ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – ᐳᐃᔾᔪᕋᕐᕕᐅᑉ ᓇᓪᓕᐅᓂᕐᓯᐅᕐᓂᖓ! ᐃᑲᔪᕆᐊᓛᖅᑯᓯ ᓇᓪᓕᐅᓂᕐᓯᐅᕈᑎᖃᕆᐊᖅᑐᕐᓗᓯ ᓯᕗᓪᓕᖅᐹᒥᑦ ᐊᕐᕌᒍᖃᓕᕐᓂᖓᓂᑦ ᒪᑐᐃᖅᑕᐅᓚᐅᕐᓯᒪᒻᒪᓂᑦ ᐃᖃᓗᓐᓂ ᐳᐃᔾᔪᕋᕐᕕᐅᑉ
ᔮᓐᓄᐊᕆ 24, 2018 (ᐃᖃᓗᐃᑦ, ᓄᓇᕗᑦ) ᑕᓪᓕᕐᒥᐅᓂᐊᖅᑐᖅ, ᔮᓐᓄᐊᕆ 26, ᓇᓗᓇᐃᕐᓯᔾᔪᑎᐅᓂᐊᖅᑐᖅ ᐊᕐᕌᒍᒥᑦ ᐊᑕᐅᓯᕐᒥᑦ ᓇᓪᓕᐅᓂᕐᓯᐅᕈᑎᖃᕐᓂᖓᓂᑦ ᒪᑐᐃᖅᑕᐅᓚᐅᕐᓯᒪᓂᖓᓂᑦ ᐳᐃᔾᔪᕋᕐᕕᖃᕐᕕᐅᑉ.
ᐃᑲᔫᑎᒋᔪᒪᓪᓗᒋᑦ ᓇᓗᓇᐃᕐᓯᔾᔪᑎᓄᑦ ᐱᒻᒪᕆᐅᔪᒥᑦ ᐃᑳᕈᑎᐅᓂᐊᖅᑐᒥᑦ, ᐊᒻᒪ ᓇᑰᕐᒦᕈᑎᒋᔪᒪᒻᒪᕆᑦᑐᒋᑦ ᓄᓇᓕᕐᓂᒥᐅᑕᓕᒫᑦᓯᐊᓂᑦ ᐃᑲᔪᕐᓱᐃᖃᑦᑕᕐᓂᖏᓐᓂᑦ ᓄᑖᒥᑦ ᐱᖕᖑᐊᕐᕕᒻᒥᑦ, ᓯᑎᒃᑯᑦ ᐸᕐᓇᐃᕐᓯᒪᔪᑦ ᖃᓄᐃᓕᐅᕈᑎᕈᓘᔭᐅᓛᖅᑐᓂᑦ ᐳᐃᔾᔪᕋᕐᕕᖃᕐᕕᒻᒥ ᐅᓪᓘᑉ ᐃᓗᐊᓂ.
ᖃᐃᓛᖅᑯᓯ ᓇᓪᓕᐅᓂᕐᓯᐅᕆᐊᖅᑐᖃᑕᐅᓗᓯ! ᐅᓪᓘᑉ ᐃᓗᐊᓂ ᐱᔾᔪᓯᐊᖃᑦᑕᓛᖅᑐᑦ ᐊᒻᒪ ᐱᖕᖑᐊᖅᑐᖃᖃᑦᑕᕐᓗᓂ, ᐊᒻᒪᑦᑕᐅᖅ ᑳᐱᖃᓛᕐᒥᔪᖅ ᐊᒻᒪ ᑲᐃᖃᕐᓗᓂ, ᐊᑭᖃᖕᖏᑦᑐᓂᑦ ᐳᐃᔾᔪᕋᖅᑎᑦᓯᖃᑦᑕᓛᖅᑐᑦ ᐱᒋᐊᕐᓗᑎᒃ ᐅᓐᓄᓕᖅᐸᑦ 5:30-ᒥᑦ 7-ᒨᕋᓱᓐᓂᖓᓂ ᐊᒻᒪ ᐊᑭᖃᖕᖏᑦᑐᓂᑦ ᑭᒃᑯᑐᐃᓐᓇᐃᑦ ᐳᐃᔾᔪᕋᕆᐊᕈᓐᓇᖅᑎᑕᐅᓗᑎᒃ ᐅᓐᓄᒃᑯᑦ 7:30-ᒥᑦ 9-ᒨᕋᓱᓐᓂᖓᓂ.
ᓇᓗᓇᐃᔭᐃᑎᓂᑦ ᖃᐅᔨᒪᒍᒪᓂᐊᖅᑐᓄᑦ, ᑕᑯᒋᐊᖁᔪᖅ ᐃᓚᓕᐅᑎᓯᒪᔪᒥᑦ ᒪᑉᐱᒐᕐᒥᑦ ᓇᓗᓇᐃᔭᐃᓯᒪᔪᓂᑦ ᖃᓄᐃᓕᐅᓛᕐᓂᖏᓐᓂᑦ. ᐊᒻᒪ ᑐᑭᓯᒋᐊᒃᑲᓐᓂᕈᒪᓂᐊᖅᑐᑦ, ᖃᐅᔨᒋᐊᕈᓐᓇᖅᑐᑦ ᐳᐃᔾᔪᕋᕐᕕᖃᕐᕕᒻᒥ ᐱᔨᑦᓯᕋᖅᑎᓂᑦ ᐅᕗᖓ ᖃᕋᑕᐅᔭᒃᑯᑦ ᐃᕐᖐᓇᖅᑕᐅᑎᒃᑯᑦ aquaticcentre@city.iqaluit.nu.ca ᐅᕝᕙᓘᓐᓃᑦ ᐅᖄᓚᐅᑎᒃᑯᑦ ᐅᕗᖓ 975.8544.
ᑕᐃᑲᓂ ᑕᑯᓛᖅᑯᒍᑦᑐᖅ!
*********************************************************************************************************************************************************************************
ᐳᐃᔾᔪᕋᕐᕕᒃ ᐊᕐᕌᒍᖃᓕᕐᓂᖓᓂᑦ ᐊᑕᐅᓯᕐᒥᑦ ᓇᓪᓕᐅᓂᕐᓯᐅᕈᑕᐅᓕᖅᐸᑦ ᐊᑐᖅᑕᐅᓛᖅᑐᑦ!!
ᑕᓪᓕᕐᒥᖅ, ᔮᓐᓄᐊᕆ 26
ᐃᒪᐅᑉ ᓯᓈᓃ ᓯᓚᑦᓯᐊᕙᐅᑎᓪᓗᒍ ᐊᓐᓄᕌᕆᔭᐅᓲᓂᑦ ᐊᓐᓄᕌᕐᓯᒪᓗᓯ - ᓵᑐᓂᑦ ᐅᕕᓂᕈᕐᓂᑦ, ᐃᓯᒐᐅᔮᓐᓂᑦ ᐊᓗᑐᐃᓐᓇᒐᓛᓐᓂᒃ, ᓯᕿᓐᓂᑐᖅᓯᐅᑏᓐᓂᒃ ᐃᒡᒑᓐᓂᒃ, ᓯᕿᓐᓂᖅᑕᐅᓗᐊᔾᔭᐃᒃᑯᑎᓂᑦ ᓇᓴᕐᓂᑦ, ᐱᖕᖑᐊᓂᑦ ᐊᒻᒪ ᐃᒪᖃᓲᓂᑦ ᖁᑭᐅᑎᖕᖑᐊᓂᑦ. ᐱᔾᔪᓯᐊᖃᑦᑕᓛᖅᑐᑦ ᐃᒪᐅᑉ ᓯᓛᓃᑦᑐᖅᓯᐅᑎᓂᑦ ᐊᓐᓄᕌᕐᓯᒪᔪᑦ ᓇᓗᓇᖕᖏᓪᓚᕆᑦᑐᑎᒃ
6:30-9:15 ᐃᓐᓇᐃᑦ ᑐᑭᓕᐊᖅᑐᒥ ᐳᐃᔾᔪᕋᕐᓂᖓᑦ (ᐱᖕᖑᐊᖅᑎᑕᐅᓗᑎᒃ ᐊᒻᒪ ᓯᕐᓇᖅᑐᓂᑦ ᓂᕿᓂᑦ ᐱᕈᖅᑐᒥᓂᕐᓂᒃ ᕿᔪᑯᑖᒦᑦᑐᓂᑦ ᐊᒻᒪ ᐃᒥᒐᑦᓴᖅᑐᖅᑎᑕᐅᓛᖅᑐᑦ ᐱᖕᖑᐊᕇᖅᐸᑕ)
9:30-11:45 ᕿᑐᕐᖓᓛᕇᑦ ᐳᐃᔾᔪᕋᕐᕕᖓᑦ (ᐳᐃᔾᔪᕋᕇᖅᐸᑕ ᐱᖕᖑᐊᖅᑎᑕᐅᓛᖅᑐᑦ ᐊᒻᒪ
ᐱᔾᔪᓯᐊᖅᑎᑕᐅᕙᓪᓗᑎᒃ)
12:00-1:30 ᐃᓐᓇᐃᑦ ᑐᑭᓕᐊᖅᑐᒥ ᐳᐃᔾᔪᕋᕐᓂᖓᑦ (ᐱᖕᖑᐊᖅᑎᑕᐅᓗᑎᒃ ᐊᒻᒪ ᐱᔾᔪᓯᐊᖅᐸᓪᓗᑎᒃ, ᐊᒻᒪ ᓯᕐᓇᖅᑐᓂᑦ ᓂᕿᓂᑦ ᐱᕈᖅᑐᒥᓂᕐᓂᒃ ᕿᔪᑯᑖᒦᑦᑐᓂᑦ ᐱᑎᑕᐅᒻᒥᓗᑎᒃ ᐊᒻᒪ ᐃᒥᒐᑦᓴᖅᑐᖅᑎᑕᐅᓛᖅᑐᑦ ᐱᖕᖑᐊᕇᖅᐸᑕ)
1:30-3:00 ᓄᖅᑲᖓᑲᐃᓐᓇᕐᓂᖅ
3:30-5:00 ᑭᒃᑯᑐᐃᓐᓇᐃᑦ ᐳᐃᔾᔪᕋᕐᕕᖓᑦ ᐊᒻᒪ ᐃᒪᐅᑉ ᓯᓈᓃᑦᑐᖅᓯᐅᑎᓂᑦ ᐳᐃᔾᔪᕋᖅᑐᖅᓯᐅᑎᕈᔪᓐᓂᒃ ᐊᓐᓄᕌᕐᓯᒪᓗᑎᒃ (ᐃᓯᕈᑎᖃᕆᐊᑐᖕᖏᑦᑐᖅ. ᐳᐃᔾᔪᕋᕇᖅᐸᑕ ᐳᐃᔾᔪᕋᕐᕕᐅᑉ ᐃᓗᐊᓂ ᐱᖕᖑᐊᖅᑎᑕᐅᓛᖅᑐᑦ ᐊᒻᒪ ᐱᔾᔪᓯᐊᖅᐸᓪᓗᑎᒃ, ᑮᓇᕐᓂᒃ ᐊᒥᐊᕆᔨᖃᕐᓗᓂᓗ ᐊᒻᒪ ᑲᐃᕋᓛᓂᑦ)
5:30-7:00 ᐃᓚᒌᑦ ᐳᐃᔾᔪᕋᕐᕕᖓ ᐊᒻᒪ ᐃᒪᐅᑉ ᓯᓈᓃᑦᑐᖅᓯᐅᑎᓂᑦ ᐳᐃᔾᔪᕋᖅᑐᖅᓯᐅᑎᕈᔪᓐᓂᒃ ᐊᓐᓄᕌᕐᓯᒪᓗᑎᒃ (ᐃᓯᕈᑎᖃᕆᐊᑐᖕᖏᑦᑐᖅ. ᐳᐃᔾᔪᕋᕇᖅᐸᑕ ᐳᐃᔾᔪᕋᕐᕕᐅᑉ ᐃᓗᐊᓂ ᐱᖕᖑᐊᖅᑎᑕᐅᓛᖅᑐᑦ ᐊᒻᒪ ᐱᔾᔪᓯᐊᖅᐸᓪᓗᑎᒃ, ᑮᓇᕐᓂᒃ ᐊᒥᐊᕆᔨᖃᕐᓗᓂᓗ ᐊᒻᒪ ᑲᐃᕋᓛᓂᑦ)
7:30-9:00 ᑭᒃᑯᑐᐃᓐᓇᐃᑦ ᐳᐃᔾᔪᕋᕐᕕᖓᑦ
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᖅᑕᐅᓗᑎᒃ ᐳᐃᔾᔪᕋᕐᕕᒻᒥ ᐱᔨᑦᓯᕋᖅᑏᑦ ᐅᕗᖓ aquaticcentre@city.iqaluit.nu.ca ᐅᖄᓚᐅᑎᒃᑯᓪᓘᓐᓃᑦ ᐅᕗᖓ (867) 975-8544
