ᐱᖕᖑᐊᖅᑐᓕᕆᓂᖅ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑐᑲᐃᓇᑐᐃᓐᓇᓐᓂᐋᑦᑐᑦ ᐃᒥᐅᑉ ᓴᙱᓂᖓ ᐊᓯᕈᔅᓯᒪᓂᐊᒻᒪᑦ – 5200 ᓇᔪᑦᑕᖓᓂ
ᑎᓯᐱᕆ 5, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᖃᐅᔨᒪᖁᔨᕗᑦ ᓄᓇᓕᒥᐅᑕᐅᔪᓂᒃ 5200 ᓇᔪᑦᑕᖓᓂ ᓂᕆᐅᖁᓪᓗᒋᑦ ᕿᓚᒻᒥᐅᔪᒥᒃ−ᐊᑐᓐᓂᐊᓪᓗᓂ ᐊᓯᕈᓐᓂᐊᒻᒪᑕ ᐃᒥᐅᑉ ᓴᙱᓂᖓ ᐊᑯᓐᓂᖏᓐᓂ 7:30−ᒥ ᐅᓪᓛᒃᑯᑦ ᐊᒻᒪᓗ 8:00−ᒥ ᐅᓪᓛᒃᑯᑦ ᐊᑐᑦᑎᓪᓗᒋᑦ ᐊᑐᓂᐊᑐᐃᓐᓇᑦᑐᒥ ᐱᓇᓱᐊᕈᓯᒻᒥ, ᓄᓇᓕᐸᐅᔭᒃᑯᑦ ᐃᖅᑲᓇᐃᔭᑦᑎᖏᑦ ᖃᐅᔨᒐᓱᐋᑦᑎᓪᓗᒋᑦ ᐃᒻᒥᓂᒃ−ᐊᐅᓚᔾᔪᑎᓕᒨᖓᔪᓂᒃ ᐊᑲᐅᙱᓕᐅᕈᑎᒥᒃ.

7:30−ᒥ ᐅᓪᓛᒃᑯᑦ ᑕᒪᑐᒪᓂ ᐅᓪᓛᖓᓂ, ᕿᓚᒥᐊᓗᒃ ᓴᙱᓂᖃᕈᓐᓃᑲᐃᓐᓇᓚᐅᓂᖓᓂᒃ ᐅᖃᐅᑎᒋᔭᐅᓚᐅᒻᒪᑦ, ᑕᐃᒪᖑᒋᓪᓗᓂ ᐅᖃᐅᒥᕆᐅᓚᐅᓂᖓ ᐊᑲᐅᙱᓕᐅᕈᑎᖓᑕ ᑕᐅᕙᙵᑦ ᐃᒻᒥᒃᑰᖓᔪᒥ ᓇᔪᑦᑕᐅᔪᒥ. ᐃᒥᐅᑉ ᓴᙱᓂᖓ ᒫᓐᓇ ᐅᑎᔅᓯᒪᓕᒻᒥᔪᖅ ᑖᐃᒫᖑᓲᖑᓂᖓᓄᑦ, ᐊᒻᒪᓗ ᓇᓗᓇᐃᔅᓯᒪᔪᖃᓐᓇᓂ ᐊᑦᑕᑦᑐᔪᒥᒃ ᐱᔨᔅᓯᕈᑎᓄᑦ ᐊᑲᐅᙱᓕᐅᕈᑎᔪᓂᒃ.

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᖁᕕᐊᓱᕝᕕᐅᑉ ᐅᓪᓗᖏᓐᓂ ᓇᓪᓕᐅᓂᕐᓯᐅᕈᑎᐅᓛᖅᑐᑦ
ᑏᓰᐱᕆ 5, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᐱᖕᖑᐊᖅᑐᓕᕆᔨᒃᑯᖏᑦ ᖃᐃᓛᖁᔨᕗᑦ ᓄᓇᓕᕐᒥᐅᑕᓂᒃ ᐃᓚᒌᓂᒃ ᓇᓪᓕᐅᓂᕐᓯᐅᓕᕈᑦᑕ ᖁᕕᐊᓱᕝᕕᒃ ᐱᔾᔪᑎᒋᓪᓗᒍ.

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᖃᓄᖅ ᓴᓇᔭᐅᓯᒪᓂᐊᕐᓂᖓᓄᑦ ᐋᖅᑭᑦᓱᐃᖃᑕᐅᒋᑦᓯ ᐃᖃᓗᓐᓂ ᐅᒥᐊᒃᑯᕕᑦᓴᒥᒃ
ᓅᕕᐱᑎ 3, 2025 – ᐃᖃᓗᐃᑦ, ᓄᓇᕗᑦ

ᐅᒥᐊᑦ ᐊᑑᑎᖃᑦᓯᐊᖅᑐᑎᒃ ᐊᑐᖅᑕᐅᕙᒻᒪᑕ ᐃᓅᓯᒃᑯᑦ ᐃᖃᓗᓐᓂ - ᓄᓇᐃᑦ ᐊᓯᐊᓅᕈᑎᐅᕙᑦᑐᑎᒃ, ᐊᖑᓇᓲᑎᐅᓗᑎᒃ, ᐊᒻᒪ ᑭᐱᖕᖑᐃᔭᐅᑎᐅᕙᑦᑐᑎᒃ. ᓄᓇᓕᕗᑦ ᐱᕈᖅᐸᓪᓕᐊᖏᓐᓇᑎᓪᓗᒍ ᐊᒻᒪ ᓄᓇᓕᕐᒥᐅᑕᐃᑦ ᐊᒥᓱᕈᖅᐸᓪᓕᐊᑐᐃᓐᓇᓕᖅᑐᑎᒃ ᐅᒥᐊᖅᑖᐸᑦᑐᑦ, ᓄᓇᓕᐸᐅᔭᒃᑯᑦ ᐃᖃᓗᓐᓂ ᖃᐅᔨᓴᖅᐸᓪᓕᐊᓕᖅᑐᑦ ᓴᓇᔭᐅᔪᓐᓇᕐᓂᖓᓂᒃ ᓇᓗᓇᐃᖅᑕᐅᓯᒪᓂᐊᕐᓗᓂ ᐅᒥᐊᒃᑯᕕᑦᓴᐅᑉ.

ᐃᓕᑦᓯᓐᓂᒃ ᑐᓴᕈᒪᔪᒍᑦ!
ᐅᒥᐊᖃᕋᓗᐊᕈᕕᑦ ᐅᒥᐊᖃᖏᒃᑲᓗᐊᕈᕕᑦ, ᐃᓱᒪᒋᔭᓯ ᐱᒻᒪᕆᐅᕗᑦ. ᐃᓱᒪᒋᔭᑦᓯᓐᓂᒃ ᐅᖃᐅᑎᑦᓴᓯ ᐃᑲᔫᑎᐅᓂᐊᖅᑐᑦ ᐸᕐᓇᐅᑎᓕᐅᓕᕈᑎᒃ ᐅᒥᐊᒃᑯᕕᑦᓴᒥᒃ ᑲᒪᒋᔭᐅᑦᓯᐊᖅᑐᒥᒃ, ᐅᐸᒐᑦᓴᐅᓯᐊᖅᑐᒥᒃ, ᐊᒻᒪ ᐊᔾᔨᖃᕋᔭᖅᑐᒥᒃ ᖃᓄᖅ ᐃᖃᓗᒻᒥᐅᑕᐃᑦ ᐊᑐᖅᐸᓐᓂᖏᓐᓂᒃ ᐊᒻᒪ ᐃᑉᐱᒍᓱᑦᓯᐊᐸᓐᓂᖏᓐᓂᒃ ᐅᒥᐊᖏᓐᓂᒃ.

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᖁᕕᐊᓱᕝᕕᒃ ᐱᓪᓗᒍ ᐊᑐᕆᐊᒃᑯᑦ ᒪᓕᑦᑎᒌᓪᓗᑎᒃ ᐃᖏᕐᕋᓛᕐᓂᖏᑦ ᐱᓪᓗᒋᑦ ᐊᖅᑯᑎᑦᓴᖏᑦ ᐊᒻᒪ ᐅᑕᖅᑭᖃᑦᑕᓛᕐᒪᑕ ᖃᐅᔨᒪᖁᔭᐅᔪᑦ
ᑏᓰᐱᕆ 2, 2025 – ᐃᖃᓗᐃᑦ, ᓄᓇᕗᑦ

ᐅᕙᑦᑎᓐᓄᑦ ᐱᖃᑕᐅᓛᖅᑯᓯ ᖁᕕᐊᓱᕝᕕᒃ ᐱᓪᓗᒍ ᐊᑐᕆᐊᒃᑯᑦ ᒪᓕᑦᑎᒌᓕᕈᑦᑕ ᓄᓇᒃᑰᔫᒃᑯᑦ!

ᖁᕕᐊᓱᕝᕕᒃ ᐱᓪᓗᒍ ᐊᑐᕆᐊᒃᑯᑦ ᒪᓕᑦᑎᒌᑦᑐᑦ ᐃᖏᕐᕋᓯᓛᖅᑐᑦ ᐅᑭᐅᒃᑯᑦ ᐱᖕᖑᐊᕐᕕᐊᓘᑉ (AWG) ᓴᓂᐊᓂᒃ ᐅᓪᓗᒃᑯᑦ ᖁᓛᓅᖅᐸᑦ (12-ᒥ) ᓈᑦᓯᐅᖑᔭᓛᕐᓂᐊᒥ, ᑏᓰᐱᕆ 13, ᐊᒻᒧᐊᓗᑎᒃ ᓂᐊᖁᖕᖒᓯᐊᕆᐊᖅ ᐊᑐᕆᐊᒃᑯᑦ ᑮᓇᐅᔭᒃᑯᕕᐅᑉ ᓴᓂᐊᒎᕐᓗᑎᒃ ᑎᓴᒪᓄᑦ ᐊᑐᕆᐊᕐᓄᑦ ᓴᖑᒋᐊᕐᕕᒃᑯᑦ ᑯᐃᓐ ᐃᓕᓴᐸᖦ ᐊᑐᕆᐊᕐᒧᑦ. ᒪᓕᑦᑎᒌᑦᑐᑦ ᐃᓱᓕᓛᖅᑐᑦ ᓇᑲᓱᒃ ᐃᓕᓐᓂᐊᕐᕕᐅᑉ ᓴᓂᐊᓄᑦ.

ᐱᔾᔪᓯᐊᖅᑎᑕᐅᓛᖅᑐᑦ ᐅᑯᐊ:
  • ᑕᑯᒥᓇᓕᕐᓯᒪᓂᖅᐹᖅ
  • ᖁᕕᐊᓱᕝᕕᑦᓯᐅᕈᓐᓇᕐᓂᖅᐹᖅ
  • ᒪᒃᑯᑦᑐᓄᑦ ᓴᓇᐅᒐᖅ ᑕᑯᒥᒋᔭᐅᓛᖑᔪᖅ

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᐅᑭᐅᖅᑕᖅᑐᒥ ᐅᑭᐅᒃᑯᒃ ᐱᖕᖑᐊᕐᕕᐊᓘᑉ ᐊᓐᓂᑭᑦᑐᕐᕕᖓ ᒪᑐᐃᖅᑐᖅ
ᑏᓰᐱᕆ 2, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᖁᕕᐊᒋᓪᓗᒍ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᐅᑭᐅᒃᑯᑦ ᐅᑭᐅᖅᑕᖅᑐᒥ ᐱᖕᖑᐊᕐᕕᐊᓗᒃ (AWG) ᐊᓐᓂᑭᑦᑐᕐᕕᒃ ᒪᑐᐃᒃᑲᓐᓂᕐᓂᐊᓕᕐᓂᖓᓄᑦ ᐅᓪᓗᒥ ᓇᒡᒋᔾᔭᐅᓕᖅᑭᕐᒥ, ᑏᓰᐱᕆ 2, 2025.

ᐊᓐᓂᑭᑦᑐᕐᕕᐅᑉ ᓂᓚᖓᑕ ᒪᓂᖅᑲᕐᓴᐃᑎᖏᑦ ᓴᓇᔭᐅᓂᖏᑦ ᐱᔭᕇᖅᑕᐅᑦᓯᐊᓚᐅᕐᒪᑕ, ᐊᒻᒪ ᐊᐅᓚᑦᓯᔾᔪᑎᑦᓯᐊᕙᐅᓕᖅᑐᑎᒃ. ᖁᔭᓐᓇᒦᒻᒪᕆᑉᐸᕗᑦ ᐃᓘᓐᓇᑎᒃ ᐊᑐᖅᐸᑦᑐᑦ ᐊᒻᒪ ᓄᓇᓕᕐᒥᐅᑕᐃᑦ ᐅᑕᖅᑭᑦᓯᐊᓚᐅᕐᓂᖏᓐᓄᑦ ᐊᒻᒪ ᖃᓄᖅᑑᖃᑕᐅᒍᓐᓇᓚᐅᕐᓂᖏᓐᓄᑦ ᐱᓇᓱᐊᕈᓯᕐᓂ ᐊᒥᓲᖏᑦᑑᒐᓗᐊᓂ ᐅᑎᖅᑎᑦᓯᓇᓱᐊᖅᑎᓪᓗᑕ ᐱᔨᑦᓯᕋᕈᑎᐅᕙᑦᑐᓂᒃ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐴᖅᑲᐃᓂᖅ ᐴᑦᓴᓄᑦ ᑐᓂᕐᕈᑎᑦᓴᓂᒃ ᐱᓕᕆᐊᑦᓴᖅ!
ᑏᓰᐱᕆ 1, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ, ᑲᑐᔾᔨᖃᑎᖃᖅᑐᑎᒃ ᐃᖃᓗᐃᑦ ᖃᑦᑎᕆᔨᒃᑯᖏᓐᓂᒃ (IFD) ᐊᒻᒪ ᐃᖃᓗᐃᑦ ᖃᑦᑎᕆᔨᒃᑯᑦ ᑲᑐᔾᔨᖃᑎᒌᖏᓐᓂᒃ (IFA), ᑐᖕᖓᓱᑦᑎᑦᓯᔨᐅᓕᕐᒥᔪᑦ ᐊᕐᕌᒍᑕᒫᕐᓯᐅᑎᒥᒃ ᑕᐃᔭᐅᔪᒥᒃ ᐴᖅᑲᐃᓂᖅ ᐴᑦᓴᓄᑦ ᑐᓂᕐᕈᓯᐊᑦᓴᓂᒃ ᐱᓕᕆᐊᑦᓴᒥᒃ ᓈᑦᓯᐅᖑᔭᓛᕐᓂᐊᖑᓕᖅᐸᑦ, ᑏᓰᐱᕆ 6, 2025.

ᓄᐊᑦᓯᓛᖅᑐᒍᑦ ᑐᓂᕐᕈᑎᑦᓴᓂᒃ ᐅᑯᓇᓂ:
  • ᓂᐅᕕᕐᕕᒃ ᓄᐊᖦᒫᑦ (NorthMart): 9-ᒥᒃ ᐅᓪᓛᒃᑯᑦ – 12-ᒧᓄᑦ ᐅᓐᓄᓴᒃᑯᑦ
  • ᓴᓪᓗᒥᓂᕐᒥ (Arctic Ventures): 1-ᒥᓂᒃ – 4-ᒧᓄᑦ ᐅᓐᓄᓴᒃᑯᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐅᔾᔨᕈᓲᑎ ᐃᒥᕐᒥᒃ ᑎᖅᑎᑎᑦᓯᒋᐊᖃᕐᓂᕐᒥᒃ ᐊᑐᕈᓐᓃᖅᑐᖅ - 171, 172, 173, 174, 175, 176 A-D, 179, 181, 185, 187, 189, 356, 452, 671 A-D, 672 A-F, 673 A-F, 674, 675 A-D, 676, 677 A-D, 679 A-F, 681 A-D, ᐊᒻᒪᓗ 683 A-F
ᑏᓰᐱᕆ 1, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᐅᔾᔨᕈᓲᑎ ᐃᒥᕐᒥᒃ ᑎᖅᑎᑎᑦᓯᒋᐊᖃᕐᓂᕐᒥᒃ ᐊᑐᕈᓐᓃᖅᑎᑕᐅᒻᒪᑦ ᐅᑯᓄᖓ: 171, 172, 173, 174, 175, 176 A-D, 179, 181, 185, 187, 189, 356, 452, 671 A-D, 672 A-F, 673 A-F, 674, 675 A-D, 676, 677 A-D, 679 A-F, 681 A-D, ᐊᒻᒪᓗ 683 A-F.

##

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᐅᓐᓄᒃᑯᑦ ᐳᐃᔾᔪᕋᕆᐊᕐᕕᐅᕙᑦᑐᑦ ᐊᒻᒪ ᐱᓕᕆᐊᑦᓴᐃᑦ ᐊᑐᖅᑕᐅᔾᔮᖏᑦᑐᑦ - ᐅᓪᓗᒦᓐᓇᖅ ᑭᓯᐊᓂ
ᓅᕖᐱᕆ 26, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᐅᓐᓄᒃᑯᑦ ᐳᐃᔾᔪᕋᕆᐊᖅᐸᑦᑐᑦ ᐊᒻᒪ ᐃᓘᓐᓇᑎᒃ ᐳᐃᔾᔪᕋᕆᐊᖅᐸᑦᑐᑦ ᐊᒻᒪ ᐳᐃᔾᔪᕋᕐᕕᒻᒨᐸᑦᑐᑦ ᐱᓕᕆᐊᑦᓴᑎᒍᑦ ᐃᓚᒋᔭᐅᕙᑦᑐᑦ ᐅᓐᓄᒃᑯᑦ 5 ᓯᕿᖕᖑᔭᑎᒍᑦ ᐊᑐᖅᑕᐅᔾᔮᖏᒻᒪᑕ ᐅᓪᓗᒦᓐᓇᖅ ᑭᓯᐊᓂ (2025-11-26) ᐃᖅᑲᓇᐃᔭᖅᑎᖃᑦᓯᐊᖏᓐᓂᖏᑦ.
ᐱᐅᓯᖏᓐᓄᑦ ᐱᓕᕆᐊᑦᓴᐃᑦ ᐅᑎᓛᕐᒥᔪᑦ ᖃᐅᑉᐸᑦ.

ᓄᓇᓕᐸᐅᔭᒃᑯᑦ ᒪᒥᐊᑦᑐᒻᒪᕆᐅᕗᑦ ᐊᑲᐅᖏᓕᐅᕈᑎᓕᐅᕐᓂᖏᓐᓄᑦ ᐊᒻᒪ ᖁᔭᓐᓇᒦᖅᑐᒋᑦ ᓄᓇᓕᕐᒥᐅᑕᐃᑦ ᑐᑭᓯᐊᓂᖏᓐᓄᑦ ᐊᑐᖅᑕᐅᔪᒥᒃ.

##

ᑐᑭᓯᒋᐊᒃᑲᓐᓂᕈᒪᒍᕕᑦ, ᐅᓇ ᖃᐅᔨᒋᐊᕈᓐᓇᖅᑕᐃᑦ:

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᐃᖅᑲᐃᑎᑦᓯᔾᔪᑎ ᐊᐳᑕᐃᔭᐃᒋᐊᖃᕐᓂᑎᓐᓄᑦ ᐊᒻᒪ ᓂᓚᐃᔭᖅᐸᓪᓗᒋᑦ ᓄᓇᒃᑰᔫᑦ
ᓅᕖᐱᕆ 26, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᐃᖅᑲᐃᑎᑦᓯᒍᒪᓕᕆᕗᑦ ᓄᓇᒃᑰᔫᖅᐸᑦᑐᓂᒃ ᐊᐳᑕᐃᔭᐃᖃᑦᑕᖁᔭᐅᓗᑎᒃ, ᓂᓚᐃᔭᐃᕙᓪᓗᑎᒃ, ᐊᒻᒪ ᓱᓇᑐᐃᓐᓇᕐᓂᒃ ᐲᔭᐃᕙᓪᓗᑎᒃ ᐊᕝᕕᐊᖅᑐᓂᒃ ᐃᒐᓛᖏᓐᓂᒃ ᐅᕝᕙᓘᓐᓃᑦ ᖃᐅᔨᒪᖅᐸᓪᓗᓯ ᑲᑕᐃᓂᐅᓴᖏᒃᑲᓗᐊᕐᒪᖔᑦᓯ ᐅᓯᔭᑦᓯᓐᓂᒃ ᓄᓇᒃᑰᔫᓂ. ᑕᒪᓐᓇ ᒪᓕᑦᑕᐅᒋᐊᖃᖅᑎᑕᐅᔪᑦ ᐅᑯᓅᓇ ᓄᓇᓕᐸᐅᔭᒃᑯᑦ ᐊᑐᕆᐊᓂ ᐃᖏᕐᕋᕙᑦᑐᓄᑦ ᒪᓕᒐᕋᓛᖅ 943 ᐊᒻᒪ ᐅᑯᓅᓇ ᓄᓇᕗᑦ ᐊᑐᕆᐊᓂ ᐃᖏᕐᕋᕙᑦᑐᓄᑦ ᐊᑦᑕᓇᔾᔭᐃᒃᑯᑎᓕᕆᔪᖅ ᒪᓕᒐᖅ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐅᔾᔨᕈᓲᑎ ᐃᒥᕐᒥᒃ ᑎᖅᑎᑎᑦᓯᒋᐊᖃᕐᓂᕐᒥᒃ ᐊᑐᕈᓐᓃᖅᑐᖅ - 89, 99, 100’s, 200’s, 300, 301, 303, 304, 305, 306, 307, 308, 309, 310, 315, 316, 317, 318, 320, 337, 339, 341, ᐊᒻᒪᓗ 343
ᓅᕖᐱᕆ 26, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᐅᔾᔨᕈᓲᑎ ᐃᒥᕐᒥᒃ ᑎᖅᑎᑎᑦᓯᒋᐊᖃᕐᓂᕐᒥᒃ ᐊᑐᕈᓐᓃᖅᑎᑕᐅᒻᒪᑦ ᐅᑯᓄᖓ: 89, 99, 100’s, 200’s, 300, 301, 303, 304, 305, 306, 307, 308, 309, 310, 315, 316, 317, 318, 320, 337, 339, 341, ᐊᒻᒪᓗ 343.

##

ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓪᓗᒃᑯᑦ ᐃᖅᑲᓇᐃᔭᕐᓇᐅᑎᓪᓗᒍ ᐅᕗᖓ: