ᑲᓇᑕᐅᑉ ᐸᓖᓯᖏᑦ – (867) 979-1111
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – (867) 979 - 4422
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – (867) 979-5300ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᐅᑯᓂᖓ ᕿᑲᕐᓇᐅᓕᖅᐸᑦ ᐅᓪᓗᖏᓐᓂ ᖃᓄᐃᓕᐅᕈᑎᐅᓛᖅᑐᓂᑦ.
ᐱᑖᖅᑎᑦᑎᔨ ᓵᓂᑲᓛᓯ ᐊᑐᕆᐊᒃᑯᑦ ᒪᓕᑦᑎᒌᓪᓗᑎᒃ ᐃᖏᕐᕋᔭᖃᑕᐅᓂᖓ
ᑲᑎᒪᔾᔪᑎᑦᓴᑦ ᐊᑐᐃᓐᓇᐅᓛᖅᑐᑦ 48 ᐃᑲᕐᕋᐃᑦ ᓯᕗᓂᐊᒍᑦ ᐅᓪᓗᖓᑕ ᐅᕙᓂ: https://www.iqaluit.ca/city-council-documents
ᓄᓇᓕᐸᐅᔭᒃᑯᑦ ᖁᔭᓈᕐᓯᑲᐃᓐᓇᖅᑐᑦ ᐋᖅᑭᑦᓱᐃᓂᕐᒥᑦ ᐊᖅᑯᑎᓕᐊᖑᑲᐃᓐᓇᓂᐊᖅᑐᒥᑦ ᑭᓈᓗᓕᕆᔾᔪᑎᓄᑦ ᐊᕙᑎᐊᓂ ᑭᓈᓗᓐᓂᑦ ᓄᐊᑦᑎᔨᓄᑦ ᑯᕝᕕᕕᒃ 1 (ᓯᔾᔭᒥ) ᐱᓕᕆᐊᖑᓂᐊᓚᐅᖅᑐᖅ ᐃᓗᐊᓂ ᑯᕝᕕᕕᐅᑉ.
ᓄᓇᓕᐸᐅᔭᐃᑦ ᐃᓱᒪᒋᔭᖃᖅᑐᑦ ᐱᓕᕆᐊᖃᕆᐊᓛᕐᓂᕐᒥᓂᒃ ᔮᓐᓄᐊᕆ 2022.
ᑐᑭᓯᒋᐊᕈᑎᑦᓴᑲᓐᓂᕐᓂᒃ ᐊᑐᐃᓐᓇᕈᐃᓛᕐᒥᔪᑦ ᓇᓗᓇᐃᕐᓯᔪᖃᕐᓂᖅᐸᑦ ᐅᓪᓗᕐᓯᐅᑎᒍᑦ ᐱᓕᕆᐊᑦᓴᒧᑦ.
ᖃᐅᔨᒋᐊᒃᑲᓐᓂᕈᒪᒍᕕᑦ ᐃᖅᑲᓇᐃᔭᕐᓇᒃᑯᑦ, ᖃᐅᔨᒋᐊᕐᕕᒋᔪᓐᓇᖅᑕᐃᑦ:
ᐊᓕᒃᓯ ᑳᒧᕋᓐ
ᑐᓴᐅᒪᔪᓕᕆᔨᒃᑯᓐᓄᑦ ᐊᒻᒪᓗ ᐱᔨᑦᑎᕋᖅᑎᓄᑦ ᐊᐅᓚᑦᑎᔨ
867-979-5607 | a.cameron@iqaluit.ca
ᑲᑎᒪᔾᔪᑎᑦᓴᑦ ᐊᑐᐃᓐᓇᐅᓛᖅᑐᑦ 48 ᐃᑲᕐᕋᐃᑦ ᓯᕗᓂᐊᒍᑦ ᐅᓪᓗᖓᑕ ᐅᕙᓂ: https://www.iqaluit.ca/city-council-documents
ᓄᖅᑲᖅᑎᑕᐅᑲᐃᓐᓇᕐᓂᖓ ᑲᓇᑕᒥ ᐅᓇᓖᑦ ᐊᐅᓚᑕᖓᑦ ᓚᓪᑕᔅ (Canadian Armed Forces Operation LENTUS) ᐊᑦᑐᐃᓯᒪᖕᖏᑦᑐᖅ ᓄᓇᓕᐸᐅᔭᒃᑯᑦ ᐃᒥᖃᖅᑎᑦᓯᔪᓐᓇᕐᓂᖏᓐᓂᑦ ᓄᓇᓕᕐᒥᐅᑕᓂᑦ ᐅᑯᓇᓂ ᐃᒥᖅᑕᕕᑦᓴᓂ.
ᐃᒥᖅ ᐊᑐᐃᓐᓇᐅᖏᓐᓇᖅᑐᖅ ᐊᒻᒪ ᐊᑐᐃᓐᓇᐅᖏᓐᓇᓂᐊᖅᑐᓂ ᐅᑯᓇᓂ ᐃᒥᖅᑕᕕᑦᓴᓂᑦ:
• ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᖕᖑᐊᕕᔾᔪᐊᕐᕕᐅᑉ ᐃᓗᐊᓂ ᐅᖓᑖᒍᑦ ᐃᓯᕐᕕᓕᒃ
• ᐊᐃᑉ ᐅᒃᐱᒃ ᐱᖕᖑᐊᕐᕕᕋᓛᖅ ᐃᓗᐊᓂᑦ
• ᐃᓐᓇᑐᖃᐃᑦ ᖃᒻᒪᖓᓂ ᐃᓗᐊᓂᑦ
ᐃᒥᖅᑕᕕᑦᓴᐃᑦ ᒪᑐᐃᖓᕙᑦᑐᑦ ᐱᓇᓱᐊᕈᓯᓕᒫᖅ ᐅᓪᓗᒃᑯᑦ 11-ᒥᓂᑦ 6-ᒧᓄᑦ ᐅᓐᓄᒃᑯᑦ.
ᐃᒥᐅᑉ ᐃᖏᕐᕋᓂᖓ ᓄᖅᑲᖅᑐᖅ – Hᐊᐱ ᕚᓕᒥ
ᖃᐅᔨᒪᖁᔭᐅᕗᓯ ᐱᔾᔪᑎᒋᓪᓗᒋᑦ ᓴᓇᔭᐅᔭᕆᐊᓖᑦ ᐃᒥᓕᕆᔾᔪᑎᐅᔪᑦ, ᐃᒥᓕᕆᔾᔪᑏᑦ ᓄᖅᑲᖓᑎᑕᐅᖃᑦᑕᓛᕐᒪᑕ ᑎᓴᒻᒥᕐᒥ, ᑏᓰᐱᕆ 2, 2021 ᐅᓐᓄᓴᒃᑯᑦ 1 ᐊᒻᒪ 5 ᐊᑯᓐᓂᖏᓐᓂ ᓴᓇᔭᐅᓇᓱᓐᓂᖏᓐᓂ.
ᐅᑯᐊ ᐃᒥᓕᕆᔾᔪᑎᖏᑦ ᓄᖅᑲᖓᑎᑕᐅᖃᑦᑕᓛᖅᑐᑦ:
400–ᒥᑦ 416-ᒧᑦ
523-ᒥᑦ 582-ᒧᑦ
ᓴᓇᔭᐅᓂᖏᓐᓂ ᐊᑦᑐᐃᓂᖃᔾᔮᖏᑦᑐᖅ ᖃᐅᔨᒪᒋᐊᕈᑕᐅᒋᐊᓕᓪᓂᒃ ᓄᓇᕗᑦ ᒐᕙᒪᒃᑯᖏᓐᓃᓐᖔᖅᓯᒪᔪᓂᒃ ᐋᓐᓂᐊᖅᑕᐃᓕᒪᔪᓕᕆᔨᒃᑯᖏᓐᓂ ᐊᑦᑑᑉᐱᕆᓕᓴᒥᑦ 12, 2021. ᓱᓕᒃᑲᓐᓂᖅ, ᐃᒥᖃᑦᑕᖁᔨᓐᖏᒻᒪᑕ ᐃᖃᓗᓐᓂ ᓯᑎᒃᑯᑦ ᓱᓕ ᐃᒥᖅᑕᐅᒋᐊᖃᓐᖏᑦᑐᖅ.
ᑐᑭᓯᒋᐊᒃᑲᓐᓂᕈᒪᓐᓂᕈᔅᓯ:
ᐋᓕᒃᓯ ᑳᒧᕋᓐ
ᑐᓴᐅᒪᖃᑦᑕᐅᑎᓕᕆᔨ ᐱᔨᑦᑎᕋᖅᑏᓪᓗ ᐊᐅᓚᑦᑎᔨᖓ
867-979-5607| a.cameron@iqaluit.ca
ᐃᖃᓗᐃᑦ ᓄᓇᓕᐸᐅᔭᐃᑦ ᑲᑎᒪᔨᖏᑦ ᐅᐃᒍᐃᕗᑦ ᐅᓪᓗᖏᓐᓂᑦ ᑐᐊᕕᕐᓇᖅᑐᒦᓕᕐᓂᕐᒥᑦ ᓄᓇᓕᓐᓂ ᐱᔾᔪᑎᒋᓪᓗᒍ ᐃᒥᒃᑯᑦ ᐊᑲᐅᖏᓕᐅᕈᑎᐅᔪᑦ ᐱᒋᐊᕐᓗᒍ ᐅᓐᓄᐊᒃᑯᑦ 12-ᒨᖅᐸᑦ ᐱᖓᑦᓯᕐᒥ, ᐋᑦᑑᐸ 20, 2021.
ᓄᓇᓕᐸᐅᔭᐃᑦ ᑲᑎᒪᔨᖏᑦ ᑲᑎᒪᑎᓪᓗᒋᑦ ᓇᒡᒋᔾᔭᐅᓕᖅᑭᕐᒥ, ᓅᕖᐱᕆ 30, ᑲᑎᒪᔩᑦ ᑲᔪᓯᑎᑦᑎᓚᐅᖅᑐᑦ ᐅᐃᒍᔭᐅᓂᖓᓂᑦ ᑐᐊᕕᕐᓇᖅᑐᒦᓕᕐᓂᕐᒥᑦ ᓄᓇᓕᓐᓂ. ᑎᒥᐅᔪᒥᑦ ᐊᐅᓚᑦᑎᔨᒻᒪᕆᐅᔪᖅ ᓱᓕ ᐱᓕᕆᔨᐅᓂᐊᖅᑐᖅ ᓄᓇᓕᓐᓂ ᐊᐅᓚᑦᑎᔾᔪᑎᓂᑦ ᑐᑭᒧᐊᑦᑎᑦᑎᔨᐅᓂᕐᒥᑦ.
ᑐᐊᕕᕐᓇᖅᑐᒦᓕᕐᓂᕐᒥᑦ ᓄᓇᓕᓐᓂ ᐊᑐᖅᑎᓪᓗᒋᑦ, ᑐᐊᕕᕐᓇᖅᑐᑕᖃᖅᑎᓪᓗᒍ ᐱᓕᕆᔾᔪᑎᑦᓴᓂᑦ ᒪᓕᒐᑎᒍᑦ ᓄᓇᓕᐸᐅᔭᒃᑯᓐᓂᑦ ᐅᑯᓂᖓ ᐊᑐᕈᓐᓇᑎᑦᓯᔾᔪᑎᐅᔪᓐᓇᕐᒪᑦ “ᖃᓄᐃᑐᐃᓐᓇᖅ ᐱᓕᕆᖁᔭᐅᓗᑎᒃ ᐊᒻᒪ ᐊᑐᖅᐸᓪᓗᑎᒃ ᐱᓕᕆᔾᔪᑎᑦᓴᓂᑦ ᓄᓇᓕᓐᓂ ᑯᐊᐳᕇᓴᐅᔪᓄᑦ ᐱᓕᕆᐊᖑᒋᐊᖃᖅᑐᕆᔭᖏᓐᓂᑦ”.
ᐃᖃᓗᖕᓂ ᓄᓇᓕᐸᐅᔭᒃᑯᑦ ᖃᐅᔨᒃᑲᖅᑕᐅᖅᑲᐅᔪᑦ ᐃᓚᐅᕈᑎᒃᓴᒥᒃ ᐊᒻᒪᓗ ᐃᒥᖅᑐᓂ ᑯᕕᔪᖃᖅᑐᕕᓂᐅᓂᖕᒐᓂᒃ ᐋᓐᓂᐊᕕᖕᒥ ᐸᕐᓇᐅᑎᐅᓯᒪᖖᒋᑦᑐᒥᒃ, ᑭᓈᓗᖃᕐᕕᖕᒐᓂᑦ ᓄᑖᖖᒍᕆᐊᖅᑎᑦᑎᓇᓱᒃᑎᓪᓗᒋᑦ, ᐱᓕᕆᐊᖕᒍᑎᓪᓗᒍ ᓄᓇᓕᐸᐅᔭᒃᑯᑦ ᑳᓐᑐᕌᒃᑕᐅᓯᒪᔪᓄᑦ. ᖁᓪᓕᒃᑯᑦ ᑲᑐᔾᔨᖃᑎᒌᑦ ᐅᐸᒍᑎᑲᐅᖅᑐᕈᓐᓇᖅᑲᐅᔪᑦ ᓄᖅᑲᖅᑎᑕᐅᓪᓗᓂ ᑯᕕᓕᒃᑲᓐᓂᕐᓂᐊᖖᒋᒻᒪᑦ.
ᐊᔾᔨᒌᖖᒋᑦᑐᑦ ᑳᓐᑐᕌᒃᓕᕆᔩᑦ ᐊᒻᒪᓗ ᑐᑦᑕᕐᕖᑦ ᖃᐅᔨᓴᕐᓂᐊᖅᑐᑦ. ᐅᖃᐅᓯᐅᓯᒪᓕᕆᓪᓗᓂ ᓄᓇᕗᑦ ᒐᕙᒪᒃᑯᑦ ᐊᕙᑎᓕᕆᔨᒃᑯᖕᒋᓐᓄᑦ ᐃᑲᔪᖅᓱᕆᐊᖃᕐᒪᖕᒑᑕ ᑯᕕᓯᒪᔪᖅ ᖃᓄᖅ ᐱᓕᕆᐊᖕᒍᔭᕆᐊᖃᕐᒪᖕᒑᖅ.
ᐃᓚᐅᕈᑎᒃᓴᖅ ᑕᑯᔅᓴᐅᖖᒋᑦᑐᖅ, ᑎᐱᖃᖖᒋᑦᑐ, ᓇᐃᔭᔅᓴᐅᖖᒋᑦᑐᖅ ᓂᕿᓃᓲᖅ, ᐱᐅᓴᐅᑎ ᐊᒻᒪᓗ ᐄᔭᒐᖅᑖᕈᑕᐅᓲᖅ, ᐊᒻᒪᓗ ᓱᕈᕐᓇᖖᒋᑦᑐᖅ ᐃᓄᖕᓄᑦ ᓂᕐᔪᑎᓄᓪᓗ.
ᖃᐅᔨᒋᐊᒃᑲᓐᓂᕈᒪᒍᕕᑦ ᖃᐅᔨᒋᐊᕐᕕᒃᓴᖅ.
ᖃᕋᓴᐅᔭᒃᑯᑦ:
ᐃᓚᒋᔭᐅᓗᓂ ᓄᓇᓕᓐᓂ ᑐᐊᕕᕐᓇᖅᑐᑕᖃᓕᕐᓂᖓᓂᑦ, ᐊᒻᒪ ᐱᓕᕆᖃᑕᐅᖏᓐᓇᕐᓂᖏᓐᓂᑦ ᐱᖕᖑᐊᖅᑐᓕᕆᔨᒃᑯᑦ ᐃᒥᐅᑉ ᖃᓄᐃᓐᓂᖓ ᐱᓪᓗᒍ ᑐᐊᕕᕐᓇᖅᑐᓕᕆᓂᕐᒧᑦ, ᐱᖕᖑᐊᖅᑐᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᐊᓯᖏᓐᓂᑦ ᑎᓕᔭᐅᓯᒪᓕᖅᑐᑦ.
ᑕᐃᒪᐃᓐᓂᖏᓐᓂᑦ, ᐱᒋᐊᕐᓗᑎᒃ ᐱᖓᑦᓯᕐᒥ, ᑏᓰᐱᕆ 1:
• ᐃᓘᓐᓇᑎᒃ ᐊᑐᖅᑐᐊᐸᑦᑐᑦ ᐊᓐᓂᑭᑦᑐᕐᕖᓐᓂᒃ, ᓯᕿᖕᖑᔭᒃᑯᑦ ᐊᑯᓐᓂᖏᓐᓂ ᐅᓪᓛᒃᑯᑦ 8-ᒥᓂᑦ 5-ᒧᓄᑦ, ᓇᒡᒋᔾᔭᐅᒥᑦ ᑕᓪᓕᒥᕐᒧᑦ, ᓄᖅᑲᖅᑎᑕᐅᑲᐃᓐᓇᖅᑐᑦ. ᐊᑐᖅᑐᐊᖅᑕᐅᕙᑦᑐᑦ ᐅᓐᓄᒃᑯᑦ 5 ᐅᖓᑖᓂ ᐅᕝᕙᓘᓐᓃᑦ ᓈᑦᓯᐅᖑᔭᓛᕐᓂᐊᓂ ᐊᒻᒪ ᓈᑦᓯᐅᖑᔭᓂ ᐊᑦᑐᖅᑕᐅᖏᑦᑐᑦ.
• ᐃᖃᐃᓕᓴᕐᕕᒃ ᒪᑐᓯᒪᓂᐊᖅᑐᖅ ᐃᓘᓐᓇᖏᓐᓄᑦ ᐅᐸᑐᐃᓐᓇᐸᑦᑐᓄᑦ ᐊᒻᒪ ᓯᕗᓂᐊᒍᑦ ᐊᑎᓕᐅᕐᓯᒪᔪᓄᑦ ᐱᓕᕆᐊᑦᓴᓄᑦ.
ᑭᒃᑯᑐᐃᓐᓇᐃᑦ ᐊᑦᑕᓇᖅᑐᒦᒋᐊᖃᖏᓐᓂᖏᓐᓂᑦ ᑲᑎᒪᔨᕋᓛᑦ ᑲᑎᒪᓂᖓᑦ ᑏᓰᐱᕆ 2, 2021 ᑭᖑᕙᕆᐊᖅᑕᖅ
ᓄᓇᓕᐸᐅᔭᒃᑯᑦ ᐅᖃᐅᓯᖃᖅᑐᑦ ᑭᖑᕙᕆᐊᖅᑕᐅᓂᖓᓂᑦ ᑭᒃᑯᑐᐃᓐᓇᐃᑦ ᐊᑦᑕᓇᖅᑐᒦᒋᐊᖃᖏᓐᓂᖏᓐᓂᑦ ᑲᑎᒪᔨᕋᓛᑦ ᑲᑎᒪᓂᖓᑦ ᐊᑐᖅᑕᐅᓂᐊᓚᐅᖅᑐᖅ 3-ᒥ ᐅᓐᓄᓴᒃᑯᑦ ᑏᓰᐱᕆ 2, 2021 ᓄᓇᓕᐸᐅᔭᐃᑦ ᐊᓪᕙᕝᕕᖏᓐᓂ (ᐃᓪᓗ 1085). ᓄᑖᒥᑦ ᐅᓪᓗᕐᓯᐅᒻᒥᑦ ᓱᓕ ᓇᓗᓇᐃᕐᓯᓚᐅᖏᑦᑐᑦ.
ᓄᓇᓕᐸᐅᔭᒃᑯᑦ ᑭᒃᑯᑐᐃᓐᓇᕐᓂᑦ ᑐᓴᐅᒪᑎᑦᑎᓛᕐᒥᔪᑦ ᓄᑖᒥᑦ ᐅᓪᓗᕐᓯᐅᒻᒥᑦ ᓇᓗᓇᐃᕐᓯᔪᖃᓚᐅᖅᑎᓪᓗᒍ.
ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓪᓗᒃᑯᑦ ᐃᖅᑲᓇᐃᔭᕐᓇᐅᑎᓪᓗᒍ ᐅᓇ:
ᐋᓕᒃᓯ ᑳᒧᕋᓐ
ᑐᓴᐅᒪᖃᑦᑕᐅᑎᓕᕆᔨ ᐱᔨᑦᑎᕋᖅᑏᓪᓗ ᐊᐅᓚᑦᑎᔨᖓ
867-979-5619 | a.cameron@iqaluit.ca