ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – ᖃᑦᑎᕆᔨᒃᑯᑦ ᐃᖅᑲᓇᐃᔭᕐᕕᖓᑦ ᒪᑐᐃᖓᓛᖅᑐᖅ ᑭᒃᑯᑐᐃᓐᓇᕐᓄᑦ ᓈᑦᓯᐅᖑᔭᓛᕐᓂᐊᖑᓕᖅᐸᑦ ᐋᑦᑑᐸ 14
ᐋᑦᑑᐸ 10, 2017 (ᐃᖃᓗᐃᑦ, ᓄᓇᕗᑦ) ᐃᓚᒋᔭᐅᓗᓂ ᐃᑯᐊᓪᓚᑦᑕᐃᓕᒪᔪᓕᕆᓂᕐᒧᑦ ᐱᓇᓱᐊᕈᓯᕐᒧᑦ, ᓯᑎᒃᑯᑦ ᖁᕕᐊᒋᑦᓯᐊᖅᑐᒍ ᐅᖃᐅᓯᖃᕈᒪᓕᕐᒥᔪᑦ ᖃᑦᑎᕆᔨᒃᑯᑦ ᑭᒃᑯᑐᐃᓐᓇᕐᓄᑦ ᐃᖅᑲᓇᐃᔭᕐᕕᖓᑦ ᒪᑐᐃᖓᑎᑕᐅᓛᕐᒪᑦ ᓈᑦᓯᐅᖑᔭᓛᕐᓂᐊᖑᓕᖅᐸᑦ, ᐋᑦᑑᐸ 14, ᐅᓐᓄᓴᒃᑯᑦ 4-ᒥ ᐅᐸᑦᑕᐅᔪᓐᓇᓕᓛᖅᑐᑦ 7-ᒨᐸᓱᓐᓂᖓᓂ ᐅᓐᓄᒃᑯᑦ, ᖃᑦᑎᕆᔨᒃᑯᓐᓂ ᓯᑎᒃᑯᑦ ᐊᓪᓚᕝᕕᖃᕐᕕᖏᑕ ᐃᓚᖓᓃᑦᑐᑦ. ᓄᓇᓕᕐᓂᒥᐅᑕᐃᑦ ᖃᐃᓛᖁᔭᐅᑦᓯᐊᖅᑐᑦ ᖃᑦᑎᕆᔨᒃᑯᓐᓄᑦ; ᓄᓇᒃᑰᔫᕌᓗᐊᓂᑦ ᖃᓂᒋᓗᒍ ᕿᒥᕐᕈᐊᓛᕋᑦᓯᐅᒃ; “ᐃᑯᐊᓚᓪᓚᕆᑦᑐᒥᑦ” ᑕᑯᓐᓇᖅᑕᐅᓛᖅᑐᓯ ᐃᓪᓗᒥ ᐳᓛᕐᕕᖕᖑᐊᒥᑦ ᐃᑭᑎᑦᓯᔪᖃᖅᑎᓪᓗᒍ; ᐱᓕᒻᒪᓴᕐᓯᒪᔭᒥᓂᒃ ᑕᑯᓐᓇᑎᑦᓯᓛᖅᑐᑦ ᐃᑯᐊᓚᔪᒥᑦ ᖃᒥᑦᓯᔪᓂᑦ ᐊᑐᖅᑐᓂᒃ ᐃᓪᓗᐃᑦ ᐃᓗᐊᓂ ᐊᖏᔫᖕᖏᑦᑐᓂᑦ ᐃᑯᐊᓪᓚᑦᑐᓄᑦ ᖃᒥᑦᓯᔾᔪᑎᒥᑦ ᑎᒻᒥᑳᓲᒥᑦ ᖃᐳᓕᓂᐅᔭᕐᒥᑦ, ᐊᒻᒪᑦᑕᐅᖅ ᓂᕆᑎᑕᐅᓛᕐᒥᔪᓯ ᓯᕋᓯᒪᔪᓂᑦ.
ᐊᕐᕌᒍᑦᑎᓐᓂ ᑐᕌᒐᕆᔭᐅᔪᖅ ᐃᑯᐊᓪᓚᑦᑕᐃᓕᒪᔪᓕᕆᓂᕐᒧᑦ ᐱᓇᓱᐊᕈᓯᕐᒥ, “ᐅᑕᖅᑭᑐᐃᓐᓇᖏᓪᓗᓂ ᐊᑲᐅᓂᕐᓴᖅ - ᖃᐅᔨᒪᒋᐊᖃᕐᓂᖅ ᒪᕐᕉᓐᓂᒃ ᐊᓂᕕᑦᓵᓐᓂᒃ”, ᐃᖃᐃᑎᑦᓯᔾᔪᑎᐅᔪᖅ ᐃᑯᐊᓪᓚᑦᑐᖃᓕᖅᐸᑦ ᐊᓂᓵᕐᕕᖃᕆᐊᖃᕋᑦᑕ ᐸᕐᓇᓯᒪᓗᑕ ᓇᐅᒃᑰᕆᐊᖃᕋᔭᕐᒪᖔᑦᑕ. ᓇᓗᓇᐃᕐᓯᓯᒪᒋᐊᖃᕐᒪᑦ ᐃᓚᒌᖑᔪᑦ ᒪᕐᕉᓐᓂᒃ ᐊᓂᓵᕐᕕᑦᓵᓐᓂᒃ ᖃᐅᔨᒪᔮᖃᕆᐊᖃᕐᒪᑕ ᐃᓪᓗᕈᓯᕐᓂᑦ ᓯᓚᒨᕈᑎᒋᒋᐊᓕᓐᓂᑦ, ᐊᒻᒪ ᐊᕐᕌᒎᑉ ᐃᓗᐊᓂ ᒪᕐᕈᐊᑎᕐᓗᓯ ᐱᓕᒻᒪᑦᓴᖃᑦᑕᕆᐊᖃᖅᑐᓯ - ᐅᓪᓘᓂᖓᓂ ᐊᑕᐅᓯᐊᕐᓗᓯ ᐊᒻᒪ ᐅᓐᓄᒃᑯᑦ ᐊᑕᐅᓯᐊᕐᓗᓯ. ᐊᒻᒪᑦᑕᐅᖅ ᓱᕈᓯᓛᑯᓗᐃᑦ ᐃᓕᓐᓂᐊᖅᑎᑕᐅᓯᒪᒋᐊᓖᑦ ᖃᓄᖅ ᐋᓂᓵᕆᐊᖃᕋᔭᕐᒪᖔᑕ ᐊᒻᒪ ᓇᐅᒃᑯᑦ. ᐊᒻᒪᑦᑕᐅᖅ, ᐃᖅᑲᐅᒪᖃᑦᑕᕐᓗᓯ ᒪᑐᓂᑦ ᒪᑐᓯᖃᑦᑕᕆᐊᖃᕋᑦᑕ ᐊᓂᓵᕋᓱᓕᕋᐅᒍᑦᑕ, ᐊᒻᒪ ᐃᑯᐊᓚᔪᒧᑦ ᐃᓪᓗᒧᑦ ᐅᑎᕆᐊᖃᖕᖏᓇᑦᑕ - ᐊᓂᑐᐊᕈᕕᑦ, ᐊᓃᖏᓐᓇᕆᑦ.
-30-
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᐋᓐᑐᕆᐊ ᓯᐱᑦᔪᕐ
ᑐᓴᐅᒪᑎᑦᓯᓕᕆᓂᕐᒥᑦ ᐊᐅᓚᑦᓯᔨ
ᓄᓇᓕᐸᐅᔭᐃᑦ ᐃᖃᓗᐃᑦ
ᐃᕐᖐᓇᖅᑕᐅᑎᖓ: A.SPITZER@CITY.IQALUIT.NU.CA
