ᐱᖕᖑᐊᖅᑐᓕᕆᓂᖅ

ᓄᖅᑲᔾᔪᑏᑦ ᐋᖅᑭᑦᑕᐅᓯᒪᔪᑦ ᓂᐊᖁᓐᖒᑉ ᐊᔅᓯᕕᒥᓂᖓᓐᓄᑦ / ᐊᔅᓯᕕᓄᑦ ᒪᓕᒐᕋᓛᑦ ᐊᑐᓕᖅᑐᑦ
ᔫᓂ 29, 2018 (ᐃᖃᓗᐃᑦ, ᓄᓇᕗᑦ) – ᓯᑎᒃᑯᑦ ᖃᐃᔨᒃᑲᐃᒍᒪᕗᑦ ᓄᖅᑲᔾᔪᑎᓂ ᐋᖅᑮᓯᒪᒻᒪ ᓂᐊᖁᓐᖒᑉ ᐊᔅᓯᕕᒥᓂᖓᓐᓄᑦ ᐋᖅᑭᔅᓱᕆᐊᖅᑕᐅᒻᒪᑦ, ᓅᑕᐅᓚᐅᖅᓯᒪᒻᒪᑦ ᐊᕐᕌᒎᓗᓕᖅᑐᖅ ᓴᓇᔭᐅᔪᔅᓴᓄᑦ ᐱᔾᔪᑎᖃᖅᑐᑎᑦ. ᑖᒃᑯᐊ ᐋᖅᑭᑦᑕᐅᓯᒪᔪᑦ ᐊᑦᑕᓇᖅᑐᒦᖁᔨᓐᓇᑎᑦ, ᑕᒪᓐᓇᓗ ᐅᐸᑦᑕᐅᒋᐊᖃᓐᖏᑦᑐᖅ, ᐅᓗᕆᐊᓇᕐᓂᖓᓐᓄᑦ ᑭᒃᑯᑐᐃᓐᓇᕐᓄᑦ ᐊᒻᒪᓘᓐᓃᑦ ᓄᓇᓯᐅᑎᓄᑦ.
ᑭᒃᑯᑐᐃᓐᓇᐃᑦ ᐅᖃᐅᔾᔭᐅᒋᐊᖅᑯᑦ ᑕᒪᓐᓇ ᐅᐸᒐᓱᓐᓂᐊᕐᓂᕈᕕᐅᒃ ᐃᒻᒥᓂᖅᓱᕐᓂᐊᕋᕕᑦ. ᓯᑎᒃᑯᑦ ᐸᓯᔭᔅᓴᐅᔾᔮᓐᖏᑦᑐᖅ ᐋᓐᓂᖅᑐᖃᕐᓂᖅᑲᑦ ᐅᕝᕙᓘᓐᓃᑦ ᓱᕋᑦᑐᖃᕐᓂᖅᑲᑦ ᑕᒫᓂ ᑭᓱᑐᐃᓐᓇᕐᒥᑦ.

ᐃᖃᓗᐃᑦ ᐊᖅᑯᑎᓕᐅᖅᐳᑦ ᓴᓇᕙᓪᓕᐊᒍᑎᑦᓴᓂᑦ ᓯᕗᓂᑦᑎᓐᓂ ᑲᓇᑕᐅᓛᖅᑐᒧᑦ
ᔪᓂ 8, 2018 (ᐃᖃᓗᐃᑦ, ᓄᓇᕗᑦ) - ᐊᒥᓲᓂᖅᐹᖑᓚᐅᖅᑐᓂ ᐊᒻᒪ ᑐᖕᖓᓱᑦᑎᑦᓯᔨᐅᓗᑎᒃ ᑲᓇᑕᐅᑉ ᒐᕙᒪᒃᑯᖏᓐᓂ ᒐᕙᒪᓕᕆᔨᓄᑦ ᓯᕗᓕᖅᑎᓄᑦ, ᑲᑐᔾᔨᖃᑎᒌᖓᑦ ᑲᓇᑕᒥ ᓄᓇᓖᑦ (ᐃᐊᕝᓰᐃᐊᒻ) ᐊᕐᕌᒍᑕᒫᕐᓯᐅᑎᒥᓂᒃ ᑲᑎᒪᕕᔾᔪᐊᑎᑦᓯᑎᓪᓗᒋᑦ ᒪᑐᓯᓚᐅᖅᑐᑦ ᓄᑖᒥᒃ ᐊᑐᖅᑎᑦᓯᓚᐅᖅᑐᑦ ᓄᓇᓕᓐᓂᑦ ᐱᖃᑕᐅᑎᑦᓯᓪᓗᑎᒃ ᑲᓇᑕᒥ. ᑲᑎᒪᕕᔾᔪᐊᕐᓂᐅᔪᖅ ᒪᑐᔭᐅᓚᐅᕐᒥᔪᖅ ᓄᑖᓂᒃ ᓂᕈᐊᖅᑐᑎᒃ ᑲᑎᒪᔨᑦᓴᓂᒃ, ᐃᖃᓗᐃᑦ ᒪᐃᔭᖓᑦ ᓂᕈᐊᖅᑕᐅᕕᒋᓚᐅᖅᑕᖏᓐᓄᑦ.

ᓄᓇᒃᑰᔫᖅᑏᑦ ᐅᖃᐅᔾᔭᐅᕗᑦ ᒪᓕᖃᑦᑕᖁᔭᐅᓗᑎᒃ ᑎᑎᕋᕐᓯᒪᔪᒥᑦ ᖃᓄᑎᒋ ᓄᓇᒃᑰᖅᑎᓪᓗᒍ ᓱᒃᑲᓂᖃᕆᐊᖃᕐᒪᖔᑕ ᓴᓇᕕᐅᔪᒃᑰᑎᓪᓗᒋᑦ ᖃᖅᑲᓕᐊᕆᐊᒧᑦ ᐊᑐᕆᐊᒃᑯᑦ
ᔪᓂ 4, 2018 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᐅᖃᐅᔾᔪᐃᕗᑦ ᓄᓇᒃᑰᔫᖅᑎᓂᒃ ᒪᓕᖃᑦᑕᖁᔨᓪᓗᑎᒃ ᓴᓇᔨᓄᑦ ᑎᑎᕋᖅᑕᐅᓯᒪᔪᓂᑦ ᐊᒻᒪ 30 ᑭᓛᒥᑕᓂᑦ ᓱᒃᑲᓂᖃᕐᓗᑎᒃ ᐃᖏᕐᕋᒋᐊᖃᕐᓂᖏᓐᓂᑦ ᒪᓕᑦᑐᒋᑦ ᑎᑎᕋᕐᓯᒪᔪᑦ ᓴᓇᕕᐅᓂᖓᓂ ᖃᖅᑲᓕᐊᕆᐊᑉ ᐊᑐᕆᐊᑉ ᐃᓚᖓᓂ, ᐊᑦᑕᓇᖅᑐᒦᖁᓇᒋᑦ ᓴᓇᔪᑦ. ᒪᓕᑦᑐᒋᑦ ᑎᑎᕋᕐᓯᒪᓂᖏᑦ ᓯᑎᒃᑯᑦ ᐊᑐᕆᐊᓂᑦ ᐃᖏᕐᕋᕙᑦᑐᓄᑦ ᒪᓕᒐᕋᓛᖅ 319, ᒪᓕᖕᖏᑦᑐᑦ ᒪᓕᒋᐊᓕᓐᓂᑦ ᐊᑭᓖᑎᑕᐅᔪᓐᓇᖅᑐᑦ ᑎᑭᒍᓐᓇᖅᑐᓂᑦ $500-ᓄᑦ ᓯᕗᓪᓕᖅᐹᕐᒥ ᖃᐅᔨᔭᐅᒍᓂ ᑭᓇᑐᐃᓐᓇᖅ, ᐊᒻᒪ ᐊᑭᓖᑎᑕᐅᔪᓐᓇᖅᑐᖅ $1000-ᓂᑦ ᐃᖅᑲᓇᐃᔭᖅᑐᖅᓯᐅᑎᓂᑦ ᐊᑐᖅᑐᑦ ᓄᓇᒃᑰᔫᒥᑦ ᐊᖅᑯᑦᑐᖅᓯᐅᑎᖃᕈᑎᒃ ᓇᓗᓇᐃᒃᑯᑎᓕᒻᒥᑦ “C”. ᓯᑎᒃᑯᑦ ᐃᓕᑦᓯᓐᓂᒃ ᖁᔭᓐᓇᒦᖅᑐᑦ ᐃᑲᔪᕐᓱᐃᓂᑦᓯᓐᓂᑦ.
 

ᓯᑎᒃᑯᑦ ᐱᑎᑦᓯᕗᑦ ᐊᖏᕈᑎᒥᑦ ᓴᓇᔭᑦᓴᒧᑦ ᓴᓇᒋᐊᕈᑎᑦᓴᓂᑦ ᑭᓈᓗᒥᓂᕐᓂᒃ ᓴᓗᒻᒪᕐᓴᐃᕕᑦᓴᒥᑦ
ᒪᐃ 24, 2018 (ᐃᖃᓗᐃᑦ, ᓄᓇᕗᑦ) - ᒪᐃᔭ ᕆᐊᑦᕘᕐᓐ ᐊᒻᒪ ᑲᑎᒪᔩᑦ ᖁᕕᐊᒋᓪᓗᒍ ᑐᓴᖅᑎᑦᓯᔪᒪᓕᕆᕗᑦ ᑯᑦᓕᒃ ᓴᓇᔩᑦ ᓕᒥᑕᑦ ᐱᑎᑕᐅᓚᐅᕐᒪᑕ $18.85 ᒥᓕᐊᓂᑦ ᐊᑭᖃᖅᑐᒥᑦ ᓴᓇᒋᐊᕈᑎᑦᓴᓂᒃ ᑭᓈᓗᒥᓂᕐᓂᒃ ᓴᓗᒻᒪᕐᓴᐃᕕᒻᒥᑦ. ᑕᒪᓐᓇ ᐃᓚᒋᕙᐅᒃ ᐊᑭᓕᕆᐊᓕᐅᑉ ᐱᓕᕆᐊᑦᓴᓕᒫᒧᑦ $26.5 ᒥᓕᐊᓐᕌᖅᑐᒧᑦ, ᐊᓯᖏᑦ ᑮᓇᐅᔭᐃᔭᐅᑎᐅᔪᑦ ᒪᑯᓄᖓ ᖃᓄᐃᓕᖓᓂᐊᕐᓂᖓᓄᑦ ᐋᖅᑭᓱᐃᔨᓄᑦ, ᖃᐅᔨᒪᔨᑕᓄᑦ ᓴᓇᒋᐊᓕᓐᓂᑦ ᐱᓕᕆᐊᓄᑦ ᐊᒻᒪ ᐱᓕᕆᐊᑦᓴᒥᑦ ᐊᐅᓚᑦᓯᔾᔪᑎᓄᑦ.

ᓯᑎᒃᑯᑦ ᓇᓗᓇᐃᖅᓯᕗᑦ ᖃᖓᑕᓲᒃᑯᕕᒻᒨᕆᐊᖅ ᓴᓇᔭᐅᒋᐊᕐᓂᐊᕐᓂᖓᓂ
ᒪᐃ14, 2018 (ᐃᖃᓗᐃᑦ, ᓄᓇᕗᑦ) – ᐃᖃᓗᐃᑦ ᒪᐃᔭᖓ ᒫᑕᓖ ᕋᑉᑦ ᑲᑎᒪᔨᖏᓪᓗ ᖁᕕᐊᑉᐳᑦ ᓇᓗᓇᐃᖅᓯᒍᓐᓇᕐᓂᖏᓐᓂ ᖃᖓᑕᓲᒃᑯᕕᒻᒨᕆᐊᖅ ᓴᓇᒋᐊᖅᑕᐅᓛᕐᖓᑦ ᐊᑐᕆᐊᖅ ᐱᒋᐊᕐᓗᒍ ᒪᐃ 21, 2018.
“ᖁᐊᖅᑕᖅᑐᓕᖅᑕᐅᓛᕐᖓᑦ ᖃᖓᑕᓲᒃᑯᕕᒻᒨᕆᐊᖅ ᐱᐅᓯᒋᐊᖅᑕᐅᓗᓂ, ᐊᕐᕌᒍᑕᒫᓪᓗ ᑮᓇᐅᔭᐃᑦ ᐊᑐᓐᖏᓂᖅᓴᐅᓂᐊᓕᖅᑐᑎᒃ ᓴᓇᔭᐅᒐᓱᖃᑦᑕᕐᓂᖓᓐᓄᑦ, ᐃᑲᔪᕐᓂᖃᕐᓂᐊᖅᑐᖅ ᑕᑯᒥᓇᒃᑲᓐᓂᓕᕐᓗᓂ ᓯᑎᒃᑯᑦ, ᐱᓗᐊᖅᑐᒥᑦ ᓂᐅᕐᕈᔪᓄᑦ ᖃᖓᑕᓲᒃᑯᕕᒻᒦᖔᖅᑐᓄᑦ,” ᐅᖃᖅᑐᓂ ᒪᐃᔭ ᕋᑦᐳᓐ.
ᖁᐊᑦᑕᖅᑐᑐᖃᖅ ᐲᔭᖅᑕᐅᓛᕐᖓᑦ ᖃᖅᑲᒥᐅᑦ ᐊᑐᕆᐊᖓᓐᓂ ᑎᑭᓪᓗᒍ ᐃᑲᓗᒃᑑᑦᑎᐊᖅ ᐊᑐᕆᐊᖓᓄᑦ. ᖁᐊᖅᑕᖅᑐᓕᖅᑕᐅᒍᒫᖅᑐᖅ ᐊᐃᑉᐸᖓᑕ ᐱᓇᓱᐊᕈᓯᖓᓐᓂ ᔪᓚᐃᒥ, 2018 ᑲᔪᓯᓂᐊᖅᑐᓂᓗ ᐊᐅᔭᒃᑯᑦ.
ᑲᒪᒋᔭᐅᖃᑦᑕᕐᓂᐊᖅᑐᑦ ᐃᖏᕐᕋᔪᑦ ᑕᒪᐅᓇ ᓴᓇᔭᐅᓂᖓᓂ, ᐊᑕᐅᓯᕐᒥᖅᑲᐃ ᐊᖅᑯᑎᖃᕐᓗᑎᑦ.

ᐃᖅᑲᐃᑎᑦᓯᒋᐊᕈᑦ ᖃᒧᑕᐅᔭᕐᐸᑦᑐᑦ ᐊᖅᑯᑎᖏᑦ ᓇᓗᓇᐃᕐᑕᐅᓯᒪᔪᑦ ᓱᑯᑦᓯᐊᓃᒻᒪᖔᑕ
ᒪᐃ 9, 2018 (ᐃᖃᓗᐃᑦ, ᓄᓇᕗᑦ) –- ᓄᓇᓕᐸᐅᔭᒃᑯᑦ ᐃᖅᑲᐃᑎᑦᓯᔪᒪᕗᑦ ᖃᒧᑕᐅᔭᕐᐸᑦᑐᓄᑦ ᐊᖅᑯᑎᓕᐊᖑᓯᒪᔪᑦ ᑭᓯᐊᓂ ᐊᑐᖅᑕᐅᒋᐊᖃᕋᓗᐊᕐᖓᑕ ᓇᓗᓇᐃᕐᓯᒪᑦᓯᐊᕐᑐᑦ ᐊᔾᔨᓐᖑᐊᖃᕐᑐᑎᑦ ᓇᓗᓇᐃᒃᑯᑎᖏᑦ, ᑎᑎᕋᕐᓯᒪᓪᓗᑎᓪᓗ ᖃᒧᑕᐅᔭᑦ ᐊᖅᑯᑎᖏᑦ ᓄᓇᓐᖑᐊᒥ ᑖᒃᑯᓄᖓ ᐱᖃᓯᐅᔾᔭᐅᓯᒪᔪᓂ.
ᑕᐃᒫᖕ ᐅᖃᖅᓯᒪᒻᒪᑦ ᓄᓇᓕᐸᐅᔭᒃᑯᑦ ᒪᓕᒐᕋᓛᖓᑦ 557, ᖃᒧᑕᐅᔭᖅᑏᑦ ᐊᓯᒥᓂᖕ ᐃᓱᒪᑦᓯᐊᕆᐊᖃᕋᓗᐊᕐᖓᑕ ᐃᖅᑲᓱᓐᓂᒃᑯᑦ ᐃᑉᐱᒋᑦᑎᐊᕐᓗᒋᑦ ᓄᓇᖅᑲᑎᕗᑦ ᓇᖕᒥᓂᓖᓪᓗ ᐱᖁᑎᖏᑦ. ᒪᓕᑦᑕᐅᖁᔭᐅᔪᓂᑦ ᒪᓕᑦᑐᖃᑦᓯᐊᖏᑉᐸᑦ ᐊᑭᓖᑎᑕᐅᔪᓐᓇᕋᑦᓯ $200−ᕼᐊᓇᓚᓅᖓᔪᓐᓇᕐᑐᓂᑦ.
ᓄᓇᓕᐸᔭᐅᒃᑯᑦ ᑲᑎᒪᔨᖏᑦ ᖁᔭᓕᔪᒪᕗᑦ ᖃᒧᑕᐅᔭᕐᐸᑦᑐᓄᑦ ᐃᑲᔪᓐᖑᐊᑕᕐᓯᓐᓇᕋᑦᓯ ᑐᑭᓯᑦᓯᐊᕋᑦᓯᓗ ᒪᓕᑦᑕᐅᖁᔭᐅᔪᓂᖕ.
 

“ᑐᐊᕕᓐᓇᖅᑐᖃᓕᖅᐸᑦ ᐅᐸᓗᖓᐃᖅᓯᒪᒋᑦ” ᐱᑦᔪᑎᒋᔭᐅᔪᖅ ᑐᐊᕕᓐᓇᖅᑐᓕᕆᓂᒧᑦ ᐅᐸᓗᖓᐃᖅᓯᒪᓂᕐᒧᑦ ᐱᓇᓱᐊᕈᓯᐊᓄᑦ

ᒪᐃ 7, 2018 (ᐃᖃᓗᐃᑦ, ᓄᓇᕗᑦ) –- “ᑐᐊᕕᓐᓇᖅᑐᖃᓕᖅᐸᑦ ᐅᐸᓗᖓᐃᖅᓯᒪᒋᑦ” ᑕᒫᓂ ᐊᕐᕋᒍᒥ ᑲᓇᑕᒥ ᐱᑦᔪᑎᐅᔪᖅ ᐱᓇᓱᐊᕈᓯᐊᓄᑦ ᑐᐊᕕᓐᓇᖅᑐᖅᑕᖃᑦᑎᓪᓗᒍ ᐅᐸᓗᖓᐃᖅᓯᒪᓂᕐᒧᑦ, ᐱᖏᐊᕐᓗᓂ ᒪᐃ 6 ᑎᑭᓪᓗᓂ 12-ᒧᑦ, 2018. ᑕᒪᓐᓇ ᐱᓇᓱᐊᕈᓯᖅ ᐃᖅᑲᐃᑎᑦᑎᔾᔪᑎᐅᓂᐊᖅᐳᖅ ᓄᓇᖃᑦᑎᐅᔪᓂᒃ ᐸᕐᓇᒃᓯᒪᓂᖅ ᐊᒻᒪᓗ ᐱᓕᕆᐊᖃᕐᓂᖅ ᐅᐸᓗᖓᐃᔭᖅᓯᒪᓗᓂ, ᐃᓚᒌᑦ ᐊᒻᒪᓗ ᐱᖁᑎᑦ ᓴᐳᔾᔭᐅᓯᒪᑦᑎᐊᕐᓂᖅᓴᐅᔪᓐᓇᖅᐳᑦ ᑐᐊᕕᓐᓇᖅᑐᖅᑕᖃᑦᑎᓪᓗᒍ.

ᐃᖅᑲᐃᑎᑦᑎᔾᔪᑦ ᑎᓯᔪᓄᑦ ᐸᐃᑉᐹᓄᑦ ᐊᐃᔭᐅᓂᖏᑦ
ᒪᐃ 4, 2018 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᒃᑯᑦ ᐃᖅᑲᐃᑎᑦᑎᔪᙵᒪᔪᑦ ᐃᖃᓗᒻᒥᐅᑕᓂᑦ, ᐃᑲᔪᕐᓗᑎ ᓄᐊᑕᐅᓂᖏᑦ ᐊᒻᒪ ᐃᒋᑕᐅᓂᖏᑦ ᐸᐃᑉᐹᑦ ᑎᓯᔪᑦ ᐃᓛᒃᑰᖓᑎᑕᐅᓗᑎ ᐊᓯᖏᓐᓂᑦ ᐃᒋᑕᐅᔪᓂᑦ ᓄᐊᑦᑎᕕᐅᔪᓂᑦ ᐊᑦᑕᖃᑕᐅᑎᓂᑦ. ᐊᓯᖏᑦ ᖃᓄᐃᑦᑑᓂᖏᑦ ᐴᒥᓃᑦ, ᓲᕐᓗ ᐊᐅᑦᑕᔫᑦ ᐅᕝᕙᓘᓐᓃᑦ ᐆᓇᐃᓐᓇᖅᑐᑦ, ᐃᓛᑰᖓᑎᑕᐅᔭᕆᐊᓖᑦ, ᐊᒻᒪ ᐃᓚᒋᔭᐅᓗᑎ ᐃᒋᑦᑐᔅᓴᒫᓄᑦ ᐊᐃᔭᐅᕙᑦᑐᓄᑦ.
ᓄᓇᓕᐸᐅᔭᒃᑯᑦ ᐃᖅᑲᓇᐃᔭᕐᑎᖏᑦ ᐃᑲᔪᕐᓂᐊᕋᑦᓯᐅᖕ, ᐊᒻᒪ ᐊᑐᐃᓐᓇᐅᖁᓪᓗᒋᑦ ᐴᖅᑲᐃᕕᑦᓴᐅᖁᓪᓗᒋᓪᓗ, ᐊᑦᑕᐅᑎᓯ ᐃᓗᐊ ᐊᕙᓗᐊᓗ ᐊᐳᑕᐃᔭᕐᔫᒥᖃᑦᑕᖁᔭᕋᓗᐊᕗᑦ.
ᓄᓇᓕᐸᐅᔭᒃᑯᑦ ᖁᔭᓐᓇᒦᖅᑐᑦ ᐱᓕᕆᖃᑕᐅᔪᓐᓇᕋᕕᑦ ᐊᒻᒪ ᐃᑲᔪᖅᓱᓂᕐᓄᑦ.
-30-

ᐊᐳᑕᐃᔭᐃᓂᖅ
ᐃᐳᕈ 11, 2018 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᐃᖅᑲᐃᑎᑦᓯᔪᒪᓕᕐᒥᔪᑦ ᓄᓇᓕᓐᓂ ᐱᖁᑎᖃᖅᑎᓂᑦ ᐊᒻᒪ ᐱᖁᑎᓂᑦ ᐊᐅᓚᑦᓯᔨᓂᑦ ᒪᓕᑦᑐᒋᑦ, ᑎᑎᕋᕐᓯᒪᔪᑦ ᓄᓇᓕᓐᓂ ᒪᓕᒐᕋᓛᕐᒥ 591, ᐃᒻᒥᓂᒃ ᐊᐳᑕᐃᔭᐃᑎᑦᓯᒋᐊᖃᕐᒪᑕ ᓂᓚᐃᔭᐃᑎᑦᓯᓗᑎᓪᓗ ᓄᓇᓯᐅᑎᓄᑦ ᓄᖅᑲᖓᕖᑦ ᐅᖓᑎᖏᓐᓂᑦ, ᐅᕝᕙᓘᓐᓃᑦ ᐊᖅᑯᑎᓂᑦ ᓄᓇᓯᐅᑎᓄᑦ ᓄᖅᑲᖓᕕᓐᓅᕆᐊᓂᑦ ᐊᓂᕕᖏᓐᓂᑦ, ᐊᖅᑯᑎᖃᑦᓯᐊᖁᓪᓗᒋᓪᓗ ᐱᔨᑦᓯᕋᕈᑎᓂᑦ ᐊᒻᒪ ᑐᐊᕕᕐᓇᖅᑐᓕᕆᔾᔪᑎᓂᑦ ᐃᖅᑲᓇᐃᔭᖅᑏᑦ.
ᐊᒻᒪᑦᑕᐅᖅ, ᐱᖁᑎᖃᖅᑎᐅᔪᑦ ᓇᓗᓇᐃᕐᓯᒪᑦᓯᐊᕆᐊᖃᖅᐸᒻᒥᔪᑦ ᐊᐳᑕᐃᔭᐃᕕᖏᑦ ᐅᖓᓯᓐᓂᖃᖅᑐᑦ 5 ᒦᑕᓂᑦ ᐊᑐᕆᐊᓂᑦ ᐳᖅᑐᓂᖃᕆᐊᖃᖅᐸᒻᒪᑕ 1 ᒦᑕᒥᑦ. ᐊᒻᒪᑦᑕᐅᖅ, ᐊᐳᑕᐃᔭᐃᕕᐊᕆᐊᖃᕐᒥᔪᑦ ᑭᓯᐊᓂ ᓯᑎᒃᑯᓐᓂᑦ ᐊᐳᑕᐃᔭᐃᕕᐅᖁᔭᐅᔪᓂᑦ.
ᑐᑭᓯᒋᐊᒃᑲᓐᓂᕐᕕᑦᓴᖅ ᐊᐳᑕᐃᔭᐃᓂᖅ ᐱᓪᓗᒍ ᖃᕋᑕᐅᔭᒃᑯᑦ ᐃᑭᐊᖅᑭᕕᖓᒍᑦ ᖃᐅᔨᒋᐊᕈᓐᓇᖅᑐᑦ ᒪᓕᒐᕋᓛᓕᕆᔪᓂᑦ ᐅᕗᖓ:

ᐅᖃᐅᑎᑦᓴᖏᑦ ᒪᐃᔭ ᕆᐊᑦᕘᕐᓐ
ᐃᑲᔪᕐᓱᐃᔾᔪᑎ ᑐᓂᖅ ᑕᐃᒥ ᓄᓇᓕᓐᓂ ᕿᑲᕐᓇᐅᓛᖅᑐᒥᑦ ᐅᓪᓗᕐᒥᑦ
ᖃᐅᔨᒪᔪᑦᓴᐅᒐᑦᓯ, ᐊᕐᕌᒍᑕᒫᖅ ᐃᖃᓗᒻᒥᐅᑕᐃᑦ ᑐᖕᖓᓱᐊᑎᑕᐅᕙᑦᑐᑦ ᐱᖃᑕᐅᖁᔭᐅᓗᑎᒃ ᑐᓂᖅ ᑕᓕᒥᑦ ᓇᓪᓕᐅᓂᕐᓯᐅᖅᑐᓂᑦ, ᑖᓐᓇᓕ ᐊᕐᕌᒍᑕᒫᕐᓯᐅᑎ ᐃᑲᔫᑎᖃᖅᐸᑦᑐᓂ ᓴᖅᑭᔮᖅᑎᑦᓯᓂᕐᒥᑦ ᐊᒻᒪ ᐊᑐᖅᑕᐅᑎᑦᓯᓂᕐᒥᑦ ᐃᓄᐃᑦ ᐃᓕᖅᑯᓯᑐᖃᖏᓐᓂᑦ, ᐊᒻᒪᑦᑕᐅᖅ ᓇᓪᓕᐅᓂᕐᓯᐅᕈᑎᐅᕙᑦᑐᓂ ᐅᐱᕐᖓᑦᓵᑯᓘᓕᕐᓂᖓᓂᑦ.
ᐃᖅᑲᓇᐃᔭᖅᑏᑦ ᐱᖃᑕᐅᖁᑦᓯᐊᖅᑐᒋᑦ ᖃᓄᐃᓕᐅᕈᑎᓂ ᓇᓪᓕᐅᓂᕐᓯᐅᕈᑎᓂ, ᐊᒻᒪᑦᑕᐅᖅ ᐃᑲᔪᕈᒪᓐᓂᕈᑎᒃ ᐃᑲᔪᕈᓐᓇᖁᓪᓗᒋᑦ ᓇᓪᓕᐅᓂᕐᓯᐅᕈᑎᒥᑦ ᐊᐅᓚᑦᓯᔨᓂᑦ, 2012-ᖑᑎᓪᓗᒍ ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᒪᓕᒐᕋᓛᓕᐅᓚᐅᖅᑐᑦ 735-ᒥᑦ, ᐊᑐᓕᖅᑎᑦᓯᓪᓗᑎᒃ ᐃᓚᖓᓂᑦ ᐱᖁᔭᕐᔪᐊᑉ ᓄᓇᓕᐸᐅᔭᓄᑦ, ᑕᐅᓐᖑᔪᓄᑦ ᐊᒻᒪ ᕕᓕᔾᔨᓄᑦ ᑐᕌᖓᔫᑉ ᓄᓇᓕᓐᓂ ᑲᑎᒪᔨᓂᑦ ᐱᔪᓐᓇᐅᑎᐅᔪᖅ ᐅᓪᓗᕐᒥᑦ ᓄᓇᓕᓐᓂ ᕿᑲᕐᓇᐅᔪᓐᓇᑎᑦᓯᓪᓗᑎᒃ ᐃᓗᐊᓃᑦᑐᓂᑦ ᐱᔪᓐᓇᐅᑎᖃᕐᕕᖏᑕ ᓄᓇᓕᐸᐅᔭᖏᑕ.