ᐱᖕᖑᐊᖅᑐᓕᕆᓂᖅ

ᓄᓇᓕᐸᐅᔭᒃᑯᑦ ᖁᕕᐊᒋᔭᖃᖅᑐᑎᒃ ᐅᐱᒍᓲᑎᖃᖅᐳᑦ ᑕᒡ ᑳᒃᔅᒥᑦ ᓄᑲᖅᑏᑦ ᐱᔭᕇᕐᓯᒪᔪᑦ ᐅᐊᖕᓇᒥᐅᑦ ᓇᖕᒥᓂᖃᖅᑎᓄᑦ ᐅᐱᒍᓱᕝᕕᒻᒧᑦ ᓯᕗᒧᐊᑦᓯᒪᑦᓯᐊᖅᑐᓂᑦ ᐃᓚᒋᔭᐅᓕᕐᓂᖓᓂᑦ

ᓄᓇᓕᐸᐅᔭᒃᑯᑦ ᖁᕕᐊᒋᓪᓗᒍ ᐅᐱᒍᓲᑎᖃᕈᒪᓕᕆᕗᑦ ᑕᒡ ᑳᒃᔅᒥᑦ, ᐃᓚᒋᔭᐅᓕᖅᑎᑕᐅᓂᖓᓂᑦ ᓄᑲᖅᑏᑦ ᐱᔭᕇᕐᓯᒪᔪᑦ ᐅᐊᖕᓇᒥᐅᑦ ᐃᐅᓪᐴᕐᑕ 2021 ᓇᖕᒥᓂᖃᖅᑎᓄᑦ ᐅᐱᓱᕝᕕᒻᒧᑦ.

ᑕᒡ ᑳᒃᔅ ᐊᖏᔪᖅᑳᕆᔭᐅᔪᖅ ᓄᓇᓯᑖᒃᑯᓐᓂ, ᐊᒻᒪᑦᑕᐅᖅ ᑲᑐᔾᔨᖃᑎᖃᖅᑐᓂ ᓴᖅᑮᖃᑎᖃᕐᓯᒪᔪᖅ ᑕᒪᒃᑮᓐᓂᒃ ᑳᒃᔅ ᐊᔪᕐᓴᖅᑐᓕᕆᓂᕐᒥᑦ ᑐᖕᖓᕕᒻᒥᑦ ᐊᒻᒪ ᓄᓇᓯᑖᑯᑦ ᑮᓇᐅᔭᐃᑦ ᓄᐊᑉᐸᑦᑕᖏᑦ ᐅᐊᖕᓇᒥᐅᑕᓄᑦ ᓱᕈᓯᕐᓄᑦ.

ᓄᓇᓕᐸᐅᔭᒃᑯᑦ ᖁᔭᒋᔭᖃᑦᑎᐊᖅᑐᑦ ᒥᔅᑕ ᑳᒃᔅ ᑐᓂᕐᕈᑎᒋᓯᒪᔭᖏᓐᓂᑦ ᐃᖃᓗᓐᓄᑦ ᐊᒻᒪ ᓄᓇᕘᓕᒫᒧᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᑦ
 

ᐃᒥᕐᒥᒃ ᐊᑐᐃᓐᓇᖅᑕᓕᒃ - ᐃᑲᕐᕋᖏᑦ ᐃᓚᔭᐅᔪᑦ - ᐱᖓᑦᓯᖅ, ᓅᕖᐱᕆ 24, 2021

ᓄᕕᐱᕆ 24, 2021 - ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᐃᒥᕐᒥᒃ ᐊᑐᐃᓐᓇᖅᑕᖃᕐᒪᑦ ᐅᑯᓇᓂ:

• ᐅᑭᐅᒃᑯᑦ ᐱᖕᖑᐊᕐᕕᐊᓘᑉ ᓴᓂᐊᓂ (ᐃᓗᐊᓂ − ᑐᓄᐊᒍᑦ ᐱᖕᖑᐊᕐᕕᐊᓘᑉ ᐃᓯᕐᕕᓕᒃ)
• ᐊᐃᑉ ᐅᒃᐱᒃ ᐱᖕᖑᐊᕐᕕᕋᓛᕐᒥ (ᐃᓗᐊᓂ)
• ᐃᓇᑐᖃᐃᑦ ᖃᒻᒪᖓᓂ (ᐃᓗᐊᓂ)

ᐅᓪᓗᒥ, ᐱᖓᑦᓯᖅ ᓅᕖᐱᕆ 24, 2021 ᐃᒥᖅᑕᕕᑦᓴᐃᑦ ᐃᑲᕐᕋᖏᑦ ᐃᓚᓯᒪᓂᐊᖅᑐᑦ 8-ᒧᓄᑦ ᐅᓐᓄᒃ.

ᖃᐅᔨᒪᑦᑎᐊᕆᑦᓯ, ᐃᒥᖅᑕᖃᑦᓯᐊᕐᒪᑦ ᐴᕐᓯᒪᓯᓐᓇᖅᑐᓂᑦ ᓈᒪᑦᑎᐊᖁᓪᓗᒋᑦ ᐃᒥᖅᑖᕆᐊᓕᓐᓄᑦ.

ᑲᑎᒪᔩᑦ ᑲᑎᒪᕕᖓᑦ ᖁᔭᓈᖅᑕᐅᑲᐃᓐᓇᖅᑐᖅ ᐱᔾᔪᑎᒋᓪᓗᒍ ᓯᓚ

ᓅᕖᐱᕆ 23, 2021 ᓄᓇᓕᐸᐅᔭᐃᑦ ᑲᑎᒪᔨᖏᑕ ᑲᑎᒪᓂᖓᑦ ᖁᔭᓈᖅᑕᐅᓚᐅᖅᑐᖅ ᐱᔾᔪᑎᐅᓗᓂ ᓯᓚ ᐊᒻᒪ ᐅᖃᐅᓯᐅᓯᒪᓚᐅᖅᑐᖅ ᓯᓚᕈᔫᒻᒪᕆᐅᓂᐊᕐᓂᖓ.

ᑭᖑᓪᓕᕐᒥ ᑐᐊᕕᕐᓇᑐᒃᑯᑦ ᓄᓇᓕᐸᐅᔭᐃᑦ ᑲᑎᒪᔨᖏᑕ ᑲᑎᒪᓂᖓᑦ #35 ᐊᑐᖅᑕᐅᓛᖅᑐᖅ ᐅᓐᓄᓕᖅᐸᑦ 5:50 ᓇᒡᒋᔾᔭᐅᓕᖅᑭᕐᒥ, ᓅᕖᐱᕆ 30, 2021. ᑭᖑᓪᓕᕐᒥ ᓄᓇᓕᐸᐅᔭᐃᑦ ᑲᑎᒪᔨᖏᑕ ᑲᑎᒪᓂᖓᑦ #36 ᐊᑐᖅᑕᐅᓛᖅᑐᖅ ᐅᓐᓄᒃᑯᑦ 6-ᒥ ᓇᒡᒋᔾᔭᐅᓕᖅᑭᕐᒥ, ᓅᕖᐱᕆ 30, 2021.

ᑕᒪᒃᑮᒃ ᑲᑎᒪᓂᐅᓛᖅᑑᒃ ᑕᑯᓐᓇᖅᑕᐅᔪᓐᓇᓛᖅᑐᑦ ᖃᕋᑕᐅᔭᒃᑯᑦ ᓄᓇᓕᐸᐅᔭᐃᑦ ᐃᖃᓗᐃᑦ ᕙᐃᔅᐳᒃᑯᑦ ᒪᑉᐱᒐᖓᓂ.

ᐃᒥᐅᑉ ᖃᓄᐃᓐᓂᖓᓂᑦ ᖃᐅᔨᓴᐅᑎᒥᓃᑦ

ᓄᓇᓕᐸᐅᔭᒃᑯᑦ ᐱᑎᑕᐅᓯᒪᓕᕐᒪᑕ ᐅᖃᐅᓯᖃᖅᑐᑦ ᖃᓄᐃᒍᑎᐅᔪᓂᑦ ᐃᒥᖅ ᖃᐅᔨᓴᖅᑕᐅᒐᒥ. ᖃᐅᔨᓴᐅᑎᐅᔪᑦ ᖃᐅᔨᓴᖅᑕᐅᓚᐅᖅᑐᑦ ᐱᓇᓱᐊᕈᓯᑕᒫᑦ ᖃᐅᔨᓴᕐᓂᒃᑯᑦ ᐱᓕᕆᐊᑦᓴᑎᒍᑦ ᐊᑐᖅᑕᐅᓚᐅᖅᑐᓂᑦ ᐊᑯᓐᓂᖏᓐᓂ ᓅᕖᐱᕆ 7, 2021 ᐊᒻᒪ ᓅᕖᐱᕆ 15, 2021.

ᓄᓇᓕᐸᐅᔭᒃᑯᑦ ᖃᐅᔨᓴᖅᑐᑦ ᐅᑯᓂᖓ BTEX/PHC[F1-F4], ᖃᐅᔨᓴᐅᑎᐅᔪᑦ ᐅᕐᓱᐊᓗᕈᔪᒻᒧᑦ ᐸᐅᕐᓂᒃ ᐃᒫᓃᑐᐃᓐᓇᕆᐊᓕᓐᓂᑦ ᐊᑐᖅᑐᑎᒃ 11-ᓂᑦ ᐊᔾᔨᒌᖏᑦᑐᓂᑦ ᖃᐅᔨᓴᖅᑕᐅᒋᐊᓕᓐᓂᑦ.

ᖃᐅᔨᓴᖅᑕᐅᔪᑦᓴᑦ ᐱᔭᐅᕙᑦᑐᑦ ᐱᖓᓲᔪᖅᑐᓂᑦ ᐊᔾᔨᒌᖏᑦᑐᓂᑦ ᐃᓂᒋᔭᐅᔪᓂᑦ ᐃᓗᐊᓂ ᐃᒥᕐᒥᒃ ᓴᓗᒻᒪᕐᓴᐃᕕᐅᑉ ᐊᒻᒪ 7-ᓂᑦ ᐃᓂᒋᔭᐅᔪᓂᑦ ᐃᒥᖃᐅᑎᐅᕙᑦᑐᓂᑦ. ᖃᐅᔨᓴᕐᕕᐅᕙᑦᑐᑦ ᐃᒥᓕᕆᔾᔪᑎᓂᑦ ᐱᔭᐅᕙᑦᑐᑦ ᓇᑭᑐᐃᓐᓇᖅ ᐃᖃᓗᐃᑦ ᐃᓗᐊᓃᑦᑐᓂᑦ, ᐃᓘᓐᓇᑦᑎᐊᖏᓐᓂᑦ ᖃᐅᔨᓴᕈᒪᓪᓗᑎᒃ ᐃᒥᐅᑉ ᖃᓄᐃᓐᓂᖓᓂᑦ.

ᐃᒦᓱᕝᕕᒃᓴᒃᑲᓐᓂᖅ

ᐃᒦᑦ ᐊᑐᐃᓐᓇᐅᓂᐊᖅᑐᑦ ᑰᓕᒡᕕᖕᒥᑦ, ᐅᑯᓇᓂ:

• ᓈᑦᑏᖕᒍᔭᖅ, ᓅᕕᐱᕆ 21: 1:00-ᒥᑦ-3:00-ᒧᑦ
• ᐊᐃᑉᐱᖅ, ᓅᕕᐱᕆ 23: 10:00-ᒥᑦ-12:30-ᒧᑦ
• ᓯᑕᒻᒥᖅ, ᓅᕕᐱᕆ 25: 10:00-ᒥᑦ- 12:30-ᒧᑦ
• ᑕᓪᓕᕐᒥᖅ, ᓅᕕᐱᕆ 26: 10:00-ᒥᑦ-12:30-ᒧᑦ

ᓄᓇᓕᕐᒥᐅᑦ ᖃᐅᔨᓴᑦᑎᐊᖁᔭᐅᔪᑦ ᐃᖕᒋᕐᕋᔪᓂᑦ ᐃᓯᖅᐸᓪᓕᐊᑎᓪᓗᒋᑦ ᐃᒦᓱᕐᕕᖕᒧᑦ.

ᐊᑐᒃᑲᓐᓂᕈᓐᓇᖅᑐᑦ ᐱᔭᐅᔪᓐᓇᕐᒥᔪᑦ ᒫᓐᓇᐅᔪᖅ ᑰᓕᕐᕕᖕᒥ.

###

ᖃᐅᔨᒋᐊᒃᑲᓐᓂᖁᒪᒍᕕᑦ ᐃᖅᑲᓇᐃᔭᕐᓇᒃᑯᑦ, ᖃᐅᔨᒋᐊᕐᕕᒃᓴᖅ:
ᐋᓕᒃᓯ ᑳᒧᕋᓐ
ᑐᓴᐅᒪᖃᑦᑕᐅᑎᓕᕆᔨ ᐱᔨᑦᑎᕋᖅᑏᓪᓗ ᐊᐅᓚᑦᑎᔨᖓ
867-979-5619 | a.cameron@iqaluit.ca

ᐃᒦᑦ ᐃᒥᕋᔅᓴᐃᑦ ᐊᑐᐃᓐᓇᐅᔪᑦ

ᐅᔾᔨᕈᓱᖁᔨᔾᔪᑎ ᖃᓐᓂᓂᐊᕐᓂᖓᓂᑦ ᐊᓄᕌᖅᑐᒻᒪᕆᐅᓗᓂ − ᓄᓇᓕᐸᐅᔭᒃᑯᑦ ᐃᑲᕐᕋᓄᑦ 72-ᓄᑦ ᐊᑐᕈᓐᓇᖅᑐᓂᑦ
ᐸᕐᓇᓯᒪᖁᔨᔪᑦ ᐃᒥᖃᑦᑎᐊᖁᔨᓪᓗᑎᒃ

ᐊᕙᑎᓕᕆᔨᒃᑯᑦ ᑲᓇᑕᒧᑦ ᐅᔾᔨᕈᓱᖁᔨᔾᔪᑎᒥᑦ ᐃᖃᓗᓐᓄᑦ ᓇᓗᓇᐃᕐᓯᓯᒪᓕᕐᒥᔪᑦ. ᓄᓇᓕᐸᐅᔭᒃᑯᑦ
ᓄᓇᓕᕐᒥᐅᑕᓕᒫᑦᑎᐊᓂᑦ ᓇᓗᓇᐃᕐᓯᒪᖁᔨᕗᑦ ᐃᒥᖃᑦᑎᐊᕐᓂᐊᕋᓗᐊᕐᒪᖔᕐᒥᒃ ᐃᑲᕐᕋᓄᑦ 72-ᓄᑦ ᓈᒻᒪᑦᑐᒥᑦ. ᐅᓪᓗᒥ
ᐃᒥᕐᒥᒃ ᑲᖕᖔᑎᑦᓯᔾᔪᑎᓕᒻᒧᑦ ᓱᕈᐃᔭᖅᑕᐅᓯᒪᔪᒥᑦ ᐃᒥᖅᑕᕕᑦᓴᓂᑦ ᒪᑐᐃᖓᑎᑦᑎᓂᐊᖅᑐᑦ, ᓇᒡᒋᔾᔭᐅᒥ ᓅᕖᐱᕆ 22,
11-ᒥᓂᑦ 6-ᒧᓄᑦ ᒪᑐᐃᖓᓂᐊᖅᑐᑦ.

ᓄᓇᓕᐸᐅᔭᒃᑯᑦ ᐃᖃᓗᐃᑦ ᐅᖃᐅᔾᔨᒋᐊᕈᒪᔪᑦ ᓄᓇᓕᒻᒥᐅᑕᓂᑦ ᐱᑕᖃᒃᑲᓂᖅᑐᓂ ᐃᒥᕐᒥᑦ ᐃᒥᕋᔅᓴᓂᑦ ᐅᕙᓐᖓᑦ
ᑲᓇᑕᒥ ᐅᓇᑕᖅᑭᑯᓐᓂᑦ ᐊᐅᓚᓂᖓ LENTUS ᐊᑐᐃᓐᓇᐅᔪᑦ ᐅᑯᓇᓂ ᓇᒦᓐᓂᖏᓐᓂᑦ:

ᐃᒦᑦ ᐃᒥᕋᔅᓴᐃᑦ ᐊᑐᐃᓐᓇᐅᔪᑦ

ᓄᓇᓕᐸᐅᔭᒃᑯᑦ ᐃᖃᓗᐃᑦ ᐅᖃᐅᔾᔨᒋᐊᕈᒪᔪᑦ ᓄᓇᓕᒻᒥᐅᑕᓂᑦ ᐱᑕᖃᒃᑲᓂᖅᑐᓂ ᐃᒥᕐᒥᑦ ᐃᒥᕋᔅᓴᓂᑦ ᐅᕙᓐᖓᑦ ᑲᓇᑕᒥ ᐅᓇᑕᖅᑭᑯᓐᓂᑦ ᐊᐅᓚᓂᖓ LENTUS ᐊᑐᐃᓐᓇᐅᔪᑦ ᐅᑯᓇᓂ ᓇᒦᓐᓂᖏᓐᓂᑦ, ᐱᒋᐊᕐᓗᓂ ᓈᑦᑎᐅᖑᔭᖅ, ᓄᕕᐱᕆ 21, 2021:

• ᐅᑭᐅᑕᖅᑐᒥ ᐱᓐᖑᐊᕕᒃᔪᐊᕐᕕᒃ ᓄᓇᓯᐅᑎᖃᕐᕕᖓ

• ᐊᐃᑉ ᐅᑉᐱᒃ ᐱᓐᖑᐊᕐᕕᒃ (ᐃᓪᓘᑉ ᐃᓗᐊᓂ)

• ᐃᓐᓇᑐᖃᕐᓄᑦ ᖃᒻᒪᖅ (ᐃᓪᓘᑉ ᐃᓗᐊᓂ)

ᐃᒦᓱᕐᕕᒃᓴᐅᔪᑦ ᒪᑐᐃᖓᓛᖅᑐᑦ ᐱᒋᐊᕐᓗᓂ 11 ᐅᓪᓛᒃᑯᑦ-6ᐅᓐᓄᒃᑯᑦ ᖃᐅᑕᒫᑦ.

ᐱᔪᓐᓇᖅᑎᑕᐅᔪᑦ ᖁᓛᓂ ᐊᑐᖅᑕᐅᓂᐊᖅᑐᑦ ᐃᒪᐃᓕᖓᔪᑦ:

• ᐊᐃᑉ ᐅᑉᐱᒃ ᐱᓐᖑᐊᕐᕕᒃ ᓄᕕᐱᕆ 20: 12-6 ᐅᓐᓄᒃᑯᑦ

• ᐃᓐᓇᑐᖃᕐᓄᑦ ᖃᒻᒪᖅ ᓄᕕᐱᕆ 21: 12-6 ᐅᓐᓄᒃᑯᑦ

ᐃᒥᖅ ᐃᒥᓲᕐᕕᔅᓴᐅᔪᓂᑦ ᓴᒻᓄᓴᖅᓯᒪᔪᑦ ᐃᒦᑦ ᐃᒥᕋᔅᓴᐃᑦ ᑎᖅᑎᑎᑕᐅᒋᐊᑐᖏᑦᑐᑦ ᐃᒥᖅᑕᐅᓚᐅᖅᑎᓐᓇᒋᑦ