ᐱᖕᖑᐊᖅᑐᓕᕆᓂᖅ

ᐊᓯᔾᔨᕐᓂᖓ ᓯᕿᖕᖑᔭᐅᑉ ᐃᖅᑲᐃᑎᑦᓯᐊᕙᒃ ᐊᓯᔾᔩᒋᐊᖃᓕᕐᓂᖏᓐᓂᑦ ᐳᔪᕐᒥᑦ ᖃᐅᔨᓴᐅᑏᑦ
ᒫᕐᓯ 16, 2018 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᐊᔭᐅᖅᑐᐃᓕᕆᕗᑦ ᓄᓇᓕᕐᓂᒥᐅᑕᓂᑦ ᓯᕿᖕᖑᔭᒃᑯᑦ ᐊᓯᔾᔨᐅᑎᐅᓚᐅᖅᑐᒥᑦ ᐃᖅᑲᐃᑎᑦᓯᔾᔪᑎᐅᖁᓪᓗᒍ ᖃᐅᔨᓴᖅᑕᐅᖁᓪᓗᒋᑦ ᖁᖁᐊᕈᑏᑦ ᐹᑕᓖᑐᐃᓐᓇᕆᖕᖏᑕᖏᑦ, ᑭᓯᐊᓂᑦᑕᐅᖅ ᖃᐅᔨᓴᕐᓗᒍ ᖃᖓᒃᑯᑦ ᐅᓪᓗᕐᓯᐅᑎᒍᑦ ᐋᖅᑭᑦᑕᐅᓚᐅᕐᓯᒪᒻᒪᖔᑕ, ᐊᒻᒪ ᐊᕐᕌᒍᐃᑦ ᖁᓕᑦ (10) ᓈᒐᐃᑉᐸᑕ ᖁᖁᐊᕈᑏᑦ ᐊᓯᔾᔨᖅᑕᐅᕙᓪᓗᑎᒃ.
ᐅᓐᓄᒃᑯᑦ ᐃᑭᓗᐊᖑᐊᓲᖑᒻᒪᑕ, ᓱᓇᒃᑯᑖᑦ ᖁᖁᐊᕈᓐᓇᑦᓯᐊᕋᓗᐊᕐᒪᖔᑕ ᖃᐅᔨᓴᖅᐸᓪᓗᒋᑦ ᐃᓅᓯᕐᓂᑦ ᐃᓄᓕᑦᓯᖃᑕᐅᔪᓐᓇᕋᑦᓯ.
ᖁᖁᐊᕈᑎᖃᖅᑎᐸᓪᓗᒋᑦ ᐃᓪᓗᓯᓐᓂ ᓇᑎᓕᒫᑦᓯᐊᑦ, ᐊᒻᒪᑦᑕᐅᖅ ᐃᓪᓗᕈᓯᖏᑦ, ᐃᓪᓗᐃᑦ ᓱᓪᓗᓕᑯᑖᖏᑦ ᓯᓂᕝᕕᒻᒨᖓᔪᑦ, ᐊᒻᒪ ᐃᓪᓗᐃᑦ ᐊᑎᖏᓐᓃᑦᑐᑦ.
ᖃᐅᔨᓴᖅᑕᐅᓕᕈᑎᒃ ᖁᖁᐊᕈᑏᑦ, ᐸᕐᓇᐅᑎᓕᐅᕐᓯᓐᓛᕈᑦᓯ ᓇᐅᒃᑯᑦ ᐊᓂᓵᕋᔭᕐᒪᖔᑦᓯ ᐊᑲᐅᒻᒥᔪᖅ.

ᐅᐱᕐᖓᓵᒃᑯᑦ ᐊᑐᕆᐊᑦ ᖃᓄᐃᑦᑑᓂᖏᑦ
16/3/2018 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖅᑎᖏᑦ ᓄᓇᓕᕐᓂᒥᐅᑕᓂᑦ ᐃᖅᑲᐃᑎᑦᓯᔪᒪᓕᕐᒥᔪᑦ ᓄᓇᒃᑰᔫᒃᑯᑦ ᐃᖏᕐᕋᔭᓕᕋᐃᒍᑦᓯ ᐃᑉᐱᒍᓱᖃᑦᑕᖁᔭᐅᓗᓯ ᐅᐱᕐᖓᓵᒃᑯᑦ ᐊᑐᕆᐊᑦ ᖃᓄᐃᔾᔪᓯᕆᕙᑦᑕᖏᓐᓂᑦ.
ᓯᓚᑦᓯᐊᖑᖃᑦᑕᓕᕋᐃᒻᒪᑦ, ᐊᒻᒪ ᓯᕿᓂᖅ ᐊᑭᒻᒥᖃᑦᑕᓕᕋᐃᒻᒪᑦ, ᐊᑐᕆᐊᑦ ᓂᓚᕈᖅᐸᒻᒪᑕ ᐃᓚᖏᑦ ᐊᒻᒪ ᖁᐊᓴᐅᓕᖅᐸᑦᑐᑎᒃ.
ᐊᑏ ᐅᔾᔨᕈᓱᒋᐊᖅᐸᒋᑦᓯ ᓄᓇᒃᑰᔫᓕᕋᐃᒍᑦᓯ ᐃᑉᐱᒋᒋᐊᕐᓗᒋᑦ ᐊᑐᕆᐊᑦ ᖃᓄᐃᑦᑑᓂᖏᓐᓂᑦ.
ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖅᑎᖏᑦ ᐃᓕᑦᓯᓐᓂᑦ ᖁᔭᓐᓇᒦᑦᓯᐊᖅᑐᑦ ᐃᑲᔪᕐᓯᑦᓯᐊᕐᓂᐊᕐᒥᒐᑦᓯ ᐊᑐᕆᐊᓕᕆᔪᓂᑦ.
-30-
 

ᓄᓇᓕᓐᓂ ᐱᔨᑦᓯᕋᖅᑏᑦ ᐅᑎᖅᑐᑦ
(ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᓇᐃᔭᕐᕕᖏᑦ ᖃᐅᔨᒪᖁᔨᔪᑦ ᓄᓇᓕᓐᓂᒥᐅᑕᓂᑦ ᓄᓇᓕᐸᐅᔭᒃᑯᑦ ᐱᔨᑦᓯᕋᖅᑎᖏᑦ ᐱᔨᑦᓯᕋᓕᕐᒥᒻᒪᑕ, ᐃᒥᖅᑕᑏᓪᓗ, ᓴᓂᓕᕆᐅᑎᓕᕆᔩᑦ, ᐊᒻᒪ ᐅᑎᕐᒪᑕ ᐊᓪᓚᕕᒻᒥᐅᑕᐃᑦ ᐱᔭᑦᓴᕆᕙᑦᑕᒥᓄᑦ.
ᐊᖅᑯᑎᓗᐊᑕᐅᔪᑦ ᐊᐳᑕᐃᔭᕐᓯᒪᔫᒥᓕᖅᑐᑦ ᑭᒃᑯᑐᐃᓐᓇᕐᓄᑦ ᐊᑐᖅᑕᐅᔪᓐᓇᕐᓯᓪᓗᑎᓪᓗ. ᐊᑐᕆᐊᑦ ᒪᑯᐊ, ᐊᓯᖃᕈᓐᓇᕆᓪᓗᑎᒃ, ᐊᖅᑯᑎᓪᓗᐊᑕᖏᑦ ᐊᒻᒪ ᓄᐊᑦᓯᕕᐅᕙᓐᓂᖏᑦ ᐱᔨᑦᓯᕋᖅᑎᓄᑦ ᓄᓇᓕᐅᑉ ᕿᑎᐊᓃᓐᓂᖏᑦ (ᓲᕐᓗ ᓄᓇᓕᐅᑉ ᕿᑎᖓᒎᖓᔪᖅ, ᖃᖅᑲᓕᐊᕆᐊᖅ, ᓂᐊᖁᖕᖒᓯᐊᕆᐊᖅ ᐊᒻᒪ ᖃᖓᑕᓲᒃᑯᕕᓕᐊᕆᐊᖅ). ᐊᓯᖏᑦ ᐊᑐᕆᐊᑦ ᐊᑐᖅᑕᐅᓗᐊᖅᐸᖏᑦᑐᑦ ᓱᓕ ᐊᐳᑕᐃᔭᕐᓯᒪᖕᖏᑐᐃᓐᓇᕆᐊᓖᑦ.

ᑐᓴᕋᑦᓴᑦ
ᑎᒥᐅᔪᒥ ᐊᐅᓚᑦᓯᔨᒻᒪᕆᐅᑲᐃᓐᓇᓂᐊᖅᑐᒥᑦ ᑎᒃᑯᐊᕐᓯᔪᑦ
ᕕᕝᕗᐊᕆ 16, 2018 (ᐃᖃᓗᐃᑦ, ᓄᓇᕗᑦ) - ᐱᓇᓱᐊᕈᓯᑦᑎᓐᓂ, ᐊᐃᒥ ᐃᐅᓪᒎᕐᔅᒪ ᑎᒃᑯᐊᖅᑕᐅᓚᐅᖅᑐᖅ ᑎᒥᐅᔪᒥ ᐊᐅᓚᑦᓯᔨᒻᒪᕆᐅᑲᐃᓐᓇᓂᕐᒧᑦ ᓄᓇᓕᐸᐅᔭᐃᑦ ᐃᖃᓗᓐᓂ.
ᒥᔅ ᐃᐅᓪᒎᕐᔅᒪ ᐱᓕᕆᐊᖃᕐᓂᐊᖅᑐᖅ ᐱᓕᕆᐊᕆᕙᓚᐅᖅᑕᖏᓐᓂᑦ ᑎᒥᐅᔪᒥ ᐊᐅᓚᑦᓯᔨᒻᒪᕆᐅᑉ, ᒥᔅᑕ ᒧᕼᐊᒧᑦ ᕼᐊᓵᓐ, ᑖᑦᓱᒪᓕ ᐊᖏᕈᑎᖓ ᐃᖅᑲᓇᐃᔮᒃᑯᑦ ᐃᓱᓕᓛᓕᖅᑐᖅ. ᑲᑎᒪᔩᑦ ᓄᑖᕈᖅᑎᑦᓯᑲᓐᓂᓚᐅᖏᒻᒪᑕ ᒥᔅᑕ ᕼᐊᓵᓐ ᐊᖏᕈᑎᖓᓂᑦ ᐃᖅᑲᓇᐃᔭᐅᑎᒥᑦ.
“ᓯᕗᓂᖃᑦᓯᐊᖁᔭᕗᑦ ᐱᓕᕆᓂᒃᑯᑦ ᒥᔅᑕ ᕼᐊᓵᓐ,” ᐅᖃᖅᑐᖅ ᒪᐃᔭ ᕆᐊᑦᕘᕐᓐ.
“ᓇᑯᕐᒦᕈᒪᕙᒃᑲ ᓯᑎᒃᑯᑦ ᐱᕕᖃᖅᑎᑕᐅᑦᓯᐊᑐᒻᒪᕆᐊᓘᓚᐅᕋᒪ ᐱᔨᑦᓯᕋᖅᑎᐅᓂᒃᑯᑦ ᓯᑎᒃᑯᓐᓂᑦ ᐊᒻᒪ ᐅᐱᒋᑦᓯᐊᖅᑐᒋᑦ ᑲᔪᓯᓂᖃᑦᓯᐊᖅᐸᓚᐅᖅᑐᑦ ᐊᕐᕌᒍᓂ ᐱᖓᓱᓂ ᖃᓂᖅᑐᓂ,” ᐅᖃᖅᑐᖅ ᒥᔅᑕ ᕼᐊᓵᓐ. “ᐳᐃᒍᔾᔮᖏᑕᓐᓂᑦ ᐃᖅᑲᐅᒪᖃᑦᑕᓂᐊᖅᑕᒃᑲ ᐃᖅᑲᓇᐃᔭᕐᓂᕆᓚᐅᖅᑕᒃᑲ ᐱᔨᑦᓯᕋᖅᑎᐅᓗᑕ ᓄᓇᓕᐸᐅᔭᐃᑦ ᐃᖃᓗᓐᓄᑦ.”

ᐃᖅᑲᓇᐃᔭᖅᑎᓄᑦ ᐊᑐᕆᐊᓕᕆᓂᕐᒥᑦ ᐊᑦᑕᓇᑦᑕᐃᓕᒪᔪᓕᕆᔾᔪᑎ
ᕕᕝᕗᐊᕆ 7, 2018 (ᐃᖃᓗᐃᑦ, ᓄᓇᕗᑦ) ᐃᖅᑲᓇᐃᔭᖅᑏᑦ ᐊᑐᕆᐊᓕᕆᔪᑦ ᐊᑦᑕᓇᖅᑐᒦᖁᓇᒋᑦ, ᓯᑎᒃᑯᑦ ᓄᓇᒃᑰᔫᖅᐸᑦᑐᓂᑦ ᐃᑉᐱᒍᓱᑦᓯᐊᖁᔨᔫᒐᓗᐊᑦ ᓴᓇᔨᓄᑦ ᑐᕌᖓᔪᓂᑦ ᑎᑎᕋᕐᓯᒪᔪᓂᑦ, ᐊᒻᒪ ᓱᒃᑲᐃᓵᖅᐸᓪᓗᓯ ᓴᓂᐊᒎᓕᕋᐃᒍᑦᓯ ᐊᒻᒪ ᕿᒪᐃᓕᕋᐃᒍᑦᓯ ᐃᖅᑲᓇᐃᔭᖅᑐᓂᑦ.

ᓯᑎᒃᑯᑦ ᓇᑯᕐᒥᕈᒪᔪᑦ ᐃᓕᑦᓯᓐᓂᑦ ᑲᑐᔾᔨᖃᑎᒌᑦᓯᐊᕐᓂᒃᑯᑦ ᐃᑲᔪᕐᓱᐃᓂᑦᓯᓐᓂᑦ.

ᐆᒪᔪᓄᑦ ᒥᑭᒋᐊᓂᑦ ᐅᑦᔨᓱᑦᑎᐊᕐᓂᖅ
ᔮᓄᐊᓕ 26, 2018 (ᐃᖃᓗᐃᑦ, ᓄᓇᕗᑦ) – ᓄᓇᓕᐸᐅᔭᒃᑯᑦ ᑐᓴᖅᑎᑦᑎᔪᒪᕗᑦ ᓄᓇᖃᑦᑎᓯᐅᔪᓂᒃ ᐅᑦᔨᓱᑦᑎᐊᖁᓪᓗᒋᑦ ᐊᒻᒪᓗ ᐅᐸᑦᑕᐅᑦᑕᐃᓕᓗᑎᒃ ᐆᒪᔪᓄᑦ ᒥᑭᒋᐊᑦ ᐱᓱᕋᔭᑉᐸᑦᑐᓄᑦ ᓄᓇᓕᐸᐅᔭᐅᑉ ᐃᓗᐊᓂ. ᑕᒪᒃᑯᐊ ᐆᒪᔪᖃᑦᑏᑦ ᑎᓕᐅᖅᑕᐅᒋᕗᑦ ᕿᒻᒥᒥᓂᒃ ᑕᓯᒍᐊᖃᑦᑕᖁᓪᓗᒋᑦ ᓇᐃᑦᑐᒥᒃ ᐊᑦᑐᓈᖃᓪᓗᓂ ᐱᓱᓕᕋᐃᑉᐸᑕ ᑕᒪᒃᑯᓇᓂ, ᒥᑭᒋᐊᓅᖁᓇᒋᑦ.
ᒥᑭᒋᐊᑦ ᐅᔭᕋᐃᑦ ᓴᓂᖏᓐᓃᒐᔪᒻᒪᑕ, ᐊᒻᒪᓗ ᓇᓗᓇᓐᖏᑎᐊᖅᑐᑎᒃ. ᓄᓇᖃᑦᑎᐅᔪᑦ ᐅᖓᓯᒋᔭᑲᓪᓚᖓᓃᖁᔭᐅᕗᑦ ᑕᒪᒃᑯᓇᓐᖓᑦ ᐱᑕᖃᑦᑐᒋᑦᑎᑉᐸᑕ ᒥᑭᒋᐊᓂᒃ.
ᑐᓴᒃᑲᓐᓂᕈᒪᒍᕕᑦ, ᐅᕝᕙᓘᓐᓃᑦ ᐅᖃᐅᓯᖃᕈᒪᒍᕕᑦ ᐆᒪᔪᓄᑦ ᒥᑭᒋᐊᑦ ᒥᒃᓵᓄᑦ ᐃᓗᐊᓃᑦᑐᓄᑦ ᓄᓇᓕᐸᐅᔭᒃᑯᑦ ᓄᓇᖁᑎᖏᑕ ᑭᓪᓕᖏᓐᓂ, ᓄᓇᖃᑦᑎᐅᔪᑦ ᑎᓕᐅᖅᑕᐅᕗᑦ ᐅᖄᓚᓗᑎᒃ ᐊᕙᑎᓕᕆᔨᒃᑯᓐᓄᑦ ᐅᕝᕙᓘᓐᓃᑦ ᐃᖃᓗᐃᑦ ᐆᒪᔪᓕᕆᔨᒃᑯᖏᑕ ᐊᓪᓚᒡᕕᐊᓄᑦ ᐅᕗᖓ 867-979-7800 ᐊᒻᒪᓗ ᐅᖃᓪᓚᖃᑎᖃᓪᓗᑎᑦ ᐆᒪᔪᓕᕆᔨᒥᒃ.
 

ᐳᐃᔾᔪᕋᕐᕕᐅᑉ ᓇᓪᓕᐅᓂᕐᓯᐅᕐᓂᖓ!  ᐃᑲᔪᕆᐊᓛᖅᑯᓯ ᓇᓪᓕᐅᓂᕐᓯᐅᕈᑎᖃᕆᐊᖅᑐᕐᓗᓯ ᓯᕗᓪᓕᖅᐹᒥᑦ ᐊᕐᕌᒍᖃᓕᕐᓂᖓᓂᑦ ᒪᑐᐃᖅᑕᐅᓚᐅᕐᓯᒪᒻᒪᓂᑦ ᐃᖃᓗᓐᓂ ᐳᐃᔾᔪᕋᕐᕕᐅᑉ

ᔮᓐᓄᐊᕆ 24, 2018 (ᐃᖃᓗᐃᑦ, ᓄᓇᕗᑦ)  ᑕᓪᓕᕐᒥᐅᓂᐊᖅᑐᖅ, ᔮᓐᓄᐊᕆ 26, ᓇᓗᓇᐃᕐᓯᔾᔪᑎᐅᓂᐊᖅᑐᖅ ᐊᕐᕌᒍᒥᑦ ᐊᑕᐅᓯᕐᒥᑦ ᓇᓪᓕᐅᓂᕐᓯᐅᕈᑎᖃᕐᓂᖓᓂᑦ ᒪᑐᐃᖅᑕᐅᓚᐅᕐᓯᒪᓂᖓᓂᑦ ᐳᐃᔾᔪᕋᕐᕕᖃᕐᕕᐅᑉ.

ᐃᑲᔫᑎᒋᔪᒪᓪᓗᒋᑦ ᓇᓗᓇᐃᕐᓯᔾᔪᑎᓄᑦ ᐱᒻᒪᕆᐅᔪᒥᑦ ᐃᑳᕈᑎᐅᓂᐊᖅᑐᒥᑦ, ᐊᒻᒪ ᓇᑰᕐᒦᕈᑎᒋᔪᒪᒻᒪᕆᑦᑐᒋᑦ ᓄᓇᓕᕐᓂᒥᐅᑕᓕᒫᑦᓯᐊᓂᑦ ᐃᑲᔪᕐᓱᐃᖃᑦᑕᕐᓂᖏᓐᓂᑦ ᓄᑖᒥᑦ ᐱᖕᖑᐊᕐᕕᒻᒥᑦ, ᓯᑎᒃᑯᑦ ᐸᕐᓇᐃᕐᓯᒪᔪᑦ ᖃᓄᐃᓕᐅᕈᑎᕈᓘᔭᐅᓛᖅᑐᓂᑦ ᐳᐃᔾᔪᕋᕐᕕᖃᕐᕕᒻᒥ ᐅᓪᓘᑉ ᐃᓗᐊᓂ.

ᑲᓇᑕᐅᑉ ᒐᕙᒪᒃᑯᖏᑦ ᐱᓕᕆᖃᑎᑖᖅᐳᑦ ᐃᖃᓗᖕᓂᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂᒡᓗ ᐃᑲᔪᖅᑐᐃᓇᓱᐊᖅᖢᑎᒃ ᐅᖅᑰᓴᐅᑎᓕᕆᓂᖕᒧᑦ ᐃᖃᓗᐃᑦ ᐳᐃᔾᔪᕋᕐᕕᐊᓂᑦ 

ᔮᓄᐊᕆ 15, 2018 ᐃᖃᓗᐃᑦ/ᓄᓇᕗᑦ         ᓄᓇᖃᖅᑳᖅᑐᓕᕆᔨᒃᑯᑦ ᐅᑭᐅᖅᑕᖅᑐᒥᐅᓄᓪᓗ ᑲᓇᑕᒥ

ᑲᓇᑕᐅᑉ ᒐᕙᒪᒃᑯᖏᑦ ᐊᖏᖅᓯᒪᖕᒪᑕ ᐃᑲᔪᖅᑐᐃᒋᐊᒃᓴᖅ ᐱᓕᕆᖃᑎᖃᕆᐊᒃᓴᕐᓗᑎ ᐅᑭᐅᖅᑕᖅᑐᒥᐅᑉ ᓄᓇᓕᖏᓐᓂᑦ ᖃᓄᐃᓕᐅᕈᑎᖃᕋᓱᐊᖅᖢᑎᒃ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂᑦ.

ᐅᓪᓗᒥᑦ, ᑭᐅᕈᓕᓐ ᐸᓇᑦ, ᒥᓂᔅᑕ ᓄᓇᖃᖅᑑᖅᑐᓕᕆᓂᖕᒧᑦ ᐅᑭᐅᖅᑕᖅᑐᒥᐅᑕᓄᓪᓗ ᐊᖏᖅᓯᒪᖕᒪᑦ ᐃᑲᔪᖅᑐᐃᓂᖕᒥᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂ (ᖁᓪᓕᖅ) ᐃᖃᓗᐃᓪᓗ ᓄᓇᓕᐸᐅᔭᖏᑦᑕ ᐅᐃᒍᕆᐊᕈᒪᔭᖏᑦᑕ ᖁᓪᓕᒃᑯᑦ ᐅᖅᑰᓴᐅᑎᓕᐅᕈᑎᖏᑦ ᐃᖃᓗᖕᓂᑦ.

ᕿᑲᕐᓇᓂ ᐅᓪᓗᕐᓂ ᐅᓪᓗᕐᓯᐅᑎᒋᓛᖅᑕᖏᑦ ᐃᑲᕐᕋᑦᓴᖏᓪᓗ ᓯᑎᒃᑯᑦ ᐊᓪᓚᕝᕕᖏᑕ/ᓄᓇᒃᑰᔫᒃᑯᑦ ᐱᔨᑦᓯᕋᖅᑎᖏᑕᓗ
ᑏᓰᐱᕆ 20, 2017 (ᐃᖃᓗᐃᑦ, ᓄᓇᕗᑦ) ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᕿᑲᕐᓇᐅᓂᖓᓂ ᐅᓪᓗᕐᓂ ᖃᓄᐃᒍᑎᐅᓛᖅᑐᓂᑦ, ᓯᑎᒃᑯᑦ ᐊᓪᓚᕝᕕᖏᑦ ᒪᑐᓯᒪᓛᖅᑐᑦ ᐅᓪᓘᑉ ᐊᕝᕙᐃᓐᓇᖓᓂᑦ ᑏᓰᐱᕆ 22-ᒥ ᐊᒻᒪ 29-ᒥ, ᐊᒻᒪᑦᑕᐅᖅ ᐅᓪᓗᓕᒫᖅ ᑏᓰᐱᕆ 25 ᐊᒻᒪ 26, 2017, ᐊᒻᒪᑦᑕᐅᖅ ᔮᓐᓄᐊᕆ 1, 2018.
ᐊᒻᒪᑦᑕᐅᖅ, ᓄᓇᒃᑰᔫᒃᑯᑦ ᐱᔨᑦᓯᕋᖅᑏᑦ ᐃᓚᖏᓐᓂ ᐅᓪᓗᕐᓂ ᐃᑲᕐᕋᖏᒍᑦ ᐃᓚᖕᖓᕐᓯᒪᓛᖅᑐᑦ. ᖃᐅᔨᒪᒋᐊᕐᓂᐊᖅᑲᓯ ᐅᓪᓗᕐᓯᐅᑎᖏᑦ ᓄᓇᒃᑰᔫᒃᑯᑦ ᐱᔨᑦᓯᕋᖅᑏᑦ ᓴᓂᓕᕆᓂᕐᒥᑦ ᐊᒻᒪ ᐃᒪᓕᕆᓂᕐᒥᑦ ᕿᑲᕐᓇᐅᓂᖓ:
ᑏᓰᐱᕆ 22: ᐱᔨᑦᓯᕋᖅᑏᑦ ᐃᖅᑲᓇᐃᔭᓛᖅᑐᑦ, ᐅᓪᓛᕈᓗᒃᑯᑦ ᐱᒋᐊᕐᓗᑎᒃ
ᑏᓰᐱᕆ 23: ᐱᔨᑦᓯᕋᖅᑏᑦ ᐃᖅᑲᓇᐃᔭᓛᖅᑐᑦ ᐱᐅᓯᕐᒥᓂᑦ ᐊᑐᕐᓗᑎᒃ