ᓯᓚᑦᑑᓛᖑᓂᒃᑯᑦ ᐱᓕᕆᔾᔪᑎᓕᕆᓂᒃᑯᑦ ᓵᓚᑦᓴᕋᓱᓐᓂᖃᓛᓕᕐᒥᔪᑦ - ᓄᑖᑦ ᖃᓄᑐᐃᓐᓇᖅ ᐱᒋᐊᖅᑎᑦᓯᔾᔪᑎᑦᓴᐅᔪᓐᓇᖅᑐᑦ ᐱᔾᔪᓯᐊᖅᑎᑦᓯᔪᓐᓇᖅᑐᑦ ᐊᖏᔪᐊᓗᓐᓂᑦ ᐃᖃᓗᓐᓄᑦ

ᓯᓚᑦᑑᓛᖑᓂᒃᑯᑦ ᐱᓕᕆᔾᔪᑎᓕᕆᓂᒃᑯᑦ ᓵᓚᑦᓴᕋᓱᓐᓂᖃᓛᓕᕐᒥᔪᑦ - ᓄᑖᑦ ᖃᓄᑐᐃᓐᓇᖅ ᐱᒋᐊᖅᑎᑦᓯᔾᔪᑎᑦᓴᐅᔪᓐᓇᖅᑐᑦ ᐱᔾᔪᓯᐊᖅᑎᑦᓯᔪᓐᓇᖅᑐᑦ ᐊᖏᔪᐊᓗᓐᓂᑦ ᐃᖃᓗᓐᓄᑦ
ᓰᑏᐱᕆ 28, 2017 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᒃᑯᑦ ᖁᕕᐊᒋᓪᓚᕆᑦᑐᒍ ᑐᓴᐅᒪᖁᔨᓕᕐᒥᔪᑦ ᓄᓇᕘᑉ ᒐᕙᒪᒃᑯᖏᓐᓃᖔᖅᑐᓂᑦ ᐱᔾᔪᑎᒋᓪᓗᒍ ᓯᓚᑦᑑᓛᖑᓂᒃᑯᑦ ᐱᓕᕆᔾᔪᑎᓕᕆᓂᒃᑯᑦ ᓵᓚᑦᓴᕋᓱᑦᑎᑦᓯᓂᕐᒥᑦ - ᑕᒪᐅᓇᓕ ᓄᓇᓕᐅᔪᑦ ᑲᓇᑕᒥᐅᑕᐃᑦ ᓵᓚᑦᓴᕋᓱᒍᓐᓇᖅᑎᑕᐅᓂᐊᖅᑐᑦ ᓄᓇᓕᐸᐅᔭᖏᓐᓂ ᐊᑐᖅᑐᑦᓴᓂᑦ, ᑮᓇᐅᔭᓂᑦ ᐊᒥᓲᓂᖃᕈᓐᓇᖅᑐᓂᑦ $5 ᒥᓕᐊᓐᓂᑦ ᓄᓇᓕᓐᓄᑦ ᐊᖏᓛᖃᕐᓗᑎᒃ ᐱᔭᐅᔪᓐᓇᖅᑐᓂᑦ $50 ᒥᓕᐊᓐᓂᑦ. ᓯᓚᑦᑐᐃᑦ ᓄᓇᓕᐸᐅᔭᐃᑦ ᐊᑐᖅᐸᑦᑐᑦ ᐱᓕᕆᔾᔪᑎᕈᓘᔭᕐᓂᑦ ᐊᒻᒪ ᐱᓕᕆᐊᕆᓯᒪᔪᓂᑦ ᓄᐊᑦᓯᒪᔪᓂᑦ ᐱᐅᓯᑎᒋᐊᕈᑎᑦᓴᕆᓪᓗᒋᑦ ᐃᓅᓇᓱᐊᕈᑎᓄᑦ ᐃᓚᒋᔭᐅᔪᓂᑦ ᐊᒻᒪ ᓱᓇᑐᐃᓐᓇᑦᓯᐊᓂᑦ ᐱᐅᓯᒋᐊᕈᑎᑦᓴᐅᔪᓐᓇᖅᑐᓂᑦ ᓄᓇᓕᐸᐅᔭᖓᑕ ᐃᓗᐊᓂᑦ ᐊᒻᒪ ᐃᓄᖏᓐᓂᑦ. ᓯᓚᑦᑐᑦ ᓄᓇᓕᐸᐅᔭᐃᑦ ᓇᐅᒃᑯᑐᐃᓐᓇᑦᓯᐊᖅ ᓄᓇᓕᖏᓐᓂ ᐃᓅᓇᓱᐊᕈᑎᐅᕙᑦᑐᓂᑦ ᐱᐅᓯᑎᑦᓯᒋᐊᕈᓐᓇᑐᒻᒪᕆᐅᓗᑎᒃ - ᖃᓄᖅ ᐃᓄᖏᑦ ᓇᓕᐊᓐᓄᕋᖃᑦᑕᕐᓂᖏᓐᓄᑦ ᑐᕌᖓᔪᓂᑦ, ᖃᓄᖅ ᓄᓇᓕᕐᓂᒥᐅᑕᐅᕙᒻᒪᖔᑕ ᐊᒻᒪ ᖃᓄᖅ ᐱᖕᖑᐊᐸᒻᒪᖔᑕ, ᖃᓄᖅ ᑮᓇᐅᔭᓕᐅᕈᑎᖃᖅᐸᒻᒪᖔᑕ, ᖃᓄᖅ ᐃᓕᓐᓂᐊᐸᒻᒪᖔᑕ ᐊᒻᒪ ᖃᓄᖅ ᐃᓚᒋᔭᐅᔪᓐᓇᕐᒪᖔᑕ ᐃᓅᖃᑎᖏᓐᓄᑦ ᓄᓇᓕᐅᑉ ᐃᓗᐊᓂ, ᖃᓄᖅ ᓄᓇᓕᕆᕙᒻᒪᖔᑕ, ᐊᒻᒪ ᖃᓄᖅ ᑭᒃᑯᑐᐃᓐᓇᕐᓄᑦ ᐅᐸᑦᑕᐅᔪᓐᓇᖅᑐᓂᑦ ᐊᑦᑕᓇᔾᔭᐃᕐᓯᒪᔪᓐᓇᕐᒪᖔᑕ ᐊᒻᒪ ᐅᓗᕆᐊᓇᖕᖏᑎᑦᓯᔪᓐᓇᕐᓗᑎᒃ. ᓴᖅᑭᖅᑕᐅᕙᓪᓕᐊᓂᖓᓄᑦ ᓯᓚᑦᑑᓛᖑᓂᒃᑯᑦ ᐱᓕᕆᔾᔪᑎᓕᕆᓂᒃᑯᑦ ᓵᓚᑦᓴᕋᓱᓐᓂᖅ, ᓄᓇᓕᕐᒥᐅᑕᐃᑦ ᐃᖅᑲᕐᓴᐸᓪᓕᐊᖁᔭᐅᔫᒐᓗᐊᑦ ᖃᓄᖅ ᓱᓇᑦ ᓯᕗᓪᓕᐅᔾᔭᐅᒋᐊᖃᒻᒪᖔᖅ ᓄᓇᓕᖏᓐᓂᑦ ᐱᐅᓯᑎᒋᐊᕈᑎᑦᓴᐅᔪᓐᓇᖅᑐᖅ, ᐊᒻᒪ ᖃᓄᖅ ᓯᓚᑦᑑᓂᒃᑯᑦ ᐱᓕᕆᔾᔪᑎᑦᓴᐃᑦ ᐊᒻᒪ ᐱᓕᕆᔾᔪᑎᖏᑦ ᑕᑯᑦᓴᓪᓚᕆᐅᔪᓂᑦ ᐊᑦᑐᐃᔾᔪᑎᖃᕈᓐᓇᕐᒪᖔᑕ. ᓯᓚᑦᑑᓛᖑᓂᒃᑯᑦ ᐱᓕᕆᔾᔪᑎᓕᕆᓂᒃᑯᑦ ᓵᓚᑦᓴᕋᓱᓐᓂᒃᑯᑦ ᓄᓇᓕᓐᓂᑦ, ᓄᓇᓕᖃᕐᕕᓐᓂ ᐊᔾᔨᒌᖏᑦᑐᓂ ᒐᕙᒪᓕᕆᔨᓂᑦ, ᐊᒻᒪ ᓄᓇᖃᖅᑳᕐᓯᒪᔪᓂᑦ ᓴᖅᑮᑎᑦᓯᔾᔪᑎᐅᓂᐊᖅᑐᖅ ᐃᓱᒪᒋᔭᐅᕙᑦᑐᓂᑦ ᐱᐅᓯᑎᒋᐊᕈᑎᑦᓴᐅᒐᔭᖕᖑᐊᖅᑐᓂᑦ ᓱᓇᑐᐃᓐᓇᕐᓄ, ᐊᒻᒪ ᐃᓱᒪᑦᓯᐊᕆᓐᓂᖅᐹᖑᓯᒪᔪᑦ ᓵᓚᑦᓴᕋᔭᖅᑐᑦ.
ᓯᓚᑦᑑᓛᖑᓂᒃᑯᑦ ᐱᓕᕆᔾᔪᑎᓕᕆᓂᒃᑯᑦ ᓵᓚᑦᓴᕋᓱᓐᓂᒃᑯᑦ , ᑲᓇᑕᐅᑉ ᒐᕙᒪᒃᑯᖏᑦ ᓄᓇᓕᓐᓂᑦ ᑲᑐᔾᔨᖃᑎᖃᕐᓗᑎᒃ ᐱᓕᕆᖃᑎᖃᕋᔭᖅᑐᑦ ᐅᐸᓗᖓᐃᔭᕐᓯᒪᓕᖅᑐᓂᑦ ᓄᑖᓂᑦ
ᓴᖅᑮᔪᓐᓇᓯᓪᓗᑎᒃ ᐱᓕᕆᐊᑦᓴᓂᑦ ᐊᒻᒪ ᖁᓚᓐᓇᕋᓗᐊᖅᑎᓪᓗᒍ ᐱᓕᕆᓗᑎᒃ - ᐃᑲᔪᕐᓗᑎᒃ ᑮᓇᐅᔭᒃᑯᑦ ᐊᒻᒪ ᑮᓇᐅᔭᐅᖏᑐᒃᑯᑦ ᓯᓚᑦᑑᓂᒃᑯᑦ ᓄᓇᓕᐸᐅᔭᐅᓂᐊᖅᑐᓂᑦ.
ᐱᖓᓱᐃᓕᖓᓂᐊᖅᑐᑦ ᐃᓚᒋᔭᐅᔪᓐᓇᐅᑏᑦ, ᓯᕗᓪᓕᖅᐹᖓᑦ ᐅᖃᐅᓯᐅᓛᖅᑐᖅ ᐅᑭᐅᖅ, 2017. ᓇᓗᓇᐃᔭᐃᒃᑲᓐᓂᖃᑦᑕᓂᐊᖅᑐᒍᑦ ᐱᒋᐊᖅᑎᑦᓯᔾᔪᑎᐅᔪᒥᑦ ᐊᒻᒪ ᖃᓄᖅ ᐃᖃᓗᐃᑦ ᐃᓚᒋᔭᐅᔪᓐᓇᕋᔭᕐᒪᖔᑕ ᐅᖃᐅᓯᐅᓛᖅᑐᓂ ᑦᐱᓇᓱᐊᕈᓯᐅᓂᐊᖅᑐᓂ.
ᑐᑭᓯᒋᐊᒃᑲᓐᓂᕐᕕᑦᓴᖅ ᓯᓚᑦᑑᓛᖑᓂᒃᑯᑦ ᐱᓕᕆᔾᔪᑎᓕᕆᓂᒃᑯᑦ ᓵᓚᑦᓴᕋᓱᓐᓂᒃᑯᑦ, ᑲᓇᑕᐅᑉ ᒐᕙᒪᒃᑯᖏᑕ ᐃᑭᐊᖅᑭᕕᖓ ᑕᑯᒋᐊᖅᑕᐅᔪᓐᓇᖅᑐᖅ:
http://www.infrastructure.gc.ca/plan/cities-villes-eng.html
-30-
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᐋᓐᑐᕆᐊ ᓯᐱᑦᔪᕐ
ᑐᓴᐅᒪᑎᑦᓯᓕᕆᓂᕐᒥᑦ ᐊᐅᓚᑦᓯᔨ
ᓄᓇᓕᐸᐅᔭᐃᑦ ᐃᖃᓗᐃᑦ
ᐃᕐᖐᓇᖅᑕᐅᑎᖓ: A.SPITZER@CITY.IQALUIT.NU.CA