ᐅᖃᐅᓯᐅᔪᖅ ᑲᑎᒪᔨᓂᑦ - ᐅᐱᒋᔭᐅᓂᖏᑦ ᐊᓯᐅᓯᒪᔪᑦ ᐊᒻᒪ ᐃᓄᐊᖅᑕᐅᓯᒪᔪᓪᓗ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ, ᓂᕕᐊᕐᓯᐊᑦ, ᐊᒻᒪ ᒪᕐᕉᓐᓂᒃ−ᑕᕐᓂᓖᑦ ᐃᓄᐃᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐅᖃᐅᓯᐅᔪᖅ ᑲᑎᒪᔨᓂᑦ - ᐅᐱᒋᔭᐅᓂᖏᑦ ᐊᓯᐅᓯᒪᔪᑦ ᐊᒻᒪ ᐃᓄᐊᖅᑕᐅᓯᒪᔪᓪᓗ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ, ᓂᕕᐊᕐᓯᐊᑦ, ᐊᒻᒪ ᒪᕐᕉᓐᓂᒃ−ᑕᕐᓂᓖᑦ ᐃᓄᐃᑦ
ᒪᐃ 5, 2025 – ᐃᖃᓗᐃᑦ, ᓄᓇᕗᑦ

ᐅᓪᓗᒥ, ᒪᐃᔭ ᐊᒻᒪ ᑲᑎᒪᔩᑦ ᐃᑲᔪᖅᑐᐃᕗᑦ ᓄᓇᓕᓐᓂ ᑲᓇᑕᓕᒫᒥᒃ ᐃᓕᓴᕆᔭᐅᑎᓪᓗᒍ ᐊᐅᐸᖅᑐᖅ ᐊᑕᔪᖅ ᐅᓪᓗᖓ, ᑲᓇᑕᓕᒫᒥᒃ ᐅᓪᓗᖓ ᐅᔾᔨᕈᓱᑦᑎᑦᑎᓂᐅᕗᖅ ᐊᓯᐅᓯᒪᔪᓂᒃ ᐊᒻᒪ ᐃᓄᐊᖅᑕᐅᓯᒪᔪᓂᒃ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ, ᓂᕕᐊᕐᓯᐊᑦ, ᐊᒻᒪ ᒪᕐᕉᓐᓂ−ᑕᕐᓂᓖᑦ ᐃᓄᐃᑦ (MMIWG2S+)

ᐅᓪᓛᖑᔪᖅ, ᒪᐃᔭ ᐊᒻᒪᓗ ᑲᑎᒪᔩᑦ ᐅᐱᒍᓱᖅᑲᐅᕗᑦ ᐃᓚᐅᔪᓐᓇᕐᓂᖏᑕ ᓴᖅᑭᑕᐅᑎᓪᓗᒋᑦ ᓄᑖᑦ ᓴᓇᐅᒐᐃᑦ ᐊᐅᐸᖅᑐᓂᒃ ᓄᐊᑕᐅᓯᒪᔪᓂᑦ, ᐊᐅᓚᑕᐅᓪᓗᑎᒃ ᖁᓪᓖᑦ ᓄᓇᕗᒻᒥ ᐊᕐᓇᐃᑦ ᑲᑎᒪᔨᖏᓐᓄᑦ. ᖁᔭᓕᕕᒋᕙᕗᑦ ᖁᓪᓖᑦ ᓯᕗᓕᖅᑎᐅᖏᓐᓇᕐᓂᖏᓐᓄᑦ ᐊᒻᒪ ᑭᒡᒐᖅᑐᐃᖏᓐᓇᐸᓐᓇᖏᓐᓄᑦ, ᐃᓂᔅᓴᓕᐅᕐᓂᖏᓐᓄᓪᓗ ᐅᐱᒋᔭᖃᖅᑐᑎᒃ ᐃᓅᓯᕆᓚᐅᖅᑕᖏᑕ ᐊᓯᐅᓯᒪᔪᑦ ᐊᒻᒪ ᓂᐱᖏᑦ ᓱᓕ ᒪᓕᒐᓕᕆᓂᒃᑯᑦ ᑲᒪᒋᔭᐅᖏᓐᓇᖅᐳᖅ ᒫᓐᓇᒧᑦ.

ᐅᓪᓗᒥ ᐃᖅᑲᐅᒪᔾᔪᑕᐅᓂᐊᖅᑑᑉ ᐃᓚᖓᒍᑦ, ᓄᓇᓕᓐᓂ ᐱᓱᓯᒋᐊᓛᖅᑐᑦ 5:15-ᒧᑉᐸᑦ ᐅᓐᓄᒃᓴᒃᑯᑦ Four Corners-ᒥ ᐱᒋᐊᕐᓗᑎᑦ, ᑭᖑᓂᐊᒍᓪᓗ ᑕᒧᓗᒐᔅᓴᖃᓛᖅᑐᖅ ᐊᒻᒪ ᐃᖅᑲᐅᒪᔭᐅᓗᑎᑦ ᐃᓐᓇᑐᖃᐃᑦ ᖃᕐᒪᖓᓂ. ᑎᓕᐅᕆᕗᒍᑦ ᓄᓇᖃᖅᑐᓂᒃ ᐃᓚᐅᖁᓪᓗᒋᑦ ᐊᑕᐅᓯᐅᖃᑎᒌᕐᓂᕐᒥᒃ ᐊᒻᒪ ᐃᑲᔪᖅᑐᐃᓂᕐᒥᓪᓗ.

ᐊᐅᐸᖅᑐᖅ ᐊᑕᔪᖅ ᐅᓪᓗᖓ ᐃᖅᑲᐅᒪᓂᐅᔪᖅ, ᐃᖅᑲᐅᒪᒋᓗᒋᑦ, ᐊᒻᒪ ᐊᐅᓚᔾᔭᐃᒋᐊᕋᓱᐊᕐᓂᕐᒥᒃ. ᐊᐅᐸᖅᑐᑦ ᐊᑕᔪᑦ ᑕᑯᔅᓴᐅᑎᑕᐅᔪᑦ ᑲᓇᑕᓕᒫᒥᒃ ᓇᓗᓇᐃᒃᑯᑕᑐᐃᓐᓇᐅᖏᒻᒪᑦ ᑕᐃᒃᑯᓄᖓ ᐊᓯᐅᓯᒪᔪᓄᑦ, ᑭᓯᐊᓂ ᑐᐊᕕᕐᓇᖅᑐᖅ ᒪᓕᒐᓕᕆᓂᒃᑯᑦ ᐱᓕᕆᐊᖑᔭᕆᐋᓕᑦ ᐊᒻᒪ ᐊᓯᔾᔨᕈᑎᒃᓴᐃᑦ. ᒪᐃᔭ ᐊᒻᒪ ᑲᑎᒪᔩᑦ ᐊᖏᖅᓯᒪᐃᓐᓇᖅᑐᑦ ᐃᑲᔪᖅᑐᐃᓂᕐᒥᒃ ᐊᑦᑕᓇᔾᔭᐃᕐᓯᓯᒪᓂᕐᒥᒃ, ᐱᑦᑎᐊᓂᕐᒥᒃ ᐊᒻᒪ ᐊᔾᔨᒌᒃᑎᑦᑎᓂᕐᒥᓪᓗ ᓄᓇᖃᖅᑳᖅᓯᒪᔪᓕᒫᓂᒃ ᐊᕐᓇᓂᑦ, ᓂᕕᐊᕐᓯᐊᓂᑦ, ᐊᒻᒪ 2SLGBTQIA+ ᐃᓄᓐᓂᑦ.

ᐊᑐᖁᔨᕗᒍᑦ ᓄᓇᓕᒻᒥᐅᑕᓕᒫᓂᒃ ᐊᐅᐸᖅᑐᒥᒃ ᐃᖅᑲᐅᒪᔾᔪᑎᒋᓂᐊᕐᓗᒍ ᐊᒻᒪ ᐊᑕᐅᓯᐅᖃᑎᒌᓪᓗᑕ − ᐅᐱᒋᓗᒋᑦ ᑕᐃᒃᑯᐊ ᐃᓅᒍᓐᓃᕐᓯᒪᔪᑦ ᐊᒻᒪ ᐃᑲᔪᖅᑐᕐᓗᒍ ᐃᖅᑲᖅᑐᐃᕕᒃᑰᑎᑦᑎᒐᓱᐊᖏᓐᓇᕐᓂᐅᔪᑦ.

##

ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒋᔪᓐᓇᖅᑕᐃᑦ:
 

ᔨᐊᕝ ᐴᓂ
ᑐᓴᐅᒪᔪᓕᕆᔨ ᐊᒻᒪ ᐊᑭᓕᖅᓱᐃᕙᑦᑐᓄᑦ ᐱᔨᑦᑎᕋᕐᓂᕐᒧᑦ ᐊᐅᓚᑦᑎᔨ
ᐃᖃᓗᓐᓂ ᓄᓇᓕᐸᐅᔭᖅ 867-979-5619 | G.Byrne@iqaluit.ca