ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᓕᓐᓂᑦ ᓴᓗᒻᒪᕐᓴᐃᓂᖅ ᐃᕐᓯᕋᕐᔪᐊᑯᓗᒃ ᓂᐅᕐᕈᓚᐅᖏᓐᓂᖓᓂ: ᑕᓪᓕᕐᒥᖅ, ᔪᓚᐃ 22, 2022
ᔪᓚᐃ 13, 2022 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᐅᐸᓗᖓᐃᔭᐃᕙᓪᓕᐊᔪᑦ ᓄᓇᓕᓐᓂᑦ ᓴᓗᒻᒪᕐᓴᐃᓛᕐᓂᕐᒥᑦ ᐃᕐᓯᕋᕐᔪᐊᑯᓗᒃ ᐃᖃᓗᓐᓅᖏᓐᓂᖓᓂ. ᓴᓗᒻᒪᕐᓴᐃᓛᕈᒪᔪᑦ ᑕᓪᓕᒥᕐᒥ, ᔪᓚᐃ 22 2022 ᐱᒋᐊᕐᓗᑎᒃ 9-ᒥ ᐅᓪᓛᒃᑯᑦ 4-ᒧᓄᑦ. ᓄᓇᓕᐸᐅᔭᒃᑯᑦ ᕿᓂᖅᑐᑦ ᐃᑲᔪᖅᑎᑦᓴᓂᑦ ᐊᑭᓕᕐᓱᖅᑕᐅᖏᓪᓗᑎᒃ ᓄᓇᓕᐅᑉ ᕿᑎᐊᓂᑦ ᓴᓗᒻᒪᕐᓴᐃᒐᔭᖅᑐᓂᑦ. ᓄᓇᓕᕐᒥᐅᑕᓕᒫᑦ, ᓇᖕᒥᓂᖃᖅᑎᐅᔪᑦ ᐊᒻᒪ ᓂᐅᕐᕈᓯᒪᔪᑦ ᐅᓪᓗᒃᑯᑦ ᑕᐃᑦᓱᒪᓂᐅᓕᖅᐸᑦ ᐊᓃᓛᖁᔭᕋᓗᐊᕗᑦ ᐊᒻᒪ ᐃᑲᔪᕐᓗᑎᒃ ᓴᓗᒻᒪᕐᓴᐃᑎᓪᓗᑕ ᓄᓇᑦᑎᐊᕚᓗᑦᑎᓐᓂᑦ.
ᓴᓂᒃᑯᕕᑦᓴᓂᑦ, ᐊᒡᒑᓂᑦ, ᐊᒻᒪ ᐊᓯᖏᓐᓂᑦ ᓱᓇᒃᑯᑖᑦᓴᐃᑦ ᐊᑐᐃᓐᓇᐅᓛᖅᑐᑦ ᐊᐃᔭᐅᔪᓐᓇᕐᓗᑎᒃ ᐅᓪᓛᒃᑯᑦ ᐱᒋᐊᕐᓗᑎᒃ ᓄᓇᓯᐅᑎᓄᑦ ᓄᖅᑲᖓᕕᖓᓂᑦ ᐃᓪᓘᑉ 901.
ᐊᑏ ᕿᓚᑉᐸᓪᓗᒋᑦ ᐊᒻᒪ ᕿᒪᑉᐸᓪᓗᒋᑦ ᐊᑐᕆᐊᑦ ᑭᓪᓕᖏᓐᓂ ᓴᓂᒃᑯᕖᑦ. ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖅᑎᖏᓐᓄᑦ ᓄᐊᑕᐅᓛᖅᑐᑦ ᐅᓪᓗᖓᓂ ᑕᓪᓕᕐᒥᐅᑉ.
ᒐᕙᒪᓕᕆᔩᑦ ᐊᒻᒪ ᐊᓯᖏᑦ ᑲᑐᔾᔨᖃᑎᒌᖑᔪᑦ ᐃᖅᑲᓇᐃᔭᖅᑎᖁᑎᖏᓐᓂᑦ ᐃᖅᑲᓇᐃᔭᖏᑎᑦᑎᑲᐃᓐᓇᓛᖁᔭᕗᑦ ᐅᓪᓘᑉ ᐊᕝᕙᖓᓂᐅᒐᓗᐊᖅ ᓴᓗᒻᒪᕐᓴᐃᖃᑕᐅᓛᕐᒪᑕ.
ᓴᓗᒻᒪᕐᓴᐃᖃᑕᐅᓛᕈᒪᒍᕕᑦ, ᐃᕐᖐᓇᖅᑕᐅᑎᒃᑯᑦ ᑎᑎᕋᕐᕕᒋᔪᓐᓇᖅᑕᐃᑦ ᔭᕗᕆ ᐴᕐᓐ ᐅᕗᖓ g.bryne@iqaluit.ca.
ᓄᓇᓕᐸᐅᔭᒃᑯᑦ ᖁᔭᓐᓇᒦᕈᒪᔪᑦ ᓄᓇᓕᕐᒥᐅᑕᓂᑦ ᐊᒻᒪ ᑲᑐᔾᔨᖃᑎᒌᓂᑦ ᓯᕗᓂᐊᒍᑦ ᐃᑲᔪᓛᖅᑐᓂᑦ ᓴᓗᒻᒪᕐᓴᐃᑎᓪᓗᑕ ᓄᓇᓕᐸᐅᔭᓂᑦ ᐅᐸᓗᖓᐃᔭᐃᕙᓪᓕᐊᓗᑕ ᐃᕐᓯᕋᕐᔪᐊᑯᓗᒃ ᓂᐅᕐᕈᓛᕐᓂᖓᓄᑦ ᐃᖃᓗᓐᓄᑦ.
ᐅᖃᐅᓯᐅᒍᓐᓇᓛᖅᑐᑦ ᑭᑭᑕᐅᔪᑦ ᓴᓂᒃᑯᕖᑦ ᓄᐊᑕᐅᖏᑦᑐᑦ ᑭᖑᓂᐊᒍᑦ ᔪᓚᐃ 22 ᖃᐅᔨᒋᐊᖅᑕᐅᓗᓂ ᓲ ᐊᐃᕗᕆ ᐅᕗᖓ s.avery@iqaluit.ca ᐅᕝᕙᓘᓐᓃᑦ ᐅᖄᓚᕕᒋᓗᒍ ᐅᕗᖓ 867-979-5630.
###
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᔭᕗᕆ ᐴᕐᓐ
ᑮᓇᐅᔭᓕᐅᕋᓱᐊᕈᑎᓕᕆᓂᕐᒥᑦ ᐱᕙᓪᓕᐊᔪᓕᕆᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5619 | g.bryne@iqaluit.ca
