ᐱᖕᖑᐊᖅᑐᓕᕆᓂᖅ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᐃᒪᖃᖏᑲᐃᓐᓇᓂᐊᖅᑐᑦ ᐊᒻᒪ ᐃᒥᕐᒥᒃ ᑎᖅᑎᑎᑦᓯᖃᑦᑕᕆᐊᖃᕐᓂᐊᕐᒪᑕ ᐅᖃᐅᔾᔪᐃᔾᔪᑎ - 770, 771, 772, 774, 775, 776, 778, 782, 784, 786,788, 790ᐃ/ᐱ

ᓅᕖᐱᕆ 22, 2024 - ᐃᖃᓗᐃᑦ, ᓄᓇᕗᑦ

ᐅᖃᐅᔾᔭᐅᓕᕆᕗᓯ ᐃᒪᖃᖏᑲᐃᓐᓇᖅᑎᑕᐅᓂᐊᓴᔪᓂᒃ ᓇᒑᔾᔭᐅ, ᓅᕖᐱᕆ 25, ᐱᒋᐊᕐᓗᑎᒃ ᐅᓪᓗᒃᑯᑦ 9-

ᒥᒃ 12-ᒧᓄᑦ ᓴᓇᔭᐅᒋᐊᓖᑦ ᓴᓇᔭᐅᑲᐃᓐᓇᓛᕐᒪᑕ ᒪᑭᒪᑎᑦᓯᔾᔪᑎᐅᔪᑦ ᐱᓕᕆᔾᔪᑎᓂᒃ.

ᐅᑯᐊ ᐃᒪᖃᖏᑲᐃᓐᓇᖅᑎᑕᐅᓛᖅᑐᑦ: 770, 771, 772, 774, 775, 776, 778, 782, 784, 786, 788,790ᐃ/ᐱ.

ᐃᓄᖕᓄᑦ ᑐᓴᕋᑦᓴᖅ

ᓇᓪᓕᐅᓂᕐᓯᐅᕈᑎᖃᕐᓂᖅ ᐊᑭᓕᕐᓱᖅᑕᐅᒐᑎᒃ ᐃᑲᔪᖅᐸᑦᑐᓂᒃ ᐱᔾᔪᓯᐊᖅᑎᑕᐅᓗᑎᒃ

ᓅᕖᐱᕆ 22, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᐅᐱᒍᓲᑎᖃᑦᓯᐊᖅᑐᑎᒃ ᓇᓪᓕᐅᓂᕐᓯᐅᕈᑎᖃᓕᕐᒥᔪᑦ ᑲᒪᓇᖅᐸᑦᑐᓂᒃ ᑐᓂᕐᕈᑎᖃᖅᐸᑦᑐᓂᒃ ᖃᓄᑐᐃᓐᓇᑦᓯᐊᖅ ᓄᓇᓕᕐᒥᐅᑕᓂᒃ ᐊᑭᓕᕐᓱᖅᑕᐅᒐᑎᒃ ᐃᑲᔪᖅᐸᑦᑐᓂᒃ ᐱᔾᔪᓯᐊᖅᑎᑦᓯᓂᒃᑯᑦ ᐅᓐᓄᖃᖅᑎᑦᓯᓂᐅᓚᐅᖅᑐᒥ ᓅᕖᐱᕆ 14-ᖑᑎᓪᓗᒍ. ᑖᓐᓇ ᐅᓐᓅᔪᖅ ᐊᑐᖅᑕᐅᓚᐅᖅᑐᖅ ᐃᓕᑕᕆᔭᐅᒍᒪᓪᓗᑎᒃ ᑭᒃᑯᑐᐃᓐᓇᐃᑦ ᐊᒻᒪ ᑲᑐᔾᔨᖃᑎᒌᖑᔪᑦ ᑐᓂᕐᕈᑎᖃᖅᐸᑦᑐᑦ ᐃᓱᒪᕐᓲᑎᒥᓂᒃ ᐅᓪᓗᕐᓂᒃ, ᐆᒻᒪᑦᓯᐊᕆᓐᓂᕐᒥᓂᒃ, ᐊᒻᒪ ᐱᓕᒻᒪᓴᕐᓯᒪᔭᕐᒥᓂᒃ ᐃᖃᓗᓐᓂᒃ ᓴᖏᔫᖁᔨᑦᓯᐊᖅᑐᑎᒃ ᐊᒻᒪ ᖃᓄᐃᓕᐅᕈᑎᖃᑦᓯᐊᖁᓪᓗᒋᑦ ᑭᒃᑯᑐᐃᓐᓇᑦᓯᐊᑦ.

ᐃᓪᓗᓂ ᐅᓗᕆᐊᓇᖅᑐᓂᒃ ᓴᓂᓕᕆᓂᕐᒥᒃ ᐱᓕᕆᐊᑦᓴᖅ ᐱᓪᓗᒍ ᐱᓪᓗᐊᑕᐅᔪᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑯᓂᐅᔪᒧᑦ ᐃᒥᖃᖅᑎᑦᓯᓂᖅ - ᐱᔾᔪᑎᐅᓗᓂ ᑐᑭᓯᒋᐊᕈᑎᓕᕆᓂᐊᖅᑐᑦ
ᓅᕖᐱᕆ 20, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᑐᖕᖓᓱᑦᑎᑦᓯᓕᕐᒥᔪᑦ ᓄᓇᓕᕐᒥᐅᑕᓂᒃ ᐅᐸᖁᔨᓪᓗᑎᒃ ᑐᑭᓯᒋᐊᕈᑎᓕᕆᔪᓂᒃ ᐱᔾᔪᑎᒋᓪᓗᒍ ᐊᑯᓂᐅᔪᒧᑦ ᐃᒥᖃᖅᑎᑦᓯᓂᕐᒥᒃ ᐱᓕᕆᐊᑦᓴᒥᒃ. ᑕᒪᒃᑯᓂᖓ ᑐᑭᓯᒋᐊᕈᑎᓕᕆᓂᐊᖅᑐᑦ ᑐᓴᖅᑎᑦᓯᓂᐊᖅᑐᑦ ᖃᓄᐃᒍᑎᐅᓯᒪᓕᖅᑐᓂᒃ ᐊᒻᒪ ᐸᕐᓇᐅᑎᓂᒃ ᑭᖑᓂᖏᒍᑦ ᓄᓇᓕᕐᒥᐅᑕᓂᒃ ᐱᓕᕆᖃᑎᖃᓚᐅᖅᑐᑎᒃ ᐱᓕᕆᐊᖑᓯᒪᔪᓂᒃ.

ᐅᓪᓗᐃᑦ ᐊᒻᒪ ᑲᑎᒪᕕᐅᒐᔭᖅᑐᑦ:
  • ᓅᕖᐱᕆ 27, 2024: ᐃᓐᓇᑐᖃᐃᑦ ᖃᒻᒪᖓᓐᓂ, ᐃᖃᓗᓐᓂ, ᐅᓐᓄᓴᒃᑯᑦ 4-ᒥᓂᒃ 6-ᒧᓄᑦ
  • ᓅᕖᐱᕆ 28, 2024: ᐊᐃᑉ ᐅᒃᐱᒃ ᐱᖕᖑᐊᕐᕕᕋᓛᒥ, ᓂᐊᖁᖕᖒᒥ, ᐅᓐᓄᓴᒃᑯᑦ 4-ᒥᓂᒃ 6-ᒧᓄᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐴᖅᑲᐃᓂᖅ ᐴᑦᓴᓄᑦ ᑐᓂᕐᕈᑎᑦᓴᓂᒃ ᐱᓕᕆᐊᑦᓴᖅ!
ᓅᕖᐱᕆ 20, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ, ᑲᑐᔾᔨᖃᑎᖃᖅᑐᑎᒃ ᐃᖃᓗᐃᑦ ᖃᑦᑎᕆᔨᒃᑯᖏᓐᓂᒃ (IFD) ᐊᒻᒪ ᐃᖃᓗᐃᑦ ᖃᑦᑎᕆᔨᒃᑯᑦ ᑲᑐᔾᔨᖃᑎᒌᖏᓐᓂᒃ (IFA), ᑐᖕᖓᓱᑦᑎᑦᓯᔨᐅᓕᕐᒥᔪᑦ ᐊᕐᕌᒍᑕᒫᕐᓯᐅᑎᒥᒃ ᑕᐃᔭᐅᔪᒥᒃ ᐴᖅᑲᐃᓂᖅ ᐴᑦᓴᓄᑦ ᑐᓂᕐᕈᓯᐊᑦᓴᓂᒃ ᐱᓕᕆᐊᑦᓴᒥᒃ ᓈᑦᓯᐅᖑᔭᓛᕐᓂᐊᖑᓕᖅᐸᑦ, ᑏᓰᐱᕆ 7, 2024.

ᓄᐊᑦᓯᓛᖅᑐᒍᑦ ᑐᓂᕐᕈᑎᑦᓴᓂᒃ ᐅᑯᓇᓂ:
  • ᓂᐅᕕᕐᕕᒃ ᓄᐊᖦᒫᑦ (NorthMart): 10-ᒥᒃ ᐅᓪᓛᒃᑯᑦ – 1-ᒧᓄᑦ ᐅᓐᓄᓴᒃᑯᑦ
  • ᓴᓪᓗᒥᓂᕐᒥ (Arctic Ventures): 1-ᒥᓂᒃ – 3-ᒧᓄᑦ ᐅᓐᓄᓴᒃᑯᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐋᖅᑭᒋᐊᕈᑎᖓ ᐱᔭᕇᖅᑕᐅᕕᑦᓴᖓᑕ ᐅᓪᓗᕐᓯᐅᑎᒍᑦ ᑭᓈᓗᓕᕆᔾᔪᑎᓂᒃ ᓴᓇᒋᐊᕐᓂᐅᔪᑦ ᐊᑦᓯᓂᕐᓴᒥ ᐃᖃᓗᓐᓂ
ᓅᕖᐱᕆ 20, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᐊᑑᑎᓕᒻᒪᕆᓐᓂᒃ ᑭᓈᓗᓕᕆᔾᔪᑎᓂᒃ ᓴᓇᒋᐊᖅᐸᓪᓕᐊᓕᕐᒪᑕ ᐊᑦᓯᓂᕐᓴᒥ ᐃᖃᓗᓐᓂ ᐱᐅᓯᒋᐊᒃᑲᓐᓂᖁᓪᓗᒋᑦ ᒪᑭᒪᑎᑦᓯᔾᔪᑎᐅᔪᑦ ᑕᑎᒋᔭᐅᔪᓐᓇᕐᓂᖏᑦ ᐊᑐᐃᓐᓇᕐᓂᐊᕐᓂᖏᓐᓄᑦ ᐊᒻᒪ ᐊᔾᔨᒌᒥᒃ ᐱᔨᑦᓯᕋᐅᑎᐅᖁᓪᓗᒋᑦ ᓄᓇᓕᕐᒥᐅᑕᐃᑦ. ᐱᓕᕆᐊᑦᓴᑎᒍᑦ ᑭᖑᕝᕕᖅᑕᐅᓂᐊᖅᑐᑦ ᐊᑐᖅᑕᐅᕙᑦᑐᑦ ᐊᒻᒪᔪᐃᑦ ᓱᓪᓗᓕᓐᓄᑦ ᐊᒻᒪ ᓱᓪᓗᓕᑦᑕᖏᑦ.

ᐋᖅᑭᒋᐊᖅᑕᐅᓯᒪᔪᖅ ᐅᓪᓗᕐᓯᐅᑎᖓ ᐱᓕᕆᐊᑦᓴᐅᑉ:
  • ᐱᒋᐊᕐᕕᖓ ᐅᓪᓗᕐᓯᐅᑎᒍᑦ: ᓰᑏᐱᕆ 11, 2024
  • ᓄᑖᖅ ᓇᓚᐅᑦᑖᕈᑎᐅᓯᒪᔪᖅ ᐱᔭᕇᕐᕕᑦᓴᖓ ᐅᓪᓗᕐᓯᐅᑎᒍᑦ: ᑏᓰᐱᕆ 20, 2024

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᐱᔪᓐᓇᐅᑎᖃᕋᑎᒃ ᑮᓇᐅᔭᓂᒃ ᐱᓕᕆᔾᔪᑎᑦᓴᓂᒃ ᓄᐊᑦᑎᕙᑦᑐᓄᑦ ᓇᓗᓇᐃᕐᓯᔾᔪᑎ
ᓅᕖᐱᕆ 19, 2024 - ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᓄᓇᓕᐸᐅᔭᒃᑯᑦ ᐃᖃᓗᓐᓂ ᐅᕝᕙᓘᓐᓃᑦ ᐱᖕᖑᐊᖅᑐᓕᕆᔨᒃᑯᖏᑦ ᒫᓐᓇᒃᑯᑦ ᐃᓚᒋᔭᐅᖏᒻᒪᑕ ᖃᓄᑐᐃᓐᓇᖅ ᑮᓇᐅᔭᓂᒃ ᐱᓕᕆᔾᔪᑎᑦᓴᓂᒃ ᓄᐊᑦᓯᔪᓄᑦ ᐃᓅᖃᑎᒌᓐᓂᒃ ᑐᓴᐅᒪᑎᑦᓯᔾᔪᑎᒃᑰᐸᑦᑐᓄᑦ. ᐅᖃᐅᓯᐅᕙᓕᕐᒪᑕ ᐱᔪᓐᓇᐅᑎᖃᕋᑎᒃ ᐊᒻᒪ ᐊᑦᑐᐊᖃᑕᐅᒐᑎᒃ ᑮᓇᐅᔭᓂᒃ ᐱᓕᕆᔾᔪᑎᑦᓴᓂᒃ ᓄᐊᑦᑎᓂᒃᑯᑦ ᐱᒋᐊᖅᑎᑕᐅᓯᒪᔪᓄᑦ ᓱᓕᒐᑎᒃ ᑭᒡᒐᖅᑐᐃᓂᕋᖅᐸᑦᑐᑎᒃ ᓄᓇᓕᐸᐅᔭᒃᑯᓐᓂᒃ ᐃᓱᒫᓗᓇᓕᕐᒪᑕ.

ᖃᐅᔨᒪᓂᐊᖅᑯᓯ ᖃᓄᑐᐃᓐᓇᖅ ᑮᓇᐅᔭᓂᒃ ᐱᓕᕆᔾᔪᑎᑦᓴᓂᒃ ᖃᓄᖅᑑᕈᑎᐅᕙᑦᑐᑦ ᓄᓇᓕᐸᐅᔭᒃᑯᓐᓄᑦ ᐃᖃᓗᓐᓂ ᐅᖃᐅᓯᐅᕙᓐᓂᐊᕐᒪᑕ ᓄᓇᓕᐸᐅᔭᒃᑯᑦ ᐱᓕᕆᔾᔪᑎᒍᑦ ᐃᓅᖃᑎᒌᓐᓂᒃ ᑐᓴᐅᒪᑎᑦᓯᔾᔪᑎᖏᒍᑦ ᐅᕝᕙᓘᓐᓃᑦ ᐃᑭᐊᖅᑭᕕᒃᑯᑦ ᐊᒻᒪ ᐊᐅᓚᑕᐅᕙᒐᑎᒃ ᐃᓄᑐᐊᓄᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᒪᖃᖏᑲᐃᓐᓇᓂᐊᖅᑐᑦ ᐊᒻᒪ ᐃᒥᕐᒥᒃ ᑎᖅᑎᑎᑦᓯᖃᑦᑕᕆᐊᖃᕐᓂᐊᕐᒪᑕ ᐅᖃᐅᔾᔪᐃᔾᔪᑎ - 770, 771, 772, 774, 775, 776, 778, 782, 784, 786, 790ᐃ/ᐱ, 765, 781, 800, 805, 805ᐃ, 807
ᓅᕖᐱᕆ 19, 2024 - ᐃᖃᓗᐃᑦ, ᓄᓇᕗᑦ

ᐅᖃᐅᔾᔭᐅᓕᕆᕗᓯ ᐃᒪᖃᖏᑲᐃᓐᓇᖅᑎᑕᐅᓂᐊᓴᔪᓂᒃ ᑎᓴᒻᒥᖅ, ᓅᕖᐱᕆ 21, ᐱᒋᐊᕐᓗᑎᒃ ᐅᓪᓗᒃᑯᑦ 9-ᒥᒃ 12-ᒧᓄᑦ ᓴᓇᔭᐅᒋᐊᓖᑦ ᓴᓇᔭᐅᑲᐃᓐᓇᓛᕐᒪᑕ ᒪᑭᒪᑎᑦᓯᔾᔪᑎᐅᔪᑦ ᐱᓕᕆᔾᔪᑎᓂᒃ.

ᐅᑯᐊ ᐃᒪᖃᖏᑲᐃᓐᓇᖅᑎᑕᐅᓛᖅᑐᑦ: 770, 771, 772, 774, 775, 776, 778, 782, 784, 786, 790ᐃ/ᐱ, 765, 781, 800, 805, 805ᐃ, 807.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑐᕆᐊᖅ ᒪᑐᓯᒪᓂᐊᖅᑐᖅ - ᑯᐃᓐ ᐃᓕᓴᐸᖦ ᐊᑐᕆᐊᖅ ᐊᒻᒪ ᓯᓈ ᐊᑐᕆᐊᑉ ᓴᖑᒋᐊᕐᕕᖏᒃ
ᓅᕖᐱᕆ 19, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᒃ ᐊᑐᕆᐊᒥᒃ ᒪᑐᔭᐅᓯᒪᓂᐊᖅᑐᒥᒃ ᓴᖑᒋᐊᕐᕕᖓᒍᑦ ᑯᐃᓐ ᐃᓕᓴᐸᖦ ᐊᑐᕆᐊᑉ ᐊᒻᒪ ᓯᓈ ᐊᑐᕆᐊᑉ (ᓵᖓᓃᑦᑐᖅ ᐃᓐᓇᑐᖃᐃᑦ ᖃᒻᒪᖓᑕ) ᓅᕖᐱᕆ 22 ᐅᕗᖓ ᑏᓰᐱᕆ 1, 2024. ᒪᑐᔭᐅᓯᒪᒋᐊᖃᕐᒪᑦ ᓄᑖᓂᒃ ᑭᓈᓗᓕᕆᔾᔪᑎᓂᒃ ᓱᓪᓗᓕᑦᓴᓂᒃ ᐋᖅᑭᑦᓱᐃᓂᖏᓐᓂ.

ᓴᖑᕕᐅᔪᓐᓇᖅᑐᑦ:

ᐊᑐᕆᐊᒃᑰᖅᑐᑦ ᐊᖅᑯᑎᖃᑲᐃᓐᓇᖅᑎᑕᐅᓂᐊᖅᑐᑦ ᐸᐅᒑ ᐊᑐᕆᐊᒃᑯᑦ ᐊᒻᒪ ᒪᑦᑖᖅ ᐊᑐᕆᐊᒃᑯᑦ. ᓇᐅᒃᑯᑦ ᓴᖑᒍᓐᓇᕐᒪᖔᑕ ᓄᓇᖕᖑᐊᒥᒃ ᐃᓚᓕᐅᔾᔨᓯᒪᔪᑦ ᓄᓇᒃᑰᔫᖅᐸᑦᑐᓂᒃ ᐃᑲᔫᑎᐅᖁᓪᓗᒍ ᓇᐅᒃᑰᕆᐊᖃᕐᒪᖔᑕ ᒪᑐᔭᐅᓯᒪᓂᖏᓐᓂ.
ᓄᓇᓕᐸᐅᔭᒃᑯᑦ ᖁᔭᓕᕙᑦᑐᑦ ᐅᑕᖅᑭᑦᓯᐊᐸᓐᓂᓯᓐᓂᒃ ᐱᔭᕇᖅᑕᐅᓇᓱᐊᕐᓂᖏᓐᓂ ᐱᒻᒪᕆᐅᔪᖅ ᒪᑭᒪᔾᔪᑎᓂᒃ ᐱᓕᕆᓂᐅᔪᖅ.

##