ᐱᖕᖑᐊᖅᑐᓕᕆᓂᖅ

ᐊᑦᓯᕕᓕᕆᓂᖅ - ᐃᒥᕐᒧᑦ ᐴᒥᓂᕐᓂᒃ ᓴᓂᕐᓂᒃ ᐊᐅᓚᑦᑎᓂᖅ

ᓄᓇᓕᐸᐅᔭᒃᑯᑦ ᖃᐅᔨᒪᖁᔨᓕᕆᕗᑦ ᐱᓕᕆᖃᑎᖃᖅᐸᓪᓕᐊᒻᒪᑕ ᑲᑐᔾᔨᖃᑎᑦᓴᒥᓂᒃ ᓇᓗᓇᐃᔭᐃᓇᓱᐊᖅᑐᑎᒃ ᖃᓄᖅᑑᕈᑎᑦᓴᓂᑦ ᐊᐅᑦᑕᔫᓂᑦ ᓴᓂᕐᓂᒃ ᓴᓂᓕᐊᖑᓯᒪᔪᓂᑦ ᐊᒥᓲᓕᕐᓯᒪᓂᖏᓐᓂᑦ ᐃᒥᒃᑯᕖᑦ.

ᓄᓇᓕᐸᐅᔭᒃᑯᑦ ᓄᓇᓕᕐᒥᐅᑕᓂᑦ ᓇᕿᑎᕆᓯᒪᖁᓪᓗᒋᑦ ᐃᒥᒃᑯᕕᒥᓂᕐᓂᒃ, ᒪᑐᖏᑦ ᐅᑎᖅᑎᐸᓪᓗᒋᑦ ᐴᒥᓂᕐᓄᑦ ᐊᒻᒪ ᐊᑐᒃᑲᓐᓂᕈᓐᓇᖅᑐᓂᑦ ᐴᕐᒥᓅᖅᐸᓪᓗᒋᑦ ᐃᒥᒃᑯᕕᒥᓃᑦ. ᐊᔪᕐᓇᖏᑉᐸᑦ, ᓄᓇᓕᕐᒥᐅᑕᐃᑦ ᑕᒪᒃᑯᓂᖓ ᓇᕿᑎᕐᓯᒪᔭᕐᒥᓂᒃ ᐴᕐᓯᒪᓗᒋᑦ ᐱᓯᒪᑦᑎᖁᔭᐅᔫᒐᓗᐊᑦ ᐊᑐᒃᑲᓐᓂᖅᑐᓕᕆᔪᒥᑦ ᐊᐅᓚᑦᑎᔾᔪᑎᑦᓴᓂᑦ ᐸᕐᓇᐅᑎᒥᑦ
ᐱᔭᕇᕋᓱᓐᓂᖏᓐᓂ.

ᓄᓇᓕᐸᐅᔭᒃᑯᑦ ᓴᖑᑎᑦᓯᓇᓱᐊᕈᒪᓂᐊᕐᒪᑕ ᐊᒥᓱᐊᓗᓐᓂᑦ ᑕᒪᒃᑯᓂᖓ ᐃᒥᒃᑯᕕᒥᓂᕐᓂᒃ ᐊᔪᕐᓇᖏᓐᓂᖏᒍᑦ ᓄᓇᓕᐸᐅᔭᐃᑦ ᐊᑦᓯᕕᖓᓅᖕᖏᖔᕐᓗᑎᒃ.

ᐃᒥᖃᖅᑎᑦᑎᓂᒃᑯᑦ ᐊᓯᔾᔨᖅᑐᖅ: ᐊᐅᓚᑦᑎᓂᖅ ᓚᓐᑕᔅ (Operation LENTUS)- ᓴᓗᒻᒪᓴᕐᓯᒪᔪᖅ ᑰᒻᒥᒃ ᐃᒥᖅ

ᓄᓇᓕᐸᐅᔭᐃᑦ ᐃᖃᓗᐃᑦ ᖁᕕᐊᒋᓪᓗᒍ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᑲᓇᑕᐅᑉ ᐅᓇᓕᖁᑎᖏᑕ ᐊᐅᓚᑕᖓᑦ ᐊᐅᓚᑦᑎᓂᖅ ᓚᓐᑕᔅ (Operation LENTUS) ᓴᓗᒻᒪᓴᕐᓯᒪᔪᒥᑦ ᑰᒻᒥᒃ ᐃᒥᖅᑖᖑᓯᒪᔪᒥᑦ ᐃᒥᓕᐅᓕᕐᒥᒻᒪᑕ, ᐃᖃᓗᐃᑦ ᑰᖓᓂᒃ, ᓄᓇᓕᐸᐅᔭᓂ ᐊᑐᐃᓐᓇᐅᑎᑕᐅᓂᐊᖅᑐᒥᑦ.

ᐱᒋᐊᕐᓗᑎᒃ ᑏᓰᐱᕆ 6, 2021, ᐅᑯᐊ ᐃᒥᖅᑕᕕᑦᓴᐃᑦ ᓴᓗᒻᒪᓴᕐᓯᒪᔪᒥᑦ ᐃᒥᕐᒥᒃ ᐃᒥᖅᑕᕕᑦᓴᐅᓂᐊᖅᑐᑦ ᑰᒻᒥᒃ ᐱᓯᒪᔪᒥᑦ:

• ᐊᐃᑉ ᐅᑉᐱᒃ ᐱᖕᖑᐊᕐᕕᕋᓛᑉ ᐃᓗᐊᓂᑦ
• ᐃᓐᓇᑐᖃᐃᑦ ᖃᒻᒪᖓᑕ ᐃᓗᐊᓂᑦ

ᐃᒥᖅᑕᕐᕖᑦ ᒪᑐᐃᖓᕙᑦᑐᑦ ᖃᐅᑕᒫᑦ ᐅᓪᓗᒃᑯᑦ 11-ᒥᓂᑦ 6-ᒧᓄᑦ ᐅᓐᓄᒃᑯᑦ.

ᐃᒥᕐᓂᒃ ᐃᒥᖅᑕᐅᔪᓐᓇᖅᑐᓂᒃ ᐊᑐᐃᓐᓇᖅᑕᓕᒃ

ᓄᖅᑲᖅᑎᑕᐅᑲᐃᓐᓇᕐᓂᖓ ᑲᓇᑕᒥ ᐅᓇᓖᑦ ᐊᐅᓚᑕᖓᑦ ᓚᓪᑕᔅ (Canadian Armed Forces Operation LENTUS) ᐊᑦᑐᐃᓯᒪᖕᖏᑦᑐᖅ ᓄᓇᓕᐸᐅᔭᒃᑯᑦ ᐃᒥᖃᖅᑎᑦᓯᔪᓐᓇᕐᓂᖏᓐᓂᑦ ᓄᓇᓕᕐᒥᐅᑕᓂᑦ ᐅᑯᓇᓂ ᐃᒥᖅᑕᕕᑦᓴᓂ.

ᐃᒥᖅ ᐊᑐᐃᓐᓇᐅᖏᓐᓇᖅᑐᖅ ᐊᒻᒪ ᐊᑐᐃᓐᓇᐅᖏᓐᓇᓂᐊᖅᑐᓂ ᐅᑯᓇᓂ ᐃᒥᖅᑕᕕᑦᓴᓂᑦ:

• ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᖕᖑᐊᕕᔾᔪᐊᕐᕕᐅᑉ ᐃᓗᐊᓂ ᐅᖓᑖᒍᑦ ᐃᓯᕐᕕᓕᒃ
• ᐊᐃᑉ ᐅᒃᐱᒃ ᐱᖕᖑᐊᕐᕕᕋᓛᖅ ᐃᓗᐊᓂᑦ
• ᐃᓐᓇᑐᖃᐃᑦ ᖃᒻᒪᖓᓂ ᐃᓗᐊᓂᑦ

ᐃᒥᖅᑕᕕᑦᓴᐃᑦ ᒪᑐᐃᖓᕙᑦᑐᑦ ᐱᓇᓱᐊᕈᓯᓕᒫᖅ ᐅᓪᓗᒃᑯᑦ 11-ᒥᓂᑦ 6-ᒧᓄᑦ ᐅᓐᓄᒃᑯᑦ.

ᐃᒥᐅᑉ ᖃᓄᐃᓐᓂᖓᓂᑦ ᖃᐅᔨᓴᐅᑎᒥᓃᑦ

ᓄᓇᓕᐸᐅᔭᒃᑯᑦ ᐱᑎᑕᐅᓯᒪᓕᕐᒪᑕ ᐅᖃᐅᓯᖃᖅᑐᑦ ᖃᓄᐃᒍᑎᐅᔪᓂᑦ ᐃᒥᖅ ᖃᐅᔨᓴᖅᑕᐅᒐᒥ. ᖃᐅᔨᓴᐅᑎᐅᔪᑦ ᖃᐅᔨᓴᖅᑕᐅᓚᐅᖅᑐᑦ ᐱᓇᓱᐊᕈᓯᑕᒫᑦ ᖃᐅᔨᓴᕐᓂᒃᑯᑦ ᐱᓕᕆᐊᑦᓴᑎᒍᑦ ᐊᑐᖅᑕᐅᓚᐅᖅᑐᓂᑦ ᐊᑯᓐᓂᖏᓐᓂ ᓅᕖᐱᕆ 16, 2021 ᐊᒻᒪ ᓅᕖᐱᕆ 23, 2021.

ᓄᓇᓕᐸᐅᔭᒃᑯᑦ ᖃᐅᔨᓴᖅᑐᑦ ᐅᑯᓂᖓ BTEX/PHC[F1-F4], ᖃᐅᔨᓴᐅᑎᐅᔪᑦ ᐅᕐᓱᐊᓗᕈᔪᒻᒧᑦ ᐸᐅᕐᓂᒃ ᐃᒫᓃᑐᐃᓐᓇᕆᐊᓕᓐᓂᑦ ᐊᑐᖅᑐᑎᒃ 11-ᓂᑦ ᐊᔾᔨᒌᖏᑦᑐᓂᑦ ᖃᐅᔨᓴᖅᑕᐅᒋᐊᓕᓐᓂᑦ.

ᖃᐅᔨᓴᖅᑕᐅᔪᑦᓴᑦ ᐱᔭᐅᕙᑦᑐᑦ ᐱᖓᓲᔪᖅᑐᓂᑦ ᐊᔾᔨᒌᖏᑦᑐᓂᑦ ᐃᓂᒋᔭᐅᔪᓂᑦ ᐃᓗᐊᓂ ᐃᒥᕐᒥᒃ ᓴᓗᒻᒪᕐᓴᐃᕕᐅᑉ ᐊᒻᒪ 7-ᓂᑦ ᐃᓂᒋᔭᐅᔪᓂᑦ ᐃᒥᖃᐅᑎᐅᕙᑦᑐᓂᑦ. ᖃᐅᔨᓴᕐᕕᐅᕙᑦᑐᑦ ᐃᒥᓕᕆᔾᔪᑎᓂᑦ ᐱᔭᐅᕙᑦᑐᑦ ᓇᑭᑐᐃᓐᓇᖅ ᐃᖃᓗᐃᑦ ᐃᓗᐊᓃᑦᑐᓂᑦ, ᐃᓘᓐᓇᑦᑎᐊᖏᓐᓂᑦ ᖃᐅᔨᓴᕈᒪᓪᓗᑎᒃ ᐃᒥᐅᑉ ᖃᓄᐃᓐᓂᖓᓂᑦ.

ᓄᓇᓕᐸᐅᔭᐃᑦ ᐃᖃᓗᐃᑦ ᐱᖕᖑᐊᖅᑐᓕᕆᔨᖏᑕ ᖃᓄᐃᓕᐅᕈᑎᑦᓴᖏᑦ 2021 ᕿᑲᕐᓇᐃᑦ ᐅᓪᓗᖏᓐᓂ

ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᐅᑯᓂᖓ ᕿᑲᕐᓇᐅᓕᖅᐸᑦ ᐅᓪᓗᖏᓐᓂ ᖃᓄᐃᓕᐅᕈᑎᐅᓛᖅᑐᓂᑦ.

ᐱᑖᖅᑎᑦᑎᔨ ᓵᓂᑲᓛᓯ ᐊᑐᕆᐊᒃᑯᑦ ᒪᓕᑦᑎᒌᓪᓗᑎᒃ ᐃᖏᕐᕋᔭᖃᑕᐅᓂᖓ

ᐱᓕᕆᐊᖑᓂᐊᓚᐅᖅᑐᖅ ᖁᔭᓈᖅᑕᐅᑲᐃᓐᓇᖅᑐᖅ - ᑭᓈᓗᓕᕆᔾᔪᑎᓄᑦ ᐊᖅᑯᑎᓕᐊᖑᓂᐊᓚᐅᖅᑐᖅ - ᑭᓈᓗᓐᓂᑦ ᓄᐊᑦᑎᔨᓄᑦ ᑯᕝᕕᕕᒃ 1

ᓄᓇᓕᐸᐅᔭᒃᑯᑦ ᖁᔭᓈᕐᓯᑲᐃᓐᓇᖅᑐᑦ ᐋᖅᑭᑦᓱᐃᓂᕐᒥᑦ ᐊᖅᑯᑎᓕᐊᖑᑲᐃᓐᓇᓂᐊᖅᑐᒥᑦ ᑭᓈᓗᓕᕆᔾᔪᑎᓄᑦ ᐊᕙᑎᐊᓂ ᑭᓈᓗᓐᓂᑦ ᓄᐊᑦᑎᔨᓄᑦ ᑯᕝᕕᕕᒃ 1 (ᓯᔾᔭᒥ) ᐱᓕᕆᐊᖑᓂᐊᓚᐅᖅᑐᖅ ᐃᓗᐊᓂ ᑯᕝᕕᕕᐅᑉ.

ᓄᓇᓕᐸᐅᔭᐃᑦ ᐃᓱᒪᒋᔭᖃᖅᑐᑦ ᐱᓕᕆᐊᖃᕆᐊᓛᕐᓂᕐᒥᓂᒃ ᔮᓐᓄᐊᕆ 2022.

ᑐᑭᓯᒋᐊᕈᑎᑦᓴᑲᓐᓂᕐᓂᒃ ᐊᑐᐃᓐᓇᕈᐃᓛᕐᒥᔪᑦ ᓇᓗᓇᐃᕐᓯᔪᖃᕐᓂᖅᐸᑦ ᐅᓪᓗᕐᓯᐅᑎᒍᑦ ᐱᓕᕆᐊᑦᓴᒧᑦ.

ᖃᐅᔨᒋᐊᒃᑲᓐᓂᕈᒪᒍᕕᑦ ᐃᖅᑲᓇᐃᔭᕐᓇᒃᑯᑦ, ᖃᐅᔨᒋᐊᕐᕕᒋᔪᓐᓇᖅᑕᐃᑦ: 

ᐊᓕᒃᓯ ᑳᒧᕋᓐ

ᑐᓴᐅᒪᔪᓕᕆᔨᒃᑯᓐᓄᑦ ᐊᒻᒪᓗ ᐱᔨᑦᑎᕋᖅᑎᓄᑦ ᐊᐅᓚᑦᑎᔨ

867-979-5607 | a.cameron@iqaluit.ca

ᐃᒥᕐᓂᒃ ᐃᒥᖅᑕᐅᔪᓐᓇᖅᑐᓂᒃ ᐊᑐᐃᓐᓇᖅᑕᓕᒃ

ᓄᖅᑲᖅᑎᑕᐅᑲᐃᓐᓇᕐᓂᖓ ᑲᓇᑕᒥ ᐅᓇᓖᑦ ᐊᐅᓚᑕᖓᑦ ᓚᓪᑕᔅ (Canadian Armed Forces Operation LENTUS) ᐊᑦᑐᐃᓯᒪᖕᖏᑦᑐᖅ ᓄᓇᓕᐸᐅᔭᒃᑯᑦ ᐃᒥᖃᖅᑎᑦᓯᔪᓐᓇᕐᓂᖏᓐᓂᑦ ᓄᓇᓕᕐᒥᐅᑕᓂᑦ ᐅᑯᓇᓂ ᐃᒥᖅᑕᕕᑦᓴᓂ.

ᐃᒥᖅ ᐊᑐᐃᓐᓇᐅᖏᓐᓇᖅᑐᖅ ᐊᒻᒪ ᐊᑐᐃᓐᓇᐅᖏᓐᓇᓂᐊᖅᑐᓂ ᐅᑯᓇᓂ ᐃᒥᖅᑕᕕᑦᓴᓂᑦ:

• ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᖕᖑᐊᕕᔾᔪᐊᕐᕕᐅᑉ ᐃᓗᐊᓂ ᐅᖓᑖᒍᑦ ᐃᓯᕐᕕᓕᒃ
• ᐊᐃᑉ ᐅᒃᐱᒃ ᐱᖕᖑᐊᕐᕕᕋᓛᖅ ᐃᓗᐊᓂᑦ
• ᐃᓐᓇᑐᖃᐃᑦ ᖃᒻᒪᖓᓂ ᐃᓗᐊᓂᑦ

ᐃᒥᖅᑕᕕᑦᓴᐃᑦ ᒪᑐᐃᖓᕙᑦᑐᑦ ᐱᓇᓱᐊᕈᓯᓕᒫᖅ ᐅᓪᓗᒃᑯᑦ 11-ᒥᓂᑦ 6-ᒧᓄᑦ ᐅᓐᓄᒃᑯᑦ.