ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐃᖃᓗᐃᑦ ᐱᔨᑦᓯᕋᖅᑎᖏᑦ ᐅᐸᑦᑐᑦ ᐃᓪᓗᒧᑦ ᐃᑭᑦᑐᒧᑦ
ᓇᒡᒋᔾᔭᐅᒥ, ᔮᓐᓄᐊᕆ 24, 2022 ᐅᓪᓛᕈᓗᒃᑯᑦ 3-ᒨᖅᑎᓪᓗᒍ, ᐃᖃᓗᐃᑦ ᑐᐊᕕᕐᓇᖅᑐᓕᕆᓂᕐᒥᑦ ᐱᔨᑦᓯᕋᖅᑎᖏᑦ ᐅᐸᓚᐅᖅᑐᑦ ᐳᔫᖅᑐᖃᕐᓂᕋᐅᔪᖃᖅᑎᓪᓗᒍ ᓇᔪᒐᕐᒥᑦ ᑲᑎᖕᖓᔪᒥᑦ ᓈᓴᐅᑎᓕᓐᓂ 2200-ᓂᑦ ᓄᓇᓕᓐᓂ.
ᖃᑦᑎᕆᔩᑦ ᐅᐸᓚᐅᖅᑐᑦ ᐊᒻᒪ ᑐᐊᕕᐊᖃᖅᑐᑎᒃ ᐃᑯᐊᓚᔪᒥᑦ ᐊᓯᐊᓄᑦ ᓯᐊᒻᒪᐃᑎᑦᑎᓚᐅᖏᓪᓚᑐᖅᑐᑦ ᐃᑭᓚᐅᖅᑑᑉ.
ᐃᑯᐊᓚᒧᑦ ᐊᒻᒪ ᐃᒥᕐᒧᑦ ᓱᕋᑦᑕᐅᓚᐅᖅᑐᖅ ᐊᑕᐅᓯᖅ ᓇᔪᒐᖅ ᑭᓯᐊᓂᑦᑕᐅᖅ, ᒪᕐᕉᒃ ᖃᓂᒋᔭᖏᓐᓂᒃ ᓇᔪᒐᓖᒃ ᐊᒻᒪ ᐆᒪᔪᖁᑎᖓᑦ ᐃᓂᖃᕈᓐᓃᓚᐅᖅᑑᒃ ᖃᑦᑎᕆᔩᑦ ᓱᑎᒋᓂᖏᓐᓂᑦ ᐊᑦᑕᓇᖅᑐᒦᖁᓇᒋᑦ. ᐃᑯᐊᓚᒍᓐᓃᕐᒪᑦ, ᐊᒻᒪ ᐃᖃᓗᐃᑦ ᖃᑦᑎᕆᔨᒃᑯᖏᑦ ᐱᖁᑎᖃᕐᕕᒻᒥᑦ ᐊᑦᑕᓇᕐᓂᕋᐃᒍᓐᓃᕐᒪᑕ, ᓇᔪᒐᓖᒃ ᐅᑎᕈᓐᓇᕐᓯᓚᐅᖅᑑᒃ ᓇᔪᒐᕐᒥᓄᑦ.
ᒪᕐᕉᒃ ᖃᑦᑎᕆᔨᒃᑯᑦ ᓄᓇᒃᑰᔫᖁᑎᖏᒃ, ᒪᕐᕉᒃ ᑐᐊᕕᕐᓇᖅᑐᓄᑦ ᓄᓇᒃᑰᔫᒃ, ᒪᕐᕉᒃ ᐃᑲᔪᖅᑎᓄᑦ ᓄᓇᒃᑰᔫᒃ ᐊᒻᒪ 9 ᖃᑦᑎᕆᔩᑦ ᐅᐸᑦᓯᒪᓚᐅᖅᑐᑦ ᑭᓇᑐᐃᓐᓇᕐᒥᑦ ᐋᓐᓂᖅᑐᖃᖕᖏᓪᓚᑐᖅᑐᓂ ᐃᖅᑲᓇᐃᔭᖅᑎᓂᓪᓘᓐᓃᑦ ᐃᖃᓗᐃᑦ ᑐᐊᕕᕐᓇᖅᑐᓕᕆᔨᖏᓐᓂᑦ. ᓄᓇᓕᐸᐅᔭᐃᑦ ᐃᖃᓗᐃᑦ ᐊᐅᓚᑦᑎᔨᖏᑦ ᖁᔭᓐᓇᒦᕈᒪᕗᑦ ᐃᖃᓗᐃᑦ ᐸᓖᓯᖏᓐᓂᑦ ᐃᑲᔪᓚᐅᕐᓂᖏᓐᓂᑦ ᖃᓄᐃᕕᐅᓚᐅᖅᑐᒥ.
ᐃᖃᓗᐃᑦ ᐸᓖᓯᒃᑯᖏᑦ ᖃᐅᔨᓴᖅᑐᑦ ᐃᑭᓚᐅᖅᑐᒥᑦ ᐊᒻᒪ ᑭᓇᑐᐃᓐᓇᖅ ᑐᑭᓯᒋᐊᕈᑎᖃᕐᓂᕈᓂ ᐱᔾᔪᑎᒋᓪᓗᒍ ᖃᓄᐃᒍᑎᐅᓚᐅᖅᑐᖅ ᖃᐅᔨᒃᑲᐃᖁᔭᐅᔫᒐᓗᐊᑦ ᑐᐊᕕᕐᓇᖏᑦᑐᓂᑦ ᐅᖄᓚᕕᒻᒧᑦ ᐅᖄᓚᓗᑎᒃ ᐅᕗᖓ 867-979-0123
##
ᐱᕙᓪᓕᐊᔪᓂᑦ ᖃᐅᔨᒋᐊᕐᕕᑦᓴᖅ:
ᔭᕗᕆ ᐴᕐᓐ
ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓂᑦ ᐊᐅᓚᑦᑎᔨᐅᑲᐃᓐᓇᖅᑐᖅ
g.byrne@iqaluit.ca
