃᔾᔮᖏᑦᑐᑦ:

        • ᓇᒡᒐᔾᐅ, ᓰᑏᐱᕆ 5, 2022

ᖃᐅᔨᒪᓂᐊᖅᑯᓯ ᐅᑯᐊ ᐊᓯᒎᕈᑎᔅᓴᐃᑦ ᐊᑐᖅᑕᐅᓂᐊᖅᑐᑦ ᓄᓇᓯᐅᑎᓄᑦ ᐱᔨᑦᑎᖅᑕᐅᔪᓄᑦ:

ᐃᒥᕐᒧᑦ ᐊᒻᒪ ᑭᓈᓗᓐᓄᑦ ᓄᓇᓯᐅᑎᓄᑦ ᐱᔨᑦᑎᖅᑕᑦ
        • ᓇᒡᒐᔾᐅ, ᓰᑏᐱᕆ 5, 2022 – ᓄᓇᓯᐅᑎᓄᑦ ᐱᒡᔨᑦᑎᖅᑐᖃᖏᑦᑐᖅ
        • ᐊᐃᑉᐱᖅ, ᓰᑏᐱᕆ 6, 2022 – 6:00 ᐅᓪᓛᒃᑯᑦ ᓄᖑᒐᓱᐊᕐᓂᖓᓄᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᖃᔅᓰᓐᓇᕈᕆᐊᖅᑕᐅᔪᑦ ᐳᐃᔾᔪᕋᕐᕕᐅᑉ ᐃᓂᒃᓴᖕᒋᑦ
ᐋᒡᒌᓯ 30, 2022 – ᐃᖃᓗᐃᑦ, ᓄᓇᕗᑦ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᑐᓴᖅᑎᑦᑎᕗᑦ ᓄᓇᖅᑲᑎᒌᓂᒃ ᐱᒋᐊᕐᓗᓂ ᓰᑎᐱᕆ 1, 2022, ᐳᐃᔾᔪᕋᕐᕕᒃ ᐊᐅᓚᓂᖃᕐᓂᐊᕐᓕᕐᒪᑦ ᖃᔅᓰᓐᓇᕈᕆᐊᖅᓯᒪᔪᓂᒃ ᐃᓂᒃᓴᖕᒋᓐᓂᒃ.

ᑲᔪᓰᓐᓇᕐᒪᑦ ᐃᖅᑲᓇᐃᔭᖅᑎᖕᒋᑦ ᐊᒥᒐᐃᓐᓇᖅᑐᑎᑦ ᐊᒃᑐᐃᔾᔪᑕᐅᓪᓗᓂᓗ ᐳᐃᔾᔪᕋᕐᓂᕐᒧᑦ ᐱᓕᕆᓂᐅᔪᑦ. ᐱᖖᒍᐊᖅᑐᓕᕆᔨᒃᑯᑦ ᐊᒃᓱᕈᖅᑐᑎᒃ ᐱᓕᕆᕙᑦᑑᒐᓗᐊᑦ ᐊᔪᕈᓐᓃᖅᓴᐃᓪᓗᑎᒃ, ᐃᖅᑲᓇᐃᔭᖅᑎᑖᕐᓗᑎᒃ ᐊᒻᒪᓗ ᐅᓪᓗᓕᒫᖅ ᐃᖅᑲᓇᐃᔭᖅᑎᑖᕐᓗᑎᒃ, ᐅᓪᓘᑉ ᐃᓚᐃᓐᓇᖕᒐᓄᑦ ᐊᒻᒪᓗ ᐃᖅᑲᓇᐃᔭᑲᐃᓐᓇᖅᑐᓄᑦ. ᐱᖖᒍᐊᖅᑐᓕᕆᔨᒃᑯᑦ ᑲᒪᒋᔭᖃᓪᓗᐊᑕᖅᑐᑦ ᐃᖅᑲᓇᐃᔭᖅᑎᑖᕐᓂᕐᒥᒃ ᐃᖅᑲᓇᐃᔭᕈᓐᓇᖅᑐᓂᒃ ᐃᓅᓯᖕᒋᓐᓂᒃ ᓇᐅᑦᑎᖅᓱᖅᑎᐅᔪᓐᓇᖅᑐᓂᒃ ᐅᓪᓗᒃᑯ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᑭᑉᐱᖕᖑᐃᔭᐃᑎᕈᓘᔭᕐᓄᑦ ᐃᓚᒋᔭᐅᔪᒪᔪᑦ ᐊᑎᓕᐅᕐᕕᖓ 2022
ᐋᒐᓯ 29, 2022 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᐱᖕᖑᐊᖅᑐᓕᕆᔨᒃᑯᖏᑦ ᖁᕕᐊᒋᓪᓗᒍ ᐅᖃᐅᓯᖃᕈᒪᓕᕆᕗᑦ ᐊᕐᕌᒍᑦᑎᓐᓂ ᐅᐸᓪᓗᑎᒃ ᐊᑎᓕᐅᕆᐊᖅᑐᕈᓐᓇᓛᓕᕐᒥᒻᒪᑕ ᑭᐱᖕᖑᐃᔭᐃᔨᓄᑦ ᐱᖃᑕᐅᔪᒪᕙᓐᓂᐊᖅᑐᓂᑦ.

ᐊᕐᕌᒍᑦᑎᓐᓂᓕ, ᐱᖕᖑᐊᖅᑐᓕᕆᔨᒃᑯᑦ ᐊᑎᓕᐅᕐᕕᖃᖅᑎᑦᑎᓛᖅᑐᑦ ᐱᖕᖑᐊᕐᕕᐊᓗᒻᒥ ᐅᓐᓄᓕᒃᑯᑦ 5:30-ᒥᑦ 8:30-ᒧᓄᑦ ᐱᖓᑦᓯᕐᒥ, ᓰᑏᐱᕆ 14.