ᐱᖕᖑᐊᖅᑐᓕᕆᓂᖅ

ᖃᑦᑎᕆᔨᒃᑯᑦ ᐃᖅᑲᓇᐃᔭᕐᕕᖓᑦ ᒪᑐᐃᖓᓛᖅᑐᖅ ᑭᒃᑯᑐᐃᓐᓇᕐᓄᑦ ᓈᑦᓯᐅᖑᔭᓛᕐᓂᐊᖑᓕᖅᐸᑦ ᐋᑦᑑᐸ 14
ᐋᑦᑑᐸ 10, 2017 (ᐃᖃᓗᐃᑦ, ᓄᓇᕗᑦ) ᐃᓚᒋᔭᐅᓗᓂ ᐃᑯᐊᓪᓚᑦᑕᐃᓕᒪᔪᓕᕆᓂᕐᒧᑦ ᐱᓇᓱᐊᕈᓯᕐᒧᑦ, ᓯᑎᒃᑯᑦ ᖁᕕᐊᒋᑦᓯᐊᖅᑐᒍ ᐅᖃᐅᓯᖃᕈᒪᓕᕐᒥᔪᑦ ᖃᑦᑎᕆᔨᒃᑯᑦ ᑭᒃᑯᑐᐃᓐᓇᕐᓄᑦ ᐃᖅᑲᓇᐃᔭᕐᕕᖓᑦ ᒪᑐᐃᖓᑎᑕᐅᓛᕐᒪᑦ ᓈᑦᓯᐅᖑᔭᓛᕐᓂᐊᖑᓕᖅᐸᑦ, ᐋᑦᑑᐸ 14, ᐅᓐᓄᓴᒃᑯᑦ 4-ᒥ ᐅᐸᑦᑕᐅᔪᓐᓇᓕᓛᖅᑐᑦ 7-ᒨᐸᓱᓐᓂᖓᓂ ᐅᓐᓄᒃᑯᑦ, ᖃᑦᑎᕆᔨᒃᑯᓐᓂ ᓯᑎᒃᑯᑦ ᐊᓪᓚᕝᕕᖃᕐᕕᖏᑕ ᐃᓚᖓᓃᑦᑐᑦ. ᓄᓇᓕᕐᓂᒥᐅᑕᐃᑦ ᖃᐃᓛᖁᔭᐅᑦᓯᐊᖅᑐᑦ ᖃᑦᑎᕆᔨᒃᑯᓐᓄᑦ; ᓄᓇᒃᑰᔫᕌᓗᐊᓂᑦ ᖃᓂᒋᓗᒍ ᕿᒥᕐᕈᐊᓛᕋᑦᓯᐅᒃ; “ᐃᑯᐊᓚᓪᓚᕆᑦᑐᒥᑦ” ᑕᑯᓐᓇᖅᑕᐅᓛᖅᑐᓯ ᐃᓪᓗᒥ ᐳᓛᕐᕕᖕᖑᐊᒥᑦ ᐃᑭᑎᑦᓯᔪᖃᖅᑎᓪᓗᒍ; ᐱᓕᒻᒪᓴᕐᓯᒪᔭᒥᓂᒃ ᑕᑯᓐᓇᑎᑦᓯᓛᖅᑐᑦ ᐃᑯᐊᓚᔪᒥᑦ ᖃᒥᑦᓯᔪᓂᑦ ᐊᑐᖅᑐᓂᒃ ᐃᓪᓗᐃᑦ ᐃᓗᐊᓂ ᐊᖏᔫᖕᖏᑦᑐᓂᑦ ᐃᑯᐊᓪᓚᑦᑐᓄᑦ ᖃᒥᑦᓯᔾᔪᑎᒥᑦ ᑎᒻᒥᑳᓲᒥᑦ ᖃᐳᓕᓂᐅᔭᕐᒥᑦ, ᐊᒻᒪᑦᑕᐅᖅ ᓂᕆᑎᑕᐅᓛᕐᒥᔪᓯ ᓯᕋᓯᒪᔪᓂᑦ.

ᓯᓚᑦᑑᓛᖑᓂᒃᑯᑦ ᐱᓕᕆᔾᔪᑎᓕᕆᓂᒃᑯᑦ ᓵᓚᑦᓴᕋᓱᓐᓂᖃᓛᓕᕐᒥᔪᑦ - ᓄᑖᑦ ᖃᓄᑐᐃᓐᓇᖅ ᐱᒋᐊᖅᑎᑦᓯᔾᔪᑎᑦᓴᐅᔪᓐᓇᖅᑐᑦ ᐱᔾᔪᓯᐊᖅᑎᑦᓯᔪᓐᓇᖅᑐᑦ ᐊᖏᔪᐊᓗᓐᓂᑦ ᐃᖃᓗᓐᓄᑦ

ᐃᑳᕈᑎ ᒪᑐᓯᒪᑲᐃᓐᓇᓂᐊᖅᑐᖅ ᓴᓇᔭᐅᓂᖓᓂ ᑕᓯᓗᓕᐊᕆᐊᒦᑦᑐᖅ
ᓰᑏᐱᕆ 15, 2017 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᓄᓇᓯᐅᑎᓄᑦ ᐃᑳᕈᑎᐅᔪᖅ ᓂᐊᖁᖕᖒᒧᑦ ᑰᑦᑑᑉ ᖁᓛᒎᖓᔪᖅ ᑕᓯᓗᓕᐊᕆᐊᒦᑦᑐᖅ ᒪᑐᔭᐅᓯᒪᒻᒪᑦ. ᖃᐅᔨᓴᖅᑕᐅᕋᑖᓚᐅᖅᑎᓪᓗᒍ ᓯᓚᒧᑦ ᐱᔾᔪᑎᖃᖅᑐᓂ ᓱᕋᐃᔭᓕᕐᓂᕐᒪᑦ ᐊᑐᕋᑦᓴᐅᔪᓐᓃᖅᑐᓂ ᐊᑦᑕᓇᓗᐊᓕᕐᒪᑦ. ᓯᑎᒃᑯᑦ ᐃᖅᑲᓇᐃᔭᖅᑎᖏᑦ ᓴᓇᕙᓪᓕᐊᔪᑦ ᑭᓯᐊᓂ ᐱᔭᕇᔾᔮᕙᓪᓚᐃᖏᑦᑐᑦ ᐊᕐᕌᒍᑦᑎᓐᓂ ᑮᓇᐅᔭᑭᑦᓴᒧᑦ. ᓯᑎᒃᑯᑦ ᖃᐅᔨᒪᖁᔨᔪᑦ ᓄᓇᓕᕐᓂᒥᐅᑕᓂᑦ ᐃᑳᕈᑎᒃᑰᖁᔭᐅᒐᑎᒃ ᓴᓇᔭᐅᓂᖓ ᐃᑳᕈᑎ. ᓯᑎᒃᑯᑦ ᒪᒥᐊᑦᑐᑦ ᐊᑲᐅᖏᓕᐅᕈᑎᐅᔪᓂᑦ, ᐊᒻᒪ ᐃᓕᑦᓯᓐᓂᑦ ᖁᔭᓐᓇᒦᖅᑐᑎᒃ ᐃᑲᔪᕐᓱᐃᒐᑦᓯ.
 

ᑲᑎᒪᔩᑦ ᑲᑎᒪᑎᓪᓗᒋᑦ ᑐᓴᕐᓴᐅᖃᑦᑕᕐᓂᐊᖅᑐᑦ ᐅᐃᕖᑦ ᓈᓚᐅᑎᖃᕐᕕᖏᒍᑦ ᓇᓗᓇᐃᒃᑯᑎᖓ (AFN/CFRT) 107.3 FM

ᐊᑐᕆᐊᒥᑦ ᒪᑐᓯᓯᒪᑲᐃᓐᓇᓂᐊᖅᑐᑦ ᐅᖓᓪᓕᖅᐹᓅᕆᐊᒥᑦ ᓈᑦᓯᐅᖑᔭᓛᕐᓂᐊᒥ ᒪᑐᔭᐅᓗᓂ ᐅᓪᓛᒃᑯᑦ 7-ᒥ ᒪᑐᐃᕐᓗᓂ ᓇᒡᒋᔾᔭᐅᒥ ᐅᓐᓄᒃᑯᑦ 6-ᒥ
ᓰᑏᐱᕆ 8, 2017 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᐊᑐᕆᐊᕐᒥᑦ ᐅᖓᓪᓕᖅᐹᓅᕆᐊᒥᑦ ᒪᑐᔭᐅᓯᒪᑲᐃᓐᓇᓛᕐᓂᖓᓂᑦ, ᐊᑯᓐᓂᖏᒍᑦ ᐊᑐᕆᐊᑦ ᐅᖓᓪᓕᖅᐹᑦ ᐊᒻᒪ ᖃᖅᑲᒥᐅᑦ, ᒪᑐᔭᐅᓗᓂ ᐅᓪᓛᖓᓂ ᓰᑏᐱᕆ 9 ᒪᑐᐃᕐᓗᓂ ᐅᓐᓄᖓᓂ ᓇᒡᒋᔾᔭᐅᑉ, ᓰᑏᐱᕆ 11, 2017. ᒪᑐᔭᐅᓯᒪᑲᐃᓐᓇᕈᒪᒻᒪᑦ ᐋᖅᑭᑦᓱᐃᓛᕈᒪᒻᒪᑕ ᐃᒥᕐᒧᑦ ᐊᒻᒪ ᑭᓈᓗᓐᓄᑦ ᓱᓪᓗᓕᓐᓂᑦ ᐃᓪᓗᒨᖓᒐᔭᖅᑐᓂᑦ 1519 C.
ᐊᑐᕆᐊᖅ ᒪᑐᐃᖓᓛᕋᓗᐊᖅᑎᓪᓗᒍ ᓄᓇᓕᓐᓂ ᓄᓇᒃᑰᔫᓄᑦ, ᐊᓯᐊᒎᕐᕕᖃᕈᓐᓇᓛᖅᑐᑦ ᑭᓪᓕᖓᒎᖓᔪᒥᑦ ᖃᖅᑲᓕᐊᕆᐊᑉ ᐊᑐᕆᐊᑉ ᐅᖓᓪᓕᖅᐹᓅᕆᐊᒧᑦ ᐊᓇᐅᕕᐅᑉ ᑭᓪᓕᖓᒎᖓᔪᒃᑯᑦ, ᓴᖑᓗᑎᒃ ᐅᑭᕕᒃ ᐊᑐᕆᐊᕐᒧᑦ ᐊᒻᒪ ᐅᖓᓪᓕᖅᐹᒨᒃᑲᓐᓂᕐᓗᑎᒃ ᐊᑐᕆᐊᕐᒧᑦ ᓴᓂᐊᒎᖓᔪᒃᑯᑦ ᐃᑲᔪᖅᑕᐅᕕᐅᑉ.

ᓯᑎᒃᑯᑦ ᕿᓂᖅᑐᑦ ᑲᑎᒪᔨᕋᓛᖑᖃᑕᐅᔪᒪᔪᓂᑦ ᑲᑎᒪᔨᕋᓛᖏᓐᓂ
ᓰᑏᐱᕆ 8 - ᐃᖃᓗᐃᑦ ᓄᓇᓕᐸᐅᔭᖓᑦ ᓄᓇᓕᖕᓂᖔᖅᑐᓂᒃ ᕿᓂᕐᒪᑕ ᑲᑎᒪᔨᐅᔪᒪᒐᔭᖅᑐᓂᒃ ᑕᖅᑳᙶᖅᓯᒪᔪᓂᑦ ᑲᑎᒪᔨᐅᕕᕋᓛᓃᖃᑕᐅᒐᔭᖅᑐᓂᑦ:
 ᓂᒃᓰᑦ (ᐃᓂ ᐊᑕᐅᓯᖅ)
 ᐱᙳᐊᖅᑐᓕᕆᔨᒃᑯᑦ (ᐃᓂ ᐊᑕᐅᓯᖅ)
 ᐊᑦᑕᕐᓇᐃᔭᖅᓯᒪᓂᖅ ᐃᓄᓕᒫᓂᒃ (ᐃᓂ ᐊᑕᐅᓯᖅ)
 ᐱᕙᓪᓕᐊᔪᓕᕆᓂᖅ (ᐃᓂ ᐊᑕᐅᓯᖅ)
 ᑎᒥᒥᒍᑦ ᐊᔪᕈᑎᓕᖕᓄᑦ ᐅᖃᐅᔾᔨᒋᐊᖅᑏᑦ ᑲᑎᒪᔨᕋᓛᖏᑦ (ᐃᓂᓖᒃ ᒪᕐᕉᒃ)
 ᓄᑖᕈᕆᐊᕆᔩᑦ ᕿᒥᕐᕈᔨᖏᑦ (ᐃᓂ ᐊᑕᐅᓯᖅ)

ᓰᑏᐱᕆ 16-ᒥ ᑭᒃᑯᑐᐃᓐᓇᑦᓯᐊᑦ ᐊᑎᓕᐅᖃᑦᑕᓛᖅᑐᑦ ᑭᐱᖕᖑᐃᔭᕐᕕᓐᓄᑦ ᐱᖃᑕᐅᔪᒪᕕᒋᔭᒥᓄᑦ ᐃᖃᓗᓐᓂ ᑲᑐᔾᔨᖃᑎᒌᓄᑦ ᐊᔾᔨᒌᖏᑦᑐᓄᑦ