ᐊᖏᕐᕋᖃᕐᕕᐅᔪᓂᑦ ᐊᖏᔫᑎᓂ ᐊᐅᔭᐃᖃᑦᑕᕐᓂᖏᓄᑦ ᐱᓕᕆᐊᖅ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᖏᕐᕋᖃᕐᕕᐅᔪᓂᑦ ᐊᖏᔫᑎᓂ ᐊᐅᔭᐃᖃᑦᑕᕐᓂᖏᓄᑦ ᐱᓕᕆᐊᖅ
ᓰᑏᐱᕆ 3, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᖁᕕᐊᓱᑦᑐᑦ ᑐᓴᖅᑎᑦᑎᓗᑎ ᐊᕐᕌᒍᑕᒫᑦ ᐊᖏᕋᖃᕐᕕᐅᔪᓂᑦ ᐊᖏᔫᑎᓂ ᐊᐅᔭᐃᖃᑦᑕᕐᓂᖏᓄᑦ ᐱᓕᕆᐊᖅ ᐃᖏᕋᓂᖃᓂᐊᖅᑐᖅ ᐱᒋᐊᕐᓗᓂ ᓰᑏᐱᕆ 9 ᑎᑭᓪᓗᒍ ᓰᑏᐱᕆ 14, 2024. ᑕᒪᓐᓇ ᓄᓇᓕᒻᒥᐅᑕᓂᑦ ᐱᕕᔅᓴᖃᖅᑎᑦᑎᔪᖅ ᐃᒋᑦᑎᓗᑎ ᐲᒡᒐᓇᖅᑐᓂᑦ ᐊᑭᖃᖏᓪᓗᒍ ᐃᑲᔪᖅᑕᐅᓗᑎ ᓴᓇᔪᓕᕆᔨᒃᑯᓐᓂᑦ.

ᓄᓇᓕᒻᒥᐅᑕᐃᑦ ᐃᒋᑦᑎᒍᓐᓇᖅᑐᑦ ᐅᑯᓂᖓ:
  • ᒪᕐᕉᒃ ᐃᓪᓗᒥᐅᑕᐃᑦ (ᐅᐊᓴᕐᕕᒃ, ᐸᓂᖅᓴᐅᑦ, ᖁᐊᒃᑯᕕᒃ, ᖁᐊᒃᑯᕕᓪᓚᕆᑦ, ᐅᕝᕙᓘᓐᓃᑦ ᐃᒐᒥᑦ)
  • ᐱᖓᓱᑦ ᐃᓪᓗᒥᐅᑕᐃᑦ ᐊᖏᔪᑦ ᐅᖁᒪᐃᓐᓂᖃᖅᑐᑦ 50 ᐸᐅᓐ ᐅᕝᕙᓘᓐᓃᑦ ᐅᖓᑖᓄᑦ ᐊᒻᒪ ᐊᖏᓗᐊᖅᑐᑎᑦ ᐃᕐᕈᑎᒍᓐᓇᕐᓇᑎ ᕿᕐᓂᖅᑕᓄᑦ ᐃᒋᑦᑎᕕᒻᒧᑦ ᐴᖏᓐᓄᑦ. ᐱᖃᓯᐅᑎᔪᑦ:
    o ᐃᓪᓗᒥᐅᑕᕈᔪᐃᑦ (ᐃᔅᓯᕙᐅᑕᑯᑖᑦ, ᐃᔅᓯᕙᐅᑕᐃᑦ, ᓂᕐᕆᕖᑦ, ᐊᓪᓕᓃᑦ, ᐊᓯᖏᓪᓗ)
    o ᓇᑎᒥᔅᓴᔭᐃᑦ (ᓇᑎᖅ, ᓇᑎᕐᒧᑦ ᐊᑎᒥᐅᑕᖏᑦ, ᐊᒻᒪ ᓕᓅᓕᐊᒻ), ᑲᑎᓐᖓᑎᑕᐅᔪᑦ ᐊᖏᓛᕆᔪᓐᓇᖅᑕᖓ 1.7 ᒦᑕᐃᑦ x 1 ᒦᑕᐃᑦ (5 ᐃᓯᒐᐃᑦ x 3 ᐃᓯᒐᐃᑦ) ᑕᑭᓂᖏᑦ (ᐊᑕᐅᓯᕐ ᑲᑎᓐᖓᔪᑦ ᐊᔾᔨᒋᔭᖓ ᐊᑕᐅᓯᖅ ᑲᑎᓐᖓᔪᓂᑦ)
    o ᓱᓪᓗᓖᑦ ᓱᓇᒃᑯᑖᖏᓪᓗ, ᐱᖃᓯᐅᑎᓪᓗᑎ ᐊᓇᕐᕖᑦ;
    o ᐃᒐᓛᑦ ᐊᒻᒪ ᑕᕐᕋᖅᑑᑏᑦ

ᕿᒪᓪᓗᒋᑦ ᐊᖏᔫᑎᑦ ᐱᓇᓱᐊᕈᓯᖓᓂ ᔫᓂ 24, ᑐᓐᖓᓂᖃᖅᑐᑦ ᐊᖏᕋᖃᕐᕕᐅᔪᓄᑦ ᐊᑦᑕᑯᓂᑦ ᐊᐃᔅᓴᖃᑦᑕᕐᓂᖏᓐᓄᑦ ᐊᖅᑯᑎᖓᓂ, ᐃᒪᐃᓕᖓᓂᖃᕐᓗᑎ:
  • ᐃᓛᒃᑰᖓᑎᑕᐅᓗᑎ ᐊᑦᑕᑰᒐᔪᑦᑐᓂᑦ ᓴᓂᐊᓂ ᐊᑦᑕᑯᒃᑯᕕᐅᑉ
  • ᐋᖅᑭᓱᑦᑎᐊᖅᓯᒪᔪᑦ ᑭᓱᑐᐃᓐᓇᐃᑦ
  • ᑲᑎᓐᖓᓗᑎ ᐊᑕᐅᓯᕐᒥᑦ
  • ᖁᓕᕇᖏᑦᑐᑦ

ᑭᓱᐃᑦ ᐊᐃᔭᐅᓂᐊᖅᓯᒪᖏᑦᑐᑦ ᐲᖅᑕᐅᔭᕆᐊᓖᑦ ᐊᑦᑕᑯᒃᑯᕕᐅᑉ ᓴᓂᐊᓂ (ᓲᕐᓗ, ᑐᒃᑲᕆᐊᓖᑦ, ᐱᓐᖑᐊᑦ, ᐊᓯᖏᓪᓗ) ᑕᐅᒪᐅᑕᐅᓗᑎ ᑎᒍᑕᐅᑦᑕᐱᐊᕐᖓᑕ.

ᖃᐅᔨᒪᔭᐅᔭᕆᐊᓖᑦ ᑮᓇᐅᔭᓕᐅᕋᓱᐊᓂᕐᒧᑦ ᑭᓪᓕᖏᓐᓃᑦᑐᑦ ᐱᖃᓯᐅᔾᔭᐅᖏᑦᑐᑦ ᐊᖏᔫᑎᓂᑦ ᐊᐃᔭᐅᖃᑦᑕᓂᕐᒧᑦ (ᓲᕐᓗ, ᓄᓇᓕᓪᓗᐊᑕᖓᓂ, ᐱᖓᓐᓇᖓᓂ 40 ᐊᒻᒪ ᐅᑮᕕᑐᖃᒻᒨᕆᐊᖅ ᐊᑐᕆᐊᖅ).

ᐅᑯᐊ ᓱᓇᒃᑯᑖᑦ ᓄᐊᑕᐅᔾᔮᖏᑦᑐᑦ ᐊᒻᒪ ᐊᔅᓯᕕᒻᒨᕈᔾᔭᐅᔭᕆᐊᓖᑦ ᐃᒋᑕᐅᓗᑎ ᓄᓇᓕᒻᒥᐅᑕᓄᑦ:
  • ᑲᑉᐳᔭᖅᑐᑦ (ᑕᓚᓴᐃᑦ, ᖃᕋᓴᐅᔭᐃᑦ, ᐊᓯᖏᓪᓗ)
  • ᐃᓪᓗᒥᐅᑕᐃᑦ ᐊᑦᑕᓇᖅᑐᑦ ᐊᑦᑕᑯᐃᑦ
  • ᓄᓇᓯᐅᑏᑦ, ᐱᖃᓯᐅᑎᓪᓗᑎ ᐱᓲᑏᑦ ᐃᖏᕋᔾᔪᑏᑦ
  • ᓄᓇᓯᐅᑎᓄᑦ ᐃᓚᔅᓴᐃᑦ, ᐱᖃᓯᐅᑎᓪᓗᑎ ᓄᓇᓯᐅᑎᓄᑦ ᐃᔅᓯᕙᐅᑕᖏᑦ
  • ᐊᒃᓴᓗᐊᑦ
  • ᑲᑎᓐᖓᐅᖅᑐᑦ ᐊᑦᑕᑯᐃᑦ ᐊᑕᐅᓯᕐᒦᑦᑐᑦ
  • ᐃᓪᓗᔅᓴᓄᑦ ᐊᒻᒪ ᓱᕋᔭᖅᑕᐅᔪᓂᑦ ᓴᓃᑦ
  • ᕿᔪᐃᑦ (ᐃᓪᓗᓕᐅᓂᕐᒧᑦ/ᓱᕌᔭᐃᓂᕐᒧᑦ ᐊᑦᑕᑯᐃᑦ, ᐃᓕᕝᔨᕕᔅᓴᐃᑦ, ᐃᔪᐃᑦ ᐅᒥᐊᕐᔪᐊᑰᖅᑎᑕᐅᓲᑦ, ᐴᖅᓯᒪᔪᑦ, ᒪᑐᐃᑦ, ᐊᓯᖏᓪᓗ)
  • ᓴᕕᕋᔭᖅ
  • ᐳᓪᓚᓄᑦ ᐳᓪᓚᖃᐅᑏᑦ
  • ᐸᑕᓖᑦ
  • ᓄᓇᐃᑦ ᐊᒻᒪ ᐅᔭᖅᑲᐃᑦ
  • ᐆᒪᔪᖁᑎᒋᔭᐅᔪᓄᑦ ᐊᓇᐃᑦ
  • ᑎᓯᔪᑦ ᐸᐃᑉᐸᑦ – ᐱᖃᓯᐅᔾᔭᐅᓯᒪᔭᕇᖅᑐᑦ ᐊᖏᕋᖃᕐᕕᐅᔪᓄᑦ ᐊᐃᔭᐅᖃᑦᑕᖅᑐᓄᑦ, ᐅᕝᕙᓘᓐᓃᑦ ᐊᔅᓯᕕᒻᒨᕈᔾᔭᐅᔪᓐᓇᖅᑐᖅ

ᖁᓛᓃᑦᑐᑦ ᑭᓱᑐᐃᓐᓇᐃᑦ ᐱᖃᓯᐅᔾᔭᐅᓯᒪᖏᑦᑐᑦ ᐊᖏᔫᑎᓂ ᐊᐅᔭᐃᖃᑦᑕᕐᓂᖏᓄᑦ ᐱᓕᕆᐊᒥᑦ ᑐᓐᖓᓂᖃᖅᑐᑦ ᐊᑭᓖᑎᑕᐅᓗᑎ ᐃᒋᑕᐅᓂᖏᓐᓄᑦ. ᕿᒥᕐᕈᒍᒪᕕᒋᑦ ᐊᑦᑐᐊᓂᓖᑦ ᐊᑭᖏᓐᓄᑦ ᖁᓛᓃᑦᑐᓄᑦ, ᑕᑯᒋᐊᒃᑭᑦ ᒪᓕᒐᕋᓛᖅ #908 ᑲᑎᓐᖓᑎᑕᐅᔪᑦ ᐊᑭᖏᑦ ᐊᒻᒪ ᐊᑭᓕᕆᐊᓖᑦ ᒪᓕᒐᕋᓛᖅ ᓄᓇᓕᐸᐅᔭᖅ ᐃᖃᓗᐃᑦ ᐃᕐᖏᓐᓈᕈᑎᒃᑯᑦ ᑐᑭᓯᒋᐊᕐᕕᖓᒍᑦ https://www.iqaluit.ca/content/consolidated-fees-and-charges-law-no-908

ᑕᑯᓂᐊᕐᓗᒋᑦ ᐊᑖᓃᑦᑐᑦ ᓄᓇᓕᐸᐅᔭᒃᑯᑦ ᐊᖏᕐᕋᖃᕐᕕᓄᑦ ᐊᑦᑕᑯᓄᑦ ᐊᐃᔭᐅᓂᖏᓐᓄᑦ ᐊᑐᖅᑕᐅᕙᑦᑐᑦ ᐊᒻᒪ ᓄᓇᖑᐊᖅ
  • ᓇᒡᒐᔾᐅ: ᓄᓇᖃᕝᕕᓪᓗᐊᑕᖓ; ᐊᑦᑎᓂᖅᓴᖓ ᐃᖃᓗᐃᑦ (ᓄᓇᖑᐊᒥ ᓇᓗᓇᐃᒃᑯᑕᖓ ᖁᓱᖅᑐᖅ)
  • ᐊᐃᑉᐱᖅ: ᓂᐊᖁᙳᑦ; ᓄᓇᖃᕝᕕᓪᓗᐊᑕᖓ; ᓇᑎᕐᓇᒥᐅᑦ (ᓄᓇᖑᐊᒥ ᓇᓗᓇᐃᒃᑯᑕᖓ ᑐᖑᔪᖅᑐᖅ)
  • ᐱᖓᑦᑎᖅ: ᕼᐋᐱ ᕚᓕ, ᑕᓯᕐᒥᐅᑕᐃᑦ; ᑕᑉᐸᐅᖓᑐᐃᓐᓇᖅ ᐊᑐᕆᐊᖅ (ᓄᓇᖑᐊᒥ ᓇᓗᓇᐃᒃᑯᑕᖓ ᐊᐅᐸᕈᔪᑦᑐᖅ)
  • ᕿᑎᖅᑰᖅ: ᓇᑎᕐᓇᐅᑉ ᓯᕕᖓᓂᖓ (ᓄᓇᖑᐊᒥ ᓇᓗᓇᐃᒃᑯᑕᖓ ᑐᖑᔪᐊᖓᔪᖅ)
  • ᑕᓪᓕᕐᒥᖅ: ᖃᖅᑲᒥᐅᑕᐃᑦ (ᓄᓇᖑᐊᒥ ᓇᓗᓇᐃᒃᑯᑕᖓ ᑐᖑᔪᕈᔪᑦᑐᖅ)

##

ᑐᑭᓯᒋᐊᒃᑲᓐᓂᕈᒪᔪᑦ ᖃᐅᔨᒋᐊᖅᑕᐅᒍᓐᓇᖅᑐᖅ ᐅᓇ:
ᐳᕆᐋᓇ ᓴᐃᒻᒪᐃᔪᖅ-ᐸᐃᓐᔅ
ᓴᓇᔪᓕᕆᔨᒃᑯᑦ ᑎᑎᕋᖅᑎ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5630 | b.shaimaiyuk-baines@iqaluit.ca

** ᑕᑯᓗᒍ ᐊᑦᑕᑕᖅᓯᒪᔪᖅ PDF−ᒧᑦ ᑐᖅᑯᖅᓯᓯᒪᕝᕕᒃ ᓄᓇᙳᐊᖅ**