ᓄᓇᓕᓐᓂᒥᐅᑕᐃᑦ

Tᐃᑲᔫᑎᑦᓴᑦ ᐅᐸᓗᖓᐃᔭᐃᓂᐊᕐᓗᓂ ᐃᒥᖃᖏᑲᐃᓐᓇᑎᓪᓗᒋᑦ
 ᐃᒥᖃᕈᓐᓃᓚᐅᖏᓐᓂᖏᓐᓂ, ᐃᒥᕐᒥᒃ ᑕᑕᑉᐸᓪᓗᒋᑦ ᐃᒥᒃᑯᕕᑦᓴᐃᑦ ᐊᒻᒪ ᓴᓂᕐᕙᑦᑕᐅᕙᓪᓗᑎᒃ ᓂᓪᓕᓇᖅᑐᒥ ᖃᐅᒪᓗᐊᖏᑦᑐᒥ.
 ᐅᕕᓂᓐᓂᐊᕐᕕᒃ ᐃᒻᒪᓪᓗᒍ ᐊᑐᖅᑕᐅᔪᓐᓇᖅᑐᒥᑦ ᐊᑐᕆᐊᖃᕐᓂᖅᐸᑦ.
ᖁᕝᕕᒻᒧᑦ ᐊᑐᖅᑕᐅᔪᓐᓇᕋᔭᕐᒪᑦ ᑯᕕᑎᒋᐊᖃᓕᕐᓂᖅᐸᑦ ᖁᕝᕕᒃ.
 ᖁᐱᕐᕈᕋᓛᓂᑦ ᑐᖁᑦᓯᔪᑎᒥᑦ ᐊᒡᒐᓯᐅᒻᒥᑦ ᐊᑐᐃᓐᓇᖃᖅᐸᓪᓗᓯ ᐊᐞᒐᓐᓂᑦ ᐅᐊᓴᐅᑎᑦᓴᒥᑦ.
ᐃᒥᖃᖅᑎᑕᐅᓕᖅᑎᓪᓗᒋᑦ
 ᐃᒥᖃᖕᖏᑎᑕᐅᔪᖃᖅᑎᓪᓗᒍ, ᓱᓪᓗᓖᑦ ᐃᖅᑲᖏᓐᓄᑦ ᓄᐊᓐᓂᐅᓴᑐᐃᓐᓇᕐᒪᑕ ᓴᓃᑦ, ᐃᒥᖅ ᐃᓱᓕᖅᐸᑦᑐᖅ ᑕᐃᒫᒃ ᓱᓪᓗᓕᒃᑰᖅᑎᑕᐅᓕᕋᐃᒻᒪᑦ.
 ᓂᓪᓕᓇᖅᑐᒥᑦ ᑯᕝᕕᕕᒃ ᑯᕕᑎᑕᐅᓐᓇᖁᔪᖅ ᐃᒥᖅ ᐃᓱᕈᓐᓃᕋᓱᓐᓂᖓᓄᑦ ᐊᓯᖏᓐᓂᑦ ᐃᒥᖅᑐᖅᑐᓂᑦ ᓱᓇᑐᐃᓐᓇᕐᓂᑦ ᐊᐅᓚᔾᔭᐃᔪᖃᖕᖏᓐᓂᖓᓄᑦ. (ᐃᒥᖅ ᖃᐅᔨᓴᖅᑕᐅᖅᑳᐸᑦᑐᖅ ᐊᑐᕋᑦᓴᐅᑦᓯᐊᓕᕋᓗᐊᕐᒪᖔᖅ ᐊᑐᐊᒐᑎᒍᑦ).

ᐃᒥᖃᖕᖏᑎᑕᐅᑲᐃᓐᓇᓂᐊᖅᑐᑦ ᐊᒻᒪ ᐃᒥᕐᒥᒃ ᑎᖅᑎᑎᑦᓯᖃᑦᑕᖁᔭᐅᑲᐃᓐᓇᖅᑐᑦ ᐃᖃᓗᐃᑦ ᓄᓇᓕᖓᑕ ᐊᕝᕙᖓ
ᐋᒐᓯ 24, 2018 (ᐃᖃᓗᐃᑦ, ᓄᓇᕗᑦ) - ᐃᓚᒋᔭᐅᓗᓂ ᓯᑎᒃᑯᑦ ᒪᑭᒪᔾᔪᑎᖏᓐᓂᑦ ᐱᓕᕆᔾᔪᑎᓂᑦ ᓴᓇᓂᕐᒥᑦ ᐸᕐᓇᐅᑎᒧᑦ, ᐃᒥᖃᖕᖏᑲᐃᓐᓇᖅᑎᑕᐅᓂᐅᓴᔪᑦ, ᐊᒻᒪᑦᑕᐅᖅ ᐃᒥᕐᒥᒃ ᑎᖅᑎᑎᑦᓯᖃᑦᑕᖁᔭᐅᑲᐃᓐᓇᓂᐊᖅᑐᑦ ᐅᑯᐊ ᐊᕙᑎᓄᑦ:
ᐅᕙᓂ uᓇᒡᒋᔾᔭᐅᓕᖅᑭᐅᓕᖅᐸᑦ, ᐋᒐᓯ 28, ᐅᑯᓇᓂ ᐃᓪᓗᓖᑦ ᐊᑦᑐᖅᑕᐅᓯᒪᓂᐊᖅᑐᑦ:
1) ᓈᓴᐅᑎᓖᑦ 100-ᓂᑦ, 200-ᓂᑦ ᐊᒻᒪ 300-ᓂᑦ, ᐃᒥᖃᖕᖏᑲᐃᓐᓇᓛᖅᑐᑦ ᐱᒋᐊᕐᓗᒋᑎᒃ ᐅᓪᓛᒃᑯᑦ 9-ᒨᖅᐸᑦ ᖁᓛᓅᕋᓱᓐᓂᖓᓄᑦ 12-ᒧᑦ. ᐊᒻᒪᑦᑕᐅᖅ, ᐅᓪᓘᓐᓄᑦ ᒪᕐᕉᓐᓄᑦ ᐃᒥᕐᒥᒃ ᑎᖅᑎᑎᑦᓯᖃᑦᑕᖁᔭᐅᓂᐊᖅᑐᑦ, ᖁᓛᓂᓂᑦ 12-ᒥ ᐱᒋᐊᕐᓗᑎᒃ ᓇᒡᒋᔾᔭᐅᓕᖅᑭᕐᒥ ᖁᓛᓄᓄᑦ 12-ᒨᖅᐸᑦ ᑎᓴᒻᒥᕐᒧᑦ.

ᑕᓪᓕᒥᕐᒥ ᐃᒥᖃᖕᖏᑲᐃᓐᓇᕐᓂᐅᓴᔪᑦ ᐅᓐᓄᓴᒃᑯᑦ 1-ᒥᓂᒃ 3-ᒨᕋᓱᓐᓂᖓᓄᑦ ᕼᐋᐱ ᕚᓕᒥᐅᑕᐃᑦ ᐃᓚᖏᑦ
ᐋᒐᓯ 23, 2018 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᐃᓪᓗᖃᖅᑎᓂᑦ ᑕᕝᕙᓂ ᑎᑎᖅᑕᐅᓯᒪᔪᓂ ᐃᒥᖃᖕᖏᑲᐃᓐᓇᓛᕐᒪᑕ ᑕᓪᓕᕐᒥᐅᓕᖅᐸᑦ, ᐋᒐᓯ 24, ᐅᓐᓄᓴᒃᑯᑦ 1-ᒥᓂᒃ 3-ᒨᕋᓱᓐᓂᐊᓄᑦ, ᓴᓇᔪᖃᑲᐃᓐᓇᕆᐊᖃᕐᒪᑦ ᐃᓚᖓᓂᑦ ᐱᓕᕆᔾᔪᑎᐅᑉ ᐊᖏᔪᐊᓘᖏᑦᑑᒐᓗᐊᒥᑦ.
ᐅᑯᐊ ᐃᒥᖃᖕᖏᑲᐃᓐᓇᓂᐊᖅᑐᑦ: 1600,1603,1605,1607,1609,1610,1611,1613, 1615,1617,1619,1620,1621,1623,1625,1627,1630,1640,1650 ᐊᒻᒪ 413.
ᓯᑎᒃᑯᑦ ᐃᓕᑦᓯᓐᓂᑦ ᖁᔭᓐᓇᒦᖅᐳᑦ ᑐᑭᓯᑦᓯᐊᓂᕐᓯᓐᓂᑦ.
 

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ 

ᑕᓪᓕᒥᕐᒥ ᐸᐅᓐᓇ ᐊᑐᕆᐊᖅ ᒪᑐᓯᒪᑲᐃᓐᓇᓂᐊᖅᑐᖅ

ᐋᒐᓯ 23, 2018 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᐃᓚᖓ ᐸᐅᓐᓇ ᐊᑐᕆᐊᑉ ᒪᑐᓯᒪᑲᐃᓐᓇᓂᐊᕐᒪᑦ ᓴᓇᔭᐅᑲᐃᓐᓇᕐᓗᓂ ᐅᓪᓗᓕᒫᖅ ᒪᑐᔭᐅᓗᓂ ᐅᓪᓛᒃᑯᑦ 6-ᒥ ᒪᑐᐃᕐᓗᓂ ᐅᓐᓄᓕᖅᐸᑦ 6-ᒥ, ᑕᓪᓕᕐᒥᐅᓕᖅᐸᑦ, ᐋᒐᓯ 24.

ᓴᓇᔨᓄᑦ ᐃᖅᑲᓇᐃᔭᖅᑏᑦ ᓄᓇᒃᑰᔫᖅᑐᓂᑦ ᐃᑲᔪᓛᕐᒥᔪᑦ ᓇᐅᒃᑰᕆᐊᖃᕐᒪᖔᑕ.

ᓯᑎᒃᑯᑦ ᐃᓕᑦᓯᓐᓂᑦ ᖁᔭᓐᓇᒦᖅᐳᑦ ᑐᑭᓯᑦᓯᐊᓂᕐᓯᓐᓂᑦ.

-30-

ᐃᖅᑲᐃᑎᑦᑎᔾᔪᑎ: ᓇᓴᖅᓯᒪᔭᕆᐊᓖᑦ/ᓇᓪᓕᐅᒃᑯᒫᖃᕆᐊᓖᑦ/ᒪᐃᓴᖃᕆᐊᓖᑦ ᑕᒪᕐᒥᑦᑎᐊᖅ ᐃᖏᕐᕋᔪᓐᓇᐅᑎᑦ ᓄᓇᒃᑯᑦ (ᑎᓴᒪᓖᑦ)
ᔪᓚᐃ 19, 2018 (ᐃᖃᓗᐃᑦ, ᓄᓇᕗᑦ) – ᓄᓇᓕᐸᐅᔭᒃᑯᑦ ᐃᖅᑲᐃᑎᑦᑎᔪᒪᕗᑦ ᓄᓇᖃᑦᑎᐅᔪᓂᒃ ᓇᓪᓕᐅᒃᑯᒫᑦᑖᖅᓯᒪᓗᑎᒃ ᐊᒻᒪᓗᒃᑕᐅᖅ ᓚᐃᓴᑖᖅᓯᒪᓗᑎᒃ ᐱᓕᕆᕝᕕᐊᓂᒃ ᓄᓇᓯᐅᑎᓄᑦ ᑭᓇᑐᐃᓐᓇᑦᑎᐊᖅ ᐊᑐᕐᓂᐊᕐᕈᓂ ᐊᖅᑯᑎᓯᐅᑕᐅᖏᑦᑐᑦ ᐃᖏᕐᕋᔾᔪᑎᓂᒃ (ᑎᓴᒪᓕᓐᓂᒃ), ᐱᖃᓯᐅᑎᒻᒥᔪᑦᑕᐅᖅ ᒪᕐᕉᓐᓂᒃ ᐊᒃᓴᓗᐊᓖᑦ ᐃᖏᕐᔪᔾᑎᑦ. ᒪᓕᓪᓗᒍ ᑖᓐᓇ ᐊᖅᑯᑎᓯᐅᑕᐅᖏᑐᓄᑦ ᑐᕌᖓᔪᑦ ᒪᓕᒐᕋᓛᖅ ᓇᒻᒪ 557, ᖄᖓᒍᑦ ᐊᑭᓕᐅᑎᒋᔭᕆᐊᓕᖓᑕ ᑎᑭᐅᒪᔪᖅ $200−ᒧᑦ, ᐊᖁᑎᐅᔪᑦ ᐊᖅᓵᖅᑕᐅᔪᓐᓇᕐᒥᔪᑦ ᐃᖏᕐᕋᔾᔪᑎᒥᓂᒃ ᓄᖅᑲᑦᑎᑕᐅᒍᓂ ᐊᒻᒪᓗ ᓇᓪᓕᐅᒃᑯᒫᖃᖏᒃᑯᓂ. ᐊᖅᓵᖅᑕᐅᔪᖃᕈᓂ ᐃᖏᕐᕋᔾᔪᑎᒥᒃ, ᓇᒻᒥᓂᖃᑦᑎᐅᔪᑦ ᐊᑭᓖᒋᐊᖃᓕᕋᔭᖅᑐᖅ ᐱᓯᒪᔭᐅᓂᖏᓐᓄᑦ ᐊᑭᓖᔾᔪᑎᓂᒃ.

ᐊᕐᕌᒍᑕᒫᑦ ᐴᔾᔪᕋᕐᕕᒃ ᓴᓇᔭᐅᒋᐊᖃᖃᑦᑕᕐᓂᖓ: ᔪᓚᐃ 30- ᐋᒡᒌᔅᓯ 12
ᔪᓚᐃ 16, 2018 (ᐃᖃᓗᐃᑦ, ᓄᓇᕗᑦ) – ᓯᑎᒃᑯᑦ ᖃᐅᔨᒃᑲᐃᒍᒪᕗᑦ ᐃᖃᓗᒻᒥᐅᓂᑦ ᐴᔾᔪᕋᕐᕕᒃ ᒪᑐᓯᒪᓛᕐᓂᖓᓐᓂ ᐊᕐᕌᒍᑕᒫᑦ ᓴᓇᔭᐅᒋᐊᖃᖃᑦᑕᕐᓂᖓᓂ ᓇᒡᒐᔾᔭᐅᒥ, ᔪᓚᐃ 30−ᒥ, ᑎᑭᓪᓗᒍ ᓈᑦᑎᐅᖑᔭᖅ, ᐋᒡᒌᔅᓯ 12−ᒥ, ᒪᑐᐃᒃᑲᓐᓂᓛᖅᑐᖅ ᓇᒡᒐᔾᔭᐅᒥ ᐋᒡᒌᔅᓯ 13−ᒥ, 2018.
ᒪᑐᓯᒪᖃᑦᑕᕆᐊᖃᕐᖓᑦ ᐊᑕᐅᓯᐊᖅ ᐊᕐᕌᒎᑉ ᐃᓗᐊᓂ ᖃᐅᔨᓴᖅᑕᐅᖃᑦᑕᕆᐊᖃᕐᓂᖓᓐᓄᑦ ᑭᓯᐊᓂ ᑕᐃᒪᐃᒍᓐᓇᕐᖓᑕ ᒪᑐᓯᒪᓗᓂ ᐴᔾᔪᕋᕐᕕᒃ.
ᓴᓇᔭᐅᒋᐊᖃᖃᑦᑕᕐᓂᖏᑦ ᐃᑲᔪᕐᓂᖃᖃᑦᑕᖅᑐᑦ ᐊᑯᓂᐅᓂᖅᓴᖅ ᐱᒋᔭᐅᒐᔭᕐᓂᖓᓐᓂ, ᐊᒻᒪᓗ ᓱᕋᑦᑐᖃᑲᓪᓚᓐᖏᓐᓂᖅᓴᐅᒍᓐᓇᕐᖓᓪᓗ. ᓯᑎᒃᑯᓪᓗ ᒪᓕᒋᐊᖃᕐᓂᖏᓐᓂ ᑭᒃᑯᑐᐃᓐᓇᐃᑦ ᐊᑦᑕᓇᖅᑐᒦᒋᐊᖃᓐᖏᓐᓂᖏᓐᓄᑦ ᒪᓕᒐᕐᓂᑦ ᐱᔨᑦᑎᕋᐅᑎᖏᓐᓂᓪᓗ.
ᓯᑎᒃᑯᑦ ᖁᔭᓐᓇᒦᖅᑯᑦ ᐃᓱᔪᖅᑐᐃᓂᕐᓄᑦ ᑐᑭᓯᓂᕐᓄᓪᓗ.

ᓄᓇᓕᐸᐅᔭᒃᑯᑦ ᖁᔭᓐᓇᒦᖅᑐᑦ ᐃᖃᓗᒻᒥᐅᑕᓂᑦ ᐊᖏᔫᑎᓂᑦ ᓄᐊᑦᑎᑎᓪᓗᒋᑦ
ᐃᖅᑲᐃᑎᑦᑎᔾᔪᑎ ᐱᔭᐅᖏᑦᑐᑦ ᐊᔅᓯᕕᒻᒨᕈᔾᔭᐅᓗᑎ
ᔪᓚᐃ 13, 2018 (ᐃᖃᓗᐃᑦ, ᓄᓇᕗᑦ) – ᓄᓇᓕᐸᐅᔭᖓᑦ ᐃᖃᓗᐃᑦ ᖁᔭᓐᓇᒦᖅᑕᐃᓐᓇᕆᔪᒪᔭᖏᑦ ᐃᖃᓗᒻᒥᐅᑕᐃᑦ ᐊᖏᔫᑎᓂᑦ ᓄᐊᑦᑎᖃᑕᐅᕋᑖᓚᐅᖅᑐᑦ. ᑖᓐᓇ ᓄᐊᑦᑎᓂᐅᔪᖅ ᑲᔪᓯᓂᖃᑦᑎᐊᓚᐅᖅᑐᖅ ᓴᓂᐅᓗᐊᕈᓐᓃᑎᑦᑎᓪᓗᓂ, ᓴᓗᒫᑏᓐᓇᓂᐊᕐᓗᒍ ᓄᓇᓕᐸᐅᔭᕗᑦ.
ᐃᖅᑲᐃᑎᑦᑎᔾᔪᑎᐅᓪᓗᓂ, ᑭᓱᑐᐃᓐᓇᐃᑦ ᐱᖃᓯᐅᔾᔭᐅᓚᐅᖏᑦᑐᑦ ᐊᖏᔫᑏᑦ ᓄᐊᑕᐅᑎᓪᓗᒋᑦ (ᓲᕐᓗ, ᑭᓕᒋᔪᓐᓇᖅᑕᖏᑦ ᐃᓪᓗᒧᑦ ᐊᑕᐅᓯᕐᒧᑦ ᑎᑭᑕᐅᑎᓪᓗᒋᑦ, ᐅᕝᕙᓘᓐᓃᑦ ᐱᖃᓯᐅᔾᔭᐅᓚᐅᖏᑦᑐᑦ ᐊᖏᔫᑎᓂᑦ), ᓄᓇᓕᐸᐅᔭᒃᑯᑦ ᐊᔅᓯᕕᖓᓅᕈᔾᔭᐅᔭᕆᐊᓖᑦ. ᑖᓐᓇ ᓄᓇᓕᒻᒥᐅᑕᓄᑦ ᐊᑭᖃᖏᑦᑐᖅ ᐊᔅᓯᕕᒻᒨᕈᔾᔨᓂᖅ.

ᑲᑎᓐᓂᖅ ᐊᒻᒪ ᑐᓐᖓᓱᑦᑎᑦᑎᓂᖅ ᐃᓄᐃᑦ ᓄᓇᓕᖓᓐᓂᑦ
ᔪᓚᐃ 6, 2018 (ᐃᖃᓗᐃᑦ, ᓄᓇᕗᑦ) – ᐃᓚᒋᓪᓗᓂᐅᒃ ᐅᖃᖃᑎᓐᓂᐅᖃᑦᑕᖅᑐᑦ ᐊᔾᔨᖏᑦᑐᓂᑦ ᑎᒍᒥᐊᖅᑎᐅᖃᑕᐅᔪᓂᑦ, ᒪᐃᔭ ᕆᐊᑦᕗᓐ ᖃᐃᖅᑯᔭᖏᑦ ᐃᓄᓐᓂᑦ ᑲᑎᓐᓂᐅᔪᒧᑦ. ᒪᐃᔭ ᐅᖃᖃᑎᖃᕈᒪᔪᖅ ᐃᓄᓐᓂᑦ ᐃᖃᓗᒻᒥᐅᑕᓂᑦ ᑐᑭᓯᑦᑎᐊᓂᖅᑦᓴᕆᓂᐊᕐᓗᒋᑦ ᓄᓇᓕᐸᐅᔭᒃᑯᑦ ᐊᒻᒪ ᑲᑎᒪᔩᑦ ᑎᑭᑦᑎᓂᖏᓐᓄᑦ ᐱᔭᕆᐊᖃᖅᑕᖏᓐᓂᑦ, ᐊᒻᒪᓗ ᓇᐅᒃᑯᑦ ᐱᐅᓯᒋᐊᖅᑐᖃᕈᓐᓇᕐᒪᖔᖅ.
ᑲᑎᒪᓂᐅᔪᖅ ᐋᖅᑭᑕᐅᓯᒪᔪᖅ ᐅᕙᓃᓐᓂᐊᖅᑐᓂ ᐃᓐᓇᑐᖃᐃᑦ ᖃᒻᒪᖓᓂ ᓯᕙᑖᕐᕕᒻᒥ ᔪᓚᐃ 14, 2 ᐅᓐᓄᓴᒃᑯᑦ ᑎᑭᓪᓗᒍ 4 ᐅᓐᓄᓴᒃᑯᑦ.
ᓂᕿᑕᖃᓂᐊᖅᑐᖅ ᐃᓄᐃᑦ ᓂᕿᖏᓐᓂᑦ ᐊᒻᒪ ᓂᐅᖅᑲᕋᔅᓴᖅᑕᖃᓂᐊᖅᑐᓂ.
 

ᐱᕙᓪᓕᐊᔪᑎᒍᑦ ᓴᖅᑭᑕᔅᓴᖅ

ᓄᑖᖅ ᓇᒻᒥᓂᖃᑦᑎᓄᑦ ᒪᓕᒐᕋᓛᖅ ᐱᔭᕆᐊᕿᓪᓕᕚᓪᓕᖅᑐᖅ ᐊᑐᖅᑕᐅᓂᖓ ᐊᒻᒪᓗ ᐊᑦᔨᒋᓕᑎᑦᑎᕚᓪᓕᖅᑐᓂ

ᔪᓚᐃ 11, 2018 (ᐃᖃᓗᐃᑦ, ᓄᓇᕗᑦ) – ᒪᐃᔭ ᕆᐊᑦᕘᓐ ᐊᒻᒪᓗ ᑲᑎᒪᔩᑦ ᖁᕕᐊᓱᑉᐳᑦ ᓇᓗᓇᐃᖅᓯᔭᕆᐊᔅᓴᖅ ᑖᒃᓱᒥᖓ ᓄᑖᒥᒃ ᓇᒻᒥᓂᖃᑦᑎᐅᔪᓄᑦ ᓚᐃᓴᑖᕋᓱᐊᕐᓂᕐᒧᑦ ᒪᓕᒐᕋᓛᖅ (#859) has ᐊᖏᖅᑕᐅᓚᐅᕐᓂᖓᓂᒃ.

“ᑖᓐᓇ ᓄᑖᖅ ᓇᒻᒥᓂᖃᑦᑎᐅᔪᓄᑦ ᓚᐃᓴᑖᕋᓱᐊᕐᓂᕐᒧᑦ ᒪᓕᒐᕋᓛᖅ ᑐᓐᖓᕕᖃᑦᑐᖅ ᐃᓱᒪᒋᔭᐅᖃᑦᑕᓚᐅᖅᑐᓂᒃ ᐅᖃᓪᓚᖃᑎᖃᓐᓂᒃᑯᑦ ᐱᓕᕆᕝᕕᖃᕝᕕᐅᔪᓂᒃ ᓄᓇᓕᓐᓂᒃ,” ᐅᖃᑦᑐᓂ ᒪᐃᔭ ᕆᐊᑦᕘᓐ. “ᓇᒻᒥᓂᖃᑦᑎᐅᔪᑦ ᓇᓗᓇᐃᖅᓯᑦᑎᐊᓚᐅᕐᒪᑕ ᑭᓱᑦ ᐊᑐᖅᑕᐅᑎᐊᕐᒪᖔᑕ ᐊᒻᒪᓗ ᑭᓱᑦ ᐋᖅᑭᒋᐊᖅᑕᐅᔭᕆᐊᖃᒻᒪᖔᑕ.”

ᖃᐅᔨᒋᐊᖅᑐᑦ ᐃᑭᑎᑦᑎᓂᕐᒧᑦ ᐱᔪᓐᓇᐅᑎᖃᕆᐊᖃᕐᓂᖓᓄᑦ
ᔪᓚᐃ 5, 2018 (ᐃᖃᓗᐃᑦ, ᓄᓇᕗᑦ) – ᓄᓇᓕᐸᐅᔭᒃᑯᑦ ᐃᖅᑲᐃᑎᑦᑎᔪᒪᔪᑦ ᐃᖃᓗᒻᒥᐅᑕᓂᑦ ᐃᑭᑎᑦᑎᓂᕐᒧᑦ ᐱᔪᓐᓇᐅᑎᖃᕆᐊᖃᖏᑦᑐᑦ ᓂᕿᓕᐅᓂᐊᕐᓗᓂ ᐅᕝᕙᓘᓐᓃᑦ ᐆᓇᖅᓯᑦᑏᒍᑕᐅᓗᑎ ᐊᑐᕐᓗᑎ ᐊᑐᖅᑕᐅᒐᔪᑦᑐᓂᑦ, ᐅᕝᕙᓘᓐᓃᑦ ᐃᑯᐊᓚᔪᒧᑦ, ᐃᒐᓂᖅ, ᐅᕝᕙᓘᓐᓃᑦ ᓱᐴᔫᕐᓂᖅ.
ᑭᓯᐊᓂᓕ, ᐱᔪᓐᓇᐅᑏᑦ ᐱᑕᖃᕆᐊᖃᖅᑎᑕᐅᔪᑦ ᑐᐱᖅᓯᒪᔪᓄᑦ ᐃᑯᐊᓚᔪᓄᑦ. ᐊᒻᒪᓗᑦᑕᐅᖅ, ᐃᖅᑲᐃᑎᑦᑎᑲᓐᓂᕈᑎᐅᔪᖅ ᑐᐱᖅᓯᒪᔪᓂᑦ ᐃᑯᐊᓚᔪᑦ 30 ᒦᑕᓂᑦ ᐅᕝᕙᓘᓐᓃᑦ 100 ᐃᓯᒐᐃᑦ ᐅᖓᓯᓐᓂᖓᓂ ᐃᓪᓗᒥ, ᐊᒻᒪ ᐊᒥᐊᖅᑕᐅᓯᒪᖏᑦᑐᑦ ᕿᔪᐃᑦ ᐊᑐᖅᑕᐅᔭᕆᐊᓖᑦ.
ᐱᔪᓐᓇᐅᑏᑦ ᐱᔭᐅᔪᓐᓇᖅᑐᑦ ᐃᑭᑎᑦᑎᓂᕐᒧᑦ ᐃᑭᒍᓐᓇᖅᑐᓂᑦ ᐃᓗᐊᓂ ᓄᓇᓕᐸᐅᔭᒃᑯᑦ ᑭᓪᓕᖏᓐᓂᑦ. ᐃᑭᑕᐅᔪᓐᓇᖅᑐᑦ ᐱᖃᓯᐅᔾᔭᐅᔪᑦ: ᐊᒡᒐᓄᑦ ᓄᐊᑕᐅᓯᒪᔪᑦ; ᐊᐅᓚᐅᑎᓕᓐᒧᑦ ᓄᐊᑕᐅᓯᒪᔪᑦ; ᓴᓗᒻᒪᖅᓴᐃᓂᕐᒧᑦ/ᓴᓃᑦ; ᐃᓪᓗᔅᓴᐃᑦ; ᕿᔪᐃᑦ ᑭᕕᑦᑎᔾᔪᑎᓄᑦ.