ᓄᓇᓕᓐᓂᒥᐅᑕᐃᑦ

ᕼᐋᓗᐄᒥ ᓯᐴᒃ-ᐊ-ᕌᒪ ᒧᒥᕐᓂᖅ (ᑖᓂᓯᕐᓂᖅ) ᒪᒃᑯᑦᑐᓄᑦ ᑐᕌᖓᔪᖅ ᐊᑐᖅᑕᐅᓛᖅᑐᖅ ᐋᑦᑑᐸ 31

ᓄᓇᓕᓐᓂ ᐱᔨᑦᓯᕋᖅᑏᑦ ᓱᓕ ᓄᖅᑲᖓᑲᐃᓐᓇᖅᑎᑕᑦ
(ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᓇᐃᔭᖅᑎᖏᑦ ᖃᐅᔨᒪᖁᔨᔪᑦ ᓄᓇᓕᓐᓂᒥᐅᑕᓂᑦ ᓄᓇᓕᓐᓂ ᐱᔨᑦᓯᕋᖅᑎᓕᒫᑦ ᓱᓕ ᓄᖅᑲᖓᑎᑕᐅᒻᒪᑕ ᓇᓗᓇᐃᕐᓯᑲᓐᓂᓚᐅᖏᓐᓂᖏᓐᓂ ᐊᓯᐊᒍᑦ, ᐱᓪᓗᒍ ᓯᓚᕈᔫᓗᐊᕐᓂᖓ.
ᖃᑦᑎᕆᔨᒃᑯᑦ, ᓄᓇᒃᑰᔫᒃᑯᑦ ᑐᐊᕕᕐᓇᖅᑐᓕᕆᔨᒃᑯᑦ ᐊᒻᒪ ᐸᓖᓯᒃᑯᑦ ᐅᖄᓚᕕᐅᒍᑎᒃ ᐅᐸᒍᓐᓇᓂᐊᖅᑐᑦ ᑭᓯᐊᓂ ᓯᓚ ᐅᓗᕆᐊᓇᓗᐊᓕᖅᐸᑦ ᓯᓚᕈᔫᓗᐊᕐᓂᖓᓄᑦ ᐊᒻᒪ/ᐅᕝᕙᓘᓐᓃᑦ ᐅᐸᑦᑕᐅᔪᓐᓇᖏᒃᑯᑎᒃ; ᓯᓚ ᐱᓪᓗᒍ ᓇᓗᓇᖏᑦᑐᖅ ᐅᑕᖅᑭᑲᐃᓐᓇᖃᑦᑕᓂᐊᖅᑐᑦ. ᐅᖄᓚᒍᓐᓇᖅᑐᓯ 979-4422 ᖃᑦᑎᕆᔨᒃᑯᓐᓄᑦ ᐊᒻᒪ ᓄᓇᒃᑰᔫᒃᑯᑦ ᐱᔨᑦᓯᕋᖅᑎᓄᑦ.
ᓄᓇᓕᓐᓂᒥᐅᑕᐃᑦ ᐊᑐᕆᐊᕐᓃᖏᑲᐃᓐᓇᖁᔭᐅᔪᑦ ᓱᓕ ᐅᖓᓯᑦᑐᒧᑦ ᑕᑯᕕᑦᓴᐅᖏᓪᓗᐊᕐᓂᖓᓂ, ᐊᓄᕌᓗᐊᕐᓂᖓᓂ ᐊᑐᕆᐊᕐᓗ ᐊᑦᑕᓇᓗᐊᕐᒪᑕ.

ᐳᐃᔾᔪᕋᓛᖅᑐᑦ ᐅᓪᓚᓚᐅᕐᓗᑎᒃ ᐋᑦᑑᐸ 29-ᒥ - ᐳᐃᔾᔪᕋᕐᓂᒃᑯᑦ, ᐱᓱᓐᓂᒃᑯᑦ ᐊᒻᒪ ᐅᓪᓚᓂᒃᑯᑦ ᑮᓇᐅᔭᓂᑦ ᓄᐊᑦᓯᔾᔪᑎᖃᓛᖅᑐᑦ

ᓄᓇᓕᓐᓂ ᐱᔨᑦᓯᕋᖅᑏᑦ ᐅᑎᖅᑐᑦ ᑐᓴᕋᑦᓴᖅ 4
ᑐᓴᖅᑕᐅᑦᓴᐅᑎᒋᒋᐊᓕᒃ
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᓕᓐᓂ ᐱᔨᑦᓯᕋᖅᑏᑦ ᐅᑎᖅᑐᑦ
(ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᓇᐃᔭᕐᕕᖏᑦ ᖃᐅᔨᒪᖁᔨᔪᑦ ᓄᓇᓕᓐᓂᒥᐅᑕᓂᑦ ᓄᓇᓕᐸᐅᔭᒃᑯᑦ ᐱᔨᑦᓯᕋᖅᑎᖏᑦ ᐱᔨᑦᓯᕋᓕᕐᒥᒻᒪᑕ, ᐃᒥᖅᑕᑏᓪᓗ, ᓴᓂᓕᕆᐅᑎᓕᕆᔩᑦ, ᐊᒻᒪ ᐅᑎᕐᒪᑕ ᐊᓪᓚᕕᒻᒥᐅᑕᐃᑦ ᐱᔭᑦᓴᕆᕙᑦᑕᒥᓄᑦ.
ᐊᖅᑯᑎᓗᐊᑕᐅᔪᑦ ᐊᐳᑕᐃᔭᕐᓯᒪᔫᒥᓕᖅᑐᑦ ᑭᒃᑯᑐᐃᓐᓇᕐᓄᑦ ᐊᑐᖅᑕᐅᔪᓐᓇᕐᓯᓪᓗᑎᓪᓗ. ᐊᑐᕆᐊᑦ ᒪᑯᐊ, ᐊᓯᖃᕈᓐᓇᕆᓪᓗᑎᒃ, ᐊᖅᑯᑎᓪᓗᐊᑕᖏᑦ ᐊᒻᒪ ᓄᐊᑦᓯᕕᐅᕙᓐᓂᖏᑦ ᐱᔨᑦᓯᕋᖅᑎᓄᑦ ᓄᓇᓕᐅᑉ ᕿᑎᐊᓃᓐᓂᖏᑦ (ᓲᕐᓗ ᓄᓇᓕᐅᑉ ᕿᑎᖓᒎᖓᔪᖅ, ᖃᖅᑲᓕᐊᕆᐊᖅ, ᓂᐊᖁᖕᖒᓯᐊᕆᐊᖅ ᐊᒻᒪ ᖃᖓᑕᓲᒃᑯᕕᓕᐊᕆᐊᖅ). ᐊᓯᖏᑦ ᐊᑐᕆᐊᑦ ᐊᑐᖅᑕᐅᓗᐊᖅᐸᖏᑦᑐᑦ ᓱᓕ ᐊᐳᑕᐃᔭᕐᓯᒪᖕᖏᑐᐃᓐᓇᕆᐊᓖᑦ.

ᓄᓇᓕᓐᓂ ᐱᔨᑦᓯᕋᖅᑏᑦ ᓄᖅᑲᖓᑎᑕᐅᑲᐃᓐᓇᖅᑐᑦ ᑐᓴᕋᑦᓴᖅ 1
ᑐᓴᖅᑕᐅᑦᓴᐅᑎᒋᒋᐊᓕᒃ
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᓕᓐᓂ ᐱᔨᑦᓯᕋᖅᑏᑦ ᓄᖅᑲᖅᑎᑕᐅᑲᐃᓐᓇᖅᑐᑦ
(ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᓇᐃᔭᖅᑎᖏᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᓐᓂᒥᐅᑕᓂᑦ ᓄᓇᓕᓐᓂ ᐱᔨᑦᓯᕋᖅᑎᓕᒫᑦ ᓄᖅᑲᖓᑎᑕᐅᑲᐃᓐᓇᕐᓂᐅᓴᒻᒪᑕ ᓲᕐᓗ ᐃᒥᖅᑕᖅᑏᑦ, ᑭᓈᓗᓐᓂᑦ ᒥᓪᓗᐊᖅᑏᑦ, ᓴᓂᑦᑕᖅᑏᑦ ᐊᒻᒪ ᐊᐳᑕᐃᔭᐃᔩᑦ ᐊᓯᐊᒍᑦ ᓇᓗᓇᐃᕐᓯᑲᓐᓂᓚᐅᖏᓐᓂᖏᓐᓂ, ᐱᓪᓗᒍ ᓯᓚᕈᔫᓗᐊᕐᓂᖓ.
ᖃᑦᑎᕆᔨᒃᑯᑦ, ᓄᓇᒃᑰᔫᒃᑯᑦ ᑐᐊᕕᕐᓇᖅᑐᓕᕆᔨᒃᑯᑦ ᐊᒻᒪ ᐸᓖᓯᒃᑯᑦ ᐅᖄᓚᕕᐅᒍᑎᒃ ᐅᐸᒍᓐᓇᓂᐊᖅᑐᑦ ᑭᓯᐊᓂ ᓯᓚ ᐅᓗᕆᐊᓇᓗᐊᓕᖅᐸᑦ ᓯᓚᕈᔫᓗᐊᕐᓂᖓᓄᑦ ᐊᒻᒪ/ᐅᕝᕙᓘᓐᓃᑦ ᐅᐸᑦᑕᐅᔪᓐᓇᖏᒃᑯᑎᒃ; ᓯᓚ ᐱᓪᓗᒍ ᓇᓗᓇᖏᑦᑐᖅ ᐅᑕᖅᑭᑲᐃᓐᓇᖃᑦᑕᓂᐊᖅᑐᑦ.
ᓄᓇᓕᓐᓂᒥᐅᑕᐃᑦ ᐊᑐᕆᐊᕐᓃᖏᑲᐃᓐᓇᖁᔭᐅᔪᑦ ᓱᓕ ᐅᖓᓯᑦᑐᒧᑦ ᑕᑯᕕᑦᓴᐅᖏᓪᓗᐊᕐᓂᖓᓂ, ᐊᓄᕌᓗᐊᕐᓂᖓᓂ ᐊᑐᕆᐊᕐᓗ ᐊᑦᑕᓇᓗᐊᕐᒪᑕ.

ᕼᐋᐱ ᕚᓕᒥ ᓱᓪᓗᓕᓐᓂᑦ ᐃᒥᕐᒧᑦ/ᑭᓈᓗᓐᓄᑦ ᑭᖑᕝᕖᓂᖅ

ᐋᑦᑑᐸ 4, 2017 (ᐃᖃᓗᐃᑦ, ᓄᓇᕗᑦ)  - ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᐃᖃᓗᓐᓂᒥᐅᑕᓂᑦ ᕼᐋᐱ ᕚᓕᒥ ᓱᓪᓗᓕᓐᓂᑦ ᐱᔨᑦᓯᕋᕈᑎᓂᑦ ᑭᖑᕝᕖᖃᑦᑕᓛᕐᒪᑕ ᖃᐅᑉᐸᑦ ᐅᓪᓛᒃᑯᑦ ᐱᒋᐊᕐᓗᑎᒃ ᐊᑯᓐᓂᖏᓐᓃᑦᑐᓂᑦ ᐃᓪᓗᐃᑦ 1680 ᐊᒻᒪ 1686 ᐊᒻᒪ ᐱᓇᓱᐊᕈᓰᓐᓂᒃ ᒪᕐᕉᓐᓂᒃ ᐱᓕᕆᓂᐊᖅᑐᑎᒃ.

ᐃᖃᓗᓐᓂᒥᐅᑕᐃᑦ ᐅᔾᔨᕈᓱᑦᓯᐊᖁᔭᐅᓯᒪᓂᐊᖅᑐᑦ ᐅᖁᒪᐃᑦᑐᑦ ᐱᓕᕆᔾᔪᑏᑦ ᐊᕙᑎᖏᓐᓃᓕᕋᐃᒍᑎᒃ ᐊᒻᒪ ᑎᑎᕋᕐᓯᒪᔪᓂᑦ ᐱᑕᖃᓛᕆᓪᓗᓂ ᓴᓇᕕᐅᑉ ᐊᕙᑎᖏᓐᓂ.

ᓯᑎᒃᑯᑦ ᖁᔭᓐᓇᒦᕈᒪᔪᑦ ᐃᓕᑦᓯᓐᓂᑦ ᐃᑲᔪᑦᓯᐊᓂᕐᓯᓐᓂᑦ ᐊᒻᒪ ᒪᒥᐊᑦᑐᑎᒃ ᐊᑲᐅᖏᓕᐅᕈᑎᓂᑦ ᓴᖅᑮᓐᓂᕈᑎᒃ.

-30-

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:

ᐃᓚᒋᔭᐅᔪᓐᓇᖅᑐᑦ ᐅᐸᓗᖓᐃᔭᐅᑎᓄᑦ ᑐᐊᕕᕐᓇᖅᑐᑕᖃᓕᕐᓂᖅᐸᑦ

ᖃᑦᑎᕆᔨᒃᑯᑦ ᐃᖅᑲᓇᐃᔭᕐᕕᖓᑦ ᒪᑐᐃᖓᓛᖅᑐᖅ ᑭᒃᑯᑐᐃᓐᓇᕐᓄᑦ ᓈᑦᓯᐅᖑᔭᓛᕐᓂᐊᖑᓕᖅᐸᑦ ᐋᑦᑑᐸ 14
ᐋᑦᑑᐸ 10, 2017 (ᐃᖃᓗᐃᑦ, ᓄᓇᕗᑦ) ᐃᓚᒋᔭᐅᓗᓂ ᐃᑯᐊᓪᓚᑦᑕᐃᓕᒪᔪᓕᕆᓂᕐᒧᑦ ᐱᓇᓱᐊᕈᓯᕐᒧᑦ, ᓯᑎᒃᑯᑦ ᖁᕕᐊᒋᑦᓯᐊᖅᑐᒍ ᐅᖃᐅᓯᖃᕈᒪᓕᕐᒥᔪᑦ ᖃᑦᑎᕆᔨᒃᑯᑦ ᑭᒃᑯᑐᐃᓐᓇᕐᓄᑦ ᐃᖅᑲᓇᐃᔭᕐᕕᖓᑦ ᒪᑐᐃᖓᑎᑕᐅᓛᕐᒪᑦ ᓈᑦᓯᐅᖑᔭᓛᕐᓂᐊᖑᓕᖅᐸᑦ, ᐋᑦᑑᐸ 14, ᐅᓐᓄᓴᒃᑯᑦ 4-ᒥ ᐅᐸᑦᑕᐅᔪᓐᓇᓕᓛᖅᑐᑦ 7-ᒨᐸᓱᓐᓂᖓᓂ ᐅᓐᓄᒃᑯᑦ, ᖃᑦᑎᕆᔨᒃᑯᓐᓂ ᓯᑎᒃᑯᑦ ᐊᓪᓚᕝᕕᖃᕐᕕᖏᑕ ᐃᓚᖓᓃᑦᑐᑦ. ᓄᓇᓕᕐᓂᒥᐅᑕᐃᑦ ᖃᐃᓛᖁᔭᐅᑦᓯᐊᖅᑐᑦ ᖃᑦᑎᕆᔨᒃᑯᓐᓄᑦ; ᓄᓇᒃᑰᔫᕌᓗᐊᓂᑦ ᖃᓂᒋᓗᒍ ᕿᒥᕐᕈᐊᓛᕋᑦᓯᐅᒃ; “ᐃᑯᐊᓚᓪᓚᕆᑦᑐᒥᑦ” ᑕᑯᓐᓇᖅᑕᐅᓛᖅᑐᓯ ᐃᓪᓗᒥ ᐳᓛᕐᕕᖕᖑᐊᒥᑦ ᐃᑭᑎᑦᓯᔪᖃᖅᑎᓪᓗᒍ; ᐱᓕᒻᒪᓴᕐᓯᒪᔭᒥᓂᒃ ᑕᑯᓐᓇᑎᑦᓯᓛᖅᑐᑦ ᐃᑯᐊᓚᔪᒥᑦ ᖃᒥᑦᓯᔪᓂᑦ ᐊᑐᖅᑐᓂᒃ ᐃᓪᓗᐃᑦ ᐃᓗᐊᓂ ᐊᖏᔫᖕᖏᑦᑐᓂᑦ ᐃᑯᐊᓪᓚᑦᑐᓄᑦ ᖃᒥᑦᓯᔾᔪᑎᒥᑦ ᑎᒻᒥᑳᓲᒥᑦ ᖃᐳᓕᓂᐅᔭᕐᒥᑦ, ᐊᒻᒪᑦᑕᐅᖅ ᓂᕆᑎᑕᐅᓛᕐᒥᔪᓯ ᓯᕋᓯᒪᔪᓂᑦ.

ᓯᓚᑦᑑᓛᖑᓂᒃᑯᑦ ᐱᓕᕆᔾᔪᑎᓕᕆᓂᒃᑯᑦ ᓵᓚᑦᓴᕋᓱᓐᓂᖃᓛᓕᕐᒥᔪᑦ - ᓄᑖᑦ ᖃᓄᑐᐃᓐᓇᖅ ᐱᒋᐊᖅᑎᑦᓯᔾᔪᑎᑦᓴᐅᔪᓐᓇᖅᑐᑦ ᐱᔾᔪᓯᐊᖅᑎᑦᓯᔪᓐᓇᖅᑐᑦ ᐊᖏᔪᐊᓗᓐᓂᑦ ᐃᖃᓗᓐᓄᑦ