ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – ᑲᓇᑕᐅᑉ ᒐᕙᒪᒃᑯᖏᑦ ᐱᓕᕆᖃᑎᑖᖅᐳᑦ ᐃᖃᓗᖕᓂᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂᒡᓗ ᐃᑲᔪᖅᑐᐃᓇᓱᐊᖅᖢᑎᒃ ᐅᖅᑰᓴᐅᑎᓕᕆᓂᖕᒧᑦ ᐃᖃᓗᐃᑦ ᐳᐃᔾᔪᕋᕐᕕᐊᓂᑦ
ᔮᓄᐊᕆ 15, 2018 ᐃᖃᓗᐃᑦ/ᓄᓇᕗᑦ ᓄᓇᖃᖅᑳᖅᑐᓕᕆᔨᒃᑯᑦ ᐅᑭᐅᖅᑕᖅᑐᒥᐅᓄᓪᓗ ᑲᓇᑕᒥ
ᑲᓇᑕᐅᑉ ᒐᕙᒪᒃᑯᖏᑦ ᐊᖏᖅᓯᒪᖕᒪᑕ ᐃᑲᔪᖅᑐᐃᒋᐊᒃᓴᖅ ᐱᓕᕆᖃᑎᖃᕆᐊᒃᓴᕐᓗᑎ ᐅᑭᐅᖅᑕᖅᑐᒥᐅᑉ ᓄᓇᓕᖏᓐᓂᑦ ᖃᓄᐃᓕᐅᕈᑎᖃᕋᓱᐊᖅᖢᑎᒃ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂᑦ.
ᐅᓪᓗᒥᑦ, ᑭᐅᕈᓕᓐ ᐸᓇᑦ, ᒥᓂᔅᑕ ᓄᓇᖃᖅᑑᖅᑐᓕᕆᓂᖕᒧᑦ ᐅᑭᐅᖅᑕᖅᑐᒥᐅᑕᓄᓪᓗ ᐊᖏᖅᓯᒪᖕᒪᑦ ᐃᑲᔪᖅᑐᐃᓂᖕᒥᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂ (ᖁᓪᓕᖅ) ᐃᖃᓗᐃᓪᓗ ᓄᓇᓕᐸᐅᔭᖏᑦᑕ ᐅᐃᒍᕆᐊᕈᒪᔭᖏᑦᑕ ᖁᓪᓕᒃᑯᑦ ᐅᖅᑰᓴᐅᑎᓕᐅᕈᑎᖏᑦ ᐃᖃᓗᖕᓂᑦ.
ᑖᓐᓇ ᐱᓕᕆᐊᒃᓴᖅ ᓄᐊᑦᑎᖃᑦᑕᖕᓂᐊᕐᐳᖅ ᐊᒥᐊᒃᑯᓂᑦ ᐆᓇᖕᓂᖕᓂᑦ ᐃᖃᓗᐃᑦ ᐃᒐᓯᐅᑎᓅᖅᑐᖁᑎᖏᑦᑕ ᐊᐅᓚᐅᑎᖏᓐᓂᑦ ᓯᐊᒻᒪᒃᐸᒡᓗᒋᓪᓗ ᐆᓐᓇᖕᓂᖅ ᓄᑖᒧᑦ ᐳᐃᔾᔪᕋᕐᕕᖕᒧᑦ ᐆᖅᑰᓴᐅᑎᒋᓂᐊᕐᓗᓂᔾᔪᒃ ᐃᒪᖕᒧᓪᓗ ᐆᓇᖅᑐᓕᐅᕈᑎᒋᓗᓂᔾᔪᒡᓗ. ᐆᓐᓇᕐᑐᑦ ᓄᐊᑕᑦ ᐊᐅᓚᐅᑎᓂᑦ ᐃᓚᒋᐊᕈᑎᒋᔭᐅᙳᓱᒃᑐᖅ ᐅᖅᑰᓴᐅᑎᒋᔭᐅᕌᓂᒃᑐᓄᑦ, ᑮᓇᐅᔭᖅᑐᓗᐊᕈᓐᓃᕐᓗᑎᒃ ᓄᓇᓕᐸᐅᔭᑦ. ᐊᒻᒪᓗᑦᑕᐅᖅ, ᓇᓚᐅᑦᑖᖅᑐᑦ 157,724 ᓖᑕᓂ ᐆᖅᑰᓴᐅᑎᓄ ᐅᖅᓱᖅᑖᖑᕙᒃᑐᑦ ᐊᑐᕐᑕᐅᓇᔭᙱᑦᑐᑦ ᐊᕐᕌᒍᑕᒫᑦ, ᐃᓯᐊᕿᓗᐊᕈᓐᓃᕈᑕᐅᓗᓂ ᒫᓂ 466 ᑖᓐᔅ ᐳᔪᕐᓗᒃ ᐃᓱᕐᓗ/ᐊᕐᕌᒍᒥᑦ.
ᑮᓇᐅᔭᖃᖅᑎᑕᐅᓛᖅᑐᑦ ᓄᓇᖃᖅᑳᖅᑐᓕᕆᔨᒃᑯᓐᓂᑦ ᐅᑭᐅᖅᑕᖅᑐᒥᐅᑕᓄᓪᓗ ᐅᑯᓇᖓᑦ ᐅᑭᐅᖅᒻᑕᖅᑐᒥᑦ ᑲᒪᒋᔭᓕᑦ ᓄᑭᓪᓚᐅᓯᕆᓄᖕᓄᑦ ᓄᓇᓕᖕᓄᑦ ᐅᖅᑰᓴᐅᑎᓂ ᐆᒻᒪᖅᑯᑎᓄᓪᓗ ᐱᓕᕆᐊᒃᓴᓂᑦ.
ᐅᖃᐅᓯᑦ
"ᐅᑭᐅᖅᑕᖅᑐᒥᐅᑦ ᐊᑭᑐᓗᐊᙱᑦᑐᓂᑦ, ᓈᒻᒪᒃᑐᓂᑦ ᓄᑭᓪᓚᐅᑎᖃᕆᐊᓖᑦ ᐃᖅᑲᓇᐃᔭᕈᓐᓇᖁᓪᓗᒋᑦ, ᕿᑎᒍᓐᓇᕐᓗᑎᒃᓗ ᐱᕈᖅᐸᓪᓕᐊᓗᑎᒡᓗ ᓄᓇᓕᖏᓐᓂᑦ. ᓄᑖᖅ ᐳᐃᔾᔪᕋᕐᕕᒃ ᐃᖃᓗᖕᓂᑦ ᑲᑎᑦᑕᕐᕕᐅᕗᖅ ᐃᓚᒌᓄᑦ ᓄᓇᓕᖕᒥᐅᓄᓪᓗ, ᑖᒃᑯᐊᓗ ᑲᓇᑕᐅᑉ ᒐᕙᒪᒃᑯᖏᑦ ᐊᓕᐊᓇᐃᒍᓱᒃᑐᑦ ᐃᑲᔪᖅᑐᐃᔭᕆᐊᒃᓴᖅ ᓄᑖᒥᑦ ᐱᓕᕆᐊᒥᑦ ᓄᓇᓖᑦ ᐊᑐᓗᐊᖁᓇᒋᑦ ᐃᒐᓯᐅᑎᓂᑦ, ᐊᑭᑭᒃᓕᕚᓪᓕᕐᓗᒋᑦ ᐅᖅᑰᓴᐅᑎᖏᑦ ᐳᐃᔾᔪᕋᕐᕕᖕᒥᑦ, ᐃᓯᐊᕿᓗᐊᕈᓐᓃᖅᑎᓪᓗᒋᑦ ᐳᔪᕐᓗᑦ. ᐊᓕᐊᓇᐃᒍᓱᖃᑎᒋᑦᑎᐊᖅᐸᕗᑦ ᐃᓚᐅᓚᐅᖅᑐᑦ!
ᓂᕈᐊᖅᑕᐅᓯᒪᔪᖅ ᑭᐅᕈᓕᓐ ᐱᐊᓂᑦ M.D., P.C., M.P.
ᒥᓂᔅᑕ ᓄᓇᖃᖅᑳᖅᓯᒪᔪᓄᑦ ᐅᑭᐅᖅᑕᖅᑐᒥᐅᑕᓄᓪᓗ
"ᓄᓇᕗᑦ ᒐᕙᒪᒃᑯᖏᑦ ᐊᖏᖅᓯᒪᔪᑦ ᓄᑖᓂ ᐊᔾᔨᐅᙱᑦᑐᓂᒡᓗ ᐱᓕᕆᔾᔪᑎᓄᑦ ᐊᑐᕋᓱᐊᕆᐊᒃᓴᖅ ᐊᔪᕐᓇᙱᒃᑳᖏᑦ ᐱᐅᕐᓱᐊᕐᓗᒍ ᓴᐳᑎᓗᑎᒍᓪᓗ ᐊᔾᔨᐅᙱᑦᑐᖅ ᐅᑭᐅᖅᑕᖅᑐᖅ ᐊᕙᑎᕗᑦ ᑐᙵᓱᒃᑎᑉᐸᕗᓪᓗ ᐱᓕᕆᖃᑎᒌᖕᓃᑦ ᐃᑲᔪᖅᑐᐃᔪᑦ ᒪᑭᒪᐃᓐᓇᖕᓂᖏᒥᑦ ᑮᓇᐅᔭᑎᒍᓪᓗ ᐱᕙᓪᓕᐊᑦᑎᐊᖕᓂᑦᑎᓐᓂᑦ."
ᓂᕈᐊᖅᑕᐅᓯᒪᔪᖅ ᔩᓂ ᐅᒡᔪᒃ
ᒥᓂᔅᑕ ᑲᒪᒋᔭᓕᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᑭᖁᑖᓂᑦ, ᓄᓇᕗᑦ ᒐᕙᒪᒃᑯᖏᑦ
"ᑕᒪᓐᓇ ᐆᖅᑰᓴᐅᑎᒃᓴᓕᕆᓂᖅ ᐆᒃᑑᑎᑦᑎᐊᕙᒻᒪᕆᐊᓗᒃ ᖃᓄᖅ ᓄᑖᓂ ᓄᑭᓪᓚᐅᑎᓂᑦ ᐅᑭᐅᖅᑕᖅᑐᒥᐅᓄᑦ ᐊᑐᕐᑕᐅᔪᓐᓇᖕᒪᖔᖓᓐᓂᑦ ᐊᔾᔨᒌᙱᑦᑑᑎᑦ ᒐᕙᒪᐃᑦ ᐱᓕᕆᖃᑎᒌᒃᑳᖓᒥᒃ," ᐅᖃᖅᑐᕕᓂᖅ ᐃᖃᓗᐃᑦ ᒪᐃᔭᖓ ᒫᑎᓕᓐ ᕆᒃᕘᓐ. "ᑕᒪᓐᓇ ᓄᑖᖅ ᐊᑐᒃᑲᓐᓂᒐᒃᓴᐅᔪᑦ ᐅᖅᑰᓴᐅᑎᖃᕐᕕᒃ ᐊᑭᑭᒡᓕᓈᕈᑕᐅᑐᐃᓐᓇᔾᔮᙱᓚᖅ ᓄᓇᓕᐸᐅᔭᓄᑦ, ᐊᑲᐅᓂᐊᕐᒥᔪᖅᑕᐅᖅ ᐊᕙᑎᑦᑎᓐᓄᑦ."
ᒪᑕᓚᓐ ᕆᑦᕗᓐ
ᒪᐃᔭ, ᐃᖃᓗᐃᑦ ᓄᓇᓕᐸᐅᔭᖏᓐᓄᑦ
ᓱᓕᔪᑦ
- ᐅᖅᑰᓴᐅᑎᑖᖃᑦᑕᖕᓂᖅ ᓈᒻᒪᑦᑎᐊᕐᑐᑦ ᐊᑐᙱᓐᓂᕐᓴᐅᔾᔪᑕᐅᓂᐊᕐᓗᓂ ᐃᒐᓯᐅᑎᓂᒃ ᐱᐅᓯᕚᓪᓕᕈᑕᐅᔪᓐᓇᖅᖢᓂᓗ ᐊᐅᓚᐅᑎᓄᑦ 30 ᐳᓴᓐᑎᒥᑦ (ᓄᑭᓪᓚᐅᓯᐅᖕᓂᖕᓄᑦ) 80 ᐳᓴᓐᑎᒻᒪᕆᖕᒧᑦ ᑎᑭᓪᓗᒍ.
- ᑲᓇᑕᐅᑉ ᒐᕙᒪᒃᑯᖏᑦ ᐃᑲᔪᖅᑐᐃᓚᐅᖅᑐᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂᒃ 2016-2017−ᒥᑦ ($72,000) ᐱᐊᓂᒐᓱᐊᖅᖢᓂᔾᔪᒃ ᖃᐅᔨᓴᕈᑎᑦ ᓴᓇᒪᓂᖓᑕᓗ ᐱᓕᕆᐊᖑᓂᖓᓂᑦ ᑕᒪᑐᒧᖓ ᐱᓕᕆᐊᒧᑦ.
- ᑮᓇᐅᔭᑦ ᓄᑖᒧᑦ ᐱᓕᕆᐊᒃᓴᒧᑦ ᐱᓕᕆᐊᖑᓛᖅᑐᑦ ᐅᑭᐅᖅᒻᑕᖅᑐᒥᑦ ᑲᒪᒋᔭᓕᑦ ᓄᑭᓪᓚᐅᓯᕆᓄᖕᓄᑦ ᓄᓇᓕᖕᓄᑦ ᐅᖅᑰᓴᐅᑎᓂ ᐆᒻᒪᖅᑯᑎᓄᓪᓗ ᐱᓕᕆᐊᒃᓴᖏᑎᒍᑦ, ᐃᓚᒋᔭᐅᔪᑦ ᐱᖓᓱᐃᓕᖓᔪᑎᒍᑦ−ᑲᓇᑕᒥᑦ ᑐᙵᕕᐊᓂᑦ ᓴᓗᒪᔪᒥᑦ ᓄᑭᓪᓚᐅᓯᕆᓂᖕᓄᑦ ᓯᓚᐅᓪᓗ ᐊᓯᔾᔨᖅᐸᓪᓕᐊᓂᖓᓄᑦ, ᑲᓇᑕᐅᑉ ᐱᕙᒌᔭᐅᑖ ᐱᓕᕆᐊᖃᕋᓱᐊᖅᑎᓪᓗᒋᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᐊᑲᐃᓪᓕᐅᕈᑕᐅᔪᓄᑦ.
ᐃᓚᒋᔭᐅᖃᑕᐅᔪᑦ
- ᑲᐅᔨᒋᐊᕆᑦ ᖃᓄᖅ ᓄᓇᖃᖅᑳᖅᓯᒪᔪᓕᕆᔨᒃᑯᑦ ᐅᑭᐅᖅᑕᖅᑐᒥᐅᓂᒡᓗ ᖃᓄᐃᓕᐅᖃᑦᑕᖕᒪᖔᖏᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ, ᓴᐳᔾᔨᕙᖕᓂᖏᓐᓂᒡᓗ ᐊᑎᒥᑦ.
- ᐅᑭᐅᖅᒻᑕᖅᑐᒥᑦ ᑲᒪᒋᔭᓕᑦ ᓄᑭᓪᓚᐅᓯᕆᓄᖕᓄᑦ ᓄᓇᓕᖕᓄᑦ ᐅᖅᑰᓴᐅᑎᓂ ᐆᒻᒪᖅᑯᑎᓄᓪᓗ ᐱᓕᕆᐊᒃᓴᓂᑦ
- ᐱᖓᓱᐃᓕᖓᔪᑎᒍᑦ−ᑲᓇᑕᒥᑦ ᑐᙵᕕᐊᓂᑦ ᓴᓗᒪᔪᒥᑦ ᓄᑭᓪᓚᐅᓯᕆᓂᖕᓄᑦ ᓯᓚᐅᓪᓗ ᐊᓯᔾᔨᖅᐸᓪᓕᐊᓂᖓᓄᑦ
ᑐᑭᓯᒋᐊᒃᑲᓐᓂᕈᒪᔪᑦ, ᐱᕙᓪᓕᐊᔪᓄᑦ ᖃᐅᒋᐊᕈᓐᓇᖅᑐᑦ:
ᓴᑉᕇᓇ ᐅᐃᓕᐊᒻᔅ
ᐱᕙᓪᓕᐊᔪᓄᑦ ᑎᑎᕋᖅᑎ
ᓂᕈᐊᖅᑕᐅᓯᒪᔪᖅ ᑭᐅᕈᓕᓐ ᐱᐊᓂᑦ
613-697-8316
ᓄᓇᖃᖅᑳᖅᑐᓕᕆᔨᒃᑯᑦ ᐅᑭᐅᖅᑕᖅᑐᒥᐅᓄᓪᓗ ᑲᓇᑕᒥ ᐱᕙᓪᓕᐊᔪᓕᕆᔨᑦ
ᓄᓇᖃᖅᑳᖅᑐᓕᕆᔨᒃᑯᑦ ᐅᑭᐅᖅᑕᖅᑐᒥᐅᓄᓪᓗ ᑲᓇᑕᒥ
819-953-1160
ᑐᓴᐅᒪᖃᑕᐅᒋᑦ:
ᐅᖃᖃᑕᐅᖃᑦᑕᕆᑦ ᓄᓇᖃᖅᑳᖅᓯᒪᔪᑦ ᑲᓇᑕᒥᑦ ᒥᒃᓵᓄᑦ:
ᑐᐃᑐᒃᑯᑦ: GCIndigenous
ᕙᐃᔅᐳᒃᑯᑦ: IndigenousPeoplesGC
Instagram: @gcindigenous
ᐅᖃᖃᑕᐅᖃᑦᑕᕆᑦ ᐅᑭᐅᖅᑕᖅᑑ ᒥᒃᓵᓄᑦ:
Twitter: @GovCanNorth
Facebook: @GovCanNorth
ᑎᑎᕋᕈᓐᓇᖅᑐᑎᑦ ᐱᑖᖃᑦᑕᕈᒪᓗᑦ ᐱᕙᓪᓕᐊᔪᓂᑦ ᓴᖅᑭᑕᓂᑦ ᐅᖃᐅᓯᐅᔪᓂᒡᓘᓐᓃᑦ ᑎᑎᕋᕐᕕᒋᕙᒃᑕᑦᑎᒍᑦ. ᑐᑭᓯᒋᐊᒃᑲᓐᓂᕈᒪᔪᑦ ᑎᑎᖅᑲᖅᑖᖃᑦᑕᕈᒪᔪᓪᓘᓐᓃᑦ, ᐅᕗᙵᐅᓗᑎᒃ www.aandc.gc.ca/subscriptions.
