ᑎᒥᐅᔪᒥ ᐊᐅᓚᑦᓯᔨᒻᒪᕆᐅᑲᐃᓐᓇᓂᐊᖅᑐᒥᑦ ᑎᒃᑯᐊᕐᓯᔪᑦ

ᑐᓴᕋᑦᓴᑦ
ᑎᒥᐅᔪᒥ ᐊᐅᓚᑦᓯᔨᒻᒪᕆᐅᑲᐃᓐᓇᓂᐊᖅᑐᒥᑦ ᑎᒃᑯᐊᕐᓯᔪᑦ
ᕕᕝᕗᐊᕆ 16, 2018 (ᐃᖃᓗᐃᑦ, ᓄᓇᕗᑦ) - ᐱᓇᓱᐊᕈᓯᑦᑎᓐᓂ, ᐊᐃᒥ ᐃᐅᓪᒎᕐᔅᒪ ᑎᒃᑯᐊᖅᑕᐅᓚᐅᖅᑐᖅ ᑎᒥᐅᔪᒥ ᐊᐅᓚᑦᓯᔨᒻᒪᕆᐅᑲᐃᓐᓇᓂᕐᒧᑦ ᓄᓇᓕᐸᐅᔭᐃᑦ ᐃᖃᓗᓐᓂ.
ᒥᔅ ᐃᐅᓪᒎᕐᔅᒪ ᐱᓕᕆᐊᖃᕐᓂᐊᖅᑐᖅ ᐱᓕᕆᐊᕆᕙᓚᐅᖅᑕᖏᓐᓂᑦ ᑎᒥᐅᔪᒥ ᐊᐅᓚᑦᓯᔨᒻᒪᕆᐅᑉ, ᒥᔅᑕ ᒧᕼᐊᒧᑦ ᕼᐊᓵᓐ, ᑖᑦᓱᒪᓕ ᐊᖏᕈᑎᖓ ᐃᖅᑲᓇᐃᔮᒃᑯᑦ ᐃᓱᓕᓛᓕᖅᑐᖅ. ᑲᑎᒪᔩᑦ ᓄᑖᕈᖅᑎᑦᓯᑲᓐᓂᓚᐅᖏᒻᒪᑕ ᒥᔅᑕ ᕼᐊᓵᓐ ᐊᖏᕈᑎᖓᓂᑦ ᐃᖅᑲᓇᐃᔭᐅᑎᒥᑦ.
“ᓯᕗᓂᖃᑦᓯᐊᖁᔭᕗᑦ ᐱᓕᕆᓂᒃᑯᑦ ᒥᔅᑕ ᕼᐊᓵᓐ,” ᐅᖃᖅᑐᖅ ᒪᐃᔭ ᕆᐊᑦᕘᕐᓐ.
“ᓇᑯᕐᒦᕈᒪᕙᒃᑲ ᓯᑎᒃᑯᑦ ᐱᕕᖃᖅᑎᑕᐅᑦᓯᐊᑐᒻᒪᕆᐊᓘᓚᐅᕋᒪ ᐱᔨᑦᓯᕋᖅᑎᐅᓂᒃᑯᑦ ᓯᑎᒃᑯᓐᓂᑦ ᐊᒻᒪ ᐅᐱᒋᑦᓯᐊᖅᑐᒋᑦ ᑲᔪᓯᓂᖃᑦᓯᐊᖅᐸᓚᐅᖅᑐᑦ ᐊᕐᕌᒍᓂ ᐱᖓᓱᓂ ᖃᓂᖅᑐᓂ,” ᐅᖃᖅᑐᖅ ᒥᔅᑕ ᕼᐊᓵᓐ. “ᐳᐃᒍᔾᔮᖏᑕᓐᓂᑦ ᐃᖅᑲᐅᒪᖃᑦᑕᓂᐊᖅᑕᒃᑲ ᐃᖅᑲᓇᐃᔭᕐᓂᕆᓚᐅᖅᑕᒃᑲ ᐱᔨᑦᓯᕋᖅᑎᐅᓗᑕ ᓄᓇᓕᐸᐅᔭᐃᑦ ᐃᖃᓗᓐᓄᑦ.”
ᓯᑎᒃᑯᑦ ᐃᖅᑲᓇᐃᔭᖅᑎᑖᕈᑎᑦᓴᒥᑦ ᐅᐸᓗᖓᐃᔭᐃᕙᓪᓕᐊᓕᖅᑐᑦ ᑎᒥᐅᔪᒥ ᐊᐅᓚᑦᓯᔨᒻᒪᕆᑖᕈᑎᑦᓴᒥᑦ. ᑕᖅᑭᓂ ᓯᕗᓂᑦᓯᐊᑎᓐᓃᑦᑐᓂ ᐱᔭᕇᓛᔾᔭᖕᖒᖅᑐᑦ.
ᓯᑎᒃᑯᑦ ᐅᖃᐅᑎᑦᓴᖃᒃᑲᓐᓂᔾᔮᖏᑦᑐᑦ ᐅᕝᕙᓘᓐᓃᑦ ᓇᓗᓇᐃᔭᐃᑎᖃᕋᑎᒃ ᒥᔅᑕ ᕼᐊᓵᓐ ᐃᖅᑲᓇᐃᔮᕆᓚᐅᖅᑕᖓᓂᑦ, ᐱᔾᔪᑎᒋᓪᓗᒋᒃ ᓯᑎᒃᑯᑦ ᐅᖃᐅᓯᖃᓲᖑᖕᖏᒻᒪᑕ ᐃᖅᑲᓇᐃᔭᖅᑎᓂᑦ ᐱᔾᔪᑎᖃᐅᖅᑐᓂᑦ ᑲᖕᖑᒋᔭᕆᐊᖃᕐᒪᑕ ᑭᓇᑐᐃᓐᓇᕐᒧᑦ.
-30-
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᑐᓴᐅᒪᑎᑦᓯᓕᕆᓂᖅ
ᓄᓇᓕᐸᐅᔭᐃᑦ ᐃᖃᓗᐃᑦ
ᐃᕐᖐᓇᖅᑕᐅᑎᖓ: A.Spitzer@city.iqaluit.nu.ca